WTF. 早之唔開兩個 xanga.
Blog Tag 遊戲：到我了
由 carolineyanyan 傳來.
這是規則：
開始遊戲的人出一個題目，在自己的blog上寫下答案，然後把題目丟給另外五個人，在文末附上這五個人的連結，並且到這些人的留言版上留下：「你被貼了!」。這五個被tag到的人，在自己的blog注明(並附上連結)是從哪一個 blogger那裡傳來的題目，然後寫下答案，再去貼另外五個人。如此繼續下去。
1. 心情好同唔好既時候, 想獨處既機會比與人家分享的高出許多.
2. 會不斷光顧同一間好吃的食店直至吃厭為止.
3. 工作時間會發呆, 非工作時間會工作.
4. 極討厭小朋友及小動物.
5. 喜愛與年紀較大的人做朋友.
唔再傳波咧.. 我 xanga 個 list 無人咧..
<小學常識問答比賽>
請指出下列三人中, 最似係香港人擁有既名字 :
1. 林菱
2. 帖雅娜
3. 柳絮飛
除左周星馳既喜劇之王既柳飄飄, 我未聽過有人姓 “柳”. 姓帖既應該係外省人 (懷疑係蒙古). 仲有, 早係七十年代香港人已經唔興為子女起單字名. 以上應該係中國同胞既三人, 竟然係香港既代表隊, 仲要贏左冠軍. 情形就好似早年所謂既香港足球隊, 除左和仔, 全部係紅鬚綠眼. 唔怪之得當年李麗珊得冠軍萬人空巷…鬼咩, 內地無河無海可滑浪, 公海又係軍年禁區, 所以咪無外勞.
最衰都係毛主席搞到中國有人滿之患, 唔係點會年年睇世界 ping-pong 賽, 中國既代表係中國人, 瑞典既代表又係中國人, 加國美國意大利既都係中國人? 李小龍死得早, 無機會睇到中國人打中國人既場面…
<致 TL>
芝加哥之途遙遠, 祝早日學成.
__________________________________________________________________
<Steven Levitt>
阿石及 PM 一干人等大力推介的 Levitt 將會在 9 月 13 日到港大演講. 報名請找美寶姐.
___________________________________________________________________
<乜乜乜乜日>
唔知幾時開始, 全世界都興起 <乜乜乜乜日> 來. 你要搞義工活動么? 於是便定 x 月 x 日為 <世界義工日>. 大家又一窩蜂咁去霸佔山頭, 於是乎出現了 <世界愛滋日>, <世界安全日>, <世界青少年人> 你講得出既幾乎都有. 之後除左正面及具積極效果的 乜乜乜乜日, 又出現左一堆 “反” 乜乜乜日, 例如 <反貧窮日>, <反戰爭日>, <反世界全球一體化日>. 除排定下呢d 乜乜乜乜日既人會記得之外, 街上愚民記得既機會, 大概係零.
情形同許多麻煩到不堪既女人為你同佢既愛情定下 N 咁多個紀念日差唔多. 拍拖週年紀念, 生日, 情人節 等基本通話月費是走不了 – 史弟女友的好處係, 佢從來唔理會呢D 日子. 聽過既仲有 <拍拖一百日紀念>, <復合一百日紀念>, <相識後渡過既第一個星期六紀念日>. 好在史弟到今時今日仲未聽過人有 [被迫] 慶祝 <一晚來兩次紀念日> – 香港男人面對 ‘港女’ 應該難有機會; 改為 <第一次一晚嗌兩次交紀念日> 應該容易得多. 同 乜乜乜乜日 一樣, 呢D 由女人定下既紀念日基本上只有佢自己記得. 男人記得既機會, 當然係零.
史弟曾經俾之前既女友問 : 我第一次同你出街著乜野色既衫?
XYZ(#&!^, 我個陣唯有答我其實係色盲… 大佬, 我連自己著乜衫, 甚至乎有冇著衫我都唔會好記得.
又突然記起好多人鍾意搵有紀念價值既日子結婚 – 例如相識十週年, 七月一日, 國慶等… WELL, 唔係黑心 (我固然係…), 但萬一離左婚就真係每逢佳節倍思親. 求其搵日結婚, 當佢係另一個 乜乜乜乜日 咪算…
歌仔都有得唱, 每天都係情人節…算罷咧.
<香港公園>
今日去左打雀. 很美的地方. 還看見了謝婉雯醫生的頭像, 又想起了離開了的一些人.
在觀鳥區浪費了四十多張飛林後, 唯一想做的便是 – 買一支 400mm 的鏡頭! 可恨的 LT… 為何從未聽見旅協叫人參觀香港公園? 難道免費娛樂, 抓不了遊客錢, 不能帶動經濟或消費, 便不是值得推廣的好去處? 比起浪費數十元去山頂的老襯亭, 喝著老家也有的 STARBUCKS 好得多. 如果有氣力爬上 105 樓梯階的觀景塔, 景色不會比在山頂看到的差.
留意以下一段在離開公園時的對話 :
我 : 真係奇怪, 你唔鍾意影相, 但係有一個咁鍾意影相既男友 (事實上女友好憎影相).
女友 : ? 下, 係咩? 乜你好鍾意影相咩? 你咁耐都係影左一筒飛林咁大把…
我 : XYZ #^@%!)…
<又到月尾>
到左每個月既呢個時候, 係最難過既日子. 無錢, 窮, 銀行同銀包都空空如也. 還極錢個未償還貸款額都仲係五位數字. 仲要補返女友係我度個條數. 唔使補個d 已成為我同阿石間比試既資金 : 前日買左 d 歐羅, 今日分批放, 淨回報若投資金額既 0.8%. 係高低市下算係咁.
仲有幾個月先可以還晒錢, 之後就應該輕鬆得多. 跟住又預備一舊錢去灣仔, 又要儲蓄, 仲要預備舊錢去日本. 仲有年底可能去菲律賓, 糧, 未出就咁就無晒.
_________________________________________________________
<弓起弓起>
成日見到有人係新聞組打呢組詞語. 細味之下, 你會發覺呢組詞別有意思, 特別係用於男性 (下半) 身上. 何謂 “弓” “起”?
無論如何 (此乃轉變話題的不二之選), 今天收到前花旗同事 AM (並唔係代表副經理) 既電郵, 內容係邀請史弟及其他花旗員工到菲律賓參加佢既婚禮! 史弟在此恭喜 AM 得如意郎君 (乃佢 SECOND 去菲律賓而認識的), 願祝早日三年抱兩!
所以話, 去外國工幹, 既得寶貴既工作經驗, 又有機會來一趟異地情緣, 真係好. 有機會, 史弟都要去日本同韓國公幹一番. 唔只係 “幹”, 係公幹!
________________________________________________________
講開幹 (史弟一提呢個字就成個人興奮晒), 史弟又想起兩個男生應該要識既英文生字. 據古書記載, 呢兩個生字都係出自現為 TBB台 PA 既 KL :
1. Checkability : 用作量度一條女 check 唔 check 得落既程度. 例句 : 頭先個條女 checkability is high.
2. Cultural : 溝操. 大學暑假好多 cultural exchange programme, 都係方便大家係外地溝完之後操.
食字食到咁, KL 都枉為人. 當年我第一次聽到 checkability 呢個字, 笑左半堂會計堂… 之後個半堂去左食 TEA..
<中華英雄>
馬榮成時代的中華英雄, 肯定是本前無古人, 後無來者的好漫畫. 畫功一流, 再加上仲未賣咸書既劉定堅出故仔 – 佢當年既橋真係好過任何一個編劇 (包括電影電視漫畫), 勁到無倫. 重出既黑白版我大大話話係漫畫店看過四次, 尤其喜愛無敵大戰黑龍島, 同埋華雄力保火鳥島. 個兩段, 真係癲.
馬榮成到後來也沒有忘記華英雄是天剎孤星. 暗戀英雄的紫衣後來就落死慘死收場…
還有, 電影中華英雄既劇情…簡直係呢本漫畫既污點. 完全刻畫唔到佢天剎孤星既來龍去脈, 只係有條友無端端出黎話佢係, 佢就係. 同當年王莽篡漢話自己係皇帝一樣咁荒謬.
_______________________________________________________
<回阿石>
哈, 以我三分鐘熱度既性格, 呢個西可能好快玩完.
仲有, 我都想講好耐, 你可唔可以用返 xanga?
_______________________________________________________
講起阿石係 msn 既 blog, 史弟又諗起一件事. 話說近排 kursk 講過 “若要人不知, 除非己莫說” 的道理來, 話如果唔想人知你講緊乜, 最好既方法係唔寫. 我有幾個朋友既 blog, 因為種種既原因 – 史弟是明白理解和尊重的 – 睇佢個 blog 要過五關斬六將. 史弟認為睇得咁辛苦不如唔睇… 我都係鍾意 xanga 那種可以選擇 public/private/protected 的做法. 各人有各人既做法, 史弟唔鍾意, 咪唔睇. 無謂叫人改黎改去…
另一些史弟唔鍾意睇既, 就係明明作者係中國人但寫親都係英文既 xanga. 你話長話短說就算 (例如夏老師既), 但篇篇都洋洋千字, 邊度有心機睇. 有時見到一兩十個生字真係死俾你睇… 史弟睇 xanga 係為左慳買東新忽週既錢而又滿足到了解認識既人既事物與心情 (i.e. 八卦的心理), 南華早報同虎報幾時有狗仔隊同娛樂版?
_________________________________________________________
今晚無聊係 kursk 度按人地既 xanga, 俾我睇到以下呢位仁兄. 佢d 野超好笑 :
http://www.xanga.com/home.aspx?user=kykykyky
如果網主唔想我 post 條 link 請通知史弟.
