September 19, 2005
-
<懶洋洋的兩天>
在家附近試了幾間食店 :
(1) 港式向上環方向走前一點的對面 (好像有點難明…), delifrance 樓下的 <好好粥店>. 打正旗號不加味精 (除了調味), 飯送吃來一點也不失色. 魚餃 + 油菜 以及 蘿蔔糕是可以一試. 裝修有心思 – 很像高級版大快活, 員工禮貌不錯. 好似唔俾食煙. 每人消費約 HK$40.
(2) 西港城的 <西貢滿記甜品>… 昨天和今天各去一次, 水準什高, 比起百德新街的服務和食品質素也高出幾皮 – 屌, 原來百德新街的是 “滿屋甜品”, 怪不得. 今天下午光顧, 老闆說中秋節快樂, 請我們及所有顧客吃了芒果班戟. 雖然只是十數元一客的班戟, 但實在很 sweet… 這店要多光顧, 免得佢執, 事關每次搭叮叮經過都見裏面空空如也… 極力推薦白雪黑珍珠 (雲呢那汁 + 香蕉 + 椰果 + 芒果 + 黑西米) 及 白雪芒果黑糯米. 由於無乜人去, 所以任你坐幾耐同坐邊, 唔好坐 SOFA, 坐二人登. 每人消費約 HK$20-30. 下午時分同友人去 heir 就最o岩.
題外話, 西港城三樓有有關香港家居特色的藝術展覽, 有休息及飲野既地方, 可以一去.
呢兩日仲去左 :
(3) 銅鑼灣 ikea 既 bistro. 九元熱狗餐 = 老麥既中汽水 (百事或七起) + 熱狗. 難怪幫襯既人永遠多過行 ikea 既客… 仲有爆谷 (三元) 同 軟雪糕 (兩元), 真係俾十四元就有齊四種驚喜, 大小朋友都會好開心. 熱狗絕不欺場, 醬汁自添. 一切自助. 可惜現場人太多坐位太少, 而且整潔度一般. 小心衣服被醬汁弄污.
(4) 渣甸坊小巴站旁既強記越南餐廳 (位於面向佐丹奴左手邊個條街). 強烈推介炸蝦餅撈檬, 廿八元. 個塊蝦餅超脆超好味, 而且 size 係平時食個隻 x 2, 檬粉則無什么特別. 支力 (即雞翼) 也很好味. 勿叫青檸可樂, 可樂無氣, 清檸無檸檬味, 失敗.
今星期最大發現, 就係係屋企附近見到吉之島旗下既十元店. 兩日買左十四樣野, 都只不過盛惠 HK$140, 個種滿足真係高過去五星級酒店玩女人好多好多…灣仔都有間 (今日去理…), 但感覺不佳.
