September 20, 2005

• <妙不可言>

  <妙手仁心 III> 在上星期五播映完畢. 呢十年黎無線拍過唔少以紀律部隊 (差人, 消防, 海關, G4) 及專業人仕 (醫生, 律師) 為主題既肥皂劇. 突然想, 如果以 “經濟學家” – 這些不是 <大時代> 裏面的金融炒家 – 為主角拍一套廿集既劇, 出黎會係一套笑片定係乜野? 我估計劇裏應該有以下內容或腳色 :

  - 三十歲研究人員, 未曾拍過拖, 原因是想信 (strong form) efficient market hypothesis, 即有麝自然香. 在市場上單身人仕 (不包括自己) 是檸檬或次等貨色, 自己是 “The exceptional exception”.

  - 廿八歲研究生, 濫交. 貝加之後, 專門研究男女之間的 matching. 精於統計學, 計算女性生理周期及安全期神機妙算, 在行內有 “濫交神算” 的稱號. 因此從未令女伴懷孕, 也從不用避孕套. 機關算盡, 最後死於愛滋病. 生前主張一夫多妻, 及多夫多妻制, 即換妻制度.

  - 四十歲高級宏觀經濟研究人員. 美國著名大學博士畢業, 從事宏觀經濟研究三十年 (但佢只得四十歲), 相信理性預期, 但三次離婚都係老婆紅杏出牆.

  - 三十歲出位研究員. 因數篇研究而獲獎, 言行出位, 行內人咋舌及蔑視之. 後成為世界銀行高級經濟學家及主席. 跟住俾人發現本科生及研究生時其實主修中國文學.

  我諗呢套劇係少數不斷咁講主角們會重複犯錯的劇集 – 即主角是庸碌到無能之輩, 但偏偏人工又係專業人仕之列.

  最重要既係, 劇中定會出現一幕主角拿自己的兒子來作等優曲線既研究或實驗, 以引証人是理性及需求曲線向下斜等阿媽係女人真理. 然後廣管局接獲九百宗投訴, 指以小朋友作實驗並不人道等等…

  呢套野, 應該叫做 <妙不可言>.

  • 1:49 am
  • 2 Comments