September 26, 2005
-
<距離 UNIQLO 開張>
還有四日. 好興奮. 希望自由行大佬十月一日之前唔好發現呢個寶庫.
前兩日去過佢日本, 中國同英國既網站瀏覽過. 對於毛主席三四十年前既超英趕美論, 在 (1) 網站下載所需的時間及 (2) 網上商店售買貨品的數量及款式上, 中國是把英國狠狠的比下去.
日本那個網站, 要網上訂購要先學三年日文或先溝能講英文既日本妹. 香港美麗華開香港第一店, 八算至十算都除笨有精 (即日元1000賣港元80-100, 市價日元 1000 元換港元 70), 十二算是個人底線 (頂佢食水唔會咁深掛). 只要貨源充足及款式齊備, 無印可能好快又要告別香港 (佢好似係十算至十二算).
________________________________________________________________
<龍門大酒樓>
業主唔再做, 據聞以四億三既價錢賣出. 臨別秋波, 希望 KURSK 可以安排一個於龍門既飯局. 我知係唔好食, 冷氣係會掉落黎. 但都係個句, 臨別秋波.
________________________________________________________________
<小學生珠海團>
白痴到無倫, 做騷做到過了火位. 呢幾日報紙佬應該無乜野好寫, 事關搞事個堆人返晒大陸.
仲有, 今日見到涂謹申同陳偉業參觀完大陸車廠之後話香港要重新定位, 要諗諗製造業, 又要深入研究…云云. 嘩哈哈哈哈哈, 真係搞笑. 問下工人月薪幾多先再答人拉… 三分一? 五分一? 香港工人生產力又有冇人五倍?
