September 30, 2005
-
<Innovation Expo>
去左係會展既 IE, 有不少展品其實係其他場合見過, 不過好波不妨一睇再睇. 有展覽既都係受政府 ITC 資助既團體, 勁多膳稿. 最特別同最新奇既就係科大既一TAKE 過 BAR-CODE 系統. 而家去超市買野要每件貨過BAR-CODE 機, 最新既系統係只要放係車度走過兩個感應系統之間, 就會入晒電腦計數.
加上八達通及自動扣數系統, 係超市買野 (即人類會作 BULK PURCHASE 既地方) 唔會再出現人龍. 進一步落, 銀紙印晒 BAR-CODE, 唔使再數, 由人類擔正既櫃位正式宣佈玩完. 返工放工唔使再拍咭, 唔帶 BARCODE 咭返工當你曠工.
最重要既係每一件貨, 重申係每一件貨 (350ML 維他檸檬茶 A, 350ML 維他檸檬茶 B) 而唔係每一種款式既貨品 (350ML 維他檸檬茶), 都係獨特既 BARCODE. 對於貨物管埋, 會計制度, 物流既效率都有好大幫助. 若干年後讀會計唔再需要讀 FIRST IN, FIRST OUT 黎計 FOGS, 而係用實際既出入黎計.
而家機場既行李同超級空運貨站都已經用呢種技術黎處理貨物進出入, 但聽研究人員講要普及化起碼要等三五七年, 點解?
因為印 BAR-CODE 個塊TAG 要經過特別處理, 一塊三元. 三年前一塊十元, 算係咁. 但塊野唔可以 RE-USE, 因為個 BAR-CODE 係獨一無二既, 只可以用係個一件物件上. 一個貨櫃既價值千幾萬, 三皮算D 乜? 但公仔面三元一個, 要貼一塊三元既 TAG 上去? 點維皮? 慳埋排隊時間都唔夠三元.
印 TAG 既 VENDOR 全球只得三個, 全部係美國. 要等呢D 技術轉移去成本效低既地方 (中國唔使諗), TAG 既成本先有機會進一步下降. 去到 $0.05 一塊, 普及化大有作為.
__________________________________________________________________
記得海耶克講過, 一個好既經濟學者不可能只是一個經濟學者.
美國宏觀經濟學近廿年興搞 GROWTH THEORY, 特別是由科技所導致的經濟增長. 經濟學家要講科技, 怎能不懂科技呢? 新的科技和發明是樣極極極難量化的東西. 你要明白某新科技對某經濟行業既影響, 要知道個個行業做緊乜, 根住又要預計新發明如何影響人類行為及行業結構… 花你三兩年並不出奇. 有幾多經濟學家/人類願意付出這樣高的代價來研究某一研究範疇既其中一項影響呢?
不要講預測科技對經濟既影響, 就連回顧已發明既科技對經濟發展既影響, 經濟學家很難去明白是怎樣的一回事.
好難, 但都要做. 各位努力.
