係電視見到張文光講小班教育. 只懂保護既得利益團體, 包裝再堂皇, 內裏仍然空空如也, 簡直想嘔.

好心民主黨快 d 摺埋. 昨天在葵芳見到李永達開壇講小班教學. 一派胡言, 我真的想嘔了.
____________________________________________________________

今日放工搭電車, 行到最頭, 失機無神回頭一看… 好多陌生人. 跟住好多人落車, 乜o岩 o岩落車個個人咁熟面口… 女黎嫁喎, 仲要望住我講揮手講 bye bye 添… 死… 但係佢係邊個??????????????????????????????? 唔理咧, 揮左手先諗…

諗左幾個鐘頭終於諗到.

我失億既程度已經去到無可救藥既地步.
____________________________________________________________

今日收到大學同學 CL 的一個sms :

“今天是我 (CL) 與 XX 的三週年, 令我想起見證我們一起的各位好友, 除了要同大家分享我們的喜梲, 也多謝各位一直把我作好朋友, 我也很高興認識你地!”

聽講, 佢男朋友, 下年去韓國讀書交流一年. 唔記得佢男友讀乜, 但諗黎諗去都諗唔到韓國有乜好讀. 溝操就大把.

CL 是個對感情百份百投入的人. 她不無知, 也不天真. 發上面的一個短訊也不是要 SHOW OFF, 而是真正的感謝好友.

不如結左婚先去拉.

<電車男 @ apm)

可能已經過左成日對住電腦打機個個年紀, 令我覺得電車男很爛.

對, 是 “很爛“.

沒有深度 (well… 年青人既戲唔使深度), 沒有內容及戲情, 沒有高潮, 故事去得太快. 綠葉帶唔出應有既搞笑效果, 儘管兩夫妻係網友是點到了題.

男主角固然薯, 但女主角未試過有男朋友真係誇左d. 唯一有共鳴 (心裏 “嘩, 好似我”) 就係見到男主角成屋都係玩具… 

相比也是真人真事改編的 “我的野蠻女友”, 電車男很不濟. 或許是 “我” 拍得太好, 全智賢當時也正到仆街. 然而去她媽的日本仔, “電車” 男怎能不以 “電車站” 作為男女主角結局的背景? 那個想廿二世紀插人兩鑊的電車, 兩排人在說話, 其實好恐怖.

當潮戲睇, 感受一下年青人的氣息吧. 畢竟香港人對隱青的關心是有限.
_________________________________________________________________

<利苑 @ apm>

梨汁排骨煲, 南瓜中蝦煲及賽螃蟹上佳水準, 好吃得無話可說, 完全吃不出有味精. 唯一敗筆是原本想點的醬烤骨及燒鴨都賣光… 以常理來推算, 總店應該是最好吃的. 下次去老銅的總店一趟. 每人百多元, 算係咁.
_________________________________________________________________

<巴基斯坦, 美國 etc.>

先把放在核武的錢放到人民身上, 才求人家救你.

<EQ>

我是一個 EQ 極低的人.

作為納稅人, 如果你覺得拿綜緩的人豪裝屋企, 歐洲索平, 有幾百萬基金, 是令人忿怒的事情. 那么, 試想像一些你直接資助的人 – 因為這是一份 obligation, 或因為這是他們沒有收入但要活口 – 竟然去名牌手袋公司購買共萬元物品, 你可能更加忿怒.

錢當然是問題. 但當付工資的人 – 例如你 – 正做到成隻狗既時候, 公務員卻工作時間睡覺. 你不禁大叫一句 :

“What the fuck”

卡利.力高說 “錢夠用就可以了”.

對某些人來說, 錢來得太容易. 於是乎, 永遠覺得不夠.

我不申請某份工的原因, 部份原因, 就是那份工的人工, 本身就是一個問題.

<迪士尼>

米奇同班朋友呢兩個星期好似失左蹤咁, 電視既新聞已經唔再報導佢個樂園有多糟, 彷彿它的糟 – 內地遊客在洗手盆屙屎等 – 已成為不可磨滅的事實.

佢既入場人數有幾多, 據講旅遊專員唔肯俾記者. 當然, 普通的人對入場人數也不大注意. 納稅人是投資者之一, 而且入場人數並不是預測, 理應不涉及商業秘密… 是三萬, 萬五還是七千, 怎樣也說出來呀.

強姦週的確帶來許多遊客. 看, 我去了 uniqlo 兩次也過其門不得而入 – 儘管只有少數的人是內地遊客. 我有幾個觀察, 在此分享一下 :

1. 我經常去卓悅買野 – 時代廣場對面, 渣甸街, 中環, 尖沙咀, 佐敦. 但從來未試過要排隊俾錢.
2. 尖沙咀的重慶站, 空置率高達六成. 樓下既莎莎員工多過客. 至於 up-date-mall, 最後個兩行已經空晒.
3. 無印係尖沙咀既分店已經結業.

<網上言論自由>

有說, 互聯網及網上日記的出現, 提升了大家的言論自由. 對於百年唔見一次, 或者去左外地讀書既友人, 又人有說 icq/ qq/ xanga 等網上通訊工具, 令大家的距離拉近了. 當然, 有了各式各樣的討論區, 大家可以各抒己見, 認識新朋友, 了解新事物.

言論自由, 是提升了. 代價是, 網上而引發的罵戰 – 或是互相認識的, 或是素未謀面的 – 數目增加了. 原因是, 以文字引起罵戰的尷尬程度 (容許我寫些廢話), 比起當面互罵, 是低是多了.

既然認識新朋友的代價低了, 倒轉來說, 損失朋友的代價也低了. 於是乎朋友數目可能分別不大 (更大可能是多了), 但友人間的熟悉程度, 是比起舊石器時代, 無疑是低了的, 而且 turnover 也高 – 新朋友來, 舊朋友去. 朋友的 “資產值” – 我不是說朋友應用來利用, 在舊石器時代可能是 straight-line 20 year depreciation, 在互聯網橫行的年代, 折舊得特別快 – 現在大概是 accerlating 6 month depreciation.

可惜, 罵戰到最後, 大家還是會不歡而散.

自己試過幾次同人在網上罵戰, 從來沒有贏過. 輸了朋友, 輸了氣度, 輸了理性. 當然又見過友人間, 或友人與不明來歷的人大戰, 害得連 xanga 也搬了, 索性連 xanga 也不再更新. 為啖氣不如多寫兩篇好的文章來娛樂大家.

罵戰是不好, 被人監視的感覺, 也殊不好受. 聽過不少故事, 情侶大炒單純是為了對方死也不讓對方看自己的 xanga, 或是另一方偷看自己的 xanga. 可否給予人家一點私人空間?

不單如此, 你可有想像過同學, 同事, 怎至乎你老闆其實都睇緊你個 xanga?

自己曾有另一個 xanga, 用戶名稱用上 真名真姓, 打真軍. 老實說, 讀書時無考慮過用真名會領野. 後來投身社會, 知道用真名寫野會領野 – 幸好我未真正領過野 – 才用上 gjstigler 這個 xanga. 害人之心不可有, 防人之心不可無.

我寫 xanga 既目的唔係想揚名立萬爭天下, 只係想搵個地方 (那管是虛擬的) 可以講下粗口, 以極低代價屌鳩公眾人物, 然後大家哈哈哈, 倒頭便睡.

<UNIQLO>

死唔信邪, 尋晚再去. 痴鳩線.

最後決定, 都係下個星期先再去.
______________________________________________________________

<英超聯>

打左八場, 車仔贏足八場, 廿四分. 排第二既查以頓, 十五分. 英國有搏彩公司己經派左彩, 車仔今年係英超冠軍.

無計, 對手太弱.

估唔到三十八場既聯賽, 打左五分一已經宣佈玩完. 車路士令我諗起費達拿.

______________________________________________________________

<浪人>

- 和沒有打算結婚的女友同居, 等同前程盡毀.
- 和女友相約一起放假, 是喪失自主權的開始.
- 介紹好朋友給女友認識, 出去鬼混的借口, 傾刻消失.

到最後, 我最喜愛的還是自己.

<蕃茄面 @ TST>

講過幾次好好食, 同埋好難搵到. 位於加拿芬道近加連威老道的斜路上. 幸好有人發明及使用了 DIGITAL CAMERA :

http://www.xanga.com/item.aspx?user=Kursk&tab=weblogs&uid=359287555

－＞－＞－＞－＞

第三張相行到盡頭轉右.

(轉載自KURSK)

________________________________________________________________

<道德危機>

叮噹和大雄就是最好的例子. 明明想幫一個人, 但幫他反而令他依賴性強了, 最後弄巧反拙. 儘管即使沒有叮噹的幫助, 大雄最終是那樣的糟, 但我相信, 如果叮噹的故事一路做到大雄八十歲 (叮噹沒有出現無電既情況), 大雄會比沒有叮噹還糟.
________________________________________________________________

<不和的最佳反証>

久不久傳媒就會爆誰的藝人和誰不和, 誰大罵誰, 某樂隊成員又不喜愛邊個成員等等… 藝人循例會否認一番, 然後不和的人仕會踏晒肩頭咁影相, 笑得比結婚還要燦爛, 慌死人唔知佢地係做緊戲咁. 看一看台灣的藝人 S.H.E :

這 是 S.H.E 第 一 次 分 開 拍 MV ， Ella 開 玩 笑 的 說 ： 「 第 一 張 專 輯 時 ， 我 和 Selina 是 有 首 獨 唱 曲 ， 但 Hebe 當 時 有 兩 首 ， 現 在 我 終 於 可 以 擺 脫 這 兩 個 賤 貨 ， 自 己 當 女 主 角 。 」 後 來 Ella 知 道 Selina 拍 MV 時 竟 然 落 淚 搶 鏡 。 」 Ella 即 說 ： 「 這 樣 不 行 ， 我 也 不 能 輸 。 」

我想像唔到曲奇仙不和, 她們會說這樣的話來為自己辯護…

(轉載自蘋果日報)

<四呎半巨人>

家裏多了一位成員 – 四呎半的唐老鴨. 巨大得令史弟震驚… 雙人床頓時成為單人床.

無端端成為籠屋戶… 真係…

____________________________________________________________________

<雙體船>

六七年前, 成日有雙體船相撞.

那時候, 我以為雙體船係用黎相睇 (單身人仕專用社交活動), 即係 “相睇” 船. 我成日唔明點解咁多人要相睇, 搞到d 相睇船成日相撞.

哈哈哈哈哈. 我先係食字既祖先…
____________________________________________________________________

<大澳>

近排放假效遊為多, 尋日去左大澳. 好正. 無論係本地薑還是老外, 去到大澳都有新的體驗. 想起幾年前同高佬影相既地方仲係度 (例如老人與海), 真係開心. 仲俾我見到有人係泥地捉蟹… 屌個度既海鮮真係搵你試.

食左砵仔糕 (hsbc 隔離, 特別推介綠豆砵仔糕), 茶果 同 豆付花.

影左一筒飛林…
____________________________________________________________________

心血來潮, 想寫一篇香港的發展路向. 過兩天在公司有空的話寫寫… (-____-)

<外傭的最低工資>

唔講你唔知, 香港真係有最底工資. 不過唔係係香港本地居民, 而係你屋企既印菲泰傭 – 例如智叔賣廣告既德誠… - 三千幾 ($3220?), 好多菲律賓既女大學生畢業後都黎香港當菲傭, 我阿婆之前個個就係大學畢業. 我無資料係手, 唔知道東南亞人均 GDP 係幾多, 但呢個人工對佢地黎講應該會好吸引.

於是乎就係中學生既故事 : PRICE FLOOR, Qs > Qd, 走後門/濫收費用/入會費屢見不鮮. 要搞深入點的研究嗎, 拿一點數據, 將在港外傭數目用 (1) 香港人均 GDP, (2) 香港女性的 LFPR, (3) 東南亞地區的人均 GDP, (4) 外勞工資除以 CCPI 來解釋, 很有趣的事情會發生. 當然這是將需求及供需混在一起, SAMPLE 數目不夠多, 搞什么 兩階段 LEAST SQUARE 呢?

針對加強檢控剋扣外傭工資的僱主，政府研究邀請被剝削外傭返港出庭作證，控告無良僱主。

勞工處今年首9個月處理近1500宗外傭投訴，包括遭無理解僱、欠薪和休息日安排，比去年同期降低15%。然而，有外傭團體指出實際情況比官方數據嚴重得多。

經濟發展及勞工局常任秘書長張建宗表示，考慮邀請被剝削但已返原居地的外傭回港作證，協助檢控無良僱主，政府會提供機票食宿。政府還會向立法會提交修改僱傭條例草案，建議把拖欠薪金的懲罰由現行的20萬元提高至35萬元，以及及監禁期由1年調升至3年。

勞工處今年1至9月成功檢控35個違反僱傭條例的僱主，比去年和前年分別多出數宗。

張建宗又表示，其間有4間外傭介紹所因濫收費用及違返入境條例被除牌，當局已約見印尼及菲律賓兩國駐港總領事，溝通加強合作打擊違規介紹所。

(轉載自明報)