<又一年>
新年快樂呀~~~~~~~~~~~
Month: December 2005
-
<聖誕快樂>
今年送了幾份禮物給自己 : 星矢的雙子座, 張五常的英文鉅著, 還有一本考試用的書.
雖然張五常書裏的文章多數看過, 而且要下載也可以去 JSTOR, 但手上拿著原裝又排過版的, 感覺倒是不錯. 而且定價實在不錯 – 銅鑼灣開益書店買, 八折折實 $192 (原價 $240), 買正版的消費者盈餘是較高的. 但開封之前想把以前買落, 但一直未有時間睇既經濟學書睇完一次 (其實兩者一D 關係都冇), 於是乎睇書就成為我聖誕假既娛樂.
結果, 我把以前買落但未睇既書全部 KO (說穿了只有三本), 除了馬素以 (A. MARSHALL) 的 PE. 我想, 這本書我可能這一生也未有時間看完.
聖誕的另一節目, 便是為我舊時寫落的文章複製到 http://gjstiglerrelgitsjg.blogspirit.com/ 去. 天呀, 我可以見得人既文章, 三年來不過四十篇. 睇返以前既文章, 有時候會恥笑自己的無知及低能. 近日我在複看我在別處的文章, 遲一兩日會放到域名水蛇春咁長既西.
記得一篇有關性能力與經濟學的文章, 叫 “用經濟學做屎眼”, 很有趣. 可惜遍尋不獲.
聖誕時我還有思考 (嘩, 好高深既字眼) 一些問題. 在 xanga 寫東西, 為非是為讓大家快快樂樂. 撚下人, 笑下人, 幾過癮. 但對於一些大事大非的題目, 我總覺得, 自己對許多事情的認識程度總是不足及不夠深入. 又可能入世未深, 對於許多事情的看法流於表面 (在辦公室也如此). 對此我是很不滿意的.
於是乎, 對於種種事物認知程度的嚴重不足, 加上睇返d 經濟學書, 腦海不其然想到再學習的念頭, 準確點是到外國去學習. 用上 “學習” 而不是 “進修” 或 “讀返個 ph.d” 係由於我並不單純考慮上大學, 而是到外國去 “見識” – 或是工作, 或是流浪, 或是什么也好. 當然, 現階段仍然係 “想” 既層次, 即係話呢樣野, 得個諗字. 無錢又怕麻煩, 已經可以為此撚頭蓋棺.
於是乎我又再想, 未能到美國溝鬼妹, 多到老蘭引誘外國回流的 ABC 也不錯. 在未來的日子, 這裏的 XANGA恐怕少再出現一日 (或者一小時) 更新三四次的情況. 與其寫些無無謂謂既 BLOG, 不如多放心機把質素提高 – 理論是這樣說, 但明天你可能會看到四個無聊既日記.
當然, 聖誕不少得運動. 咪撚心邪. 有日朝早去左屋企附近打波, 竟然又俾我見返貼身阿媽加籃球仔仔 (個仔大概十一二歲). 佢地顯然唔認得剃左鬚既我, 又在指指點點一論. 最後, 都係黎左我打緊個個場射波. 原來我個樣真係有D 似好人. 起碼個樣似, 都有D 安慰. 但我都係個句 :
黑社會係唔會朝早十一點起身打波.
之前係蘭芳園, 又見到老母講英文演野事件. 老母同想食西多士既仔仔講 : “你唔可以咁, 等我 CUT IT INTO PIECES.” 跟住又望一望坐係對面, 個陣仲未剃鬚既我. 我個陣真係想用快譯通拼音既發音方法講句 :
dui lei lo mo hei
-
<Kursk 惹的禍>
http://gjstiglerrelgitsjg.blogspirit.com/
三個 xanga, 有點保留價值的文章, 都可以去這個西找到.
遲點會加返在晶王.叻時期的文章.
-
<REIT 同 HKMC>
當年 HKMC 出台 (金管局旗下既按揭証券公司), 俾楊懷康同一眾人仕插到九彩, 話佢令銀行可以放鬆銀根, 可以無限量咁借錢出去 (因為借左出去既按揭可以以 Mortgage back securities 換返現金), 變相令樓市火上加油.
諗深一層 REIT 同 HKMC, 其實無乜分別. 只不過技術上係擁有資產個間公司, 可以將D 樓套現, 拿錢回來, 買樓做按揭 (GEARING 好似可以去到 40%), 根住又推 REIT, 又有錢… 如此類推. 一樣係令樓市火上加油.
不過, 同 HKMC 最唔同既地方, 就係 REIT 要投資係有穩定同可再生收入既物業上面, 即係好難投資係私人住屋 (因為呢D 樓多數成個單位賣, 唔係租出去, 無穩定同可再生收入).
即係話, REIT 既火上加油效應, 如有, 只會係工廈, 寫字樓同零售舖位出現.
-
<話說>
尋晚, 許仕仁係電視度狂插泛民人仕, 仲點名屌鳩陳日君同李柱銘. 其明顯發老皮既態度, 同平時笑騎騎當然不可同日而語. 以我識左條友咁耐 – 識即係係電視見到 – 這老馬有火是第一次發生.
跟住當奴出場, 一副滿不在乎的樣子, 跟住如此這般一番, 風度翩翩. 以我認識既當奴 – 當然係指係睇電視見到 – 這是第一次當奴失敗都笑笑口.
做馬既, 除左做野得, 仲要演技得. 我聽過賓架講佢初入行去人地公司視察, 老細竟然同佢講玩換妻… 唔係, 係交換身份. 即佢扮老細, 老細扮佢.
老細叫你含撚, 你便含撚好了. 肥許的確係好馬. 天主教徒不能鬧主教, 搵人鬧好了.
想起驚世爛片 <見習黑玫瑰> 的 “廣糖” 同 “播糖”. 食左 “廣糖” 既人, 口中想說出的話會從食左 “播糖” 既人口中說出. 原來真有其糖.
當奴的小器, 幾乎成個下阿厘畢道都知. 果然如我所料, 世界根本就是一個娛樂圈的擴大版.
有理由想信, 詹瑞文除左教林嘉欣演技, 更加係當奴既首席媒體應對技師.
-
<劉千石>
快點搭直通車上大陸照顧老母好了.
我不是說照顧老母係錯事. 沒有國, 哪有家? 沒有老母哪有你?
你係泛民主派, 唔該做番d 係泛民主派既事. 你係照顧老母既, 就做照顧老母既事.
魚與熊掌, 不可兩者兼得. 否則, 只能發表不倫不類既言論, 跟住投棄權票.
繼馮檢基入後, 劉千石成為新一代政壇瘀血.
________________________________________________________________<名字>
唔怕生壞命, 至怕改錯名. 當十三億人民有起碼兩億叫做 “李小 X”, “王小 X” 既時候, 名字的確反映當時社會狀況及文化. 香港的兒童節目名稱, 完全體現這一點 :
1. 430 穿梭機 : 那個年代, 只有阿美堅和蘇聯人才可以上太空, 乘穿梭機是遙不可及既事情 – 不像今天連運動也不做的學生也嚷著做太空人 – 於是乎兒童節目改叫穿梭機, 滿足一下大家做嫦娥既慾望.
2. 閃電傳真機 : 踏入九十年化, 資訊開始發達, 但迅速有待改善. 傳真機是那時最新的資訊傳送方式, 但很慢. 於是乎為掩飾, 加個形容詞, 叫 “閃電”. 情形就像在新紮師兄, 呂方叫高佬泉.
3. 至叻小人類 : 假大空既開始. 明顯嚮應董廢帝既知識形經濟. 講真, 個名好似有意思, 其實, 無乜.
(後補) 得 lazybrenda 提點 : 應為 至 net 小人類, 由傳真機進化成互聯網 (internet), 見證著資訊開始進一步發達, 而且速度提高了. 而自十八世紀工業革命後只著重 “機器” – 穿梭機, 傳真機 – 我們回歸至重視 “人”, 仲要係叻人. 好野.
4. 放學 ICU : ICU, 我以為係 Intensive Care Unit, 深切治療部. 原來係 i see you. 正. 正式宣佈香港踏入死亡時代.
