December 5, 2005
-
<吸引人材>
近年好興講吸引人材. 政府高官一日到黑講到爛, 我又知道, 吸引人材呢樣野已經係水尾.
政府果班人, 即係政治家為首的肉食者, 近視幾萬度, 淨係睇到三厘米既距離.
完全痴鳩線. 短視到不得了.
等人成功先黎, 跟住你成功. 除非你係亞巴莫域, 即係車路士個俄羅斯石油大王老闆, 否則, 唔撚使諗.
點諗都係做青訓, 等人未成功個陣黎. 碧含同傑斯係青訓出黎. 青訓唔係阿差黎都可以, 梗係要做d 研究黎睇下究竟有乜野社會特徵, 人格特點, 及材能既人係未來會用得著. 無 short-cut (唔記得中文點寫).
曾蔭權話俾d 有大學學位既人無條件 (即不需要在有工作下) 黎香港半年. 好過冇law. 半年去得邊做得d 乜? 你咪諗下你半年做得d 乜. 有大學學位既人邊度會同你冒險? 好人好者做乜要流浪半年?
如果當年要有大學學位先可以合法偷渡, 香港人肯定唔識一個叫李嘉誠既人.
醒下. 與其做樣玩公關, 不如認真研究下幾十年黎香港同外國究竟乜野外來人仕最終會對社會有貢獻. 俾外國人仕黎, 係一樣比教育更需要智慧及長遠眼光的事情. 與其俾個d 肯俾六百五十萬就可以經投資移民入境計劃黎香港既二世祖, 不如諗下點做實務.
當年的一個決定, 令我們少了一百六十八萬人材. 而家講搵返人黎讀你d 大學?
發滾夢.
