<999誰是兇手?>

http://appledaily.atnext.com/images/apple-photos/640pix/20051220/Article_news/newx112.gif  (轉載自蘋果日報)

我知我知, 係司徒華!!!

以字面上睇, 頭四人你可以當佢轉左 “車太”. 事成後, 劉千石獲終身回鄉卡一張, 有效日期至其母百年歸老. XDDDDDDDDDDDDDDDDDD

乜原來咁多人上街, 只不過係求取消委任制?

當奴呀當奴, 你真係好厲害.

譚香文.

危險：看過便會感染的xanga病毒！

xanga出現了病毒，中了病毒的xanga sites會出現很奇怪的英文粗口和”props to phrea,cam0,majy,brian,virax,bass”字眼，如果你login後在subscription裡看過中了病毒的xanga sites，便會中毒。中毒後你的entries會不見了，只會見到一段英文粗口。

如果已中毒，應該用以下方法解毒︰

1. 用 safe mode login

2. 去左邊menu中的 “Weblog Entires”

3. Delete 所有有怪粗口的 entries

經kursk以身犯險，用IE和Firefox試過login後直接click去中招的sites，都沒有事。在這段非常時期，如想看人家的entries，還是不要click “read subsription”。

(轉載自 kursk)

<well>

WTO 終於完. 呢個世界總有許多人和事, 以及他們的見解, 令我百思不得其解.

先說南韓的農民要 “保護”, 這使我百思不得其解. 經濟上的好處不說太多. 數天前我那個 “上帝與醫生” 的問題, 大概說明了一切.

又有人, 說農民在港使用的暴力, 比起外國的, 不過小兒科. 這大概是說, 如果在外國示威的人都在投核彈的話, 在港農民投手榴彈, 也不過是小兒科. 這是所謂的 “國際性比較” 的謬誤.

我還看到有年青人說韓國人三步一拜令他們很感動. 這班人睇得好姨既真情太多.

<絕種動物>

唔知係因為我本身就唔太鍾意小朋友既關係, 還是我真係唔屬於呢個年代, 我發覺香港好多父母真係當自己既仔女係豆腐. 又或者以為佢地係同熊貓一樣, 需要100% 保護之餘, 仲要在別人前表演一番 – 我有涉臨絕類動物.

例子一 : 朝早十一點打波, 三個場只得三數丁友在射球. 不久我發覺有一對母子既物體係場外來來回回幾云, 並指指點點. 我嚇得以為差佬在做野.

最後二人來到我個場, 又對我指指點點了十數分鐘. 跟住個仔放底個袋, 拿出籃球一個, 並和我射同一個籃. 原來, 我個樣係三個場之中最純既一個. 我興奮得想告訴他老母, 黑社會係唔會朝早十一點起到身打波.

值得一提的是, 個仔一路射波, 個老母就站在旁看著. 她肯定睇得九十年代經典廣告 “靚仔, 你邊度嫁?” 睇得太多. 上晒腦.

重申, 黑社會, 唔會十一點起到身打波.

例子二 : 在百貨公司或食肆, 久不久會出現以下情況. 

一家人在研究食乜.
老母問 :仔, 你想食 congee 還是 noodle?
三歲既仔 : 面呀媽咪.
老母 : congee 還是 noodle?
三歲既仔 : noodle.
老母 : 好咧, good boy.

或

citysuper, 迫到仆街. 一家人明明在講廣東話. 突然, 老母求其拿起一樣野, 用其港式英語 (唔係港式茶餐廳) 問 :

“Christophe (唔知點解, 個仔既名一定係水蛇春咁長, 或者你根本未聽過, 更唔知係英文定北極熊文), 屈 is 的士?”

兒子 : “strawberry”

老母望一望四周 (記住, 周圍都係人), 眼神露出滿意既神色. 繼而放下士多啤梨. 一家人到別的地方, 繼續其串字人生.

正. 每次我覺得呢d 人正爆. 呢個月, 我大大話話遇過五六次既情況. 仲有更多, 不過呢兩個最正.

歡迎提供更多例子.
__________________________________________________________________

<AO>

今日去蓮香飲茶. 同台有數個類似大學生物體. 三人在看報紙, 以下對話出現.

同學 A : 點解中大唔整返條地下電梯, 通往所有 BUILDING 同 LECTURE THEATRE?

同學 B : RIGHT, 咪係, 如果有條咁既野, 所有 SHUTTLE BUS 都可以 CANCEL. 我地又可以唔使行, 除笨有精呀.

同學 C : 嘩, 如果整得成, 呢條電梯, 肯定係整個 WORLD LONGEST 既電梯. 中大有條咁既電梯, 真係一份光榮. 世界第一喎.

我望一望三人, 又感覺到, 呢三人除左係上述父母下既產物外, 佢地肯定係未來既 AO.
__________________________________________________________________

<???>

講明, 我唔係好鍾意佢.

政府搵左一大班人黎搵廣告支持政改.

竟然有黎明份.

??? 佢既職業, 係藝人. 戲子佬. 黎生講既說話, 除左樂基兒, 信既只有佢一大班番士.

竟然有一班行政會議成員.

不如, 索性搵民建聯拉. 有時又唔怪得本地報紙成日將娛樂版放係頭版, 政府都係一大班人在演戲. 學吳孟達話,

我先應該拿奧斯卡.

今晚, 世貿會議終於結束. 據聞, 各國 – 世貿的成員國共有多少人口, 我不知道, 但包括中國美國非洲歐洲, 最少有三十億 – 達成協議, 在 2013 年或之前取消所有農產品補貼或相同措施.

一些涉及最少三十億人利益政策既時間表, 也可以在短短一百小時的會議迫出來. 這突顯特區政府不斷重複又重複, 一個只得六百八十萬人的小島上未有普選時間表的共識, 是多么假的一個大話.

都好, 這一切提醒我星期三四五都唔好約人, 準備隨時圍堵立法會.

<痴鳩線>

南韓農民, 回家去吧.

香港不是你來撒野的地方.

香港的差佬, 對你地算係咁.

如果我係差佬, 晨早開槍射撚死你.

<真係>

繼續我既寫作人生.

世貿會議, 會場外既示威, 誠如 iamsorman 說, 明顯是一場戲. 韓國農民看似無知, 又看似聰明.

吹脹的是, 本地新聞永遠將娛樂版放係頭版. 唔信? 睇 tommyhonk 的解讀.

更吹脹的是, 記者的數目比韓國農民以外的示威團體的人數更多. 在電視看來, 似是警方肉搏記者, 多過與韓國人做戲. 記者拍到想要的, 農民達到見報的目的, 警方做到保持公眾秩序, 市場又看到打擊場面 (性本善係全宇宙最錯的三個字), double square coincidence of wants 完全得到滿足, 造成 win-win-win-win, 即四羸.

更加吹脹的是, 會場內既會議及所謂談判, 其實, 都係一場戲. 我就是不相信, 超過五個人的會議能得出有實際內容的結論, 而事前係無乜準備. 所謂 brainstorming, 即腦震盪, 完全同魯振順係皆大歡喜內既角色一樣咁胡鬧.

分別是,

場內的世界級演員收高薪參與爛 cult 片 <保護主義復仇記>;

場外的無名小卒不收分文拍出叫座好片 <無助農民問天錄>.

正所謂 舉頭望明月, 低頭思故鄉. 好詩, 好詩.

<聯繫匯率>

我肯定, 不出五年, 香港的聯繫匯率 (USD1 = HKD7.8) 將會被取消, 改作其他匯率制度.

到時中學高考教師將要接受再陪訓計劃, 陪金管局既人訓.

原因, 好簡單. 任總既言行- 無論係口講定係實際行動 – 無時無刻都想顯示金管局能夠及需要控制香港既利率升降.

大家又知道, 在聯繫匯率之下, 香港既息口, 根本係由美國個邊決定. 出口術無助商業決定. 呢樣野, 任總又點會唔知. 簡單d 講, US1 = HK7.8 不變, 港美利息有差別, 人類會作出 arbitrage, 令息差消失. 金管局根本得個講字.

但係, 只要大家唔好當任總係傻仔 (阿旺搵唔到千萬年薪), 故事突然變得好簡單. 咪低能地以為佢係想香港經濟好.

要知道, 控制利率呢家技術, 比起保衛聯繫匯率難得多, 非一時三刻可以變出黎. 於是乎, 金管局隨時間流逝, 不斷推出一d 政策或措施黎影響利率的走勢 – 這個可以是以任三招抽高最優惠利率 (prime, 但最優惠之餘又可以 p-2.5%), 或推出 c 以影響既銀行借貸利率 (詳見 明光面).

一步一步, 金管局會建立 track record, 然後到要研究取消聯繫匯率時, 就會列出呢一系列既措施, 以証明金管局有能力控制利率. 技術層面解決, 到影響層面 :操控利率最重要既係要知道對經濟既影響. 過去五年, 金管局內做經濟研究既人, 直線上升. 記住, 經濟研究並唔係金管局既本業. 點解?

技術層面及影響層面解決, 一切就緒.

任三招, c, 仲陸續有黎. 下一步, 據我估計, 金管局做銀行監管既時候, 將會用上 c 呢個標準. 你銀行咪唔好用, 但我核數既時候係用呢個. 一步一步, 有銀行 ‘被迫’ 用 c 黎作借貸定價.

你估賓架睇唔睇得穿任總籠野? 做得賓架唔會蠢得去邊. 睇得穿又唔代表有力反抗. 仲有, 你敢唔敢係老頭面前, 告俾緊零用錢你既老母一狀, 話佢一步一步佔緊老頭子既家產?
__________________________________________________________________

<不經不覺>

寫三年 xanga. 由最舊的一個, 到 Gjstigler 再到 relgitsjg, 我花在 xanga 的時間應該比工作上的多. 剛剛睇返當年今日既 xanga, 才發現一切都像在昨天發生. 無間道 (2002), 無間道 3 (2003), 紅灣半島 (2004), 無無聊聊 (2005), 真係過癮.

多得互聯網, 讓我可以告訴自己, 原來我係做過咁多無聊事情, 同埋有d 咁無謂既撚頭. 儘管如此, 我相信我的一生, 依然是白過的.
__________________________________________________________________

<XDDDDD>

今晚返屋企食飯, 要睇亞視. 都好, 睇左兩個正爆既廣告 :

1. 京都念慈奄, 有新聞報導員唱歌.
2. 唔記乜野名, 但肯定係英文名既服裝廣告. 裏面有男女洋人各一.

前排講個d 劇集做完. 諗住唔使睇陳思翰, 點知出現巴黎戀人. 見到貌似鄧英敏 (歡樂今宵長青草之一) 既物體竟然做到男主腳, 而老過我老母, 醜過史弟扮女人又可以做女主腳, 不禁驚嘆娛樂圈不愧係奇蹟既出產地. 仲有, 我加入娛樂圈, 再紅爆既信心又高左兩成.

跟住, 大冒險家. 應該可以再悶d.
_________________________________________________________________

<一天>

上帝和當醫生的你說 : “只要你願意, 我明天可以把世上的疾病及病痛從世上除去, 而且以後再沒有任何疾病. 你願意嗎?”

這大概說明一切.

<NOT FOR PUBLICATION>

我倒想知道, 壹週刊既編輯係咪盲既. 或者, 佢地識唔識乜野叫尊重.

今期既壹週刊 (823 期) A 書訪問左係馬場畫畫既盧啟源. 記者問人家老婆的事, 人地不好意思口答, 於是乎用電郵間接地說出了故事大意. 電郵並附一張相片, 是在高院門口拍的, 上面印上了 NOT FOR PUBLICATION.

我知道詳情, 原因當然係, 壹仔印左張相出黎.

真係好野. 我真係要查字典睇下乜野叫 “NOT FOR PUBLICATION“.
__________________________________________________________________

<奇怪的東西>

中國大陸慶祝人均 GDP 達一千美元.

哀裁.

上星期日東方講世盃抽籤, 旁邊有講 32 強既背景. 最窮既科特迪瓦及多哥, 人均收入有一千五百美元. 至於佢地處於地球乜野位置, 我諗連住係個度既人都未必知, 地質學家都只係大概知道係非洲.

聽講, 非洲並唔係你同我想像中咁窮. 雖然, 佢地好多細佬同深水步既一樣, 都係童工. 如果手抱既都係童工, 大肚婆應該可以告鳩d 老闆.

咁就慶祝, 簡直笑死.

中國人 (包括史弟) 實在天真得很.

下年無乜新意, 土共不如慶祝文化大革命結束三十年. 搵英國 x x 夫人蠟像館給予老毛及其妻新生命, 好讓奴隸的人民拍照留念. 唔o岩再係小人國重演文化大革命濃縮版, 等大家懷緬下呢段美好的時光.

零七年, 當然係用黎慶祝香港回歸後的浩劫昂然踏入第十個年頭. 董廢帝再現.

我諗起溫總係葡萄牙話葡國政府同佢講澳門回歸後, 比起葡國政府管治並不遜色. 英國佬? oh my god. 肥彭係泰昌食蛋撻個陣陰陰咀咁笑, 係有原因既. 土共一日存在, 香港既管治水平要回復英國時代既水平, 比起中國拿世界盃冠軍更難.
___________________________________________________________________

<組織>

一個良好既組織, 大佬永遠唔係最好打個個. 一來最好打個個應該早死 (例如姬昌, 成吉思汗, 魯兒哈赤), 二來好打只代表佢係一隻牛, 淨係識斬人. 佢應該係要有領導才能個位, 能夠 “lead” 住下面比佢更好打既人. 第二層應該有一個好好打既人, 與及一個好有智慧及材能既人, 再加上一個判官, 不涉及任何決定, 只提供意見及負責制衡金牌打手及智者. 然後到文武百官, 地方知事.

鎖你, 變左中史堂添.

大佬應該做d 乜? 當然唔係理埋d 雞毛蒜皮既事, 佢負責招攬人材入伍. 唔同意見既人梗係要用 – 但你樓下個個一定係同你咀形夾.

排除異己從來不會成功. 只要維持一部份永遠同你包拗頸既人係你團體, 益大於害. 佢地既批判, 佢地既小心眼, 佢地既愛挑剔既行為, 對令你做事想得更仔細, 更全面. 不是批判的聲音全是正確, 但它們是有一定的道理.

我所觀察所得既係, 你係做細, 就唔該做細應該做既份內事, 唔好成日諗住上位. 個個做大佬, 邊個做細?

<狂爆>

今日 nba 狂爆冷. 另外, 熱火既教練唔教 (佢話係自己辭職, 你信唔信?), 大新聞.

溜馬既亞達斯要求轉隊, 你估佢會去邊? 溜馬話唔想佢去東岸.. 之不過…

1. 活塞 (…嘩哈哈哈哈. 得, 佢係東岸)
2. 火箭 (搵鬼換)
3. 小牛 (嘩~~~)
4. 木狼 (換射手薩比克)
5. 太陽 (!!! raja bell + brian grant + j.jones 回巢)
___________________________________________________________________

<策發會>

聽講, 有心同無心既議會人仕都媽聲四起. 可以想像, 一個會竟然有四十人出席, 個個都要講野, 結果個個無野講 (the fallacy of composition 又出現).  每人講三分鐘, 咁都已經兩個鐘. 策發會係咪大學既 AGM, 一開要開六七十小時? 個班議會人仕已經係老人家 (i.e. 四十歲以上), 點同你癲呀.

兩個月開一次, 可以傾到d 乜出黎? 聯儲局都六個星期議息一次拉. 都係大班有見地, 未開都知無料到. 難為d 大狀仲話開幾次睇下點先. 一睇就知係白粉, 唔使試都知唔係好野拉.

四十人開會? 屌那星, 上導修十幾人發表意見, 時間都唔夠拉.

先係 CPU, 後是策發會. 第三位特首仲可以有乜野計?
________________________________________________________________