January 9, 2006
-
<King Kong>
呢套戲既中文名應該叫 <吳剛>. 皆因戲中既主角, 即King Kong, 及劇情, 與吳師傅係東華既表演一樣咁搞笑.
女主角係荒島著既衫, 質地比美國太空總署既穿梭機外殼更硬淨. 無論經過森林, 河川, 由泥地係咁碌, 或遇上各樣外樣既不幸, 佢件衫都唔會整爛或弄污, 依然完整無缺.
而為左令大家更加明白呢套戲既主角係猩猩而不是其他人物, 唔好諗錯隔離, 導演特意搵一個其醜無比既女仕當女主腳. 除左蜘蛛俠個位, 吳剛既女主角肯定係最醜既一個. 戲, 我唔見得女主腳好特出.
至於劇情. 實在連用粗口叫佢回水既力氣都冇. 猩猩肯定識游水, 可以係荒島開始跟住隻船去紐約倒數. 又或者, 哥羅芳比全身麻醉更加厲害, 幾日都唔醒. 我更加懷疑叮噹其實係隻船上面, 主角等人捉左猩猩後, 用縮細槍變細佢, 以避過紐約海關及政府既耳目.
最令我氣結既, 就係男主角從猩猩手中救返女主腳個幕. 男主係山腳底, 與眾人分道揚鑣後去搵女主角. 佢竟然搵到唔使搵, 就知道猩猩係邊!!!! 佢肯定擁有龍珠裏面既龍珠探測器…
之前仲係好多人同我講話吳剛好睇, 我先會睇. 下次我淨係會信自己既感覺….
Comments (3)
我睇返七十年代那套，個女主角明顯地衣衫不整很多，還露出個孤單的南半球，所以King Kong為其神魂癲倒先有說服力。
你可以睇返再上一套kingkong，佢內容情節交代得比peter jackson好，其實king kong識游水嫁~
仲有舊版隻船… 唔係船咁簡單，而係艦﹗
好大﹗大到可放得落king kong有餘~
70年代那套看起來好像非常過癮似的呢~~~