January 23, 2006
-
<樓市數聞>
1. 由今年四月高峰到而家, 住宅樓價大概跌左一成. 如果你相信息口的影響是滯後的話, 而且係累進的話, 今年樓市應該牛皮 – 上下波幅不過 10%. 利好因素 – 即什么收入上升, 經濟繼續向好等 – 頂多係同利淡因素打個和.
2. 至於近排樓市係點, 去 wisenews 睇下樓市既報導有幾多就知 – 上年七八月每日有三百幾篇, 今日有一百五十篇已經叫多. 水靜河飛是也.
3. 地產商近排無樓好賣 (搵鬼買?), 唯有好似趙國雄咁做下小丑. 近排已經開始放風, 為年中賣一手樓再作準備.
4. 至於賣地, 好多人依然食古不化, 話而家既勾地表制度無問題. 當一年賣得一兩次地, 市場缺乏充足及有代表性的價格訊息, 無足夠既訊息令投資者決定係入市定係唔玩, 一直講 “睇下先”.
