呢個世間, 有種生物叫女朋友.
我唔明點解佢地咁鍾意係未得人地同意下睇其男友手提電話記錄及一切其他私人物品/信件/電郵.
完全不懂得尊重自己, 更不懂尊重別人.
痴撚線.
Month: January 2006
-
<笑撚死>
規劃署完成最新的工業用地需求調查，指出本港未來八年雖有足夠工業用地，惟之後的五年將出現求過於供問題，故促請城巿規劃委員會成員日後審議工業用地轉作其他用途時，作出審慎決定，以免未來因工業用地不足，而未能發揮其在珠江三角洲的地位。城規會明日將開會討論本港工業用地需求。
根據資料，由去年至2012年的八年期間，本港有額外155公頃工業用地供市場使用，但供應量持續減少，由去年額外有40.5公頃，減至2012年只有額外1.9公頃，2013年時更逆轉欠缺2.5公頃用地，求過於供情況更會不斷惡化，2017年將欠20.5公頃工業用地。規劃署的文件認為，隨本港落實CEPA政策以及在珠江三角洲的發展，未來需要一定的工業用地作貨物儲存之用，本港過去數年已把246公頃工業用地轉作其他發展用途，現仍有305公頃工業用地，提供1億8200萬平方米樓面面積。
(成報) -
<嘩>
如果以免費服務黎講, xanga 算係咁. 根據網上不知名既 website ranking site 顯示, xanga 排全世界流行榜既第48位. 除左俾你上載相同埋用 toolbox – 對於史弟此等不諳 html 既人黎講真係太有用, 仲成日 update.
不過, 史弟係唔會 upgrade 做 premium user……………….
________________________________________________________________________________________________
<唱片事業>
今日有壟斷能力既並唔祖兒千嬅克勤巨基, 亦唔係黃柏高楊受成, 而係兩個分別叫黃偉文同林夕既填詞人. 曾經有人同史弟講過, 佢懷疑 “林夕” 並唔係一個人, 而係一大班填詞人一齊用既假名, 大概等於壹仔既喬菁華 (中環人語). 原因? 一個正常人是不可能連繼幾年每年填超過二百首詞. 無返三五七個人一齊寫, “林夕” 根本無可能有咁既產量.
當然我唔懷疑有咁既可能. 畢竟填詞同寫 XANGA 唔同, 唔係鳩o翕就可以收工. 但要肯定個三五七個人出黎既野質素有返咁上下, 而且用字情感水平差唔多, 有難度. 於是乎, 陰謀論話我知, 一定要有個中央協調人作最後防線以穩定質素, 同埋收錢. 總不能今日同你收數既 “林夕” 係四眼既, 聽日既 “林夕” 係肥仔… 呢個人, 就係近排做左封面既 “林夕”.
唔搵個更靚仔既當 “林夕”, 係唔想你懷疑咁靚仔既佢除左溝女扑野仲邊有時間填詞, 最然無意間揭開 “林夕” 呢間填詞廠的真面. 原來 “林夕” 並未有商業登記又無幫中點買勞保更加僱用黑市勞工, 到時樂壇真係馬騮打飛機, 玩撚完.
以上既當然係鳩o翕. 但無論如何, 當今只有黃偉文與林夕可以支持住成個樂壇. 可以搵搵上年什么十大, 商台, 勁爆既得獎歌曲係邊個填詞. 無辦法, 當阿貓阿狗連 love me tender 都唔識得唱就話自己係歌星, 更什者連一take 過錄歌都未試過就開三五七次演唱會 (俵俵者有 “千士”, 更悲 y 既係又有人去睇), 出一隻碟又開音樂會 (吳唱k), 聽歌既根本唔會再對歌手既技術及唱功有任何期望, 歌手當然冇quali 可以表演, 於是乎大家都轉為重視歌詞.
曲奇仕既跑出 (起碼你會知係乜野), 全靠佢地第一首派台作品 “心急人上”. 邊個填詞? 黃偉文.
上年年尾跑出既側田, 佢首 “好人” 填詞人? 林夕.
突然, 好掛住王菲. 掛住佢既 “流言”, “享受”, <天空> 全碟所有歌.
p.s. 前排係灣仔 188 見到全新既 <天空>, $260. 我果然識貨. 不過比起羅敏莊 $300 既 single, 市場又突顯得不合理來.
-
<唔….東鐵二三事>
1. 究竟有冇高人可以話史弟知, 東鐵列車究竟………..係咪搵發泡膠造既?
2. 我知我知! 製造商一定係諾基亞 – 當年 Nokia 8210 用到兩年便會死亡, 整完都係壞. 於是乎, 一係搵唔到, 一係就所有列車都搵到裂縫…
3. 直到今日為止, 搵到有 defects (唔好問我中文, 廖局長都係講 defects) 既組件已達 163 件. 當達到 200 件, 我地香港繼幻彩詠香江後, 又可以多一樣世界記錄 :
“最多裂縫組件但列車依然行駛中的鐵路系統”
然後由廖秀冬黎驗出第二百零一件 defects, 一齊影張相.
4. 如果泥龍繩靠得住, 咁 LEGO 車用 AA 膠痴埋係咪都可以載人同埋收費?
5. 等等…… 用左成本較低既車廂, 係咪會係票價反映出黎?
6. 東鐵列車的製造商有否提供保養, 就如有一毫子係地上咁, 無人留意, 亦無記者問. 除左一日到黑問人幾時辭職, 佢地對住高官好似啞左咁. 第三者保險肯定有買 – 但如果因為呢單野而製造商無保養, 最終令保費上升, 咁邊個負責? 楊啟彥? 廖秀冬? 錯咧 – 東鐵係全資由政府擁有, 即係納稅人科款的!
7. 如果任何樓宇發現石屎跌落黎, 鋼筋外露, 係咪搵箱頭膠紙求其痴返就得?
-
<廢話>
世上最廢既說話, 就係政府話會搵 “獨立同中立既顧問公司做研究”. 我可以告訴你, 受政府薪既顧問公司根本唔會獨立於政府, 意見及撰寫報告時不受操控.
我用上 “操控”, 係因為政府同顧問公司真係落手落腳寫報告既時候, 好多時都係要求顧問寫 d 自己想要既野. 唔o岩心水既, 即例如政府想要 A 但顧問意見係 B, 政府必定會叫顧問寫 A. 仲要連最細微既字眼都會操控住, 即由 BUT 改為 ALTHOUGH, 等等你想像唔到既地方入手. 顧問被人要求放棄自己意見, 總能自圓其說, 解釋政府既意見亦可以接受.
搞左咁多沙 lee lon chon既目的都只有一個 : 當政府意見去公眾時, 俾記者或學者挑戰, 高官大可以擺出以下姿態對應 : 我地既獨立顧問都同我地既睇法差唔多. 一擺出獨立顧問, 好似所有野都即刻唔會有問題.
永遠只有政府操控顧問, 顧問永遠也不會影響到政府有關人仕既定的建議.
即係話, 顧問既報告並唔係用黎 CHECK AND BALANCE 下政府本身既意見同提議, 睇下政府野有冇嚴重錯漏云云. 顧問公司既報告根就係用黎輔助政府既意見. 大家胡混過骨 – 政府有所謂 “獨立人仕” 支持, 顧問有錢收 – 大家合皮.
能夠堅持自己意見既顧問, 佢地既報告根本出唔到街, 係中途已經俾人換左. 我亦都未見過顧問能夠在不受政府干預及操控下寫出報告來.
證券公司既研究部同推銷股票/ 做 IPO 既人, 尚且有所謂既防火牆 – 即兩派人唔可以係同一班人, 更避免有緊密接觸, 以減少利益衝突 – 當然了, 你同事在為股票做 IPO, 你在旁寫隻股票好掂, 白痴都知有問題. 於是乎, 即使有防火牆, 越軌既行為都大行其道 : A 公司做 IPO 搵友好 B 公司寫吹水報告, 第日 B 公司做 IPO 時 A 公司寫報告作回敬; 表面上有防火牆但實際上兩派人係同一個老闆指示及管理等等.
唔好以為搵外來顧問公司寫報告, 就以為設立左防火牆. 當年安隆既核數師 Authur Andersen (己執既會計公司), 夠係 “獨立” 既公司拉. 無有效既防火牆, 政府搵人寫既顧問報告, 信一成已經多.
你可以當我以上既野係理論 – 即係空中樓閣. 而驗證理論既方法係實證. 看看所有顧問為政府政策局所做的報告, 睇下有冇乜野係政府同顧問持不同意見. 我寫包單, 無.
一聽到政府話會搵獨立顧問, 我又知道, 納稅人既錢又被用來買一堆屁話.
下個月唐二世會係畢直公佈開徵商品及服務稅既詳情及咨詢文件. 大家又睇下點. 敢和我打賭, 顧問會在報告內寫 : 我們認為開徵商品及服務稅, 會影響香港低而又簡單既稅制嗎?
聽講, 政府又想搵人做西九既進一步顧問報告. 你會預期到受薪於政府的獨立顧問在報告內說 : 天幕應該取消, 而且文化設施同地產項目分開?
咪撚講笑.
__________________________________________________________________
-
<報紙>
好耐未試過一日裏頭有咁多值得講既新聞 :
1. 劉細良加入政府, 當中策組全職顧問. 據講, 佢係一個 D2 首長級職位. 係政府唔算好高級 (最高係 D8, 如暴暴飯焦), 但中策組係 “特首衙門”, 好似明朝時既東廠西廠.
劉細良, 背景不詳, 我只知道係其中一個幾出名既時事評論員. 劉氏入中策組, 令我想起其中大讀書時既師傅劉紹佳. 話說當年劉教授未入政府之前, 正直敢言, 經常一針見血指出政府既問題.
一入官門深似海, 權力與特權既魔力, 沒有多少人受得住誘惑. 自從當了中策組首席顧問, 劉教授就淪為特區政府既一條… 昔日學者既風骨, 早已隨建築廢料運到將軍澳堆填區去了… 劉教授如是, 長毛如是, 任何人也如是. 需求曲線, 永遠向下斜.
2. 教師為減壓日買一件衫 (蘋果日報)
3. 按兼職收入減資助 今若通過九月實行
學資處新措施困擾12萬大專生
-
<感覺. 完美>
史弟唯一懂得, 又玩得比較好既運動, 就係打籃球. 自從中六後波友相繼係我生命中淡出後 (背後又再吹起呼呼北風~~), 好一段日子 - 大概有五六年 – 我沒有怎么認真地打過籃球. 到了零四年頭, 再聯絡以前的波友… 於是乎再打起籃球來.
開始時感覺良好. 畢竟籃球是我中學時的好朋友. 我還記得咱們連勝十場的那天. 但不知怎么的, 大家越打越沉, 對住勁既對手固然贏唔到, 對住弱雞到無倫既, 我地都要出盡九牛二虎之力先勝出. 總之, 近排打波完全無左個種信心同感覺, 出場只係應酬, 勝利只當花紅. 進攻失去了過往那種行雲流水既節奏同速度, 只像老人家在慢步.
尤其是我那背脊及雙腿一次又一次告訴我, 十六歲時的彈跳力及速度已經一去不復返; 以及每次打完波那腰間的痛楚是一種煎釀三寶… 唔係, 係煎熬.
站在球場時, 又感到不能集中精神. 不是場外有東西分散了我的注意力 – 我承認麥花臣有幾條女係幾正 – 而是站在球場時我總感到迷失, 失去方向. 射球? 傳球? 單擋? 活像小船在巨浪濤天中失去北斗七星的指引 (嘩~~~ 懶有文化).
我們試圖去解釋小船下沉之迷. 得出既所謂結論係, 大家打波, 其實好撚渣. 我們再苦思, 但始終找不到解決方法. 可恨也.
直到尋日, 我係無意間搵到令小船重新浮起來的方法.
其實, 方法好簡單 :
搵更渣既人做你對手.
於是乎, 和黑鬼朗奴做單擋防守射球走籃, 勝利就是那么輕鬆和快樂的事. 得心應手, 套用林志玲的說話 : 你想怎樣就怎樣! 信心立即返晒返. 原來, 打波真係好有趣.
終於重拾那完美的感覺.
感覺完美 – 林憶蓮
你使我的 疲倦人生 呼吸氧氣
你使我的 流浪時光 終於變作合理
那怕到處笑面如做戲 過了算了不必記
你卻再次使我對這生好奇
曾是純真 無問原因 愛便難離
然後難堪 然後無心 可相信愛是美
要再去愛似是憑運氣 卻有怕痛的心理
你卻叫我終於再打開自己
愛著你 願意愛著不捨也不棄
抱著你 就此抱著渡過這世紀
戀著你 逆風中繼續飛 感覺多麼完美
都只因有著你
我知道的 前面還有 不測奧祕
我很了解 離合無端 不可以說道理
愛上了你卻是難自棄 永永遠遠心中記
那怕那怕紛擾世間是與非
__________________________________________________________________
<張五常 : 英語論文選>
明顯地, 封面大有 “一簑煙雨任平生” 之情懷.
把舊的文章看完了一次. 將大教授講左幾十年既野一鑊過睇完, 行雲流水, 一氣呵成. 教授講貪污有一點道理, 講 regulation 同 control 都有意思.
感覺完美 x 2. 二百塊買回對經濟學既一點美好回憶及幻想, 物有所值.
(圖轉自明報) -
<火井邊爐>
仲讀緊大學個陣 (~~身後吹起呼呼北風, 我穿上大褸, 低頭向前走…畢竟那已是 n 年前既事), 某日有人同我講西環既火井邊爐好正. 我話擇日不如撞日, 於是乎動身去. 無訂位, 去到食條毛.
直到前排短暫既冬天來到, 我又記起火井. 拿拿臨打去訂位, 打左半朝 -____- 情形同有 ID CARD 訂容祖兒或陳奕迅既演唱會飛差唔多. 去報到後仲要等 15 分鐘 (算短). 都好, 有時間睇下食乜.
食左牛背脊 (呢度好似無普通牛肉食), 鱔片, 菜, 雙拼丸 (推介墨魚丸), 仲有芋頭. 湯底係 “招牌湯底”, 眼見有蕃茄, 鳳爪, 支竹等, 個人估計即類似清湯底. 野食, 幾好, 比得上謙記 (鵝頸橋附近), 牛背脊必食. 鱔片水準之上.
兩個人 $320, 肯定平過謙記. 算係咁.
坐門口, 所以大概知道有幾多人黎食野 – 唔訂位既話, 老闆有禮貌地叫你唔好等, 因為最快要等到十點半 (個陣只係九點)… 記住, 佢真係誠心誠意叫你唔好等, 唔係好似有骨氣門口 PR 晦氣地並以高八度聲音話 : 醉塊實訂半先有太.
其間仲見到 堪輿學家 楊天命 – 其實相信堪輿學家後果幾堪輿 – 入黎問老闆有冇位. 老闆回答無訂最快要十點半, 條友好錯愕咁走左… 可能食飯只係人生閒事一件, 並唔值得黎之前計下時辰八字睇下有冇位…
聽見老闆都係向人推介 招牌湯底 而非更貴既湯底. 而咁多人排隊 – 有不少更認識老闆, 但老闆都無暗啞底幫熟客打尖. 門口既人, 排隊是值得的.
記住, 呢間係大排檔式邊爐店, 唔好期望有好好既招呼同埋裝修. 無加一.
火井地址 : 西環西營盤屈地街20號金陵大廈地下
http://www.openrice.com/big5/sr2.htm?shopid=11146 (開飯連結)
__________________________________________________________________
-
<五天工作>
講下當奴.
佢話五天工作可以等公務員多d 時間陪屋企人. 又放出屁話來. 對一大班唔使 OT 既人黎講, 陪屋企人既時間已經夠多, 邊際價值, 高極有限.
實情係, 當奴又要討十六萬公務員歡心. 上一次, 係佢二零零一年加公務員人工. 無錯, 係零一年. 當年樓市小回春, 我地有過短暫歡欣. 可惜, 話左係小回春, 之後經濟梗係插返水. 人工照出, 公務員就成為過街老鼠. 後尾要減, 結果搞到上終審庭.
今次學精左, 唔再真金白銀咁搵錢出黎, 改為減少返工日數. 人工不變, 但工作時間短左 (這點有待証實. 究竟係將星期六既工作時間分去星期一至五, 定真係著數左?), 等於變相加人工. 如果你有朋友做 big4, 佢地時薪同七仔其實分別不大. 炒樓所得之所以被視為 “暴利”, 全因投機者投入的時間較少但獲利甚豐.
由於得益既係少數人而受損既係多數人, 而且唔需要以現金方式派彩, 只係同上司公司印認股証差唔多, 睇怕應該過到關.
長遠黎講, 要全部人合皮, home-office 係不二之選. 嘩~~~ __________________________________________________________________
-
<NBA>
今季又打到差唔多一半. 走出既有三隊, 小牛, 太陽, 活塞.
活塞, 嘩, 佢地既五個正選肯定係全 nba 最好, 最平均, 最全面. 可惜, 後備人腳不濟. 五虎個個成場打 40 分鐘以上, 未到季後賽已經得返半條人命. 連今日大勝馬剌都唔出d 後備, 似乎活塞教練桑達士想以長期精力換取黎緊明星賽既東岸主教練一職.
小牛幾好. 防守依然麻麻. 後備係三隊中最好 – 如果無人傷既話. 魯域司基好波, 可惜佢並唔係決定時刻可以依靠既人 – 咁耐以黎佢未試過射入決定勝既一球.
太陽… well, 係無史達米亞既情況下, 算有所交待. 但情形都活塞差唔多, 無後備. 的確, 邊個係拿殊旁, 邊個就係射手 – raja bell, diaw, jones, house 四個平均分都過十分. 大家已經唔記得上年既理察遜同理祖.莊遜….
__________________________________________________________________
