<暴暴飯焦>

幾乎所知道作者為教師的 xanga (tommyjonk, johncoal, kursk 兄妹, dadachan 等. 要睇係旁邊按連結), 呢兩日一面倒狂砌暴暴飯焦. 幸好高官們唔識上網 – 儘管佢地有17吋 LCD 顯示器, 連收音機都少聽 – 基本上佢地都無耳仔. 否則又會聽到好多嘈音.

計我話, 如果見到佢, 不妨笑笑口同佢講 “我係教師, 你講野係好o岩, 係既, 我會改進”. 詳見早兩日 entry.

早就說過, 政務官 (唉, 其實史弟並唔想好似飯焦咁一竹竿打一船人) 中英文能力強, 但邏輯完全欠獻. 留意, 係完全. 你可以引一兩個反例子, 但如果你黎得我個場睇我寫既野, 信我. 我有一個無人能推翻既實証. 就係 – 史弟根本就係政務官!!!!!!!!!!!!!!!!!!!!!!!!!

嘩哈哈哈哈哈哈哈哈. 傳媒中人千祈咪以為係真. 我連 CRE (政務官第一階段考試) 都過唔到, 政條毛?

俗語話 : 羸就羸粒糖, 輸就輸間廠. 如果曾特首要為零七年 “連任” 舖路, 與其逆民意搞時間表 (佢話無時間表係民意主流嘛), 路線圖 (我腦海浮起兒時畫鬼腳既情境), 開口水大會 (i.e. 策發會), 倒不如把一些連基本廣東話也未能講好既人仕炒掉, 或表現明顯欠佳既高官炒掉. 評分肯定直線上升.

以應盡快炒掉的急切性作順予排列 :

1. 飯焦. 無計, 又大遊行又盛. 不過!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 佢係曾生愛將. 你跳樓佢都未走.

2. 唐生 : 特登整到迪士尼咁迫, 有生之年失業率唔會落返 2%. 佢完全係一個二世祖. 如果中文字典好似牛津高階版咁某D 英文字有圖在旁以作解譯, 中文詞語 “二世祖” 旁邊個張相應該係咁 (當然本字典並唔可以係祖國, 特別係上海印) :

老實講, 我對此相評論為 : 傻西一個 . 用粗口講個 “西” 字, 一路讀, 一路望住張相, 你度氣肯定無咁一半.

3. 何志平. 我唔想留難佢. 宗教事我唔想多講 (例如以教徒身份去黃大仙合皮), 但佢白白痴痴搵個真籤筒為香港求得下籤, 明顯長期處於未訓醒狀態.

真係笑死, 邊有人做 show 個陣搵個真籤筒去搖? 肥肥東華踩雞蛋都係搵膠雞蛋拉. 如果吳剛師傅食左真炭你會點?

4. 林 D8. 對唔住, 唔係佢表現唔好, 而係……………………………………………….. 我根本唔知佢做過D 乜…………………………..

5. 廖秀冬博士. 好難講. 佢俾我既感覺係, 大嬏一個.

6. 周一鑊. 某程度上呢位阿腥都無辜. 禽流感… 唔關佢事; 孔雀石綠, 如上; 假魚場, 如上. 不過佢對住鏡頭, 我真係覺得佢有早期既老人痴呆症.
__________________________________________________________________

<中環人語>

以極速睇完壹仔. 中環人語…. 哈哈哈, 內容好熟.

XDDDDDDDDDDDDD.
__________________________________________________________________

<啞子吃黃蓮>

尋日放工經過 OK 便利店, 見到三本書寫梁鄭分手. “大使 GIGI 陰乾伊健”, “GIGI 迫婚失敗” (並附往關島機票兩張), “鍾嘉欣搞掂伊健”. 究竟點解會分手, 可能連當時人都未必知. 唔單止連當時人麻目, 連作為遠距離局外人既我, 都覺得好悶. 啞子吃黃蓮.

信報賣盤幾成事實. 估不到 2.5 億便可以除去香港最後良心報章. 肥佬黎當年搞蘋果速遞都蝕十億, 今日 2.5 億買回一份碩果僅存的中立中文報章, 實在抵. 林行止與老曹, 今天或明天, 啞子吃黃蓮.

暴暴飯焦 (即教統常秘羅范椒芬, 取其令人暴走既言論) 及沙皇大帝, 兩人好似唔講野會死咁. 比起講得少但錯得多更多既唐財長, 佢地二人的確係特區孖寶. 至於教書係咪真係好似外人道般咁過癮咁舒服, 睇下你既對象係幾多歲. 正如係政府做既係咪一定係懶虫, 都要睇下係邊個 (呢句明顯有利益衝突) 同理係邊度做. 據講, 地政處同某d 體制較大既處, 的確好得閒. 做局, 得閒極有限. 俾人話, 啞子吃黃蓮.

<你都痴鳩線>

今日返工, 見到蘋果頭條係 “羅范椒芬 心太冷”. 羅太講d 咁正既野, 預左.

唔好理預唔預左, 我發覺香港政府高官講既野, 其實唔需要放係心上. 因為佢地同你我一樣, 講野都係鳩o翕 居多, 無乜點經過大腦. 為佢地既失言而氣結, 唔抵.

唯一唔同既係, 佢地鳩o翕會有記者報導, 你我鳩o翕頂多係 xanga 俾人留d 屌鳩你既留言.

如是者, 為人之道, 在於懂得分辦是非. 即知道那些意見是理性, 是合理的, 接受並改進之. 好多人, 人家說在他面前指鹿為馬一次, 話他如何如何地不是 (但那不是事實), 他也會失意好幾天, 恨不得和那個淨輸 (仲記得佢嘛? 天國的雞批中誠俊哥條女)一齊一哭二鬧三上吊.

如果你有記性, 應該仲記得史弟講過友人一面倒話我係壞男人既批評. 說笑也好, 黎真又好, 其實好多野都與事實不乎. 又如d 老師, 俾學生話你 “上堂唔識搞笑”, “個樣太老”, “唔靚女”, 咪有得佢話. 可唔可以俾返d weighting 自信心? 田中 (稻中人物) 都識講 : 阿媽是個醜婦, 關我的缺點有奶事?

每次回家吃飯, 阿媽總會如金魚般個口無停, 不斷講講講,問問問. 每次也問我廿幾次有冇食飯, 點解咁瘦; 要多食一點食物等云云. 實情 1, 我個陣同佢住已經係咁瘦. 據佢地觀察, 每次都係話我瘦左. 假設我每見佢地一次比上次瘦一磅, 我睇怕而家瘦到只係得廿磅. 實情 2, 你一日唔發火, 佢一日唔停口. 唔回應, 但佢仍然係度不斷 blah blah blah. 最喜歡叫我食生果, 話唔係無屎屙.

到最後忍唔住, 學精左既我只會回一句 : 你鍾意食生果咪食多兩舊.

我又想. 下次聽到自己重視的人胡亂批評, 與其花時間爭拗一翻 – 反正爭拗也得不到結論 – 倒不如笑著說 : “係既, 我會改進”. 然而心裏面卻想著 : “你都痴鳩線”.

抬頭一看, 太陽照進你的眼簾裏. 這樣的人生, 突然變得有過癮得多. 就像在日本用中文笑笑口屌鳩o架仔一樣.

唔怪之得當奴.曾話世上太多雜音.

<King Kong>

呢套戲既中文名應該叫 <吳剛>. 皆因戲中既主角, 即King Kong, 及劇情, 與吳師傅係東華既表演一樣咁搞笑.

女主角係荒島著既衫, 質地比美國太空總署既穿梭機外殼更硬淨. 無論經過森林, 河川, 由泥地係咁碌, 或遇上各樣外樣既不幸, 佢件衫都唔會整爛或弄污, 依然完整無缺.

而為左令大家更加明白呢套戲既主角係猩猩而不是其他人物, 唔好諗錯隔離, 導演特意搵一個其醜無比既女仕當女主腳. 除左蜘蛛俠個位, 吳剛既女主角肯定係最醜既一個. 戲, 我唔見得女主腳好特出.

至於劇情. 實在連用粗口叫佢回水既力氣都冇. 猩猩肯定識游水, 可以係荒島開始跟住隻船去紐約倒數. 又或者, 哥羅芳比全身麻醉更加厲害, 幾日都唔醒. 我更加懷疑叮噹其實係隻船上面, 主角等人捉左猩猩後, 用縮細槍變細佢, 以避過紐約海關及政府既耳目.

最令我氣結既, 就係男主角從猩猩手中救返女主腳個幕. 男主係山腳底, 與眾人分道揚鑣後去搵女主角. 佢竟然搵到唔使搵, 就知道猩猩係邊!!!! 佢肯定擁有龍珠裏面既龍珠探測器…

之前仲係好多人同我講話吳剛好睇, 我先會睇. 下次我淨係會信自己既感覺….

<無聊二三事>

呢排報紙佬除左不斷解讀 “深層次矛盾” 同埋搵下邊度有教師跳樓, 幾項重要既新聞都俾人忽略左.

1. 電力市場 :

中港電力同慧峰引入南方電網 (下稱中慧南), 向香港供電. 住在香港島既你 (同我) 唔好以為電費可以在有競爭既情況下減價. 中慧南只係 “諗住” 供電俾接近中國既新界地區, 仲要只係非住宅用戶. 再者, 一億既電網最多只係夠一條村. 內容毫無新意, 同上次吹風話供電俾香港, 慧峰然後散貨個鑊, 分別唔大.

但你唔好理. 係創業板上市既慧峰, 之後個日股價升左一倍. 証明香港估市裏面唔睇報紙既, 大有人在.

既然外國勢力 (…) 靠唔住, 唯有退而求其次, 靠政府. 係 http://www.edlb.gov.hk/edb/eng/papers/electricity/image/icon_b.jpg 提到, 兩電既保證回報率將由13.5% 或 15% 降至 7% – 11%. 如以 13.5% 作基礎, 回報率到 7%, 電費將減差唔多一半.

如果你唔明電費點計, 我話你知係點. 假設電力公司有 $100 資產, 而保證回報率為 13.5%, 每一度電原料及生產成本 $1, 根據一些估計方法, 我們預期來年電力需求為 10 度. 咁每一度既價格就係 ($100 * 13.5%)/10 + $1 = $2.35, 即每一度電既利潤加上每度電既成本.

如果回報率去到 7%, 咁每度電只係 ($100 * 7%)/10 + $1 = $1.7. 電費係有減到價的. 所以前兩日中大既蘇偉民博士話回報率下降電費未必減, 是將概念混淆了. 點解? 據蘇博士所講, 因為電力公司既資產會隨年月上升 (原因不詳談, 但與回報率下降無關), 如果當回報率減到 7% 既時候而資產又上升左 100%, 每度電既價格將為 ($200 * 7%)/10 + $1 = $2.40. 電費的確無減到, 更加上升添.

你諗真d 就知呢個比較方法有問題.

如果比起今日, 數年後既電費的確無減到. 但比起如果回報率仍維持係 13.5% (在 $200 資產下, 電費為每度 $3.7), 電費的確低了.

究竟用既個比較基礎 – 今日定係如果無調整回報率既聽日?

回到正題 (????). 7%-11% 究竟最終係幾多, 梗係政府同電力公司角力既成果. 天真既你唔好以為我地既政府真係會聽你意見. 除非報紙 – 包括太陽東方等左派報, 一面倒反對 (例如廖秀冬既回程預繳), 否則民意除左係新聞報導出下街, 實用度係接近零. 文件都冇提 7%-11% 最終係幾多…

由 13.5% 去到 7%-11%, 好似好多. 但你睇上面個條 link 既 pdf, 你會發覺 7%-11% 係用零五年既指標而計出黎. 即係話當年利率處於低既水平, 美國股市回報一般, 所計出黎既回報都有 7%-11%. 美國多加三兩七次息, 11% 既 “上限” 會升至 12%-13%. 於是大家減電費既幻想又危危乎…

2. 唐英年

成個下亞厘畢道都知佢係二世祖, 一個淨係識飲紅酒既二世祖.

當年梁錦松還是財政司的時候, 其中一個長遠目標, 就是要搞掂金管局呢個山寨. 據報章報導, 梁生個腦成日諗住如英國 FSA 及新加玻 MAS 既 SUPER REGULATOR, 希望係香港整個, 然後集所有金融機構既監管力量於一身, 唔似(個陣同而家咁) 香港咁銀行由金管局睇, 保險歸保監, 上市歸証監等. 可惜梁生出師未節身先死, 任總逃過一劫.

唐英年作為一個出色既二世祖, 對於金融市場既運作, 當然一D 都唔識. 於是乎任總繼續蝦蝦霸霸, 連二流腳色馬時亨都可以廿文廿武. 証監個班人, 更加係無皇管 (儘管根據政府組織, 証監係馬時亨之下, 馬生又係唐生下面).

要改革香港監管機構權力過大, 而又沒有 CHECK AND BALANCE , 形成眾多山寨既局面, 係唐英年仲係財政司 (或以上職位) 既有生之年, 都唔會見得到.

唔怪得連壹仔既金牙大狀都係今期忍唔住串唐生.

<我的天>

- 西九既文娛同地產項目分拆, 地產項目地積比率係咪可以去返七, 同附近地皮看齊?

- 伏明霞係咪已經拿左單程證?

- 梁詠琪同鄭伊健散左, kursk 係咪好合皮?

<諾貝爾文學獎>

二零零五年的得主肯定, 肯定係以下文章既作者. 但既然唔知係邊個, 叫 “佚名” 好了 :

 

       “一度聽說日本光本村有個叫馬句的人是家駒的再生，他唱了那首在日本並不流行的《海闊天空》日文版。我聽到了，那正是他……”昨天，看到一篇《一個振奮人心的消息——家駒沒有死，這是真的！》的文章，不管是不是“真的”，這個故事卻也值得一讀。

　　12年前，一個歌壇英才由於受到香港演藝圈黑道的迫Hai，被迫……
  
　　12年後的今天，某位當年參與迫Hai行動的黑道中人曝出內幕——家駒當年並沒有死，只是身受重傷後被轉移到日本鄉下。5年前，在日本北海道一個華人開的歌廳裏就出現了一個跛腳的歌手，自稱馬句，專唱日文歌，聲線與家駒極相似。

　　誰也沒有料到，這個人有可能就是黃家駒……

　　家駒被黑道陷害

　　據說黃家駒和BEYOND赴日發展的原因之一是家駒對當時香港樂壇的現狀十分不滿，著名的《俾面派對》就是表現家駒對香港樂壇的感受——不明白為什麼玩音樂的要常去參加一些“俾面派對”(宣傳和遊戲節目)，被人當小丑玩？所以寄望成熟的日本市場能充分表現自己激昂的音樂。

　　正是由於家駒的直言，得罪了圈中的諸多人物，於是有人搬出黑道來對付家駒！其實這種事情在香港也是司空見慣的啦！

　　黑道出手這是家駒始料不及的。為了達到既可置家駒于死地，又不露任何痕跡，黑道收買日本電視臺的人員，故意在安全設置方面佈下陷阱。其實日本方面已發生過不少類似“意外”，而且好幾宗都同樣發生在富士電視臺，1985年苦柿隊成員藥丸裕英于五尺高臺上跌下，右手腕骨折斷，1988年本本雅弘拍《希望擁抱你》劇集受傷，右手手腕縫了十四針，而1991年藝人Hiromi亦曾被煙花燒傷。據事後調查，這幾個人都是因為情性太過耿直，得罪了圈中人，終致出現“意外”。

　　家駒發生意外後，日本警方曾懷疑電視臺方面有與黑道勾結共導此劇的嫌疑，於是要求有關人士到警署錄口供協助調查。據了解，調查中的確發現了諸多疑點，但後來黑道又通過進一步的活動，調查中途無故停止，胡亂下了一個結論。當時最大的疑點就是，據現場勘察，被家駒衝破的那塊擋板，竟然是一塊用於電影拍攝的道具木板，其硬度與泡沫塑膠無異……

　　忠勇歌迷出手相救

　　事實上，家駒尚活人間，這一點連其他BEYOND三子都不知情，一切都在極度的秘密之中進行。也多虧了黑道之中同樣也有BEYOND的忠誠歌迷，於是由他們上演了一齣“調包計”，但因此也犧牲了一位BEYOND迷，如果沒有他的捨身取義，也就沒有家駒的脫身。對家駒實施迫Hai的黑道之中，有兩人正是BEYOND的鐵桿迷。為救出家駒，其中一人自願做家駒的“替屍”，這真是世間少有的俠義豪情……

　　18年前，一個越南的貧民偷渡來到香港，由於得不到當地政府的認可成了無名戶。該人在越南名叫阮忠元，只比家駒小一歲。來到香港，為了生存，忠厚善良又老實的阮忠元竟然迫不得已加入黑道。雖然身在江湖黑道，阮忠元依然在反復多次聽了家駒的歌之後成為忠誠的歌迷，在諸多的家駒名曲中，阮尤其中意那一首《誰伴我闖蕩》……

　　1993年初，阮忠元所在的組織接了一單“生意”——就是要……(難過，不忍下筆)聽說自己的組織要對自己的偶像下手，阮該是一種多麼難過的心情，為了拯救自己的偶像，於是阮忠元進行了一系列的計劃與努力，首先，給家駒的BP機留言臺留言，提醒家駒的日本之行。關於這一環節，在家駒事發後，家強也證實當時收到了一則莫名的留言，內容是：“表哥，日本的天氣很糟糕，暫不要過來！……”當然，這是阮出於保護自己的需要，不敢過於明白指出而發出的留言，可惜的是，沒有引起家駒的注意，以為是誰發錯了號碼。

　　家駒入院，昏迷六天，其實就在第六天的時候家駒已有明顯好轉，這一點家強都可以證明。但有誰知道，好轉對於家駒而言，也就意味著將很快要再次遭受補充的襲擊。處於關鍵時刻，阮忠元作出了他一生之中最後的也是最偉大的一個決定，並立即實行，通過他的打點和他另一位鐵哥們的努力，家駒很快被轉移。接著，按照忠元的遺命，那位鐵哥們將忠元用鐵錘打死，以作為家駒的替身。同時，家駒被秘密轉往日本鄉下，這一點當時沒有第三人知道，了解真相的僅有兩個人，其中一個就是獻身的阮忠元，甚至參與秘密運送的人，都不明白真相。

　　是誰幹的，說實在的我不敢說出來！說出來也解決不了問題！有空我會再接著披露一些可以披露的情況！

　　為救家駒提前整容

　　家駒從有意到日本發展，及至真正成行中間有三個多月的時間，而阮忠元在這期間，為了能夠在必要的時候為自己的偶像捐軀，進行了相關的準備，其中，最重要的準備就是易容。本來阮、黃兩人年齡相倣，身材相當，只是在臉型上有點差別。籍貫為廣東臺山的家駒與來自越南的阮忠元都具有南方人的特徵，所以在易容的時候並不困難。據說，在家駒入院期間，家強就曾見到過電臺的工作人員之中有一人與家駒長相極為相似，其實那就是阮忠元。

　　另一方面，家駒入院之後，為便於治療將頭髮全部剃光，這樣一來，長相其實給人的視覺又有了很大的改變。還有，家駒入院後，整個的頭部都處於腫痛狀態，臉型也因此有所改變。有了這幾個變化，從而讓阮的替代行動得以順利進行。於是人們在不知情的情況下，將阮忠元當作家駒。而家駒在被秘密送往日本鄉下之後，經過一年多的時間才逐漸恢復，但由於頭部受傷，造成了一定程度的失憶。幾年前，坊間就有人傳說家駒在日本成了植物人，其實不是這麼回事，失憶倒是真的。

　　就在家駒逐漸恢復記憶的時候，當時配合阮忠元救下家駒的那位仁兄再一次偷偷來到日本，秘密與家駒見面，將整個事件的真相向家駒說明，一併向家駒出示了阮忠元的最後遺言，雪白的一張白布打開，只見中間有咬指血書幾個字：“答應我，為了安全不要再出來！阮絕筆血書……”

　　家駒隱居在日本

　　沒有人會同意家駒做縮頭烏龜，家駒本身也不是這樣的人，但這是一個舍命相救的人的要求，何況家駒的再次不慎出現，有可能殃及自己的恩人在越南的家屬……懷著對恩人遺言的尊重，家駒一隱居就是7年。其間雖也三次到過越南，兩次回到香港，但每一次都不以真面目示人，更不與熟識的人見面，只在暗地裏關注著自己的朋友和親人們。

　　1996年3月香港紅石勘體育館BEYOND96’演唱會，家駒就曾回來觀看過。當時演唱會臨近結束時，家強曾說到：說真的?熏我真的不習慣3個人站在臺上面的……PAUL跟著說：家強，想想，4個人呀，我們，他也在！！！你感覺不到他在這裡嗎？

　　隱身觀眾中的家駒聞聽此言，差一點就衝上臺去與家強他們相認……

　　我調查了許久現在總算有了點眉目，我一度聽說日本光本村有個叫馬句的人是家駒的再生，他唱了那首在日本並不流行的《海闊天空》日文版。我聽到了，那正是他。當我呼喊出“BEYOND，家駒”時，他的眼神裏有了一絲哀傷。他很快就不唱了，我追到後臺大叫KOMA我知道是你，他很快離去，當時後臺的人拉住我，此後我再也沒見過他……

******************************************************************

咱們中國人, 實在太厲害了! 羅琳要行開, 什么迪.布朗, 村上春樹更是不入流!

呢篇野之可以成為得獎作品, 是由於佢既創新 – 一般老作性文章, 如各大報章既所謂秘聞, 通常都無人名, 有都係英文名 (如 peter). 以上故事, 不單馮京作馬涼 – 駒變作 馬句, 連殺手既越南人仕名都有埋. 可信性大增.

而且故事部份以第三人稱寫作, 最後部份以親身經歷作結尾, 提升讀者投入感.

既然能寫中文, 大概也是大中華民族既人. 六個諾貝爾獎, 咱們在零五年就拿了四個! 如今還祇有未公佈諾貝爾醫學獎及物理獎, 咱們還沒有拿到手來!

<零五年回顧>

還沒有時間和心機去為零五年做一個全面的回顧,

1. 無論如何, 零五年的諾貝爾化學獎, 得主應該是大陸人.

我敢肯定, 任何老外再多讀化學一百年, 也不會知道原來頭髮可以是製成鼓油的原料之一. 唔信? 我不知道這裏有沒有身在外國而又讀緊書既人 (最少有畢文, TL, 力為), 你們可以去化學系告訴教授你懂得用頭髮代替黃豆造鼓油. 佢地只會將你放到等同青山的精神病院去.

諾貝爾化學獎, 無走雞.

2. 除了大家也是黑色的外 – 我想大陸染髮的人比較少, 而且工作多不要使用太多的腦汁, 因此真的頭髮仍然是黑色的 – 我實想不到頭髮和鼓油任何關係, 更遑論投入與產出的因果關係.  Lenotief (以投入產出表 input-output table 而成為七三年得主)  也想不到, 張五常梗係諗唔到.

再者, 廖秀冬要搞環保, 搞什么用者自付, 搞循環再造, 膠樽最多可以製成膠拖鞋. 無用既頭髮造鼓油, 根本唔使政府干預. 所謂什么 divergence between private and social cost, 一早已經 internalized 晒. 市場果然偉大. 阿當. 史密夫 (經濟學鼻祖), 高斯 (九一年得主) 都諗唔到

所以, 零五年既諾貝爾經濟學獎得主, 又係大陸人.

3. 亦因為此技術可以將垃圾循環再造, 為地球減少廢物, 再繼而令世貿及各世界性既組織免去一個難以解決既深層性問題. 以美國佬為首既列強 (如珠8, 歐盟) 亦無須再為如何為將頭髮運去第三世界國家找一個冠冕堂皇既借口, 間接解決國際紛爭.

再所以, 零五年既諾貝爾和平獎得主, 又係大陸人.

六個諾貝爾獎, 咱們中國人拿左五成 (嘩~~~ 好多). 國務院公佈, 中國正式成為列強之一. 儘管咱們的人均珠 DP, 仍只有一千美元. 但是, 咱們已經能走到太空去!

無論如何, 頭髮造鼓油, 是繼數千年前四大發明之後, 大陸人對世界又一重要貢獻.

落選既大陸候選人有 : 假開門七件事, 假胸, 假處女膜 (當然並唔係中國人發明), 假奶粉, 假雞蛋 (~~~我完全唔知假雞蛋係點既一回事, 據聞 “雞蛋” 並唔係任何動物既蛋, 如果世人知道詳情, 我懷疑假雞蛋代替頭髮造鼓油, 並多拿一個諾貝爾醫學獎 – 無性繁殖喎, 什么複製人真係死開).

如果有一個諾貝爾發明獎, 唔使問, 頭三十名肯定都係大陸人. 芝加哥學派最多只連拿四年的諾貝爾經濟學獎. 咱們中國人 (我無忘本! 我都係中國人), 肯定能連拿一百年. 香港連續十二年拿最自由經濟體系, 又如何! 沒有國, 哪有家? 香港已經走出關鍵性既十二月 ………. (下刪廿萬字)

愛迪生, WHAT? WHAT? WHAT?

(至於諾貝爾文學獎, 下一篇再講)

<補習>

據非正式估計, 香港會考生同高考生起碼每人補一至兩科習. 個別老師受歡迎, 我是肯定的. 據講, 個別老師收入高達三四百萬.

不用說, 拿 A 的更加要同一科補三個唔同既老師, 否則不會出現英皇教經濟既陳老師有三百個學生拿 A, 現代經濟既王老師有四百條 A, 遵理經濟既李老師教出五百條 A, 但係全港只得四百個拿 A 的學生.

好些補習老師, 以前係教全中制中學的 (用 “正規” 好似唔係咁好). 點解跳左出市場, 就即刻頭頂有光環, 識得教人去考試? 又或者倒轉黎講, 如果呢D 老師本身已經有教人拿A 既技能, 點解個陣佢唔能夠教多D 學生? 而想考好試 (拿, 同讀好書係兩回事) 既學生 – 作為納稅人既子女 – 點解又唔能夠俾左稅但係仲要花多餘錢去補習?
_________________________________________________________________

<香港足球隊>

唔知乜野比賽, 亞洲 “國家隊” 共冶一爐. 抽籤後, 港隊教練話同組既對手好難應付.

放屁. 成個亞洲, 連埋唔知個國家係邊既個D 球隊, 根本隊隊都好波個香港.

話佢放屁, 係佢講既野同”阿媽係女人”一樣咁廢.

除非抽中對澳門, 否則香港注定包尾. 香港之所以會有機會嬴澳門, 完全係因為場邊D 外圍波.

又諗起, 教練既目標可能只係 (每場) 單位數字既淨失球, 咁抽中什么烏芝別黑, 阿魯木, 蒙古, 總比抽到日本同韓國好.

突然, 明晒.

<皇馬>

買左羅馬臭馬前鋒卡斯辛奴. 魯以, 朗拿度, 巴迪斯達, 羅賓奴, 加埋呢件, 一共五個前鋒. 相信巴迪斯達或者羅賓奴係皇馬既日子已進入倒數階段. 巴迪斯達腳頭還可以, 但羅生佢令我想起當年哥倫比亞既前鋒艾斯派拿.

決賽週前被世紀黑手指, 著名巴西國腳比利指係大熱門之一既哥倫比亞, 係九四世界盃第一圈出局 (題外話 : 哥國其中一名曾在決賽週比賽中擺烏龍既球員, 回頭後被人槍殺). 至於哥國出局既原因, 大家眾說紛云. 但普遍來說, 前鋒入球數目未如理想, 又比對方的得分少, 導致輸波 (???) 是主要原因. 我仲記得當年已經係咸書既一本便利對艾斯派拿有以下評價 :

知你摟波好, 臨門一腳射唔到.

羅生花巧有餘而實際不足, 成日摟摟摟 (突然唔記得正字點寫…), 比起曾一度被稱為馬勒當拿既奧迪加同曼聯既7號更加鍾意摟波. 你要 out 咧…

皇馬好野在堅持唔買後衛. 難為卡斯拿斯, 俾人入親波個樣都無奈萬分 – 屌, 梗係拉, 唔通俾人入波仲要笑笑口恭喜對方? 老廉會請飲咖啡嫁…. 但連希古拿此等九流後衛都可以坐梗正選, 你係細哨見到對方係咁既人, 真係偷笑都黎唔切.

一年一星, 變成一年一次屌那星.