February 22, 2006

• <朋友嘛…>
  

  
  

  講這個話題, 要很小心. 雖然睇呢個 “辛格” 既人, 大部份同我真係 9 唔搭 8, 39 唔識 7, 四六二十四, 九九八十一, 但都要避免俾人以我為講緊佢. 至於係咪自己上綱上線, well… 我控制唔到. 再者, 史弟又唔係日日都要話下人先安落.

  
  

  
  朋友不是同事, 也不是老頭老母 – 儘管好多人當老頭老母係朋友 (但係你會每個月自動過人工既三分一俾朋友嗎?). 朋友, 係有得選擇. 朋友既相反並唔係敵人 – 起碼敵人無得選擇. 如果布殊告訴你, 其實搵候賽因做敵人係股神畢飛特提議的. 我想, 美國晨早有三百萬人入稟聯邦法院要求賠償. 至於賠償d 乜, 我唔知. 

  
  

  
  
  朋友的相反並不是敵人. 愛的相反不是恨. 兩者的相反, 同樣是漠不關心.

  
  

  
  
  有得選擇, 又並唔代表你要特意去選擇喎. 細個個陣, 有友人兄長表示, 搵朋友一起要比自己聰明及醒目. 智商只有六十既史弟都知這是一堆屁話來了. 曾笑說每人心中都有一個 “朋友價值排名表”, 第一名永遠是醫生朋友; 第二名是律師 (特別係做樓宇買賣個d)…… 直到你死撚左, 其實, 無人會黎靈堂. 分分鐘你無諗過既人係會黎.

  
  

  
  聽講朋友 JS畢業後成十年都無搵過 d 同學, 一搵就係俾紅色炸彈人! 果然夠朋友. 早年笑言, 係學校每日問識既人拿 $1, 應該夠食飯行街溝女. 最尾無實行, 係因為只係能夠借到一日, 聲名卻變得狼藉.

  
  

  
  好些 “朋友” – 噢, 其實用上這名詞好想不太恰當 – 實在令史弟無法不想起有事鍾無艷, 無事夏迎春的齊宣王. 儘管佢地黎唔係問你拿錢 (其實你寧願付鈔了事), 但佢地當你同街口既櫃員機無乜分別. 即係 “需要時先搵你”. 支持這, 扶助那, 幫手這樣, 方便那樣, 你還以為自己做了什么 “旅遊大使”, 以便利各人. 人家問路, 也會左一句恭喜發財, 右一句多謝你. 他們嘛…. 你會懷疑佢係咪仲存在係呢個世界上. 古語有云 : 狡免死, 走狗烹; 飛鳥盡, 良弓藏. 他們目的一達到, 影都無.
  
  
  那句 “得閒出黎食飯” 比起樓下看更那句 “去街呀?” 廢上百萬倍.

  
  

  
  搭車時致電寒暄數句, 讓對方還記得你存在. 係 $98 一萬分鐘既 sunday 通話計劃下, 不過是按數個掣, 兼搵人陪你搭車, 然後用口放兩次屁; 而當 古高電郵 連你既電郵都分埋類, 與朋友溝充應該比起在那個連打電話也要到涼茶舖既年代, 容易得多.
  
  
  
  

  • 11:56 am
  • 1 Comment