February 23, 2006

• <我係董驃你唔係, 我講馬你要聽>

  今日報紙的小小篇幅, 報導了董驃離開了的消息.

  對於一個唔識賭馬既人黎講, 史弟對董驃既印象, 全部來自有線同各大電視台播完又播 – 特別係農曆新年時 – 既 <富貴迫人> 系列. 坦白說, 我肯花時間係有線重睇富貴迫人, 純粹係為左睇李麗珍.

  富貴迫人裏面既董驃, 死要面, 貪小便宜, 成日想靠賭發大財, 望細女成龍, 大女嫁個有錢人. 典型到不得了的八十年代香港人. 紅褲出身的他, 對於演繹這樣的角色, 可能駕輕就熟.

  以董驃既性格, 如果係電視台1 號廠講馬時, 發現身邊有幾名女主持人, 一定會凶佢地唔識唔好亂o翕, 然後慨嘆做乜d 蛋散都可以主持賽馬節目, 依依哦哦一大輪. 大佬, 再見亦是朋友既何婉盈喎! 搵埋曾航生黎做拍檔呀笨 (撞鬼前排係阿姐星期日個個唱歌節目竟然見到曾航生. 仲有, 好多人同我講阿姐唱歌真係好撚好撚難聽, 好似雞叫咁…)

  驃叔, RIP.

  

  (圖轉載自蘋果日報)

   

   

  • 2:35 am
  • 4 Comments