March 23, 2006
-
<香港新會展>
前兩日, 因公事要去機場隔離個博覽館. 原來香港仲有地方係除左身處既建築物四面都係平地, 仲係差唔多見到地平線個隻.
可能大家都係展覽館, 所以新起既博覽館有七成似會展. 至於新地方的競爭如何… 個人認為唔好期望呢個博覽館呢兩三年可以好掂, 即使會展排晒長龍. 佢對於國際人仕黎開一陣會 – 即日來回個隻, 好方便. 但呢d 人一來唔多, 二來我並唔係太多細間黎容納呢d 會議.
睇返網頁, 今年大大小小既展覽都有幾十個, 唔錯.
另一個缺點, 就在佢身處孤島, 就圍無乜商店. 呢班人去到個度, 參觀去就走, 唔能夠好似會展咁帶旺附近…
至於寶珠姐同 oasis 係個度開演唱會, 我肯定睇既人好多媽媽聲話好遠. 而機鐵又勁貴 (來回成 $180…夠睇多場), 機鐵1245 就停駛, 城巴又慢, 咁即係話, 許冠傑唔使旨意可以係個度開演唱會…
真係好遠. 好遠.
___________________________________________________________________
