<真正的 劉健明督察>
佢真名, 叫徐四民.
苦等九年, 佢終於肯露出馬腳.
佢果然係英國派去土共既長期間諜.
哀哉. 難為董建華.
程翔釋放無望. 悲.
Month: March 2006
-
<老麥反擊戰>
從評芬佬 MLK 網頁 (唔知佢想唔想俾我連結, 所以算咧) 睇到以下一隻遊戲 :
http://www.mcvideogame.com/index.html
未玩, 但估計係SIM-CITY 既老麥版, 或老麥既SIM-CITY.
至於好多人對老麥既指控, 個人認為, 無乜道理.
前排睇過唔知乜野 NGOs 話星巴克式咖啡連鎖店以極平既價錢買入咖啡豆, 然後以 $40 一杯既售價以圖謀取暴利. 佢地大概將一杯咖啡既價錢拆成許多原素, 包括咖啡豆, 人工, 運輸成本…如此這般一番, 最後得出結論 (大概) 係 $40 一杯咖啡只有數毫子係去左農夫度, 好唔公平.
咁既分析, 純粹得啖笑. 你可以唔鍾意星巴克或其他連鎖式快餐店既 “機械式” 經營模式, 或者覺得佢地係阿美利堅帝國主義, 文化侵佔我國數千年既歷史與文明, 並意圖令我國人民屈服於大帝國主義的經濟淫威下. 你更加可以嫌佢貴, 唔幫襯. 但我敢擔保, 你將任何物品拆開, 不論是來自中國, 美國還是火星, 原材料的 “成本” 從來也只佔價格的很少部分. 昨天如是, 明天如是, 未來如是.
若果以原材料成本除以售價的比例越低, 代表對消費者/ 原材料供應者越大, 全香港沒有什么比起教科書出版業更加懂得剝削.
好多人成日想做救世主. 做救世主都要用得其法. 喊口號無助於事. “滅貧窮, 創就業”. 屌, 我夠識叫拉. “建和平, 造盛世”, 此等口號, 叫一百次, 一萬次, 窮人依然係窮人.
對於法國新勞工法所產生的動亂, 我是始料不及的 : 我開頭以為只有現職工人才會上街去 (他們為既得利益者), 但讀緊書既大學生都走去暴動一番. 若他們不是受人煽動 (咁大個人邊有咁易受人煽動), 上街遊行多數是利益受到損害. 至於為何讀緊書既學生利益受損, 我暫時想不出來.
而為何會有這樣原本的一條法例, 解釋比較容易 : 法國有最低工資. 為行政方便, 最低工資頂多是根據行為劃分, 而並非再加上年資, 經驗及年紀所定. 同樣 $20 時薪請一個人作低技術工作 (你有見過格林斯津或任志剛有最低時薪嗎?), 你是老闆會傾向請有經驗年紀較大的中年人, 即使他們學歷與年青的差不多. 於是乎一下子年青人的就業機會無晒. 你係政府, 你係政客會點?
簡單. 既然老闆狂炒年青人, 咪唔俾佢炒人. 廿六歲以下既人, 唔俾老闆無藉口就解僱.
天下間沒有什么東西的需求曲線不是向右下傾斜. 價格與需求量, 永遠是一加一減.
政客們是有心讓年青人或窮人繼續貧窮嗎? 人的意慾是看不到的. 再者, 通往地獄之路是用良好意願鋪成的. 主張, 政綱, 口號, 或仔仔同阿媽講野一樣, 係可以講大話. 喊口號的代價, 不過是喊口號. 我知道的是, 若低收入人仕變成中產, 是沒有什么人支持李卓人陳婉嫻黃國興劉千石 (…) 梁耀宗. 若我是立法會勞工界代表, 我是斷然不會讓我既支持者變得好有錢然後改投中產政客, 我又要再廢力氣找新的支持者.
-
<縮皮>
前排講過點慳錢, 其中一樣係用八達通係惠康儲分. $200 元一分 (等於$1), 0.5% 的折扣. 少係少的, 但買一鑵可樂都有, 算係咁. 如果你媽媽有去開惠康, 佢會話你知佢一次都買三四百元野. 前排 (過年前), 八達通公司竟然好縮骨咁將計劃改左, 星期一至五要買滿一百元先有得儲, 星期六日仲要暫停. 而家仲搞抽獎, 推薦人有機會拿 800 分. 大佬, 你連分都無得儲, 推薦人黎, 咪即係俾機會你將d 個人資料外洩…
對於縮皮既另一經驗, 係去深水土步一間開張半年到既西餐廳. 第一次去鋸什扒 (兒時對於什扒有美好回憶), $60 三塊雞牛豬好似輪胎咁大, 仲有大大碟前菜薯茸田螺 (六隻), 沙律亦十分豐富, 印象非常好. 前兩個星期再去, 點同樣的什扒, 扒既大小只剩三分二, 田螺只剩三隻, 沙律得返半碟, 食得非常無癮.
福無重至, 禍不單行. 上星期去灣仔太源街睇玩具, 去街尾個間潮州魚蛋粉食午飯. 話說以前係附近返工, 成日去食晏, 但搬左辦公室之後好少去. 個次買唔到星矢條雙魚座已經有少少失落, 點知去食飯發覺佢既生菜既份量又係得返一半, 牛腩面又得返一 “住”. 最過份既係, 佢連凍飲既杯都換埋較細 size 既!!!! 點解我會知道, 係由於我太耐無去, 一睇就知份量比起上次食差好遠… 就好似好耐無見你既親戚一見你就知你肥左定瘦左, 老左定後生左…
我知道, 香港經濟真係好返咧. 當食店唔需要再以抵食夾大件作招徠, 待應又有時間炒窩輪咧…
__________________________________________________________________
今日起身開電視, 無線播林嘉欣既 <男人四十>. 對我黎講有以下含意 :
(1) 有d 咁既女學生, 唔怪之得女教師無人追.
(2) 我睇晒套戲, 三點半先食晏
(3) 林嘉欣真係超超正.
張學友同林嘉欣睇戲個幕 :
屌, 邊有男人忍得住呀…………………………….我諗都唔使諗就一隻手….(當然我懷疑上面個隻並唔係林小姐既象腳)
(作者已經失去理智…唔知張圖係邊度 copy 返黎..)
-
<飄流教室>
當年黃玉郎出獄無耐, 成立左玉皇朝. 該煨, 前兩日先知原來已經上左市. 個陣出黎佢除左出左本天子傳奇, 仲係買左d 日本漫畫版權. (我發覺我近日好鍾意講左好撚多無謂既歷史, 以顯示自己博學多聞, 然後先再鳩o翕正題)
最正既, 我首推 <稻中兵團>. 此乃最最最好笑既漫畫, 熊貓車, 死死團, 田邊巨人, “媽媽是個醜婦”… 個陣上堂就成日睇到係度爆笑, 然後俾人罰. 佢流行既程度係連專搞爛 gag 既香港電影業都要抄佢個名黎沾光 – 吳震宇既 <去吧, 渣 fit 人兵團>.
個人印象最深刻既, 竟然係一本 N 年前既漫畫叫 <飄流教室>. 一本在 70 年代的漫畫, 竟然可以準確畫出 30 年後既世界, 我第一次睇個陣真係問同學本野係咪幾十年前畫… 而當中故事背景 (前人污染, 後人領野) 及小學生所建立的社會及經濟制度 (分工合作, 投票等) 的教育意義及帶給我的反思, 比起上三十堂通識更充實.
(你想知多 d 呢本漫畫講乜, 可參閱以下網址 http://www.hku.hk/acabox/HKUACA/6th/issue4/article1.htm. 連結來自 www.google.com 尋找 “飄流教室”)
這漫畫就像關芝琳, 十多歲有味道, 廿多歲時有另一種味道, 三十多歲時又有一種味道 (希望唔係臭味), 隨住你唔同年紀睇, 體會又會有所不同. 正所謂 舉頭望明月, 低頭思故鄉. 好詩, 好詩.
最令我欣賞的, 就是結局並非主角回到過去, 努力搞環保; 而係主角留低係未來, 繼續佢地絕望的旅程. 梗係拉, 係個度自己話晒事, 返到去又要讀書又盛, 連搞野都要問過老母……
幸好這漫畫還沒有續集, 否則只會是講述主角點樣對付第二代人類 – 個堆進化左, 屎眼睇到野既人類 (我係認真的) - 最後淪為異獸戰之流 (個人認為第三代人類連腳眼同雞眼都可以睇到野);
或是講主角怎樣開發世界, 最後因為小學生大個左無人讀書李國章要殺校, 於是乎校舍成為音樂農莊, 仲有 區瑞強 唱 漁火閃閃……
另外, 古巨基既歌曲 <飄流教室>, 同漫畫半點關係也沒有. 當然, 古巨基既 <愛與誠>, 同愛同誠都無關. 古巨基既歌, 同歌名一點關係也沒有.
鳩o翕多幾句. 個陣讀書知道有個社團係可以俾會員入會租漫畫. 大學果然係一個好包容既地方. 唔知個個會既負責人既職責係咪 “準時購買漫畫以供 (自己及) 會員閱讀” 呢?
(圖來自港大動漫聯盟) -
<教育電視>
好幾年有個報告, 話香港電台既教育電視, 物非所值 – 製作成本超高 (大概是因為幾位教育電視演員壟斷了演出機會), 但收視勁低 (好似是 0.3%, 比起亞視的八大豪俠更加不濟). 左佬當然借機攻擊之.
但無人諗過點解教育電視既收視係咁慘不忍到. 好些年前, 我會特意早點起身睇教育電視. 我好記得有個以前報過天氣報告既姐姐, 去左拍教育電視, 講唔好揀飲擇食. 我又睇過訪問, 阿黃貫中 / 家強話佢好鍾意睇教育電視.
無論如何, 我幾乎肯定教育電視既失敗, 同無線電視既低能劇集有直接關係. 今晚俾我睇到十分鐘周麗淇個套 <天空下既戀人>. 嘩, 屌, 竟然可以出現以下對白. 背景係黃宗澤帶左周去 ball, 係門口見到黃既老頭老母 :
****************************************************************
黃 : 爸爸媽媽. 這是周麗淇 (唔記得左佢戲裏面個名)
黃父 : 哦. 這是你的女朋友嗎?
黃 (連忙解釋) : 下? 當然唔係拉爸爸, 你唔好誤會. 周麗淇只係我普通朋友.
周 : 係呀世伯, 我同黃只不過係朋友, 我地一齊做野, 無其他嫁.
黃父 : 哈哈哈, 年青人… …
****************************************************************
真係好野. 唔睇畫面, 會以為呢套係七十年代由胡楓同家燕姐 @ 20 既黑白粵語長片. 呢d 咁既編劇, 應該拎去打靶.
有如此低 B 既編劇, 讓演員像白痴般演戲, 還需要教育電視嗎?
-
<天堂, 地獄與人間>
世上最令人妒忌既男人, 叫做畢彼特.
型, 靚仔, 滄桑, 正, 索, 任何用黎讚賞人既字眼, 都可以黎係佢身上.
這也算了, 鬼叫人地係鬼佬. 最令人感到過份的是他的兩位老婆 : 天使 J 與魔鬼 J.
看老友記的男生, 十之六七是為了看珍妮花.安歷史頓 (jennifer aniston). 不可否認的是, 老友記的笑話的確好正. 想當年我日日走堂去英文中心睇老友記, 都係為左係呢個污染既世界既一道清泉. 珍妮花, 清純, 可愛, 美麗, 秀色可餐, 細細粒, 柔弱, 率直, 弱不禁風, 我見尤憐. 看到她你就會情不自禁想去保護她, 抱著她.
據講, 畢生唔要珍妮花, 係因為後者生唔到仔 – 估唔到畢生拍完套 西藏活佛 什么什么 (個名唔記得), 個人俾中國文化既 d 咁既傳忠接代既思想污染埋, 死都要生仔先安樂. 不過, 如果你睇下現家 (3X 歲) 既珍妮花, 己經係一朵殘花, 雖然未到敗柳, 但起碼以畢彼特呢個神一般既軀體, 起碼唔想再做護花使者.
再者, 你又望一望畢生個現任老婆 安祖蓮拿. 祖利 (angelina joeie). 若說珍妮花是天使, 以魔鬼形容安祖蓮拿實在不過份. 作為一套荷李活 A 級制作費的電影黎講, <盜墓者羅拉> 實在比起王晶的野蠻秘笈更加垃圾. 入場的男生付五十元, 或是用 BT 等三天下載成功, 除了是滿足由 Tom Raider 第一集打到第七集 的毒癮外 - 情形同大家係 HKIFF 訂飛睇 FF7 差唔多 – 又有十之八九係想睇 安祖蓮拿那 40Z 的胸前偉大.
安祖蓮拿那水汪汪的眼精, 誘惑的雙唇, 豐滿的身驅, 野性的胴體, 簡直像非洲大草原上的一隻野馬, 正等待你馴服. 只要微微張開雙腳, 把浴衣拉低兩吋, 以眼角拋拋錨, 世間不知多少男生立刻成為獵人, 在電腦面前除衭去捕捉這隻性感尤物.
我與不少朋友都認為, 畢彼特到今天還沒有精盡人亡, 實在顯示了洋人的 船 堅 炮 利. 這是李小龍做不到的.
神龍給我一個願望的話, 我希望成為半年畢彼特. 要係拍緊史密夫與史密妻個個畢彼特. 對, 個陣畢生起緊雙飛, 成日係徘徊係天使同魔鬼之間.
還有畢生之前既女友, 影后 XXXXX. 柏德烈芙 – 我到今日都未記得佢個名 – 即七宗罪的女主角. 一看便知, 柏德烈芙是個修養極高, 又有內涵, 知書識禮, 啖吐溫文的女生. 人間最美好的事情, 便是有一個聰明的女友 – 即懂得係適當時白痴, 適當時聰明 – 的人類.
天堂, 地獄與人間, 畢生四十年已經去晒. 夫復何求? 佢死左應該唔使燒美女俾佢. 那個紙扎版安祖蓮拿, 留給史弟好了.
-
<女教師無拖拍>
當然, 我唔知點解呢d 咁既野都可以做新聞. 無論如何, 對於我一眾既男性教書佬網友, 如 LT, EY, TOMMYJONK, JOHNCOAL 等, 都係壞消息. 無他, 佢地係 insider, 梗知女教師好多儲緊老姑婆本. 僧多粥笑 – 或你可以用 求大於供 – 男教性要追到女教師的代價, 當然好低. 例如 : 睇戲 AA 制, 食飯由早年入職人工較高的女方付賬, 什至乎買樓首期佢出晒…
你而家個個乜野調查一揚, 話女教師好多都冇拖拍什至乎係無拍過拖 (o拿o拿o拿, 有d 呢個世界所剩無幾既野, 對於某d 人黎講價值連城), 資訊多左, 自然好多人去溝 “容易溝” 既女教師 – 起碼佢地現家無男友, 少左重阻礙.
大概同係股票市場流出原本係內幕既消息話0066 有塊地好鬼值錢, 但一直無人問津, 而現家 0066 既價格偏低, 並未反映此地皮價值. 消息一出, 牛頭角順叔同佐敦陳伯梗係即刻狂買 0066. 原本有內幕但仲未買 0066 既人, 梗係呻笨.
有冇計? 無… 再者無拖拍未必一個問題. 不過, 以一個唔准食煙, 唔俾講粗口, 唔俾作出男性打扮 (即連同性戀個條路都無埋), 去酒吧又避免飲酒 (唔該果汁一杯…) 唔俾呢又唔俾路既行業黎講, 兩成女工而家有拖拍, 已經算係咁. 我諗, 點都好過女監倉.
一係放我入去學校, 情況應該可以大為改善.
我肯定.
不過唔好誤會, 我入去並唔係教書. 姻緣既野, 好難講. 搞師生戀其實都冇乜問題 – 若學生在畢業後. (3/16 後補 : 要在學生畢業後, 不是由於道德問題 – 道德問我屁事, 是避免出現潛在的利益衝突, 是為教師個人專業操守也)
相關文獻 : 光明面, kursk
