April 3, 2006
-
<男人的天國>
是那個風光一時的好景商場.
好景商場的代號是 “九樓有四仔, 四樓有狗仔”. 那個不斷有自動電梯上上落落的道友 (不要欺騙自己了, 那傢伙分明是個道友), 用譚兆偉式磁性聲線發出的聲音, 永遠是那樣叫人難以忘記.
我承認, 對於女人來說, 要了解為何好景商場是男人的天國, 有一定的難度. 比起男人要去明白女人問 “好唔好睇” 既動機, 可能更難.
為何要選以前淨係賣咸碟既好景, 而唔係除咸碟仲有好多男人恩物既灣仔 188 或是信和, 我唔知.
我淨係記得有一次自己去好景買碟, 正低頭思故鄉. 買行碟既人多數單獨行事, 就算約埋識既都好少討論, 更加少留意唔識既人.
我個陣站係最左邊, 將面貼近咸架, 並望向右邊. 那時候我看見許多男人的面孔, 有四眼佬, 肯定未夠15 歲既細佬, 肥佬, 大粒墨. 佢地全神貫注, 目不轉睛, 精和力都放到眼前的咸碟封面. 儘管佢地面上並沒有半點笑容, 但我知道, 好景商場每天也為許多男仕帶來數以噸計的快樂.
這些快樂不單單來自射精的 0.0001 秒. 大家買碟時看到的, 是封面, 而不是碟的真正內容. 不計那些出名的女優, 封面既樣同戲裏面個樣, 係可以好唔同 (PHOTOSHOP及日本人的拍攝技術太偉大). 而且新人與唔出名女優既身材同技術如何, 買個陣真係同玩大細差唔多. 係香港無賭場之下, 買碟的確幾過癮. 估中左, 真係幾興奮.
呢個同陳小春係古惑仔講叫雞最興奮個刻係妓女現身個一下, 情況差唔多.
而 BT 還沒有出現的時候, 好景的確係男人的天國. 一百元十隻 VCD, 一百元四隻 DVD, 好彩的話會令你看過精盡人亡後, 你的心靈會像患上香港腳般, 整天癢癢的好想再去入貨. 你每天就沉醉於直樹舞子小澤圓伊東怜天宮倉井空松楓愛田友小澤馬利亞的胴體與動作場面之中.
好景的翻版店也有分售賣有格/無格 (視乎你想留低一些幻想的空間, 還是想看到血淋淋的現實), 日本/外國女演員 (日本的佔大多數. 原因? 香港人要報復日本侵華嘛. 至於強佔我國土地的英國人嘛, 印象中好想沒有出產咸碟, 報仇無望).
好些翻版店會學習 HMV (即你永遠不會俾多 $30 買一隻本港歌星 CD 既地方), 將該日的 TOP 10 SALES 放在當眼位置. 有些會分女優放, 有些會分動作片的內容 : 人妻, 痴漢, 巨乳 (即個胸最少有 40 吋既女人), SM, 另類 (這個很雜, 我也很少留意有什么, 大概係變性人, 大肚婆, 人獸交等). 不去過很難相信一個 50 呎的小店舖, 所運動的銷售技巧, 比起一間數以萬呎的超市或百貨公司不遑多讓.
花無百日紅. 我之前也說過, BT 的出現將翻版市業上市的希望, 一鑊打沉. 好景既一樓, 去買翻版既人, 數目大不如前 – 不是因為根據警方所說好景變成了潮流集中地 – 而是免費午餐的吸引力太大了.
尋日去好景一樓, 行行下竟然有翻版版店員捉住我右臂, 然後邀請我入內選購, 仲死都唔肯放手.
翻版佬竟然要像六十歲的流鶯係街邊拉客. 我感到, 男人的天國已進入倒數階段了.
Comments (11)
你令我想起一句幾乎令某人無書教的說話。話說唔知點解響課堂中途休息時講到香港是一個混雜多元的都市，某人唔知點解懶醒講起一些例子，諸如港式茶室竟有印度薄餅賣……
可能因為午餐後眼訓，又或者佛洛伊德上身，當時某人竟在眾目睽睽之下爆了一句「又好似星際三樓，左邊係論語，右邊又係(論語)……
結果，某人付了一大筆掩口費，方能平息事故……
tommyjonk ，你個故事真係超正~!
諗起以前個Bio 老師又係成日講咸野，試過話「菲律賓女傭搾出黎既係咪朱古力奶?」
不過講咸野反而成為佢招牌，好受學生歡迎~
每次討論關於性的問題之前，都要加一句「而家做學術討論, 要認真」。
我想除了神職人員和政客, 教師是最不能拿性來講笑的行業。
史兄, 恕我不能回應你這個post了。
各位教書既要小心D啦！想當年小弟讀中學時，阿sir週末係信和買咸碟時，咁arm被去果度買CD既同學仔見到，除左係咸碟鋪門口大大聲叫了一句「陳sir你好！」之外，仲被人由Form 1講到Form 7！
做人阿sir既，都係BT穩陣D~~~
我愛論語~~~
好景商場留有我年青時的足印。當然不是買四仔,也不是賣四仔,而是陪男朋友買遊戲碟。
我都可以好肯定咁講,好景是女人地獄。不是因為四仔侮辱女性(我從不這樣想),而是那種天昏地暗、四仔銷售員密集式叫賣聲,以及……有種說不出的腥臭味(有理由相信有虧佬睇住四仔demo或封面前,不小心走火),都叫人費解男人可以忍受如此惡劣的環境。
呢世都唔會再去。
cecile講既情況中晒!!! 但仲有一樣最金既, 就係果度條走廊實在太逼, 行一個轉, 就畀d麻佬揩晒油!! (雖則我知佢地係冇心)
” 日本的佔大多數. 原因? 香港人要報復日本侵華嘛. “…….. 乜原來你地d男人係咁諗?!?!?!??! 我不嬲都認為係因為日本好睇好多, 外國既女優個個呀嬸咁樣, 個胸又假, d表情仲假, 動作又機械式……….
我覺得香港男人鐘意架妹,係因為日本鹹片女主角,永遠都好卑微,聽晒男人話(部分SM女王片例外),唔似鬼婆咁平等。香港太多小男人,所以要靠呢類鹹片做精神食糧。
kursk, tommyhonk, vincent, hyster (鎖你, 你個名太張, 從簡) : 阿蛇買四仔, 可以好大鑊. 而 BT 係將呢樣野既風險減至接近零.
cecile, marcellbear : 嘩哈哈哈哈, 臭面我懷疑是白粉味. 因為不少售貨員係道友… 而”日本侵華”, 梗係我鳩o翕. 日本妹正呀嘛, 而且唔似鬼婆咁對胸大過西瓜. 至於小男人黎喎, 嘩哈哈哈哈, 我都唔知咧.
認真地說，香港男人較喜歡日本女優的原因：因為大家的人種較為接近。
我拒絕 kursk 兄你的講法. 本土的女優, 人種最近, 但幾乎絕跡香江. 內地既女優, 完全不受歡迎. 日本妹正, 成個陳慧琳咁都去拍四仔, 無計. 你試下 安祖蓮拿祖莉 去拍四仔呀…
原來, 我甘大個人, 都未去過香港的 ‘景點’ , 實在有點那個………