April 19, 2006

• <以後未來像個謎>
  
  
  史弟語言天份不高, 後天也沒有怎么努力過, 於是乎三言兩語都係o岩o岩夠用. 寫作時經常執筆忘字, 要搞一大輪才想起一個很簡單的字. 又有朋友話我寫作太口語化, 而且有不少別字和語病.
  
  
  講起語病, 過去兩週我已不知道看過多少次 “past experience”. 那個 “past” 字, 比起和尚擔遮更多舊魚. 有錢的富豪, 貧窮的貧窮戶, 身材高大的巨人, 通通也是廢話. 經驗可以是我的, 人家的, 國際的, 但過去的經驗, 是句廢話. 阿媽是女人還可能會錯, 但過去的經驗, 一定對, 永遠不會錯. 不會錯的東西是廢話.
  
  
  和 “past experience” 一對的, 叫 “coming future”. 未來, 梗係以後既事拉. 所以劉美君唱的那句 <以後未來像個謎>, 真令人困惑.
  
  
  有人和我說, 他們的職責是仔細研究一下如何寫出一份不會錯的報告出來. 報告裏引用的事實, 當然不可以錯, 然而事實並不需要研究一大輪才可以寫出來. 不會錯的分析, 和過去的經驗一樣, 是廢話.
  
  
  當阿媽係女人都有可能錯, 而你要求寫一份不會錯的分析報告, 裏面有幾多料? 兩個字, 心照不暄. 如果呢一份係股票分析, 這大概只可以去到龐寶林或者石鏡泉既水平, 連陸叔既程度都未到呀陰公…
  
  
  我曾經聽過一名姓鄧既評股人係電視講 “xx 號股票…. 有五成機會升, 五成機會跌”~~~ 嘩, 我忍唔住爆笑. 足球評論界神人黃興貴也應該去講股 –
  
  
  “呢隻股票, 一係升, 一係跌! 同射十二碼一係入一係唔入, 道理係一樣!”
  
  “呢隻 xx, 用蔗渣切出燒鵝味, 股價已經連升八日!”
  
  “新世界同新鴻基個名都係 “新” 字行頭, 股價齊上齊落, 果然難兄難弟…”
  
  
  聽住鄧生鳩o翕既時候, 我望一望坐係旁邊既阿媽 (佢係女人), 竟然目不轉睛咁不斷點頭, 好似覺得鄧生好有道理咁. 我即刻狂標冷汗, 天國近咧.
  
  
  幸好, 鄧生講個隻並唔係八號仔. 不幸地, 我阿媽手頭上有好多八號仔.
  
  
  那是二零零年, 以後未來, 反而沒有像個謎. 八號仔由每股 $25 跌到落 每五股 $4, 好多人包括史弟老母俾佢搞到雞毛鴨血. 那當然是後話了.
  
  
  
  
  
  
  
  

  
  

  
   

  • 12:33 am
  • 2 Comments