April 21, 2006
-
<自打. 咀巴>
上次政府公開賣地, 已經要講返孫中山未推翻滿清個陣. -_________-
既然勾地係 “貼近市場機制既賣地方式”, 咁比起九九年之前既定期賣地, 梗係賣少d, 同埋賣得無咁密拉.
之不過, 連勾都無人去勾. 係代表地皮無吸引力, 政府定價太高 (呢點真係有得拗. 第一, 無人知政府定幾多價. 第二, 政府定完跟住既拍賣價都高六七成. 但係地產商又話高地價政策. 第三, 乜野叫 “太高”), 地產商無意慾買地, 還是機制有問題?
你唔好理. 地政處處長劉勵超話無問題, 咁咪無問題 law. 唔通政府有錢唔搵, 有地唔賣?
至於賣地既收入, 政府既口徑係 “極度唔穩定”, 講足九年. 於是乎要搞什么 GST 研究, 以 “擴闊稅基”. 但我睇翻今年財爺個個畢直, 黎緊既賣地收入, 預期係約 GDP 既 5%! 而黎緊幾年既 GDP 又會向上, 小學生既加. 減. 乘. 除. 話俾我地知, 咁即係話賣地收入會穩步上升~
連財爺自己既作品都預期穩步上升, 賣地收入邊度搵黎 “極度唔穩定”?
你班人仲講賣地收入唔穩定, 咪即係話財爺預計有偏差, 又?
_________________________________________________________________
<NBA Playoffs 2006>
有數樣有趣的事情大家可能一時忘記了 :
1. 巫師對騎士 : 這是拉利曉士去季離開巫師後, 第一次係季後賽重遇舊球隊及隊友. 巫師應該極想對曉士顯示, 他的離開是錯誤的 – 而事實上曉士今年打得認真麻麻, 我估佢都想係季後賽重振雄風. 這是個人選擇值得看的第一圈比賽的其中一組. 季初亦曾估計巫師成績會比騎士好, 巫師勝出, 4-1.
2. 太陽對高比拜仁 : 最強攻力球隊對聯盟得分王. 值得留意係馬利安對奶媽奧當, 其中兩名 NBA 全能球員既對疊. 至於高比, 個人認為佢呢一圈可以有 45 分既平均分. 太陽有暗湧… 呢組有睇頭, 因為唔知賽果.
3. 溜馬對網 : 忘記常規賽. 溜馬擁有數名有實力既球員. 奧尼以唔傷, 打到四十分鐘以上, 溜馬 4:2, 或者 4:3. 卡達? 別怪他. 估計每場每隊既分唔會過 85. 呢組有睇頭, 因為又係唔知賽果. (活塞對公鹿, 睇黎做乜?)
4. 熱火對公牛 : 大冷門溫床.
