May 1, 2006

• <醫務所怪談>

  終於頂唔順, 今日去左見大夫. 去既途中諗起一件往事.

  話說細個呼吸系統唔好, 成日咳同喉嚨發炎 (後者顯然同呼吸系統無關… 唔好嘈住). 一咳就咳到仆街, 由朝咳到晚, 由一樓咳到七樓, 差唔多要抱住個廁所咳個隻 (因為有痰). 於是乎, 要去睇醫生. 我仲好記得, 個醫生叫陳國維.

  醫生 : 張開個口睇下.

  我 (張開口, 並合作地發出聲響) : 呀啊….

  醫生 (看一看, 低頭寫野) : 嗯… 咳兩聲黎睇下

  ?????? 我心想 :  雖然我係好咳, 但我笨唔能夠控制喉嚨既病菌, 叫佢地幾時咳就幾時咳.

  當然, 情況就好似大家係辦公室電腦 hang 機時, 叫公司無乜野做既技術人員黎檢查時一樣, 電腦會自動好返. 或者冷氣明明唔凍, 但一叫樓下師傅黎, 冷氣機又凍到好似新買咁. 有專業人員係度, 你既問題梗係短暫消失, 至到佢離去.

  無論如何, 那時只得六七歲既史弟, 唔識講 “我咳唔出” – 醫生係專業人仕, 地位等同老師, 佢叫你咳你點可以 say no? 仲有, 係你話咳要睇醫生. 係咪玩野?

  但咳唔出就咳唔出. 係醫生三催四請之後, 我於是乎用喉嚨頂發出兩下咳聲, 以應酬醫生. 大佬, 未入黎之前, 我真係好咳呀. 邊個知一入黎就咳唔出先得嫁…

  醫生轉身, 面向我老母 : 你個仔咋病喎.

  FUCK YOU, Dr. CHAN! What do you expect me to do, BASTARD?
  

  __________________________________________________________________

  <醫務所怪談 2>

  話說, 好多女人唔信張玉珊食藥可以豐胸, 走去深圳打 paag 隆胸. 今日中央終於唔俾用 paag 黎炒菜. 

  但今日無線走去放蛇, 發現大陸有醫務所依然為客人用 paag 隆胸. 以下係放蛇 [模擬] 對話 :

  記者 : 是否可以用 paag 隆胸 ?

  營業代表 : 對 ! 我們可以為你用 paag 隆胸.

  記者 : paag 不是有害的嗎?

  營業代表 : 沒有, 那有這回事! 我們的 paag 也是假的, 所以對人體不會造成傷害.

  記者 : …

  • 11:09 am
  • 2 Comments