<男孩像我>





電話聽筒傳來一句 : 其實你係咪見唔見到我都無所謂?













我沉默, 很想沉默, 但現實不容許我沉默.


我清楚地知道答案.


真實的答案不是那么簡單的一個單字. 而是, 我見不到任何人, 也不會有甚么所謂.


打個比喻, 只要有足夠的食物, 除了我的全部人類在我生命消失多久, 我也沒有所謂.


真是他媽的沒有所謂.


這是一個極度自戀, 自我中心, 還是自私的答案, 我不知道.


為何會說謊, 我也不清楚. 大概就像小孩子被父母發現做錯事, 慌忙中只懂說起謊來. 是為了令自己良心好過些, 令接受的一方好過些, 搞不清楚.


我清楚的, 是我說了一個謊話. 一個令人較容易明白的答案. 有誰會明白有人會認為 “只要有足夠的食物, 除了我的全部人類在我生命消失多久, 我也沒有所謂”?


週未可否花在一些不太用腦的事情上? 這些問題, 好難答. 我不想在一星期 5 x 24 的辦公室政治壓力下再多過 2 x 24 的壓迫感.


我這時想說一句 : 你又可否放過我?


我知道這樣的問題沒有意思. 很想找些歡樂事和事收場, 然而這時偏偏記起一些不太好的事情. 當年試過 dum 完女友訓覺後, 自己偷偷地出去同班朋友玩. 自從兩次 sms 事件後, 或許是我多想了, 但每次和友人出去總俾人旁敲側擊.


烏鴉的黑, 永遠只有一種.


我的問題, 就由我自己解決. 人家的問題, 也由我來解決. 這是什么的世界, 我不清楚. 總之身邊的人一聲唔該, 問題也就由我解決. 人家解決不了的, 就搵我黎幫. 我解決不了的, 就得繼續由自己解決.


我不需要你們, 你們也別來煩我.


世界唔應該係咁, 做人唔應該係咁.


諸位, 後會有期.

<炒冷飯 系列 4 : 潮流衣著>


一篇零三年五月寫的文章. 而家睇返, 幾過癮.


******************************************************************

近日和朋友談開初中時的流行衣著服飾, 發覺了由頭到腳趾尾都有一個指定動作…

頭髮: 男的一定是杜拉格斯頭. 即長頭髮中間分界. 初中時龍珠熱潮瘋魔萬千男子, 而杜拉格斯更是帥極的主角 (比起頭髮高得有一層樓高的孫悟空, 比達等人, 實在有型得多). 今天的什麼F4, 留著的也只不過是一個杜拉格斯頭罷了, 沒啥大不了. 女的例牌是直長頭髮, 不要問我為何. 看看那時當紅的周慧敏, 楊采尼吧, 不是女孩都刻意留著和她們一樣的長髮來吸引男孩. 一式一樣的髮型, 像是倒模一樣.

眼鏡: 款式沒有太講究, 多數都要載沒有鏡框的 (不像現在般流行粗框的), 而且要玻璃鏡片. 愛美的女孩都愛載隱形眼鏡, 但不是太流 – 那時候還沒有載一個月的 (有也不便宜), 一對要六至七百元.

T-shirt: 對不起, 夏天穿的絕對只有一件 Polo shirt. 左上角一定要有 “打馬球” 的標誌. 黑白紅藍都是流行的顏色. 三四百元一件短袖的, 長袖的衛衣反而什少見人穿著 – 冬天大家像都失去了制服.

風褸: American Scene! 任何青年人都有一件的風褸! 不需再多解釋. 這是年青的標誌, 時尚的代號, 不可式缺的東西. 最流行的是綠底白字, 其次是紅底白字或黑底白字. 七百多元一件的風褸, 差不多每天都買斷市! 後來流行的 “Vans” 風褸, 實在無法再造出Scene 風褸的威力.

手表: 先後有三種牌字流行過好一陣子 – Boy London, G-shock 和 Swatch. 前著流行是小六中一的時候. 無通在設計, 款式或是功能都普通不過的手表, 竟然要賣上二百多三百元. 由於這樣普通的手表利錢高, 不少有生意頭腦的人都做了許多翻版貨. 他們一方面想翻版貨和真貨一模一樣 (那人們願意付較高的價格), 另一方又做像太像, 被別人告到法庭去. 於是市面上便流行許多影射Boy London牌字 – Boy Tokyo, Boy New York, Book Beijing 等等. 小時候的我每看到都會忍俊不禁, 笑個不停. Boy Tokyo 喎…; G-shock 流行多得奇洛李維斯, 他在生死時速內所佩戴的是黑色的G-shock, 奇洛李維斯憑該片走紅, 連帶G-shock 也熱起來. 可是小弟瘦如柴, 手腕有如樹枝一樣的幼, 根本載不上有如犀牛般大的G-shock. Swatch 在較後的時間 (中三四吧) 才興起, 一樣普通的膠表, 好些款式竟然炒上千多元! 

皮帶: Harley Davidson! 又是另一個經典, 把三噸重的皮帶扣繫在腰上, 實在令人感到不可思議! 我深信, 當你遇到賊人時, 用Harley 的皮帶扣一下投出他們的頭上, 定必可安然退敵. 七武器之首並非摺登, 而是一個皮帶扣!

衭: 一定是牛仔褲, 一定是Levis’, 只一定是501. 十個寒暑後, 501 依然大行其道. 厲害, 梁漢文今天也只是唱著501 而已. 提起Levis’, 男人都喜歡在街上望穿起Levis’ 女士的臀部 – 不盡是由於好色 – 他們想知道該女士的腰有多粗.
襪: 又是打馬球! 上街穿黑色紅Logo, 上學穿白色藍Logo. 女生都擁有至少一對. 今天想來, 很想大象襪, 很是誘人…


鞋: 縱觀十多年, 在任何時期都沒有別的鞋比Timberland在九十年代初更流行. 旺角阿皆老街的Timberland, 每天, 特別是放學的時候, 人頭湧湧, 不知道以為有錢派. 新的Timberland 不夠舊, 好些人竟然把它放到洗衣機洗, 好讓它 “殘” 一點… 一對要千多元哦, 十分昴貴…

******************************************************************

當年有好事之徒的留言, 比我的文章更加有趣, 見解更精闢. 可惜後來網主換電腦, 有些資料遺失了, 遍尋不獲.

<流浪>


各位, 你無去錯地方. 呢個的確係史弟既網站….


這數天瀏覽網站, 特意去些自己平時截然不同的地方. 看了一些有趣的文件, 聽到了一些事情. 看厭了舊版面, 改了一改, 向上市邁進一大步.


(1) 世上竟然有上市公司九成既利潤來自單一發展項目 (百多個單位). 更過癮既係, 呢間公司根本唔係做地產生意既. 佢當然唔係 PCCW.


(2) “未解決, 未解決” 同 “你有壓力, 我有壓力” 已經成為好多人既口頭禪.


(3) 係中環既日本名牌 (但祖國製造) bathing ape – 儘管呢個名只係令我諗起 htAB 隻鴨 – 差不多每個星期都有十多歲既年青人排隊. 尋日仲排到上街尾樓梯 – 即係成日排戲既地方, 例如情陷夜中環. 點解一件 T-SHIRT 可以賣八舊水? 我無買過唔識欣賞. 茶水部既阿叔 (年約四十) 講 : 屌, 俾多幾舊水, 唔使排. 你班粉腸排個成隻狗咁, 幾係証明你班人唔係有錢人咧…


(4) 聽過超潮既髮型師講, 前排 bathing ape 更熱既時候, 有人特登搵大陸既山寨印翻版既 t-shirt, 然後拎上拍賣網站賣. 實際數字唔記得, 好似話係二百件每件成本大概 $20  (始終印得唔多). 最緊要既係, 拍賣擺到明係賣假貨 – 開價奇低. 你唔好理, 大把人肯俾三舊幾水 (正貨始終有 premium) 買件假野.

<oh yea>

年 近 六 旬 男 子 為 獲 取 供 養 父 母 免 稅 額 ， 不 惜 向 稅 局 訛 稱 與 父 母 同 住 ， 被 揭 發 其 父 母 在 20 年 內 一 直 居 於 澳 門 ， 其 間 只 留 港 四 至 六 天 ， 男 子 辯 稱 誤 以 為 支 付 家 用 ， 便 可 當 作 與 父 母 同 住 ， 早 前 承 認 六 項 蓄 意 意 圖 逃 稅 罪 名 ， 昨 在 九 龍 城 法 院 被 判 囚 兩 個 月 ， 相 信 為 近 年 首 宗 同 類 判 監 案 件 ， 裁 判 官 指 此 類 個 案 難 以 追 查 ， 案 情 嚴 重 ， 判 刑 須 反 映 欺 騙 政 府 會 受 嚴 懲 。

(轉載自蘋果日報)


Welcome to the insane judicial system.

<這種顏色>


寫作是一種習慣. 寫開有特色, 寫開有感情. 但不寫數天, 熱情會冷卻, 衝動逃跑了.


打個比喻, 寫作其實好似大便. 靈感 (好, 寫辛格竟然學人講靈感) 黎, 忍都忍唔住, 江河日下. 無料到, 谷都谷唔出, 用甘油條都係咁話.


這兩個月斷斷續續遇到不可思議的人和事, 嚇得不敢在辛格與人分享.


數年前 MBA 熱潮, 許多平時連信報 (也別說月亮較圓的外國雜誌) 也不看的人, 竟然走去哈佛書院讀一個什么管理碩士.


哪管你看一萬本花旗銀行前主席的自傳還是就黎執笠通用汔車前總裁既書, 又還是看盡世界各地上市公司既個案研究, 在社會大學上一課, 改朝換代, 親歷其景, 爾虞我詐, 所學所得永遠更多更有用. BT 十套八套 走向中和, 康熙皇帝, 亞力山大帝, 羅馬帝國, 永遠不可能明白如何可以巧妙地運用 “權” “術” “利” - 直到你要面對.


除了扣稅, 數萬元的一個碩士只換來永遠不會再翻看的個案. 環保團體理應要求個案循環再用, 減少紙張消耗. 最好連個案用完十次, 不能再用後, 也用來擦屁股.


又去左鳩o翕. 近排遇到一位小朋友. 我告訴他 : 世上有天才, 但不要以為你自己係. 世上的鐵律不是 LAW OF DEMAND (邊個識?), 而係 “practice makes perfect”. 每天面對同樣的人, 但面對不同的局限及資訊, 了解人家行為的動機, 含意及結果, 非常非常過癮 – 如果你唔使做其他野. 同時間, 明白多左, 也知道政治係幾咁污穢, 黑暗.


害怕, 不是因為幹了虧心事. 害怕, 是看到了現實, 明白到原來人可以無底線, 再污穢既事情, 你意想不到的事情, 一 一 發生.


正常人不會做出不可思議的事情. 只是你不明白每個人的 objective function. 至於為何那個人有這樣的一條咸線, 不知道. 但有這裏的一條咸線 (或者甜線), 已經好恐怖.


周杰倫的 <黑色幽默> 完全是屁話. 黑色, 只配政治.


我應該唔係可以係有人既地方生存. 數年前聽一個同學說, 有人的地方就有政治. 看似屁話, 字字璇璣.


有人既地方就有光明, 這也意味著有人的地方也有黑暗.

<再度重遇你>


近來看到分別係日本, 英國, 法國, 偏遠內地的照片, 重遇了兩樣我久違了的事物. 藍藍的天, 白白的雲.


呀~~~ 對上一次我睇見藍色既天空係幾時?


小時候畫畫, 天空一定要塗上藍色, 雲的形狀一定要像棉花糖, 純白. 要不然塗上灰灰的天, 畫面陰陰沉沉的話, 老師是會告訴你父母 : 你個仔內心好憂鬱, 要多d 開解佢….


現在的小朋友為天空塗上藍色, 老師要反問小朋友究竟畫乜撚野 (唔好意思, 講慣粗口). 雲? 個d 係污染物黎嫁小朋友…


可喜也可悲.

__________________________________________________________________

<拿>


各位睇完我尋日 fuck 日元狂升, 都知我遲d 會去日本.


如果有野想搵小弟買 – 唔好計你同我熟唔熟 - 留言講低

(1) 你想買乜
(2) 款式
(3) 價錢 及 底價 同埋
(4) 係邊度買 (地址呀唔該, 唔好話係東京. 屌, 話地球呀笨).


我七月底先去. 慢慢諗, 有時間.

 

<經濟轉型>

今年考會考既小朋友, 你地真係好撚慘.

慘既並唔係考英文卷無出貓個班細佬, 而係個幾十個到懂得用阿媽出俾佢部 3G 既電話上網搵答案既聰明仔.

如果年尾有人問零六年經濟轉型最成功既例子, 非呢單 “手機出貓事件” 莫屬.

政府日日鼓勵人地搞轉型 (當然佢自己肥到成隻豬咁, 連身都轉唔到, 莫講話轉型), 過去幾年除非張玉珊搞左個修身堂, 靠幫人轉 “型” 而成功, 最令人振奮既經濟轉型事件, 就係呢單 出貓事件.

試想想. 由漢代有考試入仕途既制度開始, 中國人及眾多的人類就不段在鑽研各式各樣出貓, 即作弊, 既方法. 收買考官, 抄係衫領, 將貓紙放係前面女同學既長髮下, 抄定一份, 還有當年周星馳用手機問功課.

呢d 方法, 最大既問題係無法保障無其他人知道 – 萬一要出到收買考官呢招, 仲可能要搵中間人, 所謂多隻香爐多隻鬼. 從前, 要搵d 方法唔俾人知道自己出貓, 代價可能高過自己走去讀書. 出貓呢d 既唔 cost-effective, 更加唔能夠巧妙運用科技既技術, 正走向下岥, 實在係夕陽工業. 好多細佬寧願唔讀, 都唔再想方法出貓.

直到呢次, 香港人真係威返次. 呢次出貓既奧妙之處, 係溶合左人類既文明與及廿二世紀既偉大發明. 人類最大既文明, 就係廁格裏面你合法地擁有無限既私隱 – 那管你是在作出大膽到飛起既性幻想, 在研究如何把辦公室既死敵先除之而後快, 在玩倒豎沖 (唔好問點解, 我唔知) – 只要不作出過量既聲浪, 與及無太多人排隊既情況下, 你做乜都無人知. 其他人亦無權過問, 及從合法渠道觀看你在 10 平方呎的長方形格內, 究竟係度做乜.

廁所正是這樣一個令人多么振奮的出貓好地方. 但是, 事前不知道題目, 又不可能打電話問人, 有 9G 都無用. 幸運地, 考評局造就天時, 連文章既出處都話埋俾你知. 地利 (廁所的無限私隱), 人和 (你阿媽買左和黃, 更幫襯埋誠哥), 百年難得一次既機遇, 邊有可能忍到?

係邊個地方邊個朝代出現過政府係無收錢既情況下, 造就人地出貓? 無. 下年回歸十年, 除左幻彩詠香江, 我地終於有野叻過澳門.

係廁所上網出貓, 就算差佬捉到你, 都挫你唔入. 記住咧, 以後唔需要搵女同學幫手出貓. 三個字 : 出貓不求人.

但政府話要徹查事件. 痴線, 即刻拿拿臨頒幾個 “經濟轉型” 獎俾佢地. 考評局仲話要出貓刑事化. 我即刻笑左出黎. 點呀? 滿清十大酷刑呀, 用火燒, 炮烙, 然後李國章捉住靚仔條頸問 : 你d 同黨係邊, 邊有仲有份出貓? 唔係搵火印你~~~

大佬, 連o厄綜援都係援刑, 你估法官會唔會因為d 細佬用手機上網而留佢地案底, 仲叫佢地坐監? 咪低能拉.

一諗起胡仙無事, 阮道雲個仔藏毒輕判, 而黎緊出貓要滅族, 共產黨真係正

(謝過 hystercireul 指出為阮道雲而非袁道雲, 已更正)

 

<10%>

When you plan to visit Japan in about two month time, the Yen goes up to something like Y111/US$.

Half a year ago it was still Y120/US$. This means a 10% appreciation of Yen or a 10% reduction in my purchasing power in Japan.

Given my girlfriend’s purchase in Japan will be fixed in Japanese Yen, in order to compensate her 10% loss, in total I will lose 20% of my purchasing power.

F.U.C.K.

Fortunately and unfortunately, I did some pesudo-hedging when the Yen was 117 or 118. At the cost of interest income, I hedges around 10% of my planned budget.

What a 10%.

<再說 match point>


若我係男主角, 會否選擇別的抉擇?


我諗左好耐.
.
.
.
.
.
.
.
.
.
.
.

如果我係男主角, 我肯定唔會 scarlett johansson 一齊. 最差都係同老婆離婚, 自己以前可以儲落點錢, 寧可自已住, 又可以隨時出去 happy. 再者, 作為男主角既我, 根本一點也不愛 scarlett johansson.


但又唔可以輕輕鬆鬆同老婆一齊, 而 scarlett johansson 仍然生勾勾之餘, 但又唔係英國阿之阿左.


我又唔係阿拉伯人, 可以有四個老婆.


除非之前儲落好多錢, 可以兩個都唔知, 一走了之, 返愛爾蘭. 但難保有錢外父唔搵黑手黨做野.


情況好複雜.


我再諗左好耐.
.
.
.
.
.
.
.
.
.
.
.
.
.
.
結論係無.

<I am WRONG>

NBA Playoffs 2006 : 第一圈預測

巫師出局, 高比無 45 分平均分, 溜馬 4:2 比人 ko, 公牛沒有爆冷.

全錯~~ 喂, 有冇搞錯?

再黎第二圈預測 :

1. 馬剌勝小牛 4 : 2; 熱火勝網隊 4: 0; 活塞勝占士 4 : 1;

2. 至於太陽同快艇… 我估快艇勝 4 : 2 或者 4 : 3.

又係活塞對馬剌?????