June 2, 2006
-
<那些神秘感>
十八禁. 如果你係衛道之士, 對於色情既野有反感, 或者睇完呢d 野會嘔或者失去生產力, 為左香港既經濟著想, 我強烈勸喻你唔好再睇落去.
here we go…………………………..
三仔定四仔?
我從來不看無格仔的四仔. 對, 個人從不 BT, 購買或是觀看四仔.
原因, 好難講. 從王家衛式後現代唯美學思前想後主義黎講, 拍有格仔既三仔女主角, 永遠比四仔既靚好多好多好多… (下刪一萬 “好多”)
另一個更重要既原因, 係我相信三仔能保持一定既神秘感, 對許多東西的可持續發展 – 是對咸片既熱情好, 是對你最喜愛的 AV 女星也好, 還是為什么也好 - 都有正感影響. 老實講, 女人既生殖器官, 一點也不好看; 男人的當然也美不到那裏去. 看著兩塊黑色有毛既三文魚出晒水咁夾住條石頭咁粗咁硬既芝華力腸, 血淋淋, 一d 都唔好睇, 一點快感也沒有. 睇咸片無非為合皮, 睇到要合埋對眼, 望男主角快d 射精, 好無癮.
性器官美麗與否不是重點. 重點是, 格仔能保持神秘感 – 你好像看到些什么, 但又偏偏看不到 – 留有想像空間. 格仔後面應該是什么, 係人都知. 但格仔後面實情是什么, 是 case by case, 是另一回事 - 究竟是濕的還是乾的; 是黃河咁闊還是一線天咁窄; 是毛蟹還是白虎; 是好粗好長還是似支牙籤 - 無人知. 就算有解碼器都無用, 因為格仔是拿不掉的.
古語有云 : 做人留一線, 日後好相見. 大概係咁既意思.
離開充滿精液味的電腦鍵盤, 我們在現實生活對於 “格仔式神秘感” 既喜好, 無處不在.
例子一, 巴士阿叔. 在 youtube 那條片, 極其量只得 300×300 的解像度. 在影片中, 阿叔及被人屌老母既小朋友, 都只不過係一堆格仔, 你知道係阿叔同後生仔, 但佢地個樣實際係點, 無人知. 不過, 內容充實, 題材地道, 言詞夠 gag, 加上主角充滿神秘感 – 史弟曾經以為個個係林尚義 – 大家對於 “未解決” 呢個題材, 足足講左成個月 – 我係球場聽過人講, 食飯聽過, 連報紙國際版都睇過. 到拍攝者, 被人屌老母既小朋友相繼出現, 實在將 巴士阿叔 呢個話題推向頂峰. 大家都開始想見巴士阿叔既真面目.
星期三出版的壹週刊, 終於搵到巴士阿叔 – 陳乙東先生 – 接受 (有薪) 訪問. 大家驚覺 : 屌, 原來個巴士阿叔係咁嫁… 成個癲佬咁 (屌鳩線, 你睇個條片都係當睇癲佬), 一d 都唔過癮, 一天都光晒.
世事就是那么奇妙 – 一見光, 題材即刻玩完. 我相信當陳乙東見光後, 不出一個星期, 無人會再提起巴士阿叔.
例子二, 你同男/女友人之間那些曖昧不堪既關係. 很多人說, 男女之間最令人感受的, 是那段 “你估我, 我估你”, 大家刻意不去搞清楚彼此關係的時間. 大家言行, 感覺, 思考都尤如情侶, 但大家從來沒有表白過. 每天睡前必要傾兩個鍾電話, 三個鍾 msn, 四個鍾 webcam, 每天可以相對十八個鐘, 互傳四百條 sms, 從不覺得累, 也不會討厭相方.
一旦搞清楚, 原來對方只係當你係兄弟/姐妹, 幻想破滅, 襄王無夢, 氣得連對方的電話也想一口氣從大腦中洗掉. 又或者大家不幸成為情侶, 三個月後, 男的認為傾十五分鐘電話也嫌長氣, send 三條 sms 也怕昂貴 – 儘管那是免費的網內短訊; 女的認為已失去當初的樂趣, 神秘感, 原來他當初只是騙我入局!
傻女, 世上沒有交一個人打得成.
好些東西的樂趣, 不在物件本身, 而是其神秘感. 不要以為將該東西赤裸裸地呈現在你眼前, 樂趣會增加 – 這和潘朵拉的神秘盒子, 道理是一樣的. 打開了, 只有絕望和死亡. 而你在經歷數十年寒暑後, 才能從盒底找到那一點希望, 一點道理.
所以, 我繼續會 BT 紅音愛田由金城倉井空青木玲伊東玲小澤菜穗美竹涼子川島和津實小澤圓直樹舞子飯島愛, 繼續沉迷於爬格仔中.
Comments (18)
我以前唔係好識欣賞三仔,慢慢都發覺三仔有三仔既好處… 但係話說回來,有某些女優又有三仔產品,又有四仔,呢類我最buy,例如及川奈央,草莓牛奶咁…
神秘感既野,的確會令好多人落搭…
史兄意思會唔會係:”有聚會,我唔黎”? 哈哈哈~~
就算講到神秘感,我也覺得格仔是不必要的。
要神秘感,不直接影那部位便成。
為何四仔不好看,不是因為沒有格仔。而是因為三仔有格,人家看不到那裡,於是四仔就變成「器官大特寫」。
除非你是讀解剖學的,否則當然不好看。
我們完全可以用三仔的模式拍一套四仔,就只是沒有格仔。
(又或者,真的有解碼這回事)
我不認為這樣的四仔不好看。(如果要講藝術性,三仔也沒多少好看的)
格仔本身,不是神秘感,而是對「性」一種不正常的態度。(即變態)
是一種以為性器官避之唯恐不及,連看到也不成的嫌惡感。
但色情片偏偏就是有性器官才拍得成,人既要看性行為,當局又不讓你看性器官,才演變出這種「變態」。
當我們能夠用正常、平常的態度對待「性」,性器官不再是甚麼大不了的部位,
那麼我們就不會有打格的三仔,也不會有大特寫的四仔了。
就正如飲食節目不需要食家嘴部的大特寫(同樣核突沒錯),亦不需要在嘴巴上打格一樣。
iamsorman : 高人. 你痕定係全港最大僱主做, 竟然可以睇到字中有字.
史兄,有機會找回當年在大學時寫的白痴論文給你笑下---題目為「論本地色情影片的幾個後現代特質」(意譯係咁上下啦)
當中談及女體被分割處理一節,我猜你一定笑到碌地
哈哈哈…我遲了一步,執sorman口水尾….我一睇你句神秘感,即刻縮沙唔想搞原人聚會。見完面,成班原人散晒。 :p
教主應該是拍三仔的人才,拍四仔0麻,不敢代答。咁史弟你又係三仔定四仔呢??
fongyun:我不贊成「打格仔」=對性器官嫌惡(還是厭惡?)的反射。如果真係咁嫌惡性器官,恐怕連上床都有困難。但我諗鐘意三仔的男人,應該唔會嫌惡自己/對手的性器官。否則一諗起西西肩負咁多功能,仲唔縮番晒(請指教,如我猜錯)
性器官靚唔靚,見仁見智。覺得唔靚,唔一定嚴重到產生嫌惡。等如我由細到大都覺得膝頭哥好核突,但應該唔會因為打左格仔,變得愛睇膝頭哥。
仲有你話用三仔模式拍四仔…咁即係點?三仔與四仔分別唔係格仔,而係有冇性器官出鏡。不論遠中近鏡,勃起的0者0者和全個西西,一出鏡就係四仔。
但我幾贊成幫韜韜個嘴打格仔。
格仔的精髓是好奇心。
好奇心殺死貓。還是不要太好奇。
只是覺得四仔太hardcore,下下zoom到咁近,睇得多都麻木…
我講既「厭惡」係當局、衛道士既意識形態。
大家都知,厭惡「性」既人,去睇三四仔把鬼咩﹖﹗
「三仔模式拍四仔」其實理解成「沒有格仔的三仔」就可以。
我是想說明,四仔不一定要「器官大特寫」的。之所以如此,只不過是因為三仔有格,做成三四仔在「見器官」這一點產生「市場分割」(呢個 term 希望我冇用錯),四仔才變成大特寫。
格仔不是喜歡好奇或神秘的人發明,
而是不想人家見到器官的「官」方發明的……
沒有格仔的三仔,那不是港產掛羊頭賣狗肉式的所謂咸片?要看咸片的人會要嗎?
hyster 兄 : 草莓牛奶勁似可愛教主… 不過我未睇過. 成於 及川奈央, 唔識..
tommy : 咁你快d 電郵篇傑作俾我..
嘩哈哈哈哈, 我當年為左睇女星 (個人超喜歡李麗珍同徐若瑄), 有睇過港產式三級片. 我懷疑導演係青頭仔~~~ 嘩哈哈哈哈
「沒有格仔的三仔,那不是港產掛羊頭賣狗肉式的所謂咸片?」
因為佢要就位。
我講既係,如果好似日本三仔咁,但係又冇格仔,會如何。
港產片拍得好唔好,同我既主張冇關係。
(又或者你覺得日本三仔都唔係路的話,咁想像下你鍾意睇既果隻三仔,如果有一日突然冇格仔既情況啦﹗)
如果不是受規則左右。
一套三仔完全是可以不加格仔、又唔使就位,同時亦唔係拍大特寫。
咁樣既三仔會唔會差得過你依家睇緊既﹖我唔認為。
我明了。先決條件是沒有規限,即偶爾會見到性器官,但又沒有大特寫。
謝謝了解
//bow
我覺得四仔係要滿足男人想「窺全豹」既心態而應運而生。
所以拍攝技巧,手法,特寫都好似解剖咁。
而由於四仔係犯法既,所以做得既都唔係知名既女優,令到四仔既原素變得太basic/ 公式化,剝、吹、乃、砌。
所以冇咁頂癮…
史兄,及川係我既favourtie 之一,而家轉型做良家婦女,做主持、演員同埋歌手…
路過……
很頂癮的一個entry
我想問一個無聊問題
其實d 3仔 4仔 係咪真係咁好睇?
好唔好睇視乎個人口味同要求. 如果有真人 AV 女優, 任揀, 我未必會再睇3 仔 4 仔. 我只可以講, 好多靠睇 AV 解決生理需要.
哈哈哈,好一個官方發明,fongyun。