June 9, 2006

• <一個時代的終結>

  - 警告 -

  又係個句, 十八禁. 如果你係衛道之士, 對於色情既野有反感;

  或者睇完呢d 野會嘔;

  或者失去生產力;

  又或者抱住一個極其認真既心態去睇辛格 (嘩哈哈哈哈, 擺明取笑緊你咧 iamsorman…) ;

  為左人類既福祉著想, 我強烈勸喻你唔好再睇落去 – 儘管我唔認為有人會睇似水蛇春咁長既警告之後, 真係會唔睇落去.

  .
  .
  .
  .
  .
  .
  .

  here we go…………….
  .
  .
  .
  .
  .
  .
  .

  約十年前, 亞視取消亞姐參選既最高年齡限制, 於是乎當時四十幾歲既上海姑娘宮雪花入選左最後二十強 (當屆冠軍係周正毅以前條女, 楊恭如). 話說到搶答遊戲環節 - 唔好問點解選美好似中學常識問答比賽咁有搶答 – 主持何守信問問題.

  何 : 龍虎豹…

  宮 (尚未待何守信問完已按制搶答) : …

  何 : 我未問完, 不過你已按制, 我唔會再問落去.

  宮 : 龍虎豹…….

  .
  .
  .
  .
  .
  .
  .
  .
  .
  .
  .
  約五秒後

  何 : 請盡快作答.

  .
  .
  .
  .
  .
  .
  .
  .
  .
  .
  .
  .
  .
  宮 (舉高食指) : 龍虎豹……. 係一本書.

  對, 龍虎豹係一本書, 一本最香港式既地道咸書. 與藏春閣高射炮男子漢火麒麟十隻白虎香港97一樣, 是港式老牌咸書. 狂送叫雞指南光碟的夜遊人和已玩完既 penthouse 不算地道, 因為當年佢地已經搵外地勞工拍裸照, 搶左本地工人既飯碗. 站在陳婉嫻黃國興既角度出發, 應該唔俾 夜遊人 同 penthouse 出版.

  其實何守信既問題係 “龍虎豹邊樣唔屬於十二生肖?”

  有空的話, 到 OK 或 7-11 的報刊一欄看看. 上面提及的地道咸書, 所剩無幾. 從高峰時期的十幾廿本, 佔去書架的最上排位置; 到現在只執淨三兩本, 六神無主地躲在一角.

  小學個陣 (到而家) 對性有極重的好奇心 - 即係好撚咸濕 – 經常暗啞底偷睇老頭放係床下底既龍虎豹. 老實講, 咸書幾好睇. 起碼我有認認真真咁研究過, 原來女人既乳蕓係可以有咁多花款, 咁多顏色, 大少可以相差咁多. 而女性陰毛既毛, 又可以如此多生長方法, 等等. 老頭既一本珍藏 – 鄭文雅個本寫真 – 的確好正. 而我亦都係睇 PENTHOUSE 先知原來有個金髮女人叫瑪麗蓮夢露 – 這比起同輩早了十年. 我還知道金頭髮既外國人, 陰毛不一定是也是金色. 而十隻白虎, 裏面既女人都唔係白虎, 騙人, 名不副實. 

  當年的我還未知道什么叫自瀆 (倉頡無兩點水旁個個正字), 唔知道咸書原來係用黎解決生理需要. 只係覺得裏面d 姐姐唔著衫, 好正好想睇 (扮晒那依夫). 我想, 後來我千方百計要買到李麗珍徐若瑄那本寫真集, 是有原因的. 李麗珍出的那本寫真, 的確好正; 徐若瑄那本, 仲正.

  然後到初中, 劉定堅出咸濕漫畫, 即真人三級相 + 意淫漫畫. 那大概是許多男生, 包括史弟, 第一次有機會係平面上接觸到東洋美女, 仲要係唔著衫既東洋美女. 情雙週 (?), 仲有許多掛羊頭賣狗肉既咸漫, 的確為許多人帶來沖擊. 原來東洋美女正過龍虎豹既良家婦女咁多 (痴鳩線, 邊有咁多良家婦女張開大腿任你影?). 個陣, 龍虎豹已經開始踏上譚詠麟的後塵, 成為上個世紀的遺物了.

  龍虎豹被社會淘汰, 被阿叔青年摒棄, 箇中大有學問. 這又是香港經濟轉型, 社會結構改變, 全球經濟一體化的一個極佳例子. 為免大家睇住咸野都要用腦咁辛苦, 我唔講了.

  沒有被 BT 咸片, 或是網上隨處找到的貼圖區所打倒的, 唯有雄風. 不是你我在床上的那些所謂雄風 – 事實上香港男人的雄風都係靠自吹自擂所得 – 而是主要對象係男同性戀者既刊物 <雄風>.

  我有幸看過一次雄風. 話說當年上計量經濟學課, 坐在第一排. 班中的兩個同學 (LL 和 DL) 係社會學系選修了有關性服務工作者的學科, 研究男妓.

  上上下堂, LL 拍我膊頭.

  LL : 史兄, 睇唔睇正野?

  史 : 乜野咁正先?

  DL : 總之就正拉.

  史 : 咁o拿o拿臨.

  DL 立刻從書包掏出一書雄風, 更翻開讓我觀摩. 我係咁意翻左一下……. 嚇到成堂唔敢講野.

  畢竟, 你見到成班大隻佬全部唔著衫, 再加上陽具呈硬直狀態, 眼角好似叫你同佢玩通渠咁… 我真係唔敢講野. 想嘔. 我估, 就算教授睇見我睇雄風, 都未必敢叫我收埋… 個日食飯, 好死唔死, canteen 有腸仔蛋飯賣, 仆街, 嚇到我即刻要食焗豬排飯…..

  我想, 我對男同性戀者的討厭, 是從那本雄風引導出來的. 我想, 個人主觀地認為大隻佬等同基佬, 是那本書造成的.

  我不要雄風.

  而為何只有男同性戀者雜誌而沒有女同性戀者的? 這是個有趣的題目.

  龍虎豹既沒落, 並唔代表咸書會從地球上消失. 而家你睇緊既壹本便利, 東週壹週, 其實咪係變種咸書.

  好掛住訓係上格床, 偷睇龍虎豹既日子.

  

  • 1:59 pm
  • 8 Comments