June 12, 2006

• <地球是平的>
  
  
  有仁兄三番四次係自己個辛格教人做d 係灰色地帶既事情, 仲多次引用 <地球是平的> (the world is flat) 作為金句. 如果地球是平的, 我想, 人類的樣貌不過是從百多個係東莞製造的面模倒出來的.
  
  
  頭先係youtube.com 睇瑞典比賽既精華. 頂佢個廢, 拿臣 (巴隆個個) 勁似張家輝. 無錯, 係千王之王個個張家輝.
  
  
  然後我每隔兩三日就會同女友講, 好多人好似樣. 張宇人似佢老頭 (梗係而家個件肥佬), stephy真人似相中既林嘉欣, 我阿公似藍精靈個個家達 (儘管家達只係動畫中既人物… 但由細到大, 家姐表弟同史弟都覺得好似…). 上次同初戀情人及女友食飯 (我地係中學同學), 見到隔離台個女仔, 有90% 似上任情人, 差點濟濟一堂… 退休 J (即係前幾日同我對話個個) 電爆炸頭個陣超似車大鉉…
  
  
  跟住女友就話 : 你眼細細, 樣衰衰都幾似阿 rain, 又似韓國人.
  
  
  但係室友又話係 now 24 小時新聞台個個黃珊似佢以前女友, 去左無線既郭詠琴又似大學同學 MT. 而所有人公認大學時候既韓國女同學有 100% 伏明霞 + 陳慧珊. 幫 samsung 賣廣告既韓國女星 (天國的階梯配角之一) 根本就係烈火戰車/ 流氓醫生個個梁詠琪. 係 118 電影預告片台睇到超人強戰回歸, 主角根本就係郭品超既美國版. 第一輯既 America’s most gorgeous men 其中一位參賽者同安東里奧班迪斯 (黑俠疏羅個主角) 好似孖生. 黃浩然同陳煒簡直係再世張國榮同梅艷芳.
  
  
  室友仲話阿根廷既蘇連一d 都唔似李健和, 反而係動力火車既 dick, 我地仲一齊大唱 <原來你什么都不想要> – 當時阿根廷 2:0 領先. 波歷克似麥迪文 (唔係江華個老婆麥潔文). 我樓下皇后大道中羅富記既阿姐好似唔似似細哨 (i.e. 巴西 10 號)… 搞到我唔敢堂食粥粉面飯…日本個龍門川口能活, 同竹野內豐, 好似.
  
  
  然後當我每晚 BT 咸片 (近排狂寫咸野…), 由遠古既小澤圓被指似劉小慧, 到現今既青木玲似 2R 既 Race, 松島似陳慧琳, 倉井似胡杏兒/林嘉欣, 我肯定, 正所謂天下功夫出少林,
  
  
  
  地球是平的, 人樣是係百多個模揀黎 copy 的.
  
  
  
  但係, 我揀似梁朝偉, 唔似阿 rain?
  
  
  
  
  
  
  

  • 9:24 pm
  • 5 Comments