June 15, 2006

• <一百萬題目 (但沒有答案)>
  
  
  姆明, 一隻類似河馬, 淺藍色, 但會講人話既小動物. 佢住個條村, 個個不事生產, 個個都係怪人.
  
  
  先重溫佢既全家福 (左起 : 紅色衫個個叫阿美, 並非姆明屋企人, 不過持熟賣熟. 有頭髮個個係科妮, 姆明條女. 藍色個隻係姆明. 另外為姆明媽媽及姆明爸爸) :
  
  
  
  
  
  
  (陳啟泰把聲) :
  
  
  姆明未黎之前 (註), 姆明爸爸和姆明媽媽分別叫乜野名?
  
  
  A. 董建華, 董趙洪娉 (提示 : 身型幾似. 姆明爸爸頂帽令我諗起董在利物蒲既日子)
  
  
  B. 爸爸, 媽媽 (提示 : 姆明不在, 故刪去姆明)
  
  
  C. 未來姆明爸爸, 未來姆明媽媽 (提示 : 兩老係先知)
  
  
  D. 尹志強, 米雪 (提示 : 唔知. 突然諗起世界盃, 又想起尹佬)
  
  
  
  註 : 根據兒時記憶, 姆明與姆明爸爸和姆明媽媽並沒有任何親屬關係, 而姆明原本並唔係咁既樣, 而似一條瘦猛猛既外星人. 第一集講外星人 (即姆明前身) 無端端去到 “不事生產村”, 遇到後來既父母, 唔知經歷乜之後大受感動, 於是乎最後與姆明爸爸和姆明媽媽相擁. 點知一擁, 外星人就變成姆明爸爸和姆明媽媽咁既外型 (其實幾慘, 咁既樣點出去搵食? 可唔可以改擁林嘉欣? 怪唔之得姆明淨係可以用自己個樣出拼圖, 相架, 紀念品咁). 於是乎就與姆明爸爸和姆明媽媽一起屋住, 仲溝埋隔離屋阿豬女添…
  
  
  
  
  
  

  • 3:26 am
  • 1 Comment