June 19, 2006

• <仆街>
  
  
  你有冇認識一d 人, 你一見到佢, 同佢講野, 就真係想搵玻璃樽亨鳩佢?
  
  
  每次見一個舊莊友, 我都有衝動想殺撚死佢. 坐監都咁話.
  
  
  我唔明白點解有d 人生活會要以 “証明” 其他人係錯為目的. 你講什么, 他都不同意, 然後攻擊你本人. 明明係度講笑 (例如話我阿媽係吳孟達), 佢會即刻好認真咁同你講 : 你錯咧, 阿媽點會係男人.
  
  
  成場係度講做公務員有 housing allowance, 跟住又話匯豐銀行既員工可以七折買股票. 最後夠膽講句 : 其實我都唔係好鍾意錢.
  
  
  正! 放屁有個限度, 你都唔知我忍得幾撚辛苦.
  
  
  頂佢個肺, 連我話唔想結婚都要俾佢叉輪廚.
  
  
  莊友 : “乜你唔想老頭老母睇住你成家立室咩?”
  
  
  回 : “乜成家立室, 脫離群腳仔一族要等簽左張 A4 紙先得嫁咩?”
  
  
  最好笑係佢話要轉行 – 佢而家仲未拎到工程司牌 – 跟住話政府如何如何地剝削佢地, 如何同工不同酬, 上司如何地不濟. 跟住問佢想做乜, 佢話做海關或者 AO.
  
  
  點頂?
  
  
  
  
  
  
  
  

  • 4:54 am
  • 10 Comments