June 23, 2006
-
<大鑊飯萬歲>
(1) 呢兩日最戇鳩既事情, 並唔係十點訓覺然後三點起身睇左一場無入波既比賽. 而係有一班商賈走去支持李國章同副學士制度. 聽講仲有成 200 公司咁多添.
真係仆街, 設個陷阱出黎都算, 仲要做大龍鳳 dum 人落搭. 政府算唔話得.
(2) 跟住李澤楷話要為小股東搵最大著數, 所以一走去馬, 出售資產 (差唔多咁上下). 唔知佢良心發現, 定係痴撚左線. 當年佢班粉腸 $20 狂出貨, 害得我地d 小股東仆街, 只不過係昨天既事. 應該係 “搵小股東最大著數”. 真係無恥. 唔知佢買得成信報未呢? 睇怕林行止既暗病過左咁耐都好返.
(3) 然後, 民陣既七一遊行. 一睇口號,
「平等公義新香港，民主普選創希望」
再係 http://www.civilhrfront.org/ 睇落去 :
“今年七一遊行，由勞工及青年群體領頭，高舉「平等公義新香港，民主普選創希望」之旗幟帶領香港市民起步。
勞工為香港社會帶來重大的經濟貢獻，然而在今天經濟開始復甦的情況下，勞工仍未得到應有的社策保障，包括最低工資、標準工時、集體談判權；外判制度的剝削也是無日無之。
青年方面，失業問題個人化、教育和住屋政策失當等，皆使青年人身處忽視和歧視的境況中。
勞工和青年都是社會重要的一份子，我們希望藉著由這兩個群體領頭，喚起政府反省一直以來對他們的漠視。”
我隱約感到, 每年只去六四晚會就夠了. 更直接了當, 口號倒不如改做 :
「平等主義新香港，人民公社創希望」
