October 19, 2006
-
<生活的調理農務>
若你認為生活 – 那怕是讀書寫字返工泡女失業 – 太過枯燥乏味的話, 我誠意推薦你打去任何銀行或寬頻公司的熱線電話. 每次當我以為自己已成為老野, 做人再無乜火既時候, 打去熱線, 總令我的小宇宙再燃燒起黎, 所謂無名火起三千丈.
“你好” “li hou” “good afternoon”.
這三句話和去加州紅唱 k 的人頭費一樣, 乃最低消費, 無走雞. 好彩既話, 無花生果盤. 唔好彩, 你會聽到以下三句 :
“你好, 歡迎致電 xxxx 電話熱線”
“li hou, kwan yen zi ten xxxx ten wai yee sin”
“Good afternoon, thank you for calling xxxx customer services hotline”
聽完呢三句. 你先開始有得揀語言. 現在時間, 1時10分. 你好肚餓.
好些熱線會要求你輸入身份證或信用咭號碼. 身份證數字較少, 但信用咭有成 16 個位, 入錯一個… 無得按 “backspace”, 剩底既要亂入. 無人會咁戇鳩錯左第一個字仲會繼續好有心機入落去. 於是乎, 你已經無端端按左 48 個鍵.
最令人興奮既係, 打熱線電話竟然和在機舖打 1943 差不多. 你有三條命, 如果三次都失敗, 入錯料, 會 game over, 電腦會即刻 cut 你線, 彰顯生命無 take 2 既真理. 1 時 13 分.
更加令人振奮既係, 當你條傻仔小心奕奕咁入號碼既時候, 我尋日打去電盈個熱線, 發現佢要求我入身份證號碼, 我求其入 333333 (3), 係可以過骨既.
過左第一關, 跟住會有些少獎勵 : 一把聲幾好聽既電腦女子會讀出一排功能.
根據我多年打熱線電話既心得, 呢排功能鍵能解決你既問題的機會率, 係零.
重申, 係零.
但你唔好理, 聽完把女聲讀完個排功能鍵, 已經係 1 時 16 分. 辦公桌前面個盒西炒飯, 仲未得閒開.
既然電腦幫唔到你, 總得想找個真人傾訴一下. 情形就好似d 人要打上電台峰煙咁. 可惜, 任憑你點抓爆頭也好, 你都唔知按邊個掣可以搵到 白姐姐 - ”客戶服務主任”. 得, 我知道係刻意唔設呢個功能鍵. 於是乎其求按其中一個功能, 去到子功能一頁, 應該可以搵到主任咧掛.
又聽到一輪鳩o翕. 望住盒西炒飯既你, 開始唔耐煩.
按 0. 你已經記唔起唔知邊條友話按 0 會搵到客戶服務主任.
“對唔住, 你輸入既資料唔正確. 請重新輸入.”
美女再重新鳩o翕一輪, 再按 0.
“對唔住, 你輸入既資料 仍然 唔正確. 請重新輸入.”
屌. 阿差都知 仍然 唔正確. 但仍然搵唔到客戶服務主任.
再再聽一輪鳩o翕, 再再按 0.
“對唔住, 你輸入既資料仍然唔正確. 多謝致電 xxxx, bye bye.”
WHAT THE FUCK! 這服務熱線的態度比起女友更加橫蠻無理, 話 cut 線就 cut 線.
呢個時候, 已經係 1時20分. 食飯時間無左三份一, 盒西炒飯, 仍然未甩過.
唔信邪, 再打. 通常炒窩輪輸錢既人, 都係非常唔信邪.
再聽多一輪鳩o翕. 你開始亂按. 但最奧妙之處係, 通常亂按後, 條線就會飛到去客戶服務主任個邊…… 等佢聽.
“唔好意思, 我地而家既線路好煩忙, 請等一等” “sorry, our lines are busy. please wait.”
但你一開頭是按了以 “廣東話” 操作的 1 號鍵. 由此推斷, 那句英文, 分明是想拖延時間. 打熱線竟然可以訓練邏輯同偵探頭腦, 你開始係位傻笑.
辦公室電話無 handfree 既你, 唯有左邊夾住個電話. 你害怕放低電話吃飯, 客戶服務主任就會立刻聽你既電話. 上一次你對陌生既人同事感到害怕, 係沙士個陣係地鐵咳左兩聲, 無載口罩既阿伯.
你右手打開盒西炒飯黎食. “oh fuck, 得半盒, 樓下個外賣仔又偷食.” 1 時 30 分
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…15 分鐘後.
“唔好意思, 我地而家既線路好煩忙, 請過一陣再打過黎. bye bye”.
就是這一句令你肯定之前既那句英文係為左拖延時間. 屌佢老母, 你開始忍唔住係位狂爆粗. 連個半盒西炒飯你都一手掃落垃圾筒, “我 . 唔 . 撚 . 食 . 咧 . “
冷靜下來. 你呆了. 你開始懷疑究竟誰是客戶, 是你還是服務主任. 你感到絕望了. 你根本不知道怎樣才能找到客戶服務主任. 原來, 他比曾蔭權及金正日更難搵到.
你想問的, 不過是訂陳奕迅演唱會飛既 id club 電話幾多號.
最後, 你竟然連個半盒西炒飯都保唔住.
最後, 你剪左那張 id 咭. 下午努力工作.
果真為熱線.
Comments (12)
wanna know what’s even more frustrating? They have audio recognition systems now, and you are supposed to say to the machine what you need. all you get to hear is “Sorry, we couldn’t recognize your request. So, how can i help you today?” you just wanna smash the freakin phone.
and in that case, you can’t really call those hotlines in public cuz it looks really stupid when you try to repeat words to the machine……
史兄：我通常乜都唔輸入唔出聲。o係咁情況下，好似快o的聽到人聲o架-通常。
我都好憎打電話去呢d 所謂客戶服務熱線, 都唔知邊個服務邊個, 成日都要聽一大輪廢話, side 晒人地d 時間, 攪完一大輪都係無人聽我電話, 激到我死~~ 就算有人聽左你電話, 都可能會同你講話其實係第二個dept d 同事負責, 之後又掉你去第二條線, 又等一大輪, 好彩既會有人聽, 唔好彩既會係你等完n 咁多分鐘後同你講”對唔住, 我地而家既線路好繁忙, 請你過一陣再打過黎啦, 88~” 之後我就會 #^#%&^&((^)()((&^&
我成日都覺得lunch time 佢地係會無人聽電話, 所以我都唔會果陣打去, 費時令自己死多d 細胞…..
路過…你下次可以直接打去報失咭熱線, 同佢地講話因為hotline完全無人聽先迫於無奈打比佢地, 麻煩佢地幫你駁過去, 實通.
好好既知識
lunch唔好打去, 打去唔好出聲, 再唔係的話打去失卡部,
我會 盡量開speaker phone, 一路食飯一路等
keke
我覺得掉左盒飯好得意, 我會黎搵佢 陪佢出去食.
我通常半夜 / 一早七八點打去，情況會比較好~~~
最憎就係都未聽到個客戶服務主任把聲就收線，喂，而家我打比你，連電話都未聽你就 cut 我線？你老幾呀？
我試過晚上十一點幾打去hsbc credit card hotline, 等左我超過十分鐘…… 比著以前 我嬲到打人… 不過試得多, 我d 火已經收~ 晒…. 於是我忍 攤係張床 我等 我等 我等 我等 我等 我等 我等 我等 我等 我等 我等
千祈不要在lunch time 打, 在公司失儀就唔好la
完全同意，尤其電話公司果D，基本上好似係為左唔俾人打得到而設計。
近年香港人怨氣越黎越高，非正式統計有八成同打得多呢D電話有關。
明顯是史兄你有問題!!!!
人家分明說是「客戶」服務「主任」嘛!!!
誰是主人誰是客，一清二楚
銀行的電話錄音系統還可以（一定不會喜歡），有時都會打失卡熱線博有人聽。
午膳時間不要打電話去政府部門，一定無人聽。就算坐在電話旁邊，也訓示不要接，因為先例一開以後會好唔得閒，吃飯也沒有時間。
不是說推卸責任，但不懂就是不懂，雜務不是通天曉，無謂亂答惹誤會。
很奇怪，信上已註明負責人的直線電話，但許多人仍然打這個「一般查詢電話」再拿直線電話，哈。
我打呢類電話通常都唔會理佢有乜選項, 直接按入去”申請”o個個服務(多數會有人聽), 仲要唔理佢幫唔幫到我, 一唻就問佢點稱呼, 之後一輪嘴講我個問題要佢答我！
今日打一個電話，竟然一接線就是客戶服務員。
那電話是煤氣公司的。