November 5, 2006

• <畜牲日記>

  為左取悅我既女性讀者, 今日呢篇係講唐老鴨.

  女友係唐老鴨既忠實粉絲之一, 由中學開始已經沉迷呢隻畜牲. 咁耐我只係見佢過一次羡慕人地有既唐老鴨 – 香港的第一號粉絲, 即成日上報紙雜誌個位. 而我同佢行街幾年, 不出十件畜牲既精品係 (1) 佢冇 同理 (2) 佢好鍾意.

  愛屋及烏, 殃及池魚. 我自從搬左去中環, 屋企多左好多畜牲精品. 係度介紹下我最鍾意個幾樣 (後面 : 係你鍾意定你女朋友?)

  (1) 阿大.

  四呎半唐老鴨, 真人咁大, 取名阿大. 唔好問點解廿幾歲人仲要為死物改名.

  佢真係好大. 平時同我一齊訓, 我張雙人床有一半俾隻野訓左. 為左影相, 我特登將佢放係張大班椅, 等大家可以估計佢有幾大 :

  

  唐老鴨 : 嘩~ 主人隻松島楓好正!!!

  [十分鐘後]

  

  唐老鴨 : 嘩~呀~~ 射左出黎, 舒服晒 (留意佢隻左手).

   

   

   

  .. 一時忘形, 唔記得左呢篇野係為左取悅女性讀者… 除左阿大, 仲有阿中, 阿細, 阿細細. 女友無買阿中, 但有兩隻有手臂咁長到既阿細, 同埋一隻似老鼠多過似唐老鴨既阿細細. 基本上全部同阿大一樣樣…

  (2) 阿旭 : 手偶公仔, 太源街買. 鍾意佢係因為只係用左 $68 買, 係 gift land 要 $98. 顯示出我既至抵精明眼. 叫阿旭, 係因為佢識得 “旭”. 相張影得好核突, 成個 “木咀” 咁, 其實佢真人靚仔好多 :

  

  (3) 東京迪士尼畜牲食糧箱

  當日女友無踏出過美國大街, 我偷偷地去左附近, 用成舊水買左呢個盒. 好得意.

  個盒連餐買. 裏面唔知有乜狗屎, 同垃圾, 好難食. 但由於我十分肚餓, 無理咁多, 食晒.

  但買完又怕女友聰明得濟, 自己行過去買一個. 於是乎一個人坐係個 counter 成個鐘, 若女友走過黎都可以截住佢… 最後佢梗係沉迷係美國大街, 根本無諗過離開… 你唔好理… 呢個野真係好得意, 同好貴.

  

  (4) 刨冰杯.

  同 (3) 一齊買. 不過我淨係買左呢個杯, 無買埋d 刨冰. 皆因我食唔落.

  

  (5) …. 一直坐係 LCD 芒上面 (佢係第一張相出現過). 成日用射喱眼望住阿大自瀆….

  

  (6) 無獎問答遊戲 : 請數出下圖的唐老鴨數目.

  
  

  其實係床頭既唐老鴨閣, 當中有史弟既生日禮物.

  對, 係我既生日禮物.

  我頓時諗起送鬚刨俾阿媽做母親節禮物.

   

  • 9:01 pm
  • 15 Comments