November 16, 2006
-
<傻仔>
1. 李澤楷旗下的電盈 (技術上應該仲係佢既) 用十億買英超, 有線痛失直播權.
簡直痴線. 當網上五花八門既程式可以睇晒大陸所有電視台既時候, 竟然用十億 (1 後面有九個零) 去買. 倒不如自己係香港搞個英超, 學卡塔爾咁搵d 過氣球星過黎 (一定要有巴迪斯圖達) 拉.
當然, 大家再也不用痛恨有線收費高昂咧, 皆因唔會再大新人咁笨七俾有線斬.
有線話睇體育既客只得十幾巴仙, 但無左英超, 點吸新客? 要買蘇格蘭聯賽嗎? 除了中村俊輔, 你識邊個?
2. 早年雅居樂搵黎盧敏兒同昔日男主持 (唔知個名) 賣廣告, 口號係 : 有身份證就可以做業主.
家陣審計署揭工貿署亂派公帑, 咁仲唔係打正旗號 : 有商業登記証就可以拎公帑?
3. 扶貧會建議設立兒童發展基金, 以一對一配對供歡進行, 即家長供 $1 政府供 $1, 以協助貧窮兒童.
我的天~~~~~~ 這樣白痴的計劃, 不知道是那個弱智想出來的.
貧窮的家庭講緊係三餐不保, 手停口停, 連搭叮叮都要儲半年錢, 食既係菜檔既菜尾, 係名副其實的餐搵餐清.
佢地並唔係拎左d 錢去食白粉飲酒買大細 (儘管個別家庭係咁), 而放棄投資係細佬身上既機會.
當一個家庭連花三數十元俾小朋友去吃麥記都冇商量餘地既時候, 提議呢個計劃, 同當年晉惠帝講 “何不食肉糜” 有乜分別?
Comments (3)
俾你講左tim, 我本來想寫「你出一份肉糜,政府出一份肉糜」。
證明我暫時無發達既眼光，早知搵幾個朋友整間空殼公司黎拎錢……
我好認同你「何不食肉糜」既論點，而好遺憾我係諗唔到呢一點……但係，唔知係咪我既問題，我覺得要窮等人家既兒童與富貴人家既兒童接受相等既生活係唔可能亦都唔應該。我以前細個夠無錢啦，唔搵私人教樂器咪搵政府囉，見到而家新聞報有個兒童屋企「無錢」笛────好衰唔衰重要係中國笛────，又話無錢整笛咁，我心諗，我學左十幾年我都唔會拎支笛去整啦，中國樂器不嬲都係自己整的……而你屋企窮，自然無可能同富貴人家一樣，咪諗下點樣響有限既資源做到人地既效果囉。
我唔否認而家社會越黎越注重技能，但係好明顯係向住「人有我有」既方向行緊……
我可能真係偏見得緊要，我以前屋企咁窮都可以學到野，有心學既會無辦法???
班友記錯0左係大學籌集經費,大學最多起少個lab,請少個professor…唔通要d小朋友食少碗飯咩?!