January 25, 2007

• <We are living for ourselves, experts>

  一年之初, 廿歲少女因情郎提出分手, 從天台一躍而下. 令人惋惜.

  這可能是少女的初戀, 或者第一次俾人飛 – 否則她應該明白, 分手並不是一件可怕的事情, 俾人飛, 也不是怎樣的一回事. 許多人當日要生要死, 到今天來活得更精彩.

  大家要明白的是, 沒有什么是不可代替.

  有專家認為, 不要在節日或具特別意義的日子（相識紀念日等）提出分手，令對方傷害更大  (jerlame 的 entry 中有提及). 也要 訂下冷靜期，給大家時間挽救感情.

  先唔好理呢d 提議有冇用, 我想首先提出一點, 就係呢d 建議既目的, 只係想將痛苦延長. 一個你諗住同佢分手既人, 等同生係你身上的毒瘤, 必須先除之而後快. 一個已患了末期癌症的乳房, 還可怎樣救? 我唔想單邊波, 但要面對現實.

  然後當發現離婚夫妻同住一室而發生慘案, 這些專家又會跳出來, 要求離婚夫妻要及早分開住. 不一起住, 怎挽救感情? 查理斯要和戴安娜重拾舊好, 下下搵龍婆嗎?

  再屈指一算 :

  一月, 新年流流, 唔好搞咁多野, 唔得.
  二月, 情人節, 仲有中國新年, 要團圓, 要和諧, 唔得.
  三月, 終於有d 機會講分手.
  四月, 復活節放假, 而且臨近會考, 專心讀書, 唔得.
  五月, 終於有d 機會講分手.
  六月, 終於有d 機會講分手.
  七/八月, 放暑假, 有太多時間俾佢亂諗野, 唔得.
  九月, 開學, 唔得.
  十月, 國慶, 中秋, 人月兩團圓, 唔得.
  十一月, 深秋. 俾佢見到落葉, 好容易觸景傷情, 唔得.
  十二月, 聖誕喎, 普天同慶, 唔得.

  於是乎, 一年三百六十五日, 淨係計節日一年都只係得番三個月 (三月, 五月, 六月) 可以提出分手. 若過你同伴侶分別於呢三個月生日同相識/ 紀念日, 恭喜你, 你終於覓得愛郎 : 佢呢生呢世都唔可以離開你. 起碼, 佢肉體上離開唔到你.

  沒有經過大腦提出這些注意事項 (或已經經過左…), 等同陳永 6 等財經演員叫你 “記住價位低就好入貨”. 乜野係價位低? 幾時會價位低? 木宰羊.

  你永遠不會找到最好的時機去作出某些決定, 因為這些作謂最好的時機, 根本不存在. 若你思前想後, 發現自己真的不再愛此人, 請分手,
  也不要幻想能把傷害減到最低. 在你想分手的那一刻, 那人的死活已與你無關, 她已不再是你內心的一部份. 請不要懶有 gentlement
  風度, 還擺出一副十分關心的樣子. 對對方來說, 這是殘酷的. 任何男人 (包括你自己) 也知道, 你只是想今日留一線, 日後波檯見.

  早年負資產當道, 中環返工既十個有九個係負資產. 聰明絕頂既香港人發明左燒炭呢種無痛自殺方法 (專家話係假既, 燒炭死好痛.
  唔好問點解專家未試過燒炭死, 但係佢又會知. 可能係有人燒炭就死個陣打俾佢, 話佢知). 一時間呢種咁潮既自殺方法, 瞬即係香港流行.
  流行到有人提議超級市場, 要收埋d 炭, 買既人要登記先可以買, 以防d 人自殺. 好似又有人提議炭出面加張 “愛惜生命” 既貼紙, 等d
  人燒燒下, 唔覺意見到貼紙, 會即刻回心轉意. 當年香港人還有半點理性, 無人理呢d 建議. 唔係既話, 當有人食蕉哽死, 恐怕連蕉都唔俾賣.

  當然, 好些智商高一點的專家, 會提議自殺的人, 死之前想一想父母 (若然仍健在….否則其實係共聚天倫,
  會加速自殺), 親人, 子女及身邊既人, 係你死後係幾咁難過, 咁大家就會打消呢d 自殺既念頭. 我有理由相信,
  呢班專家同提議分手前要注身分手日子, 同要先齋戒沐浴的那班專家, 是同一伙人. 起碼佢地住係同一間青山病房.

  在這班專家的世界中, 人生活在世上, 好像就是為了其他人而存在. 阿某某某, 你要努力讀書, 不要辜負老師及父母對你的期望; 阿乜水, 你要勇敢的活下來; 阿小丙, 念在大家結了婚這么多年, 也為了子女, 你便再忍一下吧. 你老公會改的.

  哪么我呢? 我老是顧及人家感受, 我的存在, 難道只是為了其他人嗎?

  要
  自殺, 要分手, 這壓根兒就是妄顧他人感受的行為. 你反而倒個頭來叫他顧及他人感受? 這有點像老師為鼓勵連續十年考第尾, 留班 n 次的同學,
  一句 “你要努力讀書呀!” 就了事. 省港旗兵難道要肯定周大福內沒有孕婦 – 皆因在東莞也有懷胎十月的老婆 – 大叫 clear, 才一擁而上,
  搶金奪銀嗎? 天下太平, 是沒有誰會想無端端做些損人不利己的行為來的. 是一個人感到絕望, 走投無路, 叫天不應叫地不聞, 他才會把心一橫,
  放棄塵世間的一切, 了結自己生命, 或是為一段感情寫下句號.

  沒有誰不想分手時, 是所謂 “和平分手” -
  這大概與 “和平崛起” 有相同的意味 – 分手後偶爾可以打友誼波, 維持良好的舊伴侶關係. 但誰也知道,  這是幾乎沒有可能的事.  越和平,
  越冷靜的分手,  根本分不了手,  對方只會不厭其煩地說 : 你頭先仲好地地, 一路都好地地, 點解要咁對我?  一子錯, 滿盤皆落索.  剪不斷, 理還亂. 曾聽過友人一天清早醒來後,
  對仍睡眼惺忪的男友說 :

  我不愛你了 (I don’t love you anymore).

  什么? 我們昨晚才大戰三百回合呀? 我肯定她男友這么想. 皆因, 友人告訴我的時候, 我也有同樣的反應.

  傻仔, 不要再問下去了. 任何原因, 也是和生豬肉一樣, 是砌出來的. 可以的話, 她會選擇繼續愛上你. 可是, 這不是她可以選擇, 與及解釋的. 愛與不愛, 也沒有原因.

  要決斷地分手,  選擇重要日子, 重要地點 , 重要時間, 根本是理性的選擇 : 我要告訴你, 我寧可選擇在這重要日子與你分手, 也不想多煎熬多半秒鍾. 你看清楚我的真面目吧, 我不愛你了. 你快點從我的世界消失.

  有誰想親手了斷自己的生命? 問題是, 不將自己的生命了斷, 財務公司的接力式收數活動是不會停下來的. 那個時候, 父母兒女連出街也提心吊膽. 誰也想可以有數百萬, 補貼銀行追收的差價. 但怎樣? 專家說應多儲一點錢, 以備不時之需, 痴撚線.

  此等何不食肉糜式意見. 聽左仲衰過無聽. 倒不如直接叫提出分手既人嘗試再愛伴侶, 睇下可唔可以唔分手呀笨. 又不如叫自蔽人仕多與人溝通呀笨.

  更令人費解的是, 近年正流行一陣不知所謂的風氣. 這風氣的重點, 是 “拿刀殺人, 然後怒罵殺人兇手是刀”. 打個比喻, 以上少女因情自殺,
  人們就會一窩蜂批評男事主 “分手不合時機”. 但其實每天也有這么多人分手, 重點其實是否該女生不懂分輕重, 為情輕生?

  專家們的提議, 就正正是這種風氣的反映.

  酒樓結業, 付不起租, 傳媒沒帶腦袋瘋狂批評業主; 立法會議員也不顧一齊, 指業主 (特別是領匯) 無良, 又說會帶來失業. 付不起租, 是業主的錯嗎. 業主加租,
  是代表他預期有更具競爭力的商戶肯付更高的租; 別抽後腿, 說業主可能預計錯誤 – 就算是, 業主也是拿自己的財產來押注,
  會有人把現行租客趕走, 而將可能得到的穩定收入胡亂押在預期上嗎? 專家會走出來說, 業主加租要考慮租客能力. 你都痴鳩線, 佢唔租大把人租,
  我使撚理呢個租客有冇得交租. 最緊要係下一個租客有. 還有, 樓酒今天關門大吉, 過兩天有今的租客, 開立新的酒樓或其他商戶,
  一樣同樣會帶來就業機會.  乜野製造失業?

  吸煙不好嗎? 貼張骷髏頭係煙盒. 若然一張骷髏頭可以令人戒煙, 或者食少d, 仲有邊個敢唔信耶穌, 死後定必落地獄, 面對一大班牛鬼蛇神? 前兩天說大學生沒有責任感, 這大概也反映了這一陣風氣. 完全沒有自我反省的心, 一味說是人家的問題, 社會的錯, 政府的失誤.

  電影有粗口嗎? 屌那星, 不過是 “你老母” “仆街”. 連頂你個肺的程度也未到, 就不理一切, 投訴, 禁. 很多人完全失去經過非常基本的思考, 而作出分析是非的判斷力. 一切與大家理想中那個 “烏托邦” 有絲毫分別的行為,  直覺地本能地非要打壓不可.

  胡亂批評, 還沒有明白事實的根本, 勿亂提建議. 你可以叫人多思考某方面的問題, 可惜救世主不是容易做的. 咪撚扮 constructive, the road to hell is paved with good intentions.

  畢竟, 我們是為自己而活的, 專家.

  • 10:27 am
  • 13 Comments