February 20, 2007
-
<北海道拾趣 I>
有 I 即係可能有 II… 可能即唔係 100%… 無論如何, here we go:
1. 去東京前, 先跟團到北海道五天. 一向對旅行團沒甚好感, 皆因跟團和坐監實沒有太大分別 – 超早起身, 但把時間浪費在無甚意義的事情上 (例如塞車). 上一次跟團是小六到泰國 (那時候不懂反抗), 那個時代跟團的話, 是有一本書仔, 裏面印有各式各樣張國榮許冠傑陳百強既歌曲歌詞, 好讓大家在在熱狗巴士上唱. 尤記得當年跟團友一起唱過友誼之光… 到若干年後我才知道那是電影 監獄風雲 的主題曲…..
2. 和預計中差不多, 團友也是中年或老年人, 除非要猴住人副身家, 否則艷遇既機會率係零. 另一方面, 我最怕與陌生人, 尤其是不知人家底蘊的中年人談話, 皆因開口夾著脷的機會率係一百… 果然, 甫一開場, 談及自己工作, 已立刻有團友問買乜野股票好…. WTF… 幸好年初俾人問到年尾, 我早已有一套答案, 化解了一場 “乜讀經濟唔識炒股票” 既危機.
3. 然後有團友知我大學畢業, 問我怎樣看 IVE 及副學士. 我已經知可能會中招, 已經試探定對方仔女係讀緊大學定係乜. 見佢話個女廿一歲仲讀緊書, 照計應該係大學生, 咁即係唔係既得利益份子, 起碼唔係讀緊副學士, 於是乎拿拿臨搬返個陣寫過有關副學士係大鑊飯既 entry 出黎 (差唔多背晒出黎一次). 對方說所言甚是, 然後加多句個女原來係讀緊 IVE…. 屌, 原來同計安全期一樣, 計年齡唔會準得去邊… 好彩係 IVE. 若然佢讀既係副學士…
4. 而開口夾著脷的所謂 100%, 就是團友們紛紛垂詢小弟結左婚未/ 幾時會結婚. 好… 見大家萍水相逢, 我忍你….
5. 曾說過到外地旅行, 必試純萬及麥當奴, 以響應全球一體化. 今次屎忽痕, 試新野, 買左包日本牌子 SEVEN STARS.. 點知買錯味, 濃到紅萬咁… 食左半支, 已經好似飛仙咁. 結果係北海道成程都係半支煙. 跟住去東京, 買左包 MILD SEVENS, 諗住無死. 點知買左特長, 吸極都係半支. 結果係東京成程都係吸半支煙…. 今次只到麥當奴吃過早餐, 香港的豬柳蛋漢堡較好吃. 還有人家的麥當奴是有吸煙區的… 呀~~~~~
Comments (12)
特長唔知有幾長呢？香港無得賣？
跟團0既0野, 我介紹你跟蔡瀾(全日本)或我去(東京), 保證有驚喜(嚇).
下次去日本, 我介紹你試下sagami gomu 旗下0既產品 (其實香港有售, 但江湖傳聞, 日本仔export 唷0野留好0野俾自己 — 真假有待探究), 真係好到呢… … 哈哈哈~~
哈哈，監獄風雲，正。
香港既麥記係全世界最好食架~!
‘幸好年初俾人問到年尾, 我早已有一套答案, 化解了一場 “乜讀經濟唔識炒股票” 既危機.’
Could you share part of your answer? I always worry how to answer this question. If I say I don’t know, people will think that I am keeping secret and don’t tell them.
I am also an Econ Major.
to outlawhcc : 基本上唔可以正面答問你個個人, 因為 (1) 你根本唔識 及 (2) 就算係真佢都唔會信. 你要問下佢個 risk profile, 多數人都唔知. 你叫佢返屋企做下有關既測試 (匯豐, 恒生既網頁都有), 然後再根據有關測試結果作投資. 跟住搭多句個市既近況, 買藍籌比較安全同穩陣. 好多人都唔會再問落去, 但又唔會覺得你無料到. 記住, 呢d 係愛黎應酬街外人. 如果熟d, 梗係叫佢唔好亂掉錢落海, 如果佢後生d 又無乜錢儲, 提議佢去做月供股票計劃.
Hyster : 唔覺香港有. mild sevens 係香港都好少見. 有幾長? 唔夠我陽具長, 所以其實好短…… 大概等同香港既綠色 YSL 咁上下. 同埋佢幾 COME 燒(唔記得中文點寫), 燒極吸極都硬係仲有成支…
襟燒咪抵食囉!!!! 不過mild seven 陣味好畸怪, 食到有d想嘔!!!
呢個世界，係正常人都會將好野留番俾自己。
只有中國人會將D好野出口晒，自己食D次貨。
但中國d次貨真係好”次”, 想出口都出唔到la !!!!!
史兄: 應該試下lucky strike 嘛…我次次去日本都買一條番黎…下個月我去買包番黎你試下~~
Kakakathy : lucky strike 好像香港也有. 印象中日本是較多口味吧… 綠色係薄荷, 我又唔食薄荷煙. 細細個個陣成日幫叔父買紅色 lucky, 嘩…臭到呢. 有冇純萬味 version 既 lucky? 先謝咧~~