April 11, 2007
-
<男人能給的溫柔是…>
- 在東角金百利利時等作三陪時 (陪買, 陪睇, 陪拎), 不會掛著待打靶般的面口.
這
個要訓練, 畢竟飢饉三十也不是人人完成到. 知道嗎? 重慶大廈的女性黑人通常自己逛街, 皆因她們不喜歡和黑面的男人一起購物 (這個 gag
也挺爛的…). 只要望著其他黑面的男人, 通常能笑口常開. 能付鈔也更好. 但女孩分分鐘搵多過你, 佢都唔旨意你會俾錢.難度 : * (五粒為最高)
- 入戲院時先讓女友坐下, 自己則在後面拿著爆谷汽水.
昨晚看魔疫時, 看到前排的男孩子, 一入戲院就像標童, 一支箭走到中間坐下; 然後望著在後面的女友正左顧右盼, 小心奕奕地走…
難度 : * (無難度. 皆因無女友, 唔使讓.)
- 不要啪一聲便掛上電話.
這個是學裴俊勇 (還是裴勇俊? 管他的). 這白面男在一電視劇中…竟然說向著電話另一端的女主角說 : “你收線先. 唔係我唔捨得收線.” 於是乎你也要記住, 你女友並不是 pccw 的熱線服務員.
難度 : **** (皆因我做唔到)
- 避免說艱深的字眼, 用最淺白的文字及例子代替.
平生最怕遇到一開口便是 ” f(.) 函數要有 continuity 的情況才能作出 differentiation” 的技術性人仕, 或是不引經據典會口臭的傢伙, 不斷訴說 “根據奈特 1920 年代所寫的文章, uncertainty 和 risk 是大有分別…” . 曾見過友人向商科畢業的女友瘋狂講解電子同電流的學問, 我不禁懷疑其女友會否快溺斃於奄悶中. 有趣的學問, 用例子作演繹, 效果更佳.
難度 : * (小人並唔認為女仕對炒股票以外既經濟知識有興趣, 所以好少講起d 認真既野)
- 去旅行時肩負起最低要求的責任, 作點計劃及給予意見
一句 “女友會搞掂”, 毫不準備, 將計劃事宜推到女友身上. 事前 (甚至乎係事後) 住邊區, 訓那間酒店不知道, 就連去幾耐同去邊度都一臉茫然. 遇上不稱心的安排, 又埋怨女友不周. 地圖不懂看, 英語不靈光, 荷包不腫脹, 計劃不周詳. 和此等男生去旅行, 比帶著小弟弟去海浪公園更難受.
難度 : *****
- 射精後不要倒頭便睡, 也不要只顧著拿紙巾自己清潔
這個更需要訓練. 我知道…男人射一次精用既力大概等同全力跑一百米 (當然速度亦差不多)… 和你做愛的不是妓女, 何況妓女也有阿媽生. 還有, 世上不只得你有體液, 世上不只你需要用紙巾清潔.
難度 : ********** (er…………)
靈感來源 : 男人造愛最常見錯處
Comments (15)
haha, 我全部都做到, 除左某一項。
既然有十粒星…
我會寫一張符咒給師主: 世上不只得你有體液, 世上不只你需要用紙巾清潔
俾你貼係床頭, kaka!
射精後倒頭便睡都可以, 訓前 錫啖佢先, 再瞄一個好真誠既眼神.
女士不是對投資有興趣，是本身對錢有興趣。對錢有興趣的原因是因為錢可以滿足購物欲，不像男人有錢只為炫耀。
力為：只怕果個眼神都要好用精神好用力……
我諗到一個反眼白, 垂死掙扎, 快要休黑過去既男人
女人完事後通常都會尿急 (其實會唔會淨係得我……. ), 所以一定要去廁所. 之後又覺得 黐 luv luv, 於是又沖埋涼 (or齋洗妹妹), 左攪右攪一輪先有得訓………..唉!!!!! 其實我真係好羨慕男人可以完事後倒頭便睡!!!!
heheh……….老師!!! 你一定淨係做唔到………..” 在東角金百利利時等作三陪時 (陪買, 陪睇, 陪拎), 不會掛著待打靶般的面口. “ 呢一項 jer !!!
所以, 你好完美咁wor !!!!! ( 嘩!!!! 各位 !!!! 唔好誤會 !!!!! )
去旅行乜野都唔知果個，好似係女仔多D，多數男仔都會著緊自己的行程…
Marcella，嘩，萬一剛剛沖完涼之後埋牙再沖涼洗頭咁大笨象，咪煩到無朋友？
其實，放盒紙巾於床頭，咪乜都搞掂晒law
1. 三陪﹖視乎時間。
半小時到一小時都仲可以面不改容，尤其如果俾我一邊陪一邊睇書的話。
再長就唔敢包。
2. 旅行……傳統上唔係應該男人照顧女人的嗎﹖
我仲以為大男人係o係屋企先旨意女人既添﹗
3. 完事後尿急大概是正常的，因為我在其他來源也讀過。
可能係因為做愛時壓迫到膀胱既關係。
4. 「我真係好羨慕男人可以完事後倒頭便睡」
男人唔係「可以」，係「冇辦法唔訓」，話之成身汗都要休息下先。
5. 有人(係女人)聲稱俾一個擁抱同kiss再訓都得。
不過真實性如何，沒有實戰經驗的在下自然無可奉告。
那我覺得我的另一半很好
“放盒紙巾於床頭，咪乜都搞掂晒law” 是否有點不太衛生呢…..
唔好回收再用咪得囉…… LOL
我會屙尿(減低urinary track infection可能性) 再齋洗妹妹, 洗完會精神爽利, 返黎會錫下條攤屍既男人,
如果果鑊有cum的話會更加特別精神, 通常會係床頭睇書睇電視… 男人果陣點都訓得著, 唔怕嘈親.
其實我覺得男人應該都洗下, 因為我唔想聽朝含醒你果陣 聞到我dee蟹味.
我覺得如果係backpack的話, 男人策劃旅行係好基本架囉,
不過 如果你係參加咩鴨仔團package果dee咁易策劃 就會係女人報名囉~
我以前見dee日本遊客呢… 成日都發覺女人dee英文叻dee, 男人好多時都唔肯講, 迫個女人講…
你上述的, 除了“啪一聲便掛上電話“(我阿爸係咁), “說艱深的字眼”可以接受外,
(我條仔係咁, 敷衍佢的話會有quiz!!! 不過聽得明, 問下問題佢又會好開心, 覺得自己叻掛?)
其他的好基本, 做唔到的話 真係… 擺明係一個粗操, 不多加思索既男人.
關於旅行, 我覺得邊個做策劃其實係睇人睇情況!!! 冇所謂應該男方策劃or女方策劃. 總之是但一個咪得囉!!!! 如果是但一個係”旅行家”咁濟, 另一方都唔駛點出聲. 最怕就係兩個都係烏sir sir, 或者係兩個都好多意見, 咁就實哎交!!!!! 我本人呢…….通常都係我做策劃. 訂機票la, 事前pack野…….. 行程就次次都係拿住本旅遊書去到之後見步行步(當然係大家有商有量果隻), 通常都冇乜阻滯 !!!! 我幾enjoy做策劃架 !!!!
我個friend話佢見過個台灣佬黎hawaii… (我朋友係台灣男人)
佢地成班鴨仔咁黎, 走失左一件, 我朋友好心幫佢.
點知佢連自己住邊間酒店, 團人會去邊果dee乜都唔知, 一味話hotel下面係賣泳衣!!!
(hawaii waikiki間間酒店都係架啦~!!!)
結果送左佢去警局… 但我諗緊一句英文都唔識既佢點應付?
我全部都未遇到… 男人能給的溫柔我都有..
一黎，我唔會同自己條仔去行街買衫。
出得去既都係預左大家happi~ 所以通常都係食野多~
二黎，啪一聲便掛上電話只會發生係我身上，亦只有吵大獲時。
三黎，射精後不要倒頭便睡, 也不要只顧著拿紙巾自己清潔
–>俾一個擁抱同kiss再訓都得–> 應該係個個男人都咁做la!!~
我呢d小八婆仲要佢講愛的故事先肯訓，呵呵~
總合以上各點，我的男人好溫柔…..
真的嗎﹖
不溫柔事件–>食飯唔會夾送我食.
話咩唔知我鍾意食咩，唔知還唔知，但你遲早都要知。
夾左好過無夾。
但我都係教唔叻佢.. 無計T..T
@whitebook - Hahaha! Funny!!!
@whitebook - Crazy Taiwanese tourist!!!