April 15, 2007

• <Time heals…what if it doesn’t?>

  據聞, 每當一個人既某種情緒到達頂點, 就會出現反常. 大概等同一個行將就木的人出現迴光反照, 或者股市狂瀉後出現所謂的技術性反彈.

  於是乎, 上一陣子去 AIA 世界嘉年華, 坐在 G-FORCE 上面的我, 竟然情不自禁咁傻笑. 玩跳樓機個陣, 我揀左個面向維港既位, 一心諗住可以望下風景. 點知… 原來係上面等係好恐怖, 腦海一片空白, 就算有個冇著衫既薜凱琪 (well…. 佢冇乜身材. 改做林嘉欣好了), 你都唔得閒理.

  好耐以前去海浪公園 (好似未夠 18 歲), 玩機動遊戲誓必要玩到嘔, 於是乎連續玩六次海盜船. 今次也不過是玩了數項最激的, 就被迫宣佈收皮了. 之後個整個星期, 五臟六腑也像搞作一團, 飯吃不下…

  也記得有人說過 和她一起時, 她就是一切; 和她分開後, 一切都是她. 在天勝吃的吉列五花腩; 在銅鑼灣逛的 $10 店; 就連呆坐在家裏, 也彷佛看到她. 她在我電腦中的檔案, 我想, 我會繼續讓它們原封不動留在那裏. 永遠的留在那裏. 今日阿媽又問… 做乜咁耐唔見女友咧…

  然後, 發神經地看了很多電影.

  <拳王再臨>, 悶到腳震. 我頂佢個肺, 真係悶到抽筋. 史泰龍既英文, 我一句, 重申, 係一句都聽唔到. 但留意套戲係講多過打. 於是乎, 狂飛. 打個部份我又唔覺得特別好睇.

  <門徒>. 就憑 “早熟” 加 “門徒”, 爾冬陞應該改拍 ETV. 佢差在未係套戲完之前走出黎, 講食白粉會死人破財含家剷, 然後播國歌. 至於金三國個幕戲, 世界各地既環保組織可以用黎做教材.

  <愛
  與淚相隨>. 前兩日睇魔疫, 同行人土話 “愛在遙遠的附近” 好o岩俾d 失戀既人睇, 我心諗咁我唔o岩睇, 皆因肯定會出事. 叫得愛與淚相隨,
  肯定要又係韓國武警咁, 狂放催淚彈. 長澤正美一出場… 腦海頓時出現兩個人, 知道投入去睇, 一定出事. 於是乎 skip 黎睇.

  <詹
  端文, 單人匹馬>. 前排係銅鑼灣見到舖頭播, 超搞笑. 如果唔係小弟覺得太貴 ($140), 應該買左. 過左兩日, 同友人講開,
  無一不破口大罵, 悶到抽筋. 當然唔信, 借來一看… 我無睇過咁悶既楝篤笑. 除左食字玩粗口, 真係悶到訓著… 點解會咁嫁.

  <魔疫>. 佈局不錯, 最錯係 (1) 結局既爛 gag (大概和異形中女主角懷有異形啤啤一樣) 及 (2) 為搞呢個gag 而安排一場沒甚看頭的床上戲. 完全沒有必要.

  聽說 <生日快樂> 的 DVD 有國粵語配音, 即係有返劉若英既國語. 但一諗起古天樂既國語, 電影公司肯定又會找來為古作國語配音…有冇朋友買左? 係咪只得一個主角有原聲?
  

  Happy Friday, 去了唱k. 與友人把列表上周杰倫的歌也唱一次 (好些是兩次)… $120 一個人… 周杰倫是她最愛的明星呀… 去唱k, 某程度上是為了平復心情. 臨放工才收到一個電郵, 公司又有人走… 三年以來, 同在那個金字塔底層的, 11 個走了 7 個, 2 個調走了. 轉眼間, 我已成為年資第二高的人 (也不過是三年多). 看著管理層一錯再錯, 實在令人氣餒.

  不論是一個辦公室還是球隊, 任何團隊最重要是成員各有所長, 各司其職. 好些隊員, 能力及效率不夠高. 如何令他們明白自己的弱點及於團體的位置, 將他們融入團隊, 欣賞他們的長處, 繼而令他們對團隊作出最大貢獻, 才是管理層首要任務. 最差的管理曾, 就會想盡辦法將他們趕出團隊, 一遇到不同心意的成員, 就將他如人球般推來推去, 無人肯接收; 或是從多方打壓, 務求從精神上打倒你.

  誰不想當米高佐敦? 若球隊有五個佐敦, 我想, 球賽一定不好看, 球隊也一定不會成功. 若團隊太多聰明, 有實力的成員, 而晉升機會不多的話, 各人肯定會各自為政. 我想, 管理層 – 講明是管理層, 他們大可以舉高雙手乜正經野都唔做 – 的職責是組織團隊, 動員下面的人地做正經野, 而不是推波助瀾, 煽風點火, 搞分反, 搞鬥爭.

  總有人負責防守, 總有人負責組織, 總有去搶籃板, 總要有人得分.

  管理層整天也在說, 部門 2-3 年後會有另一翻景象. 我已在這裏工作了 3 年了, 還不是一樣的紊亂嗎?

  咪撚再用口放屁咧.

  • 2:22 am
  • 5 Comments