June 15, 2007
-
<拿甚么拯救你, 我 (阿媽) 的愛人>
亞視有中資背景既股東入股, 當局希望藉此打破免費電視台之間強弱懸殊既局面. 原本係大股東既陳永祺, 則可望守得雲開, 係亞視上市時撈返筆. 難為已經仙遊既林百欣, 嗚… 佢搞左十幾年都搞唔掂上市. 每當報紙說亞視要重整旗鼓, 近來又說電視大戰, 我不禁嗤之以鼻.
我估計廣管局班人係唔睇電視既. 否則只要佢地周一至周五睇過一晚亞視, 就肯定覺得亞視無可救藥, 再注資都係o徒 gas. 除左保留 Late Show with David Letterman 同 60 Minutes, 其他時段, 播 魚樂無窮 收視肯定更高.
事源我前兩日返阿媽屋企食飯. 背後一陣寒風吹來, 倍覺蒼涼.
唔知點解, 我老母, 即我阿媽, 成日有顆鋤強扶弱既心, 一直唔肯睇無線. 記憶中永遠只係睇亞視呢個慣例, 係我八九歲個陣已經有. 大概是中五時, 亞視因為一套外購劇 三國演義 (當年還沒有回歸, 所以可以叫 “外” 吧) 而收視大增, 媽每天也為此而開心. 當年吃晚飯, 特別好餸. 內情是甚么, 我不知道, 到今天也不知道. 這可能與許多人為祖國的朱DP 升至全球第四大而興奮, 情況差不多.
好一陣子, 家中的電視, 第 1 台是 亞視本港台, 第 3 台是國際台. I am not sure what that felt like. But in retrospect, that is equivalent to switching the left and right click of your Mouse. 你不會因此死掉, 但會好撚麻煩.
後來亞視真係有套經典 – 我和殭屍有個約會 – 那是我最後一套看的亞視電視劇 (但只是第一集. 第二及第三集的劇情實在不堪入目). “我” 一劇的確係香港電視史上的奇葩, 很少故事能將人物的性格, 心理及行為緊緊相扣 (特別係 陳啟泰 既角色). 但之後媽就每天灌輸 “亞視正到無倫” 的觀念, 意圖令我多看亞視. 我唔係小朋友, 所以多看 AV, 少看亞視. 當然, 有張文慈的節目, 我偶爾會多望兩眼.
當阿媽遇上阿姨及皆是無線擁護者的友人 (不排除他們買了廣播公司的股票), 雙方總會在茶敍上花上大量精力, 時間, 及引用無限的數據來証明 無線/ 亞視較好. 現在回想, 阿媽就像 Bloomberg TV 中的 Bernard Lo, 阿姨就像 60 minutes 的 Mike Wallace, 雙方據理力爭, 各不相讓, 理曲詞窮, 強詞奪理. 一日如是, 十年如此, 這實在令我太厭倦. 好一陣子, 聽到無線/ 亞視的爭論, 就會 piss me off.
然而, 阿媽係亞視擁護者的事實, 一直沒有改變. 隨著年月的過去, 香港換了宗主國再換了特首, 老姊換了再換了男朋友, 我換了換了再換了再換了女友, 阿媽對亞視的忠貞, 不但絲毫無損, 而且與日俱增.
於是乎, 每次返屋住食飯, 我都要受 文字獄 既現代版 亞視獄. 之前個套 春天後母心, 劉雪華做後底乸 (佢後生個陣有套戲, 講佢身為格格鍾意左一個將軍, 好好睇), 睇左 15 分鐘, 那些完全不合理, 低能到無比既老土情節, 比起當年張英才胡楓 @ 30 的殘片, 更老土 1000 倍, 悶得我吃飯時差點訓著. 今次那套 第一茶莊 恐怕更厲害. 今次學精左, 一望就知唔對路, 索性唔望電視, 食飯狂睇三份免費報紙, 希望避過 第一茶莊 一劫.
畢竟, 是福不是禍, 是禍躲不過. 食食下我發現電視發出一陣悶氣, 瞬即瀰漫全屋. 情形就好似超級撒亞人咁發出金黃色既氣咁. 我連打幾個喊路, 知道唔對路… 即刻轉台睇英文新聞. 就連唔望住都悶, 睇黎套野真係好 q 悶. 但係阿媽面前, 又唔食得煙, 要扮乖乖仔, 於是乎, 忍悶忍左半句鐘.
故事未完, 跟住有 大城小故事. 講得o岩, d 故事真係要黎小. 除左吳亭欣幾正 (但佢好似無出過場), 其他角色, 有寶佩如, 李香琴, 盧海鵬, 黎淑賢, 施明 (楊思皮個外母), 樓南光, 上世紀全部半紅不黑既藝人, 你都可以搵到. 劇情係點已經膠到唔想知, 仲講大家族廿幾個人既風風雨雨, 屌你老味 溏心風暴 大家族兩房人都係得十個人. 最悶剎係節奏緩慢得可怕, 尤其是盧海鵬講野, 一分鐘只能講十個字. 加埋做佢老婆既李香琴, 百五歲人端講野似慢動作, 個世界好似停頓左咁. 個首主題曲既歌詞, 比起香港始終有你更老土 :
幾個無知加幾個白痴
不知邊一個輸
但願你會為我關注
無奈是此刻彷似瘋子
明明是爭風爭寵沒遏止
又何用搞風搞雨不知所以
名和利得失之間已沒意思 際遇
無意 再接受做人三心兩意
朋友兄弟不易
去感覺這片真摯
能夠互勉
可以 同渡過面對的風雨
要相信真心這名字
再一次要一次 大智世上除左我阿媽, 無人可以頂得住 第一茶莊 + 大城小故事 呢個套餐. 我終於知道我阿爸點解要離婚…
算了. 最過份的, 還是亞視每星期總有兩三晚, 本港及國際台兩台聯播賽馬. 按第2台, 是粵語賽馬; 第4台, 是英語賽馬. 按來按去, 也是賽馬. 情形就好似奧運或者世界盃開幕, 全香港開著既電視都係播開幕禮咁. 走唔甩. 你一係唔好睇, 唔係就一定中. 播的馬可能不同 (其實我分唔到), 但都係講賽馬. 真係俾佢吹撚脹. 屌那星, 有冇搞撚錯呀.
乜撚都唔做, 淨係播馬, 播到你識, 播到你賭. 大佬, 香港人係咪真係咁鍾意賽馬, 你兩台要聯播呀?
唉.
而當亞視放棄港人及其收視, 轉攻大陸. 所播的內地品牌廣告更加驚嚇 (但其實香港電視台既廣告係大陸根本睇唔到), 甚么 超威牌蚊香, 娃哈哈純正水, 澳雪淋浴露/ 洗髮水, 好家風紙巾. 連電視唯一可以看的節目 (即廣告) 也可以趕客, 這就像一顆樹壞到入樹心的中央, 無得救了.
亞視悶得令我認為, 若然想同你心上人搞野, 但又唔想單刀直入, 你不如帶佢上屋企睇亞視. 一睇, 佢會自動除衫解悶. 即使佢性冷感, 成條死魚咁, 都會變得極想做愛. 含吹奶啜, 琴棋書畫, 粥粉面飯, 紙筆墨硯, 全部出齊.
電視上播放著的, 正是大城小故事; 你也在大幹你小的故事.
Comments (19)
我大概由五年班開始，就已經參透左睇電視會扣智商呢個道理。不過講到尾，都係電視劇最撚離譜。
我真係唔撚明喎，每一套劇既「所有」劇情都係一撚樣架喎！只不過係換左一d主題。
情況就好似你部電腦係用緊 xp，無論個主題（theme）轉黎轉去，佢都始㚵係極奇戇鳩既 xp，所有功能並唔會因此而提升。
同埋你會發現所有阿媽級既親戚，都可以準確預測黎緊既劇情。即係?#21734;，佢就死架啦。?哦，佢係奸既。?br />點解會咁？好撚簡單姐，因為頭先都講過，每一套劇既「所有」劇情都係一撚樣架！
如果亞視可以用一個「悶」字黎形容，咁無線就應該係用一個「鳩」字。
或者「謎」都得既。
更正﹕
亞視(幾﹖)年前已經同大陸簽左協議，廣告可以「落地」。
否則你估大陸D廣告客戶係傻架﹖(雖然觀其廣告，大概相差不遠)
無線絕對好過亞視﹕
因為無線至少會播「謎」俾大家嘲笑下，亞視連呢種娛樂都冇。
我地要感激無線同大陸傾唔掂數。
如果連無線都有廣告落地權，咁就連無線既廣告都一樣可以殺人。
又，亞視除左星期六日既外國紀錄片之外，無一可觀。
呢篇野好正，好搞笑。
我都好Q憎亞視兩個台夜晚成日都播賽馬!!!!!!!!!!!!!!!!!!!! 大佬呀,我最後新聞之後先開始睇電視0架嘛,播馬,即係焗我睇無線0者!!!!!!! 呢期洗冤錄我又冇興趣,淨返明珠台可以睇. ~_~
fongyun:大陸電視台轉播香港電視時會插播自己的地區廣告。
史兄:最巔峰時期係大城小故事膽拖豈有此理!!!!
另外，你一定知道誰是亞視之寶黃麗梅了。逢周六／日，我屋企必睇節目
方潤: 同意同意. 周末國際台好多好0野睇!!!!! 有National Geographic!!
我反對！
曾經有好幾個星期日晚，有個叫韓燕既亞姐介紹內地旅遊點(主要係溫泉同泳池)，拍得好好。我堅決支持亞視！！！！！！！！！
仲有，最近介紹越南果個女仔，幾靚。
tommy﹕呢個就係點解亞視要同大陸簽「落地」協議既原因。
簽左協議，亞視既廣告就可以不受插播影響。(好似要分錢俾大陸的)
我冇幾何返大陸，所以冇留意事實上仲有冇插播。
嘩~~~ 你媽咪同我老豆係同道中人, 佢老人家都好喜歡睇亞視, 就算明明係播埋d 老土韓劇定唔知咩劇都一定會捧場既, 咁當然係唔少得星期三既夜馬啦~! 春天後母心我只係睇過個廣告咋, 就已經想轉台勒, 其他果d 咩大城小故事, 好彩我無睇/旁聽過姐, 哈哈~~~
唔知點解我好憎果個黃麗梅, 但係又唔知點解佢係亞視好紅, 佢成日做埋果d 旅遊飲食節目, 我老豆係忠實粉絲, 於是逢星期六定日(我唔得勒)就會見到佢, 仲要食飯果陣時播, 真係好難頂……..真係好鬼憎見到佢~~!!
PS: 請恕我多事, 你第三段既寒風打左做”賽風”
亞視都係幾十年有一套佳作架，好似少年英雄方世玉，我個時睇張衛健不知睇得幾開心。
但係我到而家講得出好o既亞視劇集，都係得少年英雄方世玉咋！
不過，亞視仆街，無線都唔見得好，佢同劈屎比，梗係好少少啦！
身為一個精壯既男士，我絕對明白Kursk老師點解會欣賞韓燕…… 不過我寧願直接上網搵佢……
其實唔單止亞視，基本上我而家除左睇新聞同紀錄片之外，已經好少睇免費電視既節目。最多係等食飯時有d野襯下底有d聲。
我亦好耐無睇劇集，有得睇咪睇下一集半集囉，無得睇咪無得睇，無所謂。有時跳去睇下Discovery講鬼故仲好睇。響我心目中，電視劇集同AV一樣套套戲都差唔多，可惜既係AV都仲會令人扯旗，電視劇集就連少少既興奮或者期待感覺都畀唔到我……
無論邊個台都好，其實我都覺得差唔多……
不過黃麗梅逢星期六日真係好篤眼篤鼻：「咦又係你呀……???」=.=
有些事情想問你
致樓樓樓樓樓樓上的Kursk sir：最近介紹越南個女仔有嚴重語言障礙，建議你轉到無聲齋睇樣會好D。
其實我冇留意佢講咩…….
盧海鵬係八十年代最令人著迷的藝術工作者之一，他對押韻的固執，對模仿對象的細節觀察，對粗口的精緻運用，至今仍然無出其右。
你沒看今日的《蘋果》嗎？Wyman告訴我們一個關於盧海鵬的故事——「 盧海鵬的試咪方法卻獨一無二。聽說二十年前他已開始運用他這套自創的方法，讓例行公事變得滿場大笑。盧海鵬的試咪方法，只有一句話，就是︰
「 盧 海 鵬 試 咪 ， XXXXX 」
提示︰這兩句話是完全押韻的。
LVKY：一見到呢五個X，已經條件反射地諗到係邊五個字…… ^_^
盧 海 鵬 試 咪 XDDDDD
@LVKY - Like this ‘tesing’ phrase……
WAHAHAHAHA!!!