July 2, 2007
-
<飛機 二三 事>
自問並非成日飛既人, 但係飛機上總有許多小題, 可以大造一番, 甚至係造舖十番爆棚.
坐。在飛機上最糟的事, 並非遇上空難, 而是你座位後的一排, 坐著一個 五至十歲 的小孩. 不論是什么國籍, 膚色, 性別, 高度, 性取向, 教育程度, 總之, 佢係 五至十歲, 你坐係佢前面, 肯定大撚鑊.
佢每一句說話, 必定以叫破喉嚨為目的, 比 蜘蛛俠3 的 環迴立體聲 更響更亮, 每句音貝也肯定過百. 他還會每事必大呼小叫, “媽咪, 雲呀~~~ 機翼呀~~~ 太陽呀~~~” “爹dee, 郁咧!!!! 好快呀” “媽咪~~~爹 dee!” “媽咪~~~爹 dee!” “媽 dee~~~爹咪!”
父母叫他細聲一點, 他會更大聲說 “下?”, 一切依舊. 好些父母, 叫了一次, 便似已履行了公民義務, 投了票交了稅, 不再叫小孩安靜一點. 然後自己把 headphone 開至最大, 在遠處的廁所也聽到. 這便是家教, 身教, 老頭老母真理教了.
還有, 坐在前面的你, 會以為坐上了 張敬軒 賣廣告的按摩椅上, 皆因後面既細路, 會不斷, 不斷, 不斷, 成程三四個鐘頭, 狂踢你個位. 經濟位已經迫到似籠屋, 前無去路, 連腳都申唔到; 而家仲後有追兵, 不斷狂震. 仆你個臭街, 你生得個三呎幾, 雙腳有冇咁撚長?
我知道搭飛機是件興奮的事, 當年小六去泰國, 都好興奮. 我每次搭飛機都好興奮. 誰也可以興奮, 但別要迫其他人陪你一齊興奮. 五至十歲既小孩, 已經有足夠既能力去控制自己的聲線, 行為 同 音量. 咪撚玩野. 成兩個鐘係咁, 我就要轉身對住佢含家點煙之際, 好得條友醒水訓左覺, 咁一場武林既腥風血雨先得以化解…
等。若
由到達機場計到到達外國入境, 真正既飛行時間, 只佔大概 20%. 等 check-in, 等空姐同你講過左磅, 等過關, 等做保檢查,
等上機, 上到機後等去跑道, 打圈等降落, 等接駁運客通道. 總之, 等等等. 怪不得行政人員 (即係秒秒鐘幾十萬上落既人), 搭飛機一定要帶起碼
check 到電郵既電腦. 大佬, 等到仆街, 玩下 MSN 都好咧… 我就戇鳩鳩聽人叫媽咪~~~ 爹dee!人。我對空姐無乜幻想 (唔係冇, 係無乜). 皆因除左無見過一個靚既空姐, 以及得悉有兩個三八女中學同學去左做空姐之外, 更重要既, 係我成長期最重要既兩個女人 – 並唔係阿媽同老姊 – 而係 小澤圓 同 直豎舞子 , 印象中並無作出空姐既演出, 所以對空姐並無太多深刻既幻想. 雖然當年去台灣, 見到港龍班空姐 同 佢地既制服, 亦覺得有個 長腿 + 大胸 既空姐女友, 肯定精盡人亡. 其實女友係 長腿 + 大胸 呢個1號 combo, 係咪空姐自己都會精盡人亡. 但另一次係灣仔等友人唱k, 旁邊酒店有一班類似空姐空爺既人行出黎. 望落去起碼 30+, 好些似 60 歲. 我好膚淺, 淨係以貌取人. 所以…
加上實情係, 係飛機上遇到既空姐都係 rude 到爆. 唔係粗魯, 係 rude, 係無禮貌. 國泰港龍西北 JAL 無一幸免. 佢問我想飲乜, 我話要 可樂, 佢粒聲唔出, 對住我搖搖頭. 痴撚線! 搖頭即係乜? 你係含撚住D 精定係食左搖頭丸? 我知你要招呼幾百個客, 但搖搖頭即係乜? 乜一句 “Sorry, we don’t have coke.” 好難講咩?
西北的空姐, 比起你家中的賓賓惡一千倍, 終日黑著面, 像全機的乘客 (包括女的) 也曾輪姦她們十幾次, 再殺佢地全家咁款. 放飯時, 似係監倉, 將成個盤掉落黎, 我差d 就唱起 友誼之光 來. 個 trolley 阻住我開小, 我講一句 “excuse me.” 佢望一望我, 繼續執野, 絲毫沒有動搖的意思. 強!! 做得唔開心咪唔好做, 無謂連基本人格都無埋呀… 西北個 CEO 兼主席 Doug Steenland 係本 NWA WorldTraveler 仲同d 客講 “Welcome, Aboard”. 唉… 何苦要咁呢? 大家短短相聚幾個鐘, 都係緣份, 點解硬係要大家有 hard feeling 先安樂?
所以, 老老實實, 我覺得空姐及空爺, 只不過 飛機上 的 兼職麥當奴職員 (當然時薪不同, $100+ vs $20+), 不需要難為他們, 但也不要對他們有任何期望, 包括他們的英文及態度, 與及性開放程度…
食。除
左飯堂既 $10 狗飯, 飛機餐是人類史上最難食既物品. 不論是利苑 (還是鴻星?) 的, 還是 in-house 的,
都難食得令人懷疑煮個班人竟究有冇心煮. 最弊既係, 你知道 (1) 個班人其實真係有俾心機煮 (2) 個餐其實好鬼貴 同理 (3)
個餐真係好難食 : 白飯用珍珠米, 但煮出來毫無飯味, 毫無口感. 失敗; 面包雪到硬堀堀, 咬落去似雪條. 失敗; 那兩舊雞….
嗯…. 從外型看… 應該是雞吧…快d 取消飛機餐吧, 將成本係機票上扣除. 那怕是 30%, 50%, 不必要的開支, 就像從慈善籌款活動的善款中扣除吧… (後面 : 喂~~
人地係扣除必要的開支喎~). 然後像飲酒精飲品般額外收費, 到 波音 787 起飛後, 可望係飛機食老麥了. 到時空姐可以專注做其他野
(即係乜? 係空難既時候壓後? 叫你唔好係飛機食煙?), 唔使再兼職做老麥托餐咧. 唔使黑面, 大家合皮, 係咪?
Comments (11)
我覺得除左細路會好嘈之外, 成年人亦唔見得會識安靜. 有次唔好彩坐係班香港黎既旅行團前面, d 團友嘈到爆, 男女都一樣, 好似十世未講過野咁, 係咁不停講, 真係想死……好彩唔係長途, 唔係我諗我會癲左都似~
我不嬲對d 空姐空爺都無期望, 所以又無咩不愉快經歷. 不過我都贊成不如取消飛機餐, 我寧願唔食都好過要食d 唔多好味既野, 但又要收得我好鬼貴
係咪近年d航空公司”度縮”呀??? 我以前食果d飛機餐, 除左係九十年代初既中國民航之外, 大都 ok 果wor!!!!!
至於空姐空男, 除左聯合有d惡, 似女訓導, 同呀婆左d, 同埋jal d 空姐有對中國人係冇咁好服務外, 大都冇乜野!!! 真係一蟹一如一蟹!!!
不過而家總既黎講, 以國內空中服務員質素最高 — 不論外表定服務態度 !!!! 你不妨返多d大陸la !!!! hahahah……….(好似話東方航空果d幾正架!!!!)
坐在有體臭的人既身邊也不見得好受….尤其是脫了襪的大陸人…..
我試過坐走廊位，入面位仁兄三四個鐘去左十次以上廁所，成程機起身十幾次俾佢。
靚既空姐見唔少wor，除左西北(人地有反年齡歧視條款…)。xanga都有唔少架。
坐完西北, 先發覺自己平時對0的客真係好好好~~~起碼我真係無試過west face, northwest 叫 northwest 真係有原因….
然後我發覺對0的客好得到0既回報係俾0的客蝦番轉頭, 呢個咩世界?? rah rah rah~
兩年前唔知做咩咁好彩，連續兩次upgrade，（學生有病個野仲上埋頭等）先明白人點解真係需要搵錢。
史兄，係時候asian miles一下了
韓國航空公司的服務員蠻好的，通常有禮貌又識識o地笑。至於美國航空公司，就算吧啦。遇過最好的航空服務員，是一名德國空中少爺，勁有禮貌，對全機的人都好，好到有小朋友特登搵佢話想同佢傾偈。當然，仲要又高又靚仔。
親眼見過有明明講廣東話，但用半桶水英文扮唔識中文蝦一對講廣東話公公婆婆的空中服務員，不知幾想走去問佢，可唔可以搵個識英文o既同事翻譯佢o的英文，因為我聽唔明。
我一路睇一路諗住Kathy……呵呵
講真我覺得飛機餐係唔好食，但我又唔覺得去到餿既地步。可能我食得唔刁…… 不過如果取消飛機餐可以換黎減票價，我絕對贊成！
靚既空姐我都見唔少喎…… 不過我而家好少留意lu…… 有得睇無得食，有鬼用……
通常Business Class同First Class係會貴過Econ幾多嫁???
我諗，取消飛機餐並唔會換來機票減價。上月飛了一程講到明冇免費飛機餐（但可以於機上另外付錢購買三文治之類的「飛機餐」），但機票同以前有飛機餐時價錢差不多一樣的飛機（差額係十零廿蚊港紙）。而且越多乘客自攜飲食，過關時間會仲耐，個opportunity cost仲高啦。
之前搭過一次東方航空去上海，除了來回都 delay 1-2hrs 之外（！！），飛機餐係餿，係極級難食，同埋架飛機係超唔好坐，d 位好似坐監咁窄。
上年坐 JAL 去東京，去果程差不多全機客都是日本佬，個樣好咸濕，態度又衰，成日叫d空姐做呢樣做果樣，我成日懷疑佢地其實係趁機抽水。回程仲衰，大半機係香港旅行團，上到機都仲要 delay，成班友嘈到爆，又話要報紙要乜要物，仆街，你坐到去機尾咁濟梗係乜都無，兩個鐘頭機駛唔駛開埋房比你唱 k 呀？
飛機餐 JAL 比東方好食好好好好好多，至少，應該係熱既飯係熱既，應該凍既甜品係凍既，東方個餐係倒轉，攪到我咁慳都食唔落。個樣同服務態度兩者差唔多，都幾 OK 架！！
空姐既primary duty 係safety officer唔係派餐，難食都冇辦法啦！整好要雪，雪完再heat！返蒸o野邊有好食？其實個飛機餐經濟o個個都要成一百蚊一個架，個cost咁貴都係因為衛生檢疫問題！
我好好態度架！下次坐我機啦！
我有部份同事係好靚，都有部份見到佢噴飯既，有機會俾相你睇！呵呵！