October 23, 2007

• <在中環, 平淡而寫實地……跟蹤>

  如果說神經俠侶是灣仔電影, 跟蹤便是中環的.

  由皇后大道中的 ARTE, 到結志街的蘭芳園, 再走到荷李活道的華通瓷器; 還有史丹頓街, 擺花街, 些利街, 歌賦街, 嘉咸街, 鴨巴甸街, 石板街, 還有文武廟附近的太平山街. 作為一個住中環的人, 切實地感受到劇中人物在自己身邊左穿右插, 實在興奮. 還有 中環街市, 交易廣場, 遮打花園, 花旗銀行… 影片拍攝時, H&M 還在裝修呢…

  故事簡單, 節奏明快緊湊. 故事平淡但拍出來不乏味, 能在簡短的戲份營造角色的性格特徵 – 張兆輝的
  “養兵千日, 用在一時”; 肥雪用八達通的戇鳩鳩, 襯托出梁家輝入硬幣付電車的小心奕奕. 不得不提邵美琪,
  佢係少數係剛陽味重的杜氏影畫仍然有重戲份的女星.

  當然, 你對中環的道路有一點點認識, 就會額外投入. 事實上… 皇后大道中是沒有 7 仔的 – 對, 是整條皇后大道中也沒有. 所以, 中環的中藝對面沒有雞肶賣… 更重要的是, 中環是沒有魚蛋拮的 (最近也要走到扶手電梯, 威靈頓街閣麟街交界…) 肥雪個串魚蛋, 恐怕係係灣仔帶過去.

  而故事的另一個主要背景, 便是佐敦. 哈, 小學就在佐敦, 又是一陣熟悉的感覺 – 寶靈街, 吳松街, 彌敦道 – 接著還有庇利金街寶靈街交界地鐵站出口的電話收買佬. 結局的背景 – 同義興船廠, 如果你由筲箕灣地鐵站行去海防博物館旁, 就會經過.

  接著是燈光. 相比起杜琪峰的電影, 跟蹤 (杜只係監製, 佢徒弟先係導演) 全片多為日間戲, 室內戲及夜間戲不是太多. 但室內戲的燈光用上強烈的側光, 造成強烈對比 :

  

  

  抽一下後腿…

  用上徐子珊… 該找甚么原因解釋好呢? 不過佢都算係咁, 佢演一個白痴既角色的確入型入格… 如果佢D 戲好D, 落完雨個係咪應該有場講佢單獨跟梁家輝?

  當 CIB 睇打劫 ARTE 個條片既時候, 清楚地睇到吳廷燁係右手載表, 左手拎槍 – 點解張兆輝睇唔出佢係左手仔?

  • 10:45 am
  • 1 Comment