November 25, 2007
-
<國之將亡, 必有妖孽>
1. 立會候選人出席論壇. 葉劉淑儀以 米高.積遜 的歌曲作結尾, 表示自己心繫香港, 並一如以往對民主不離不棄. (明報網頁)
我估計葉太係用左 米高.積遜 的 “Beat It”. 人地叫你 beat 佢, 你仲唔投票?
再者, 米高.積遜 整左容又唔敢認, 火星都知 (有興趣可以睇下黑人版米高既 “beat it”, 同白人版米高既 “beat it”). 咁同葉大睜大雙眼講大話, 乜野心繫香港, 熱愛民主, 有乜分別?
再再者, 究竟葉太知唔知道香港人係乜野? 米高.積遜? 點諗都引用 麥當娜 既 Material Girl 拉… 定係佢用左 moonwalker? 月行者… 即係話葉太適合生活既地方唔係地球…
2. 2000 年科網股熱潮 (好多讀者當年未夠十八歲, 其實作者當年得七歲), 當年任何事情/ 公司/ 食物/ 股票/ 商場 加上 .com/ i-/ e- 都會升價百倍….
結果當年由曾志偉主理的stareast… 就捧出了一隊三人的男子組合…名字叫… E-Kids…
3. 回想當年, 阿媽最叻除左叫我飲湯 (佢呢樣技能到今日都保持得好好 – 我知我死後一定落地獄), 最厲害就係層出不窮地講大話o厄我, 一些今日睇返完全唔明白點解自己會相信既大話. 計有 “你其實係係廁所執返黎” – 老實說我為此不安了好一陣子 (也開心了好一陣子, 因為這解釋了為何我比爸爸長得英俊… 還長得高大… 我知又要落地獄了); “老頭子間公司其實年年蝕錢” – 我當年懷疑若每年蝕一萬蝕足廿年, 點解仲要做 (呢d 咪叫社會責任)…
我突然想起最白痴的是…
橡根會吸血…
當年還認真地問阿媽吸左既血會去左邊…仲問咁紅十字會使乜叫人捐血, 用橡根綁住人咪得…
都係怪阿媽無俾含 DHA 既奶粉我飲… 淨係識叫我飲湯 -___-|||
Comments (5)
你細個好天真*0*
橡根會吸血 ahahah 我想大部份小朋友都有呢個想法啦
哈哈~~~~~ 我好想知葉劉果日其實係用左邊首歌, 真係唔知邊個幫佢諗, 定係佢自己咁有創意……真係痴線~!
史兄, 你同你媽咪都係好有趣既人o黎呀~ 哈哈~~~ 橡根的故事係你幾多歲既時候發生架?
聽你咁講, 你細個時都幾可愛丫~
史兄… 你炒冷飯呀?? 第三點咁熟口熟面0既???
其實，天下間個個阿媽都最叻講大話，計有 枴子佬，金魚佬，「再嘈，差人叔叔會捉你”(差人鬼有咁得閒？！)，但最經典的首推是 「講大話會甩大牙！」
為此，當年天真的我一直不安左好耐。