December 14, 2007

• <文盲, 反智, 分裂>

  “合併優勢, 票價更抵.”

  港鐵的廣告板如是寫著.

  看了又看, 完全不相信這樣的一句 “票價更抵”, 竟然可以出到街. 價格可以高, 可以低; 但你不會說價格昂貴, 價格低賤, 價格不化算. 只會說搭車昂貴. 皆因 “昂貴”, “化算”, 本身已含價錢的意味.

  這和過往的經驗一樣.

  而一個 “抵” 字, 從來不會配合 “票價” 一詞. 皆因 “抵” 並不單指價格本身, 而是將搭車的本身價值與其價格互相比較所得的結果. 順帶一提, “貴” 和 “抵” 並沒有矛盾的道味, 皆因前著只講事物的價格是很高, 若其物有所值, 仍可以是抵 (正如有人覺得鑽石好抵一樣); 垃圾不值錢, 但沒有說拾垃圾很 “抵”.

  其實, 只要將雨句譯成英文, 就知問題 (與及核突) 所在. 其英文譯法大意為 “The merger : the fare worthier”. The fare worthier 是那一路的英文? 怎想也是 The fare lower 吧.

  這也告訴你, 其實港鐵班人無譯過英文. 事實上, 我也看不到英文的廣告板.

  見微知著. 這肯定和中文水平無關 (沒有錯別字), 而是和智商及邏輯思維有關. 抵乜春?

  “合併優勢, 票價更低.”

  ************************************

  今日, 蘋果日報 :

  「悲情城市」天水圍慘劇頻生，官商民紛紛獻計打救呢個災區，啲「橋」係龍係蛇暫時唔知，「新界王」劉皇發噚日同八方講，天水圍諸事不順，歸根究柢係改壞
  名，所謂唔怕生壞命，最怕改錯名，佢話改個好名自然人人有運行。據發叔聽鄉民講，天水圍呢個名由來已久，相傳宋太祖趙匡胤後人喺甘肅天水縣聚居，後來趙姓
  後人南下，選擇落腳而家天水圍一帶地方，為顯示不忘本同思鄉，就將聚居村落命名天水圍。發叔透露有個風水師傅同佢講，天水圍格局唔錯，可惜俾水圍住，住喺
  度啲人又點發圍？發叔講到言之鑿鑿，八方姑且聽吓啦。佢又指其他新市鎮名稱都係兩個字，沙田、大埔同西貢區風生水起，惟獨三個字嘅天水圍冇運行，睇嚟都係
  改名老利啲。

  若果我係將軍澳既人, 我都唔知應該開心定揼心. 開心既, 可能係發叔覺得將軍澳唔係新市鎮; 揼心既, 可能係發叔覺得將軍澳係失敗既新市鎮. 大圍咪又係圍. 你俾水圍o者, 人地被 “大” 圍” 呀, 咪又雞粥又單車發源地. 仲有, 水為財, 而家仲係天上面黎既水, 神仙飲過, 與別不同, 又點會發唔到圍? 大佬, 俗語都有講, 神仙放屁, 不同凡響.

  最緊要係, d 人以為改左名就等同改運. 仲要人人有運行. 果然非常小農社會式自欺欺人行為. 可惜, 事物的本質不會受事物的名稱所影響. 相信改名可以改運個d 人, 同個班認為改左個名就等同住左豪宅既人, 係同一批.

  有人叫刪左個圍字. 有人叫中環, 旺角.

  屌, 不如叫 “風水” 拉.

  ************************************

  跟住呢個故事, 同改名都有關.

  誠哥已經同阿公反左面.

  皆因佢係將軍澳個新盤, 叫做 “首都”.

  沒有國, 哪有首都? 你幾時聽過南極有首都? 邊個敢話台北係台灣首都? 連美帝都唔敢拉.

  呢鑊仲唔係明刀明槍搞分裂?

  強烈建議沽售長實系, 和黃系股票.

  • 3:34 am
  • 12 Comments