December 15, 2007
-
<唉…>
百年老店的學生.
笑撚死.
What a fucking shame.
不如諗下點樣解決全球暖化拉, 大學生.
***************
http://www.facebook.com/group.php?gid=6792068542&ref=nf
“港鐵西港島線將於幾年後落成，屆時香港大學附近將有一新站。然而，由於兩鐵合併，故同一鐵路系統內不能有兩個相同名稱的站頭。因此，到底位處馬料水中文大學的東鐵「大學站」是否還叫大學站，惹來一陣討論。
據悉，大部分中大學生認為東鐵「大學站」一名已沿用多年，貿然改為「馬料水」實在是勞民傷財之舉。更重要的是， 他們認為中大「大學」的光茫會被港大奪去。 然而，作為港大生則有另一看法。畢竟，一站之取名，最重
要能反映一地之特色或實際情況。例如彩虹站位處彩虹村﹑ 馬場站又確在馬場，名稱實屬恰當。 至於「大學」一站，到底應該給馬料水站繼續使用，還是改
為給港島西線使用呢？ 答案很簡單：當然是香港大學﹗
為甚麼呢？姑勿論甚麼港大是第一學府﹑百年老店﹑香港第一間大學這些老話，我們嘗試把港大和中大校名中的「香港 」二字消除，得出甚麼結論？ 就是HKU剩下「大學」二字，而CU卻剩下「中文大學」 四個方塊漢字。那麼，大學站該留給哪個站用呢？答案呼之 欲出﹗(參下圖)
香港大學 > 大學
香港中文大學> 中文大學
The University of Hong Kong> University
The Chinese University of Hong Kong> Chinese University愛港大，支持港島西線落成後，還我港大「大學站」(MT
R University Station)之名，請呼籲你的同學﹑Hallmat e﹑朋友一同加入此Group! 把失落了多年的「大學站」正名還我港大﹗ 如果加入人數超過5000人，我們將會正式發信給港鐵公
司，申明我們港大學生的立場。 你忍心看見位處我們學校的港鐵站，稱作「寶翠站」﹑「石
塘咀站」或「西寶站」嗎？ The name of the new MTR station near HKU should be: University Station!
Invite your friends, schoolmates and hallmates to join this group!”
(我是從 masze 看到這單料)
*****************************
我想問… 點解刪左個 “香港” 佢? 這天才絕頂的方法是怎樣想出來的? 答案果然很簡單…
若然一站之取名,最重要能反映一地之特色或實際情況… 咁呢個西港島線站仲唔係應該叫做 “硬膠站”, 以反映有一班硬膠爭取呢個名返黎?
Comments (18)
頂，港大之恥！！！
我覺得呢班友真係膠到無朋友，係咪比人借刀架？？
寄信去港鐵有膠用，申請司法覆核同禁制令，要求索償先至係路，再唔係學阿扁搵人拆乜左大學站塊牌添啦笨！！！
史兄，如果有人forward 呢個正名運動比我，我可以send你條link比佢嗎？
西寶站幾好，西西o地，襯佢o地！
路過…
頂！班人自己膠就夠啦，仲要影衰其他人…….
(先申報利益，本人雖為港大人，但絕不撐此等膠事)
“香港大學 > 大學
香港中文大學> 中文大學
The University of Hong Kong> University
The Chinese University of Hong Kong> Chinese University”
邏輯之硬膠同呢個例子咁似既~~
http://share.youthwant.com.tw/sh?do=D&id=12023158
唔知班人用咩邏輯諗野，不過呢個 group 竟然有 15X 個 members……
身為一個中大學生，同呢型膠人勞氣都o徙氣
史兄，我全力支持港大生，因為中大擺明車馬地歧視ALEVEL REPEATER，咁你會唔會開始想扮唔識我？
…………….又真係幾膠
作為兩間大學都讀過既人，我真係唔知好嬲定好笑。
1. 身為「香港第一間大學」的天子門生，竟然咁小器，要同人地爭站名。
佢地似乎唔記得左中學讀果課《陋室銘》。
2. 「更重要的是，他們認為中大「大學」的光茫會被港大奪去。」
以小人之心度君子之腹，正是如此。
中大人雖然山頭主義嚴重，但我從未聽過有中大人用這種不成理由的理由。
因為我們很清楚，中大之光與不光，在於人，不在於下面那個火車站。
如果話我地驚中大比唔上港大，只會係驚校長太膠、經費唔夠、教授唔勤力、學生懶得學。而絕對唔係驚大學站改名。
當然，你問我，我都寧願大學名唔改名的。
「一個香港，只有一個大學站」將成新廣告標語。(笑﹗)
3. 身為大學生，連最基本既禮貌都唔識﹕先到先得。
唔使旨意呢班人會排隊上車、讓位俾阿婆添啦……
哈哈!!!! facebook 真有趣 !!! 先前中大人整左個 「一個香港，只有一個大學站」group , 而終於到港大人出個咁既 group 同佢打對台!!! kakakakakak……..
「一個香港，只有一個大學站」 — http://www.facebook.com/group.php?gid=6822775554
不過人地中大果邊疊馬好多wor!!!!! (1852友)
樓上…我覺得咁先見得facebook 無聊o既地方…諗下: 如果以前無facebook, 有人開個website 叫人簽名, 再靠人fwd link 出去, 人數會唔會好似宜家咁多, 閒時send 支花, 買野食俾你隻”寵物” . 再加埋家下入埋o的無聊group….hahahaha…..
講真，爭黎爭去真係好無意思……
facebook 有趣定無聊係題外話!!!! 我既主題係對照兩個打對台既group好搞笑!!!!
同埋, 就算冇facebook, 呢個世界仲有 “討論區”, 一樣會有d咁既野出現!!!! (分分鐘討論區果邊出現左都未定!!! 不過我冇睇討論區 )
( btw, 閒時send 支花, 買野食俾你隻”寵物” 我覺得唔無聊!!! d 人send呢d畀我我都唔知既開心 !!!! )
佢地係唔係考試考到傻左？？？
無叉謂…搵架0黎丟。
呢0的咁0野都好爭一爛餐0既？
本人並不是任何一間大學的學生, 看到這篇文實在覺得不知所謂, 姑勿論是那間大學的大學生寫的文章。 將香港大學與香港中文大學同樣略去香港兩字就表示大學站屬于港大, 更言之成理嗎? 那乾脆以後中文大學不要香港那兩個字, 而香港大學單單稱為大學就好了。
大學生為了這些虛名爭個你死我活, 正正反映大學生的焦慮及自卑。
老實講, 我覺得有兩個大學站並非不可以, 因為沒有人會因為兩個大學站混淆了兩個地方, 正如不會有人將黃石碼頭那邊的灣仔當作港島區的灣仔一樣, 也不會有人將以前地鐵的旺角站及九鐵的旺角站混淆。
好想講句, “爭咩丫, 撈埋黎做賴尿牛丸丫笨….”
淨咩丫，叫大學西站咪算lor…
Haha, they are crazy!
麻煩胸襟闊少少啦!!!
港大學生仲要上上’邏輯123基本班’先得……