February 24, 2008

• <阿扁, 錯了嗎?>

  回家吃飯. 我敢講 – 亦都唔係第一次講 – 阿媽既炸豬扒, 香港第一. 食過銅鑼灣個間吉列專門店, 可以, 但阿媽炸的更好吃, 更脆, 更可口. 真係唯一食過更好食既, 係東京上野附近的蓬萊屋.

  吃完飯, 坐在沙發看希哥道歉. 阿媽望一望我, 往放食物的櫃子找呀找, 然後拿出一盒擬似餅乾既物體.

  “阿仔, 拎盒餅返去食呀.”
  

  “SHIT!” 我暗叫不妙. 我望都唔敢望盒餅, 一望就代表有興趣…

  “唔食呀… 我屋住有麥維他” 我屋企真係有. “你不如拎去俾晨運友食拉.“

  
  “係d 晨運客送既. 點拎返去請人食?”

  “取之於民, 用之於民嘛.” 總之我想 get rid of 那包擬似餅乾.

  見事敗, 阿媽把餅放好, 又往另一個櫃找呀找…

  “你使唔使拜年呀? 拎盒金莎返去. 唔係有積及橙餅.” 我唔食朱古力, 佢為左令我要呢兩盒野, 竟然係初十五, 即係元宵節之後, 仲去拜年. 清明都黎緊拉…

  “呀~~~ 你再係咁, 我返黎唔同你講野嫁咧~~~” 我說時雙手掩面, 把頭轉向另一方, 笑笑口說.

  結果阿媽收埋兩盒野.

  
  跟住問我飲唔飲湯.
  
  嘩呀呀呀~~~~~~~~~~ 我做錯左d 乜?
  

  但我其實好愛我阿媽.

  阿扁, 錯了嗎?

  ************************

  然後, 星期五是近來心情最差的一天.

  自問沒有做過什么事.

  然而我好像一次又一次傷害了人.

  曾經有一個人說我對什么人也好, 除了對身邊的人.

  類似的話, 很多人也說過.

  早陣子我終於搞清楚. 越接近我的人, 越會被我傷害得深. 就像刺猬一樣.

  這種感覺很複雜, 並不好受. 一些自己重視的朋友受了傷, 還是因為自己受了傷. 但你其實又沒有做過什么. 這種乞人憎的感覺, 就困擾了我好幾天.

  阿扁, 錯了嗎?

  • 10:28 am
  • 4 Comments