June 9, 2008
-
<令人發笑 (及髮指) 的師奶股神>
我知道… 看無線的劇集不能太認真, 否則會落得 “一路鬧, 但一路睇” 既下場. 但住醫院個幾日, 乜q 都睇唔到; 醫生叮囑咪郁黎郁去, 就連打側訓都唔得 – 於是乎我就訓係床度聽足四日無線電視 – 由早上八點到晚上十一點.
師奶股神, 估計係上年十二月既時候開拍, 個陣股市仲未爆; 若果套劇個陣推出, 肯定大旺收場. 可惜…而家恒指只係得返24000 點 (個陣有三萬, 姓李數字叔之流仲睇三萬三呀… 陰公)
聽左幾日, 發覺師奶股神有幾個不可思議之處 :
1. 上星期五劇集開始前, 有把磁性既聲音話 “節目可能涉及不當行為, 敬請留意“. 我聽呀聽, 發覺成集都無任何不當行為. 更恐怖既係, 其實成集除左講商天娥 (1) 借孖展 炒股票, 同埋 (2) 林家華 (唔係林嘉欣) 吹假風然後派貨俾班師奶, 就乜都冇講過… 我想了又想…
噢賣葛, 這實在比起香港電台十幾萬拍一集既 ETV 更有教育意義!!! 畢竟, 借孖展同派貨俾師奶 (及任何人) 就實在是不當行為嘛!!
之所以當年咁多負資產, 之所以大家 (包括我) 今日仲係股市輸緊錢, 畢竟就係因為充大頭鬼 (借錢買樓係本質等同借孖展) 同埋d 仆街係咁吹風再派貨! 如果唔係點解油價係咁上, 但 857 由廿皮得返$10? 你就應該知道李 X 楷, 袁天 X同個班 (前) 電 X 高層當年 (2001年) 係如何地仆街!
2. 但係! 無線並無指出個一集真正最不當既行為係乜! 根據史弟的了解, 商天娥係劇集中向一眾師奶集資, 然後拎去投資, 可能已經犯撚左法!
皆因商天娥作為師奶股神, 佢集資然後投資既行為, 應該等同 “提供資產管理”, 理應受到香港証監會的監管. 而劇集無交代商天娥有拎牌 (起碼我睇個幾集無交代過, 劇集網頁都無講), 所以商天娥已經犯左法!
而商天娥犯左法, 又再炒輸股票, 實在罪加一等! 法證先鋒 II 都講殺人要坐監, 街邊蛋散冒牌行醫要坐監, 但商天娥竟然可以逍遙法外!!!
每年領緊一眾投資者 4 億幾港元人工既證監會人士及董事去左邊? (4 億數字來自 2006-07 年年報, 第58頁). 成日上報紙出黎講野既張灼華又去左邊? 係咪證監覺得集資炒股其實唔係犯法, 一句都唔使係新聞稿澄清一下? 仲有, 點解演講辭個一頁可以死 LINK? 呢班人好意思每單股票交易都收我錢?
唔通證監會認為套劇既背景係火星唔係香港, 所以唔使出聲? 畢竟無線所有劇集既所有人 – 除個別主角 – 智商都係得 20 甚至乎更低. 你點說服我故事背景係香港? 而事實上, 編劇的而且確引導一班白痴觀眾向住呢個方向諗… 皆因…
3. 更令人感到疑惑的係, 編劇竟然安排商天娥係第十集, 成為師奶股神發光發亮後引退再復出 (好似當年張國榮同阿 Sam, 仲有一個不斷食言話唔寫又寫xanga 個條友咁 – 不過佢無發光發亮), 再集資炒股票後, 先好似哥倫布發現新大陸咁, 發現原來呢個世界有借孖展呢一樣野!
我的天呀 (= 你老母呀)! 佢好好醜醜都係個股神, 唔係流撚到咁呀嘛!? 呢d係乜野世界同編劇呀? 故事背景係咪一班疑似香港人被人洗左腦然後運左去火星, 途中缺氧太耐而變得低低能能?
4. 講到尾, 可唔可交代下商天娥既角色, 其實知唔知股票係乜野黎? 我上星期聽到有角色仲話股票等同/ 會變牆紙, 呢個係 70-80 年代, 佳寧出事時既講法.. 而家 2008 年都過左一半, 乜q 都係電子化, 股票大多數無紙化左咧!!! email, e-道, e-kids, 仲牆紙??
“不當行為” 幾句野每集都出 – 今晚星期一又有咧, 但聽晒成集最不當行為, 都似係謝天華因為佢老婆商天娥拎左仔女讀大學既錢去炒股票, 而要同佢離婚 – 但佢對仔女只不過係小學三年班以下. 究竟套野不當左去邊? 可唔可以指示下呀, 邵六叔?
Comments (8)
1. 上火星果到真係笑晒出黎……
2. 而家乜Q節目都要加個「警告」出黎，如果唔係，到時一大班師奶又會鬧電視台鼓吹人炒股投機教壞細路…
挑… 真係咁邪惡咪轉台甚或唔睇囉… 最正係，呢班家長一方面屌呢D節目教壞人，另一方面你見呢D家長每個月拎幾皮野出黎迫自己個骨肉學夠11樣野，入到間名小學就也文也武，一心要個仔女第時做投資銀行，賺大錢!!! 又係講投資回報…
你話… 香港邊有可能唔戇鳩……
3. 股票電子化既結果… 可能係D股票可以變電腦入面既牆紙（Wallpaper）……
………………………………………..
OK，我認，係爛GAG。
所以我話睇無線真係每個鐘智商減3, 扣下扣下好快變弱智, 所以我冇睇好耐
史兄o既財經知識已經可以同套戲找錯處…厲害厲害…
我邊睇邊諗如果你send篇野比蘋果, 之後再send比廣管局同金管局, 套野會唔會腰斬?
到時全香港o既知識份子都會多謝你, 你個blog亦會人氣大增, 當中應該唔少崇拜你的女網友…
好像說多了
話時話
hyster個gag我笑左
商天娥涉嫌鼓吹病態賭博喎！！！仲唔係不當行為？：ｐ
廿一世紀無線劇情經常回到八十年代，不看也罷，不過一家人食晚飯無得走，不看電視等於唔好食飯。
《師奶股神》最緊要既地方就係，又在我公司樓下拍外景。
史兄你就唔啱啦, 你盲左得個聽字, 無睇到佢有寫「本故事純屬虛構, 如有雷同, 實屬巧合。」
1. 拿，要留意既係，商天娥雖然叫做股神，但其實只係個俾林嘉華利用既師奶。所以佢唔識野唔出奇，呢點無謂駁。
學你咁講，竟然冇人拉佢，咁代表編劇唔識野o者。
(或者，冇搵證監會合作……)
2. 送多句爛 gag﹕火星都有證監會架﹗
3. @lo_409 - 一定唔會，俾人鬧下就要腰斬，香港既電視台(唔只無線)一早冇野播了。
好好笑，笑死！
歡迎回歸！！！請繼續發熱發亮！！！
@maple_autumn - 可以看 DVD／VCD，或者安裝有線／Now （寧願看新聞台都好過，哈哈。不過我不會，我中了 Discovery 毒，除非 CN 在播 PPG，嘻嘻…
）
本來日頭要用腦,夜晚睇無線當俾腦部休息都還可以。但如果當左無線睇到既野係真理,咁就大件事…
套野好似無講明「股票價格可升可跌,投資者請細閱有關詳情」既提示…