December 8, 2008

• <有獎遊戲 – 聖誕送溫暖>

  各位 (包括係呢度留左言/ pm 要聖誕咭既朋友),

  聖誕咭已經畫撚好 (屌佢老母, 講撚左粗口添. 請聽以下 “影片” 00:52)

  忽發奇想.

  一生做得壞事太多, 搞到又跛又盲又盛. 不如搞義賣.

  1. 普通版
  

  若你想收到信封版 (= 普通版) 既朋友, 請記住 pm 我你既地址. 我會用一個信封, 將畫對摺三下寄出 (一切都計算好, 三下就係三下).

  摺完, 梗係唔靚仔.

  放心. 我都會係上款上寫你既名 (對唔治, 我未諗填唔填色)

  呢個計劃, 唔使錢. 唔使做任何野, 除左留底地址.

  
  2. 特別版

  若你想收到硬直版 (= 特別版) 既朋友, 都要 pm 我你既地址.

  我會將畫好既 “咭”, 填左色, 入落一個啪啪紙袋, 然後入落一個 A4 folder, 再入落一個袋, 再寄出. (好知, 好撚複雜).

  呢個方法, 我計算過, 應該唔會 “巢”.

  咁撚麻煩, 我係唔會送免費午餐. 收你 $50. 放心, 你唔係科水俾我, 皆因 :

  — 我估計過, 搞咁多野, 成本 $30
  — 你俾我既錢 (每人 $50), 我全部捐出去 – 捐俾四川既小朋友
  — 你地捐幾多, 我都再捐幾多

  我知, 我犯緊法. 皆因叫人捐錢俾自己, 要攞牌又盛. 如果你想我死, 就去報警. 我開頭寫粗口都係唔想咁多人直接轉載.

  廢話少說, 不過我無叫大家存入我戶口…

  總之我唔會o厄你地錢. 呢個特別版, 唔會令人失望. 點捐錢, 捐俾邊個, 你 pm 我我會話你知. 唔好冼柒我.

  我好希望大家可以支持.

  
  3. 聖誕咭圖案
  

  有以下兩款可以揀. 我會照住下圖黎畫, 當然畫得無咁靚拉. 有我去撚左迪迪尼做.

  以前留左言或者 pm 我既, 兩款都有 (無論是特別版還是普通版).

  而家先揀既, 可以揀一款. 特別版既朋友科水 $100, 可以兩款都要 (或者重複都得).

  俾 $150, 三張

  俾 $200, 四張

  俾 $250, 五張

  俾 $300 (你老母你仲黎!), 六張

  (1) Angry Donald

  

  (2) Delighted Donald

  

  希望大家可以支持!

  各位大哥大姐記住留地址呀! 唔好一句 “我要”! 地址呀你老味!!

  (其實我希望唔好咁多人拉. 否則我又要出錢買料, 又要捐錢…. -____-|||)

  我真係希望大家可以支持!

  細節 :

  1. 海外既朋友, 有點麻煩. 如果你想聖誕前收到, 真係要快. 皆因郵局截郵. (check here) 如果你唔介意聖誕後收到, 可以慢慢黎.

  2. 本地既朋友, 都請盡快留言. 皆因… 我要時間整, 但又要返工…

  *****************
  

  最後, 如果你係女既, 唔想俾錢但自問姿色一流, 可以搵方法寄張近照俾我 (咪撚寄林嘉欣/ 薜凱琪張相!), 如果我真係覺得你正咁我就免費寄硬直版俾你 (唔好心邪!).

  至於一眾毒男, 唔撚使寄相黎咧. 點寄都無用. 訓拉柒頭!

  • 9:04 am
  • 14 Comments