December 29, 2011

• <續 – 我們, 沒有未來 – 2011回顧 x 2012 末日展望>

  因為 戇撚鳩, 所以之前將一個未寫好的版本放了出來.

  更 戇撚鳩 的是, 為那版本加了刪除線後, 發覺好難undo – 要逐個逐個HTML 取締.

  我唔會 進一步地戇撚鳩, 將佢變返原狀.

  哪怎么辦?

  橫豎2012 年是世界末日, 沒什么關係咧. 想做的事情, 沒機會在2013年總結. 不過, 好些事情, 末日與否也會去做. 至於2011年, 過得很快, 過去由它過去吧.

  2012 年我想…

  - 仔細想一下移民的事

  認真的 (我知道上年已說過會認真.). 今年區議會選舉再進一步肯定明香港只是一個 沉淪的國土. 找過些資料, 想過移民去台灣, 但我蠻有信心下個被統戰的地方就偏偏叫台灣; 難以在不懂日語的情況下移居那裏 (傻豬, 你以為整天看動作片就等同懂日語? 唔通你日日搭地鐵就識渣地鐵咩), 韓國情況更差.

  唔通你叫我移民返大陸咩.

  看來只餘新加坡. 可惜花費不菲.

  幸好2012 年是末日啊, 再不用多想. 所以, 世界沒有末日的話, 我會很失望. 我會在面書爆粗的.

  - 先決條件, 是錢

  一個人, 生活質素如何隨便低劣下賤狗臉也可以; 要照顧老媽 (不孝兒只懂付錢咧), 在一定程度上也要照顧老爸 (也只是付錢咧), 又要 . 一 . 走 . 了 . 之, 首先好好儲定些錢給他們. 自己的任性, 不能直接建築於其他人的痛苦上. 這是基本要求.

  至於怎樣解決好錢的問題. 嗯 (努力點頭中), 我會好好努力研究…

  - 會去旅行

  (靠, 不是要儲錢嗎?) 六月會去 秦國 (誰求誰~~春秋都只聽天地號令), 秋季大旅行可能會去歐洲… 首次 衝破 處女膜 亞太地區 呢… 移民去倫敦… 好像也不賴.

  - 繼續好好寫作

  也不知道在這地方寫這種東西, 應該叫什么. 寫作? 吹水? 發嘮蘇? 寫自傳? 經歷不同, 思想有變, 無法再寫出像以前某些好笑的文章, 我是明暸的. 那些文章, 有火有點有笑位 (想看的話去 friedrice 那個tag 爬文). 現在呢… 好些事情寫了一次, 好笑; 兩次, 好笑; 三次就悶了; 而且重複又重複, 好悶. 更重要是我們太多娛樂了. 要專心寫好一篇文章 – 倒不如說是整理好思緒 – 很難.

  總之我會繼續停了好一陣子的 生活.鳩o翕 – 在面書的戶口, 為每一個去的婚禮寫 你們的幸福 花絮 (又開空頭支票), 要寫臭民主黨, 會在 立法會選舉前 寫電郵去發問.
  
  有人問點解唔特首選舉個陣寫電郵去問. 屌! 我有撚得投票咩? 無得投, 問黎做乜? 每逢有報導話機構訪問市民支唔支持某某做特首, 我都抱住非常恥笑的態度去對待.

  無得投, 無份揀, 無份投, 關我屁事?
  
  如果無得投, 無份揀 (voter side) 都關事, 咁 無份選 (candidate side) 都可以搵D 無關係既人拉. 我第一個選 “其他”, 然後揀 劉德華. 如果劉德華肯選, 佢乜都唔使做, 我可以 (1) 無條件投俾佢, (2) 動員所有親朋戚友選佢, (3)寫足一個月文去讚佢.
  
  仲有, 問你支唔支持某某做特首, 說穿了個D 某某其實得 唐英年 (佢非常適合代表弱勢社群, 因為佢本身係一件弱智), 梁振英 (奸到出汗. 選唔到可以拍無線既鳩劇), 何俊仁 (不願置評. 不過係佢領導之下民主黨除左 出賣左民主 同埋 輸左區議會選舉, 仲有乜野建樹?), 馮檢基 (唔好叫雞, 唔好做雞). 即係乜? 咪即係叫你 揀 咖哩味既屎, 屎味既咖哩, 屎味既屎, 或者 屎味既屎. 後尾兩個選擇一樣? 何俊仁同馮檢基咪就係 屎味既屎 同埋 屎味既屎, 本身根本唔會有分別. 揀乜春?

  - 調理好身子.

  前陣子 痛風, 好事. 這是早兆, 告訴我真的老了, 要開始注意身體. 老媽很多年前說過,

  年青時, 生病不用看醫生也會好;
  中年, 生病一定要看醫生才會好;
  老年, 生病看了醫生也不好.
  
  
  這兩年開始明白了. 尤其在球場上看到年輕的小伙子, 有著不用完的氣力, 還有那兩雙具活力的腿, 你不可能不認老. 老實說, 我開始明白 大蛇丸 想永遠擁有年輕的那種慾望.

  長命與否, 不是考慮點. 做人做到何俊仁咁鳩咁柒, 我寧願死左佢 (哎呀明明話過唔評論佢). 既然活下來, 就肯定要健健康康.

  會做多點gym, 打多點波. 工作會放到一旁.

  煙會食少一點 – 起碼與責任主編時不吃 (為了身體我只好整天也貼著她好了).

  酒說過會戒, 就戒.

  - 共產黨早日倒台 x 平反六四 x 世界和平 x 地球暖化得到解決

  這個 combo 是鐵膽來的.

  上年寫過, 今年再炒一次 :

  我希望可以一直玩落去, 不長大. 也不介意究竟有冇職升, 和朋友比又怎樣, 有沒有洋樓蕃狗. 說穿了我什么也不在乎 – 我只想開心快樂, 做我想做的事情.
  

  • 1:33 pm
  • 8 Comments