<辦公室七不思議事件 一>

年結, 公司上下皆忙到仆街. 公司派業績, analyst 做分析, 老闆定投資策略, 芬佬加貨儲貨派貨, 做road show…好不容易才完成. 完成晒死線, 一班中層老屎忽就會忙裏偷閒, 係公司會議室飲紅酒, 食雪茄.

成個辦工室, 特別係trader 房, 個個都食煙. 點解? 因為大大大老闆, 大大老闆, 大老闆, 全部都食煙. 一係食一手煙死, 一係吸二手煙死, 你揀邊樣? 唐英年 對 梁振英, 大家後來都發現都係唐唐好d. 我一早就發現, 所以晨早食一手煙.

五隻老屎忽, 我, 秀英, Nelson, 大力, 安祖係會議室偷閒. 開頭大家都係講無聊野.

食食下煙, 吹吹下水, 突然諗起上個星期係廁所既一件奇事.

“上星期係廁所…你地想唔想聽先.”

“講拉.” 異口同聲.

成班八公八婆.

“咁開大就梗係要除衭坐好拉. 咁我坐坐下, 聽到隔離個格發出捽野咁既聲音…”

“唔係呀嘛.” 大力已經知我想講乜.

“咩唔係呀. 咁我一路坐, 隔離就一路係咁捽…正常人屙屎屙尿係唔會發出咁既聲. 佢中途仲要輕輕發出呻吟聲. 我心諗 : 你係咪性需要大到咁, 要返返下工入廁所打飛機?”

我望望秀英, 佢面無血色. 佢大概覺得呢間公司好污糟, 幾乎要遞信辭職唔做. 做呢行梗污糟, 佢做左十幾年都唔化.

“條友耐力算係咁, 玩弄真人肉靈芝, 由我開始屙到屙完, 抿埋屎, 洗埋手出去, 我都無聞到精既味道. 所以唔知係邊個. 係咪大力同Nelson 你兩個仆街呀.”

“我多數係房鎖埋門打.” Nelson 笑笑口講.

————-

我信佢. 呢個仆街請親D見習同長工, 清一色係女, 仲要全部係波大後生, 更重要係無腦既靚女. 唔撚知佢係係砵蘭街收CV, 定係見工既時候叫條女直接除衫. 不過, 條友好叻, 因為波大無腦 同 你阿媽係女人一樣, 係無得改變, 所以Nelson 長期一個人做五個人既野, 年年都派到最大舊花紅.

不過, 有年暑假請見習, 無人揀, 但忙到七彩, 佢半推半就請左個男仔. 成組人, 雄性動物得Nelson同個男仔, 其他全部係女.

真係放隻老鼠入米缸咁. 一班後生仔後生女, 日對夜對, 對住同事既時間仲長過對住張床, 梗出事. 結果, 有次個男仔俾人撞破左係公司個廁所同個女同事扑野. 難為佢地做十幾廿個鐘都仲有力.

撞破佢地個個人, 咁啱又係小弟. 好似乜野人係廁所做法事, 都會俾我撞破. 我估好快有人係廁所破地獄, 我都會見到.

其實都唔可以叫做撞破. 喂, 師兄! 你大聲呻吟, 又抽抽插插出晒水既聲音同畫面, 慌死人唔知. 唔通公司廁所會有隻鯨魚定時定候噴水, 仲會發出叫聲咩. 個男既仲要叫得特別大聲, 一聽就知係邊個… 佢地以為公司改左名叫維多利亞? 可唔可以請一個鐘頭假, 搭個的士去爆個房? 十點後搭的士有得claim 呀師兄.

仲有, 你專心做野, 邊會做做下野有性慾? 忙到七彩, 連屙尿都冇時間, 仲點會去廁所扑野?

好咧. 問題係 : 咁我個陣仲繼唔繼續去呢?

係屎急敗壞既情況下, 居然仲作到呢對對聯. 最終我都忍住無去到, 抽返條衭落左下一層個廁所.

————-

第二日話俾 Nelson 呢件事. 既然係事實, 都唔可以當係講人壞話. 點知條友二話不說, 炒左個見習生. 原來個見習扑既係 Nelson 條女 (其實係N份之一條女)… 咁當年就發生左以下一段對話.

“哎呀, Nelson 哥~~~ 做乜炒人呀~~~~~” 我笑笑口咁講.

“屌佢老母, 扑鳩我條女. 連老闆條女都敢扑, 買棺材唔知定.” Nelson 嬲到問我拎煙食.

“唔係呀, 大家咪一家親.”

“親你老母. 你拎你條女俾我扑呀笨.” Nelson 一啖食左半支煙.

“嘩好嬲呀, 我唔想同你咁親喎~ 即係咁講. 你知唔知結拜兄弟, 英文係乜?”

“乜呀, 考鳩我呀, 我 SAT 九千幾分. Sworn brothers.” 再一啖, 支萬事發咁就灰飛煙滅咧.


“Sworn brothers 係啱. 但…你唔覺得…







Cum Brothers 仲貼砌咩?





嘩哈哈哈哈哈, 我覺得你同見習條友, 親過結拜兄弟, 真Cum Brothers, 襟兄弟也. 哈哈哈哈哈. 無理由炒人. 哈哈哈哈…”

之後三個月, Nelson 無同我講過野. 男人老狗好小器.

————-

“講起忍, 我又分享下個笑話.” 大力說.

“有日放假, 去i-square行街. 人有三急.

入到廁所, 又偏偏屙唔出. 等撚左半個鐘頭, 都去唔到.”

“你條友平時做得陰質野多, 成日叫人kill you later. 梗便秘拉.” 安祖笑道.

“好咧, 咁我繼續努力之際.

隔離有個人入左黎.


一鎖門就棒棒聲咁, 一泄如注.

我忍唔住講左句 ‘老兄, 你就好咧.’

點知隔離老兄回…

‘好你老母…

我都未除衭.’

我估成層都聽到我地既笑聲.

(一)

<9月9日, 你會站在哪邊?>

網上流傳一張自由黨的宣傳單張, 宣傳劉健儀的立法會團隊. 內裏有一份自我評估, 測試一下選民在9月9日應該怎樣做.

評估的9條問題都是針對民主派/反對派的. 測試越高分, 選民的政治取態越貼近建制派; 越低分, 就應貼近民主派.

若你取得滿分 (9分), 劉健儀的建議你加入團隊, 替他們拉票; 總之無論係1-9分, 佢都係叫你投票俾佢.

不過, 若你取得0分, 劉健儀表示 “你頗為孤獨, 對身邊的事情沒有感覺, 你應該留在家中靜修, 不用投票; 另一種解釋, 您可能打算移民.”

睇到呢度真係火都黎.

自由黨過去幾十年的所作所為, 維護商家及地產霸權, 有部份與保護資本主義有關, 還可以接受； 施政上大部份時間與政府為虎作倀, 狼狽為奸, 但當年自由黨主席田少在23條立一大功, 不應忘記 (當然那其實是香港人71上街的功勞); 自由黨不屑民主派的行為, 是基於個人價值觀及利益瓜葛, 不同意但也不能強求. 然而作為一個負責任的政治人物, 一個政黨的主席, 怎能叫人 “不用投票”?

普天之下, 宇宙之廣, 恐怕只有香港特區政府是不想市民去投票的. 經驗告訴我們, 民主派 與 建制派 得票比例是 60:40, 近年可能民主派少一點, 但民主派得票比例較高, 雖不中亦不遠矣. 即使比例如何, 有一點非常重要 : 民主派的鐵票基礎弱得多. 很多香港人是季節性民主的 – 就像季節性鍾意睇運動, 濾風濕性愛國一樣, 突發性沉迷睇書 – 大是大非先出黎投票俾民主派. 我沒有數字, 但將投票率與民主派得票率的畫幅圖出來, 應該是positively slope – 投票率越高, 民主派得票率也會高. 而建制派的票源, 相對較穩定 – 當每次都有人載你去投票, 仲有其他小禮物, 客源穩定是有道理的; 還有近年遍布全港的種植場, 受人錢財替人定時消災, 理所當然.

越多人去投票, 就等同越多投民主派既人投票, 民主人士當選的機會就會越高. 相比下政府 及 其建制朋友的勢力會被削弱. 所以政府對於投票的宣傳, 是基本過基本, 求其過求其, 一切做到最基本要求就夠. 最好大家唔記得, 以為投票日係一個平凡、無風無浪日子. 然而, 怎樣做, 政府都不會宣之於口, 明刀明槍叫你唔好去投票. 居然有候選人明刀明槍叫你唔好投票, 這也算是天下奇聞了.

以下10條問題, 應該比起劉健儀的評估更有代表性 :

如果你有10分, 你是個有獨立思想, 關心香港的選民, 肯定知道自己係9月9日投俾邊個, 唔使任何人教你點投票. 教你投票係侮辱緊你.

如果你有9分, 好大機會你係唔認同民主黨個題. 你要支持猶大, 無問題.

如果你有8分, 好大機會你好鍾意睇無線, 又鍾意民主黨.

如果你有1-7分, 我想同你講一句, 上面10項事情全部環環緊扣, 並非獨立事件. 無線壟斷, 國民教育是為求消除反對的聲音; 在沒有普選的情況下, 政府及主要官要的權力、政黨與政府的密室政治，以至既得利益集團的利益輸送, 不會得到適當的制衡; 中央及其爪牙會不斷入侵香港, 香港人及在港人士的權利不會受到應有的保障.

如果你取得0分, 我想, 你要么準備移民, 要么有兒女在外國留學 (如一眾特區高官), 要么是共產黨黨員, 要么還沒有搞清楚事實的真相. 雖然如此, 我更加鼓勵你去投票 :

選舉不能輸打嬴要 : 正正因為要承受投錯票的後果 – 即使你可能是投給其他人 (正如我沒有投白鴿黨, 卻被它們在2010年狠狠的過了一楝) – 大家才珍惜自己的一票. 這是選舉明文之處, 也是非常基本的價值觀, 不明白的話, 還選什么議員?

好了, 反正我都不會投自由黨, 不如講講今屆立法會選舉. 往年有會發電郵問候選人問題, 今年因事忙, 加上我投票意向已定, 不再打算發電郵去問. 對於今屆選舉, 觀察/評語如下 :

1. 民主黨食屎拉.

2. 民協都食屎拉.

3. 民建聯食屎拉.

4. 所謂超級區議會議席, 我會投白票. 呢一票係來自一個我唔認同既政改, 一個我反對的制度 (功能組別+分組點票). 投左俾任何一個人, 等同我支持呢個政改同制度.

你會話 : 唔係喎, 唔投, 泛民有機會拎唔到三席 (超級區議會有五席). 第一, 由民主黨/民協支持政改個一刻, 民主黨同民協已經唔可以代表民主. 第二, 邊個支持政改? 民主黨/民協/民建聯. 邊個出黎選? 民主黨/民協/民建聯. 自己整個制度出黎俾自己選? 這是什么道理. 第三, 這是最重要的 :

即使民主派人士今屆失去關鍵的廿四席 (即失去絕大多數點票下的否決權), 這也不是世界末日. 不錯, 未來五年, 或者甚至乎更長的時間, 議會的文明暴力會更猖狂, 香港會遍體鱗傷. 我們會上更多的街, 示更多的威. 但我絕對不能夠因為你戒毒好辛苦, 所以我讓你繼續吸毒. 我不能因為要保住否決權, 而支持民主黨及民協 – 更有趣的是那個否決權就是在2010政改那役被民主黨及民協廢了. 就是這么簡單. 做錯了 – 那包括錯投民主黨的人, 在未來沒有投他們的 – 得到應有的懲罰, 天公地道. 世上沒有免費午餐這回事.

就是世界末日, 有些基本原則不能妥協. 妥協了, 比死更難受.

5. 我對公民黨在五區公投後的表現, 十分失望. 不過, 他們最終沒有派人出來選超級區議員, 算是貫徹始終. 值得尊敬.

6. 社民連及人民力量的排陣叫人失望. 不想詳細說, 但對九東的對立很不安. 但我依然會投社民/人力的, 還可以做的就是勸身邊的游離份子投給他們. 他們不是完美, 缺點很多; 我唔會要求立法會議會飛天遁地, 只係求佢唔好係關鍵時候出賣我, 仲要諉過於人就得. 而民主黨最叻, 就係出賣人同埋諉過於人, 呢班係賤人黎.

7. 至於其他較細的民主黨派, 例如工黨, 我對他們沒有研究. 他們沒有在政改上投贊成票, 這已足夠.

最後, 你發覺成篇文我無乜點提民協, 淨係叫佢食屎. 乜你覺得過左今屆立法會選舉, 仲有民協? 人地都死, 無謂踩多兩腳.

9月9日, 你會在哪?