February 13, 2013

  • <戀人絮語 一>



    上年話左唔會再寫情人節系列。因為我好撚憎呢個節日。

     

    不過,我無話過唔係情人節出文。等左一年,我都等睇自己食言;哈,點知又真係情人節出文喎。

     

    NBA名宿小鳥布特 (Larry Bird) 的退休禮上,其宿敵、魔術手莊遜 (Magic Johnson)說過這樣的一翻話 :

     

    “There will never ever ever be another Larry Bird.”

     

    我知道永遠不會有第二個林嘉欣。她最後一套我看的電影,不是什么合拍片唐吉可德,而是<戀人絮語>。電影原本的重點是,談戀愛只有絮語,沒有大道理;所有戀愛的道理,都是透過生活上的小事表達的。

     

    我相信談戀愛的目的只有一個– 如何找一個合適的伴侶 –大道理還是絮語,不過是各人有不同的見解。道理過去幾年都講晒,今年只談風月。我重申,呢篇笨唔係情人節系列既文章,只係出文日期同主題都咁啱同情人節有關。

     

    好了,又講左幾百字廢話。我其實是想說,我諗起又大左肚既林嘉欣,而且文章的題目是抄回來的。而下文與上述的文字,也沒有什么關係。

     

    這是不定期連載系列。又會爛尾了。

     

     

    某天與責任總編去我阿媽屋企食飯。我坐中間,老媽坐左邊,責任總編坐右邊。

     

    開飯時,阿媽望住責任總編。

     

    咦,你剪左頭髮呀?”老媽說。

     

    唔知點解我諗起樓下看更每次見到我搭電梯出街,佢會話你出街呀?”;見我拎住個飯盒會話 食飯呀?”。係呀! 我拎撚住個飯盒自盡呀。

     

    哦,係呀,伯母,尋日剪左。不過,其實我一路都係短頭髮既。說的時候責任總編用手梳著自己的頭髮。

     

    唔係呀,你上次黎長頭髮嫁喎。老媽一臉疑惑地說。

     

    語畢,右邊立刻有一股殺氣向我湧來,台面上既碗碟都吹倒了。那是超越超級撒亞人的氣勢。不會錯的。

     

    仆街,今個月扣你家用。我心諗。

     

    阿媽,上次個個第二個黎。我挒著右邊咀,微微張開左邊咀唇,用腹語輕聲跟阿媽說。

     

    唔係喎,上次黎真係長頭髮嫁。阿媽望一望責任總編,重複多次。什么虎毒不吃兒,廢話。

     

    頂你仲講? 長你老母呀…”我忍得住無講。

     

    都話上次黎既係第二個囉我再挒著咀說。

     

    阿媽終於收聲。佢再出聲呢世都唔俾家用。

     

    食完飯,我坐係沙發,睇睇下無線講開又講連頭號亞視支持者我阿媽都放棄左亞視,情況簡直同夢熊爆阿689大鑊一樣,亞視執笠只係遲早既事睇得入神之際,背後生風,我頭都未回已有一隻手搭左係我膊頭。一隻熟悉既手,一隻責任總編既手。

     

    乜我有長頭髮過咩?

     

    er…er…er… 阿媽好多年無試過長頭髮,所以佢見到人地頭髮長少少,就會覺得人地長頭髮。

     

    咁佢有冇見過你啫啫仔?

     

    痴線嫁…佢生我出黎,我有邊度佢無見過?

     

    咁佢咁多年黎都無啫啫仔,一定覺得你好長拉。

     

    嗯…其實,真係幾長嫁。嘻嘻嘻,你知嫁。不過,呢D野唔係講長既,長係無乜實際功用。

     

    邊個係長頭髮個個,講!我俾人用MMA既技倆鎖住左喉嚨。明顯轉移視線失敗。

     

    下,無呀! 冤枉呀包大人! 真係查無此人呀! 你落去信箱睇,有排信係寫住 ‘無此人’嫁!

     

    仲係度亂o翕廿四。敬酒唔飲飲罰酒呢下扣喉真係有火喉

     

    真係無呢… 上次帶個長頭髮既女生回家吃飯,好像是1985年,個陣街上還有電車拖卡。

     

    乜春野電車拖卡? 你唔好講嫦娥奔月? 仲有,你唔係話無帶過嫁咩?喉鎖得更緊,我估我就快會死。

     

    哎呀阿媽!!!”我吐盡最後一口氣。

     

    你兩個唔係好出面嘈住我洗碗!”阿媽咆哮。

     

    大叫阿媽呢招果然有用,責任總編即刻鬆左手。

     

    我個肚痛,屙篤屎先。大叫,然後借屎遁去。

     

     —

     

    後巷俾人打完一身 食完飯,去責任總編的家中玩Sleeping DogsSleeping Dogs係一隻以香港為背景既古惑仔遊戲。你本身扮演一個做臥底既差佬,不過可以照殺差佬。

     

    責任總編坐係旁邊睇我殺差佬。佢食完飯後腸胃有點不適。

     

    哎呀,你個肚做乜,好似夜晚天花D石屎咁,doc doc 聲係咁響。梗係去阿媽度無食生果。

     

    其實個陣我心諗八婆,食完飯郁手郁腳,抵你肚痛。

     

    係拉,成晚個肚都係咁咕嚕咕嚕咁。

     

    er…你會唔會瀨屎嫁?我好驚人瀨屎(仆街乜有人唔驚有人係你身邊瀨屎咩?),但我無放低個手掣,只係斜望左佢一眼。

     

    嘻嘻,好難講嫁喎。

     

    你瀨左屎千祈唔好講我知,我一定同你分手

     

    下? 分手? 咁你分左手會唔會追返我?佢拉住我衫尾問。

     

    佢既肢體動作加上語氣,顯示出佢好撚驚。我懷疑佢同我一齊之後瀨過屎。

     

    嘿嘿,如果分手之後,我追返你,咁分手黎做乜?

     

    下,咁因為我地瀨屎分開左一次,咁你咪黎追返我囉。

     

    喂,講清楚D,係因為你瀨屎而分開一次,唔係我地瀨屎我無瀨屎。只係得你 . 瀨 . 屎 .

     

    咁你即係追唔追返我呢?

     

    追你老味。你瀨左屎,我同你分手,即係仲肯承認過我地曾經一齊過。你仲想點? . . . . ! 如果夠無恥我話唔識你添呀。

     

    責任總編無言。

     

    哦…咁好拉

     

    跟住個仆街真係瀨左屎。


    講笑啫。

     

    唔好話人,我地講既野其實都好廢。點解咁既野可以來來回回有十幾個對話?

     

    我無理佢有冇瀨屎,反而諗左好耐點樣可以殺死D差佬。我真係好撚憎差佬。我憎既係差佬呢樣職業,而唔係某個差佬 (除左一哥)。即係咁,如果我做左差佬,我都會好憎我自己。

     

    試左幾次都好快俾差佬殺死。

     

    你真係輕度弱智。成日係度諗點殺差佬,得個諗字,但係殺唔夠兩個又俾差佬殺返。好驚你出到街真係打鳩D差佬。個句粗口係我加既 責任總編唔講粗口的。

     

    係呀,我係輕度弱智,你係嚴重弱智。

     

    點解?”

     

    你鍾意個輕度弱智,你仲唔係嚴重弱智?

     

    屌,又俾差佬殺死。我決定唔撚玩咧;熄機。

     

    跟住個幾日,責任總編對我非常好。但佢對瀨屎一事,絕口不提。我懷疑佢已經瀨左屎。因為佢係智商唔高,本住唔應該欺負弱者既心,我原諒左佢。

     

     

    打完機,我約左阿藍飲野。阿藍即係 因姦 通姦 不遂 個個。

     

    前陣子業主加租,想要搬,打算搵樓後尾因為懶,所以無搬。

     

    哎呀,我一直以為你同居嫁添。阿藍認真地說。

     

    原來好多人以為我與責任總編同居的。想清楚一點,就連我老細都好肯定我係同居其實我一直講我獨居。未上過我屋企既老細,仲要繪形繪聲講我同居既情況。簡直就好似大家未去過火星,但100%中的120%肯定火星有火星人一樣。

     

    痴撚線,同乜野居。同居不如結婚。結婚不如自殺。事實上我同責任總編唔想同居。

     

    唔係喎,同居幾好。起碼可以分擔下家頭細務。你條友懶到出汁,一年先拖一次地。阿藍好似好了解我咁。

     

    痴線,同居同養鬼仔差唔多。

     

    點解? 因為要俾錢?”阿藍好緊張。佢好似係同男朋友同居緊。

     

    錢就濕碎。可以用錢解決既問題,唔係問題。當然我無錢。仲有,你小心D講野,鬼仔個D係請返去,唔係俾錢買。

     

    因為成日要待奉佢,無朋友、無自由、無生活,vegetable,仲要定時定候交人?”


     


     

    D野唔使同居都係咁拉

     

    仆你個街,請鬼仔,易 . 請 . . . !”

     

     

    情人節打算怎樣慶祝?” 阿藍飲著vodka lime說。

     

    嘻嘻,情人節沒有什么值得好慶祝。我抽起煙,笑笑口地說。

     

    咁你即係無預備。祝君好運。嘿嘿。佢係情人節會煮心形牛扒那種人。係一個人個陣都會煮俾自己食。聽見都毛管桐。

     

    哈哈哈哈哈! 我同責任總編一齊,第一年情人節個陣好多deal,忙到仆街,晚餐係中環食翠華,食完我仲要返公司做野。無花、無禮物、無咭、無,乜柒都無。咁咪又一齊過左幾年。

     

    咁係你好彩啫。

     

    梗係拉。諗真D,就會發現情人節無乜好慶祝。梁靜茹<分手快樂> 有兩句歌詞是這樣的 :

     

    其實愛對了人,情人節每天都過

     

    我相信這兩句話。

     

    喂,大佬,你知唔知幾多男人根本唔浪漫? 唔識浪漫,或者識都唔做。一年一日咁大把都唔肯?”

     

    香港既男人廢,我贊成,因為我都係廢柴。說到底也是香港的男人仆街。

     

    不過,只要你每天善待你伴侶,一年走來,你待她/他好好的,心知肚明,到情人節時也不用怎么慶祝。反過來說,為什么他一年到晚對你不好,你卻只要求他對你好一天? I don’t get it. 那根本是本末倒置。

     

    好些情侶關係差到不堪,由年初一嗌交嗌到年三十夜;好些夫妻到了離婚的邊緣,這些人還是希望在情人節那天慶祝。我要在這一天多謝你一年來的照顧。哈哈哈哈,煮餐飯多謝對方虐待你成年。你仲唔怕對方落毒? 令人發笑。

     

    像許多說自己支持民主的人一樣,只有春秋二祭才談民主,遊個行,投個票,嗱,我支持左民主咧!”。那你其餘的三百六十四天在幹什么? 情人節是購買贖罪券的好日子嗎? 政治一天也嫌長,但人與人之間的關係,應該是細水長流。是細水,不是閪水。

     

    我不慶祝母親節、父親節,近年什么情人節、紀念日也不想搞。要對一個人好,是一年三百六十五日的事。

     

    你簡直係走火入魔,打橫黎講。阿藍毫不猶豫地說。

     

    算,談有趣點的。幾年前那個什么送花的故事,實情是這樣的。

     

    那時候公司有個小秘書,廿歲出頭,與男友拍拖多年。她畢業後就在公司工作,別說是花,男友連屎也沒有送過一篤。

     

    那年大老闆的換了秘書,四十多歲的師奶。真係個種身形像胡孟青、開口埋口八卦新聞同公司路邊消息、覺得長毛大舊等人搞亂香港、要個仔學七種技能(唔包括扣鈕同綁鞋帶),每天要趕返屋企追看無線劇集那隻正宗香港師奶。

     

    情人節這師奶居然收到一束大大的玫瑰。不是母親節既康乃馨,拜山用既菊花或者劍蘭,用黎餵仆仆同街街既竹枝,或者聖誕節既大紅花,而係有三十朵紅玫瑰。

     

    其實個小秘書都預左冇花收。不過佢見到個師奶都有咁大束花,成朝早係度嘈。嘈佢男朋友,係公司嘈,係同事面前嘈,結果成楝IFC2期都知佢無花收 (而個師奶有)。唔知佢為左乜嘈。嘈到、煩撚到,佢老闆幾乎想用佢男朋友個名買紥花送俾佢,以求息 . . . .”

     

    結果第二日,小秘書返工,枱頭有三十三支玫瑰。據聞係佢男友託同事拎入去的。

     

    三十三支,咁啱多過大秘書收花既數目。世上有冇咁多咁啱得咁橋? 我信,你信,但大秘書唔會。得罪大老闆秘書呢種師奶,你只有投胎先可以逃避到佢既針對。去韓國幾多鑊,整幾多次容,改名換姓都冇用。跟住小秘書成年都俾人針對自己都唔知。

     

    第二年情人節,大老闆秘書收到四十枝玫瑰,小秘書收三十五。

     

    跟住個幾年,佢地兩個既伴侶就好似地產商係新伊館bid 地皮咁,你叫十億,我叫十億一千萬,來來往往,年年送花既數目係咁上升。每年到時到候,就會有好事之徒,即係我,開盤做庄估佢地收幾多支花。

     

    上年,大秘書99支,小秘書90支。今年破百有望。

     

    舊年情人節個日,成層辦公室一片血海,行都無位行。基本上個日返工,你屙晒尿,食晒飯,飲晒水,開晒會先好返埋位。叫麥麥送既話要佢係天花板吊落黎,想屙屎呀? 對唔住,等瀨拉! 返左埋位就唔好想像有得行開,萬一整爛佢地一支玫瑰,煩到你仆街。無得賠嫁!”

     

    你問男人,點解要慶祝情人節。大部份唔撚知俾乜答案你,或者鳩o翕。95%其實係因為女友話要慶祝,所以咪訂枱食飯,買花,送禮,浪漫下。你本身重唔重視唔係問題,問題係如果你唔重視,會俾人煩,俾人嘈,俾人話到下年後年大後年情人節,分分鐘入土為安個陣佢女人都仲講緊2010年情人節無收到花。男人最怕煩同嘈。佢地搞咁多野,並唔係真係想慶祝情人節。佢地只係唔想煩。講白D,係買你D女人怕

     

    走火入魔的是現在的節日。又或者像車窗望說,沒有消費大家已不懂如何過時過節

     

    情人節根本就叫懲人情。

     

    情人節好特別嘛。諗下,收到玫瑰,吃一餐candlenight dinner。這是畢生難忘的。阿藍不是無知少女,連婚都離幾次。情人節毒顯然入骨入髓。

     

    特別仆街嘛。每日都係歷史上出現一次咁大把。2013214日,只得一次。我也記不起是去年那一天了,好像是121212121212秒,有一大班人cap圖,然後放上面書。嘩,那一刻真的好偉大呀! 不過,121212121213秒都只係出現一次。要慶祝求其找個理由也可以。犯不著人有我有。

     

    “D人都係每年拜一兩次山咁大撚把。唔通咁都有錯? 一年到黑就一日咁大撚把都要斤斤計較? 每年幫你擔擔抬抬個D點計?”

     

    係呀,如果祖宗山墳係你屋企隔離,你一年先拜一次,梗係不孝。問題係個靈位係山頂,要五點鐘起身行上山呀! 你試下一年見你情人一兩次,咁就可以好好係情人節慶祝咧。

     

    清明重陽都有補假。情人節呢? 乜柒都冇,第二日係無假放。咁拉,以後唔好放乜春五一勞動節,直頭改勞動節做二月十四,以紀念一眾男生係個日所付出既勞力拉。咁世上既男人條氣都順返D

     

    咁無情人個D做乜無端端要放情人節假?”

     

    你都痴線,唔通一定要有山拜先可以放清明重陽咩。即使無情人,都叫做有日補假以安撫心靈。

     

     

    你會唔會諗起XX?”阿藍突然轉晒話題。

     

    ? 邊個?”

     

    “XX,你前度呀。阿藍好明顯唔夠我講,要講第二D野黎刺激我報仇。

     

    哦,屌。有。不過個陣諗起,係好似睇歷史書個種事實式既序述。不帶任何情感。我幾乎忘記了那個XX是誰。我就係咁忘恩負義。

     

    都分開左好多年咧。

     

    我已經唔記得幾多年。

     

    好似你開頭咁講,我係好好彩。每一個女友前世應該爭我好多錢,今世要血債肉償。又或者,我下世一定要還債還到仆街,慘過供樓尤其是係分手既時候,呢種對利疊利既恐懼特別勁。多年後睇返,我才肯定,其實我未必係欠左佢地。反而,當天離開她們(或她們成功逃離),是我為她們能夠及應該做的一件事。

     

    很諷剌。原來離開一個人,才是對那段關係最好、最正確的決定而當我肯去實行這個決定,證明我個張成人身分證不是白拎。三級片不是白看的。每一個離開我的女友,生活得非常好,起碼與我一起時好。初戀已經結了婚生了仔 (老公也是中學同學。這個劇本式的真人真事寫過一千次);港女已經結左婚,搞左個大形過紅館開演唱會既show做結婚晚宴;前度連仔都生埋,一家生活安好。原來分開對大家來說都是最好的決定,不拖不久,互相所欠的都還清了。

     

    妖,又講你自己既偉論。之前講起擔擔抬抬,我諗起樣野。

     

    乜野?”

     

    吹簫雖然叫吹簫。但其實吹簫個陣,女人度氣係由出面吸入去。唔似真係吹係中樂個D簫個陣,度氣係入面呼出黎。

     

    所以吹簫應該叫吸簫

     

    喂,點係呀? 你近排係咪睇得陳雲多,野野要咬文嚼字? 多謝你話我知原來吹簫咁撚大學問。被人吹左廿幾年簫,睇左千幾套日本動作片,我真係唔知吹簫其實係吸嫁喎。之不過吸簫好撚怪喎,不如叫吸風、吸毒(!)、吸精拉。又,不如你發個電郵去問問陳雲,好冇?”

     

    ! 你抽國師水! 我叫佢係紐倫堡留返個位俾你。

     

    國師簡直係西遊之仙履奇緣個個唐三藏,真係牛鬼蛇神都要買佢怕。Btw,我近排好驚落地獄。

     

    ? 因為你情人節無預備禮物? 無論如何你都落硬拉,使乜驚?”

     

    我一諗起係地獄會遇見林瑞麟呀,思歪之輩,真係好撚驚。

     

    傻拉,佢地咪最多落十一二層地獄。你? 十八層都嫌少拉。一陣牛鬼蛇神學埋四叔個D跳層,地獄八十八層、一千八百八十層都有得你去呀,仲要係發水樓。哈哈哈哈哈。

    ———-

    (啓事 : 以後新的文章會先放 原人圈的 blog, 過兩三天才放到 xanga. 另外, 我會重新整一下之前寫落的文章, 係 原人圈 blog 來個大雜燴

    原人圈 面書 群組 : https://www.facebook.com/TheHongKongOriginals

    原人圈 blog : http://www.hkoriginals.hk/ )


Comments (3)

  • 一次過抽咁多人水,真係辛苦晒﹗XD

  • 史哥哥, 我還是比較喜歡看 xanga 的版面, 是習慣了? 還是沒有太多花巧? 簡單就好.

    認同, 原來離開一個人,才是對那段關係最好、最正確的決定。因為愛 而決定離開, 沒有人明白, 沒有人認同. 卻 原來分開對大家來說都是最好的決定,不拖不久,互相所欠的都還清了。

     

Post a Comment

Leave a Reply

Your email address will not be published. Required fields are marked *