<生活的調理農務>

若你認為生活 – 那怕是讀書寫字返工泡女失業 – 太過枯燥乏味的話, 我誠意推薦你打去任何銀行或寬頻公司的熱線電話. 每次當我以為自己已成為老野, 做人再無乜火既時候, 打去熱線, 總令我的小宇宙再燃燒起黎, 所謂無名火起三千丈.

“你好” “li hou” “good afternoon”.

這三句話和去加州紅唱 k 的人頭費一樣, 乃最低消費, 無走雞. 好彩既話, 無花生果盤. 唔好彩, 你會聽到以下三句 :

“你好, 歡迎致電 xxxx 電話熱線”

“li hou, kwan yen zi ten xxxx ten wai yee sin”

“Good afternoon, thank you for calling xxxx customer services hotline”

聽完呢三句. 你先開始有得揀語言. 現在時間, 1時10分. 你好肚餓.

好些熱線會要求你輸入身份證或信用咭號碼. 身份證數字較少, 但信用咭有成 16 個位, 入錯一個… 無得按 “backspace”, 剩底既要亂入. 無人會咁戇鳩錯左第一個字仲會繼續好有心機入落去. 於是乎, 你已經無端端按左 48 個鍵.

最令人興奮既係, 打熱線電話竟然和在機舖打 1943 差不多. 你有三條命, 如果三次都失敗, 入錯料, 會 game over, 電腦會即刻 cut 你線, 彰顯生命無 take 2 既真理. 1 時 13 分.

更加令人振奮既係, 當你條傻仔小心奕奕咁入號碼既時候, 我尋日打去電盈個熱線, 發現佢要求我入身份證號碼, 我求其入 333333 (3), 係可以過骨既.

過左第一關, 跟住會有些少獎勵 : 一把聲幾好聽既電腦女子會讀出一排功能.

根據我多年打熱線電話既心得, 呢排功能鍵能解決你既問題的機會率, 係零.

重申, 係零.

但你唔好理, 聽完把女聲讀完個排功能鍵, 已經係 1 時 16 分. 辦公桌前面個盒西炒飯, 仲未得閒開.

既然電腦幫唔到你, 總得想找個真人傾訴一下. 情形就好似d 人要打上電台峰煙咁. 可惜, 任憑你點抓爆頭也好, 你都唔知按邊個掣可以搵到 白姐姐 - ”客戶服務主任”. 得, 我知道係刻意唔設呢個功能鍵. 於是乎其求按其中一個功能, 去到子功能一頁, 應該可以搵到主任咧掛.

又聽到一輪鳩o翕. 望住盒西炒飯既你, 開始唔耐煩.

按 0. 你已經記唔起唔知邊條友話按 0 會搵到客戶服務主任.

“對唔住, 你輸入既資料唔正確. 請重新輸入.”

美女再重新鳩o翕一輪, 再按 0.

“對唔住, 你輸入既資料 仍然 唔正確. 請重新輸入.”

屌. 阿差都知 仍然 唔正確. 但仍然搵唔到客戶服務主任.

再再聽一輪鳩o翕, 再再按 0.

“對唔住, 你輸入既資料仍然唔正確. 多謝致電 xxxx, bye bye.”

WHAT THE FUCK! 這服務熱線的態度比起女友更加橫蠻無理, 話 cut 線就 cut 線.

呢個時候, 已經係 1時20分. 食飯時間無左三份一, 盒西炒飯, 仍然未甩過.

唔信邪, 再打. 通常炒窩輪輸錢既人, 都係非常唔信邪.

再聽多一輪鳩o翕. 你開始亂按. 但最奧妙之處係, 通常亂按後, 條線就會飛到去客戶服務主任個邊…… 等佢聽.

“唔好意思, 我地而家既線路好煩忙, 請等一等” “sorry, our lines are busy. please wait.”

但你一開頭是按了以 “廣東話” 操作的 1 號鍵. 由此推斷, 那句英文, 分明是想拖延時間. 打熱線竟然可以訓練邏輯同偵探頭腦, 你開始係位傻笑.

辦公室電話無 handfree 既你, 唯有左邊夾住個電話. 你害怕放低電話吃飯, 客戶服務主任就會立刻聽你既電話. 上一次你對陌生既人同事感到害怕, 係沙士個陣係地鐵咳左兩聲, 無載口罩既阿伯.

你右手打開盒西炒飯黎食. “oh fuck, 得半盒, 樓下個外賣仔又偷食.” 1 時 30 分

等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 等… 等… 等… 等…
等… 等… 等… 等… 等… 等… 等… 等… 等… 等… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…
屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌… 屌…

15 分鐘後.

“唔好意思, 我地而家既線路好煩忙, 請過一陣再打過黎. bye bye”.

就是這一句令你肯定之前既那句英文係為左拖延時間. 屌佢老母, 你開始忍唔住係位狂爆粗. 連個半盒西炒飯你都一手掃落垃圾筒, “我 . 唔 . 撚 . 食 . 咧 . “

冷靜下來. 你呆了. 你開始懷疑究竟誰是客戶, 是你還是服務主任. 你感到絕望了. 你根本不知道怎樣才能找到客戶服務主任. 原來, 他比曾蔭權及金正日更難搵到.

你想問的, 不過是訂陳奕迅演唱會飛既 id club 電話幾多號.

最後, 你竟然連個半盒西炒飯都保唔住.

最後, 你剪左那張 id 咭. 下午努力工作.

 果真為熱線.

<那一位朋友>

“Z, 某某難得來到, 出來吧.” X 說

“食緊飯, 下次咧.” Z 回答

“下?唔係喎, 某某真係難得來到.” X 如是說

“唔方便. 下次咧.” Z 再回答

“唔係喎…..”

“啪” 的一聲, Z 還沒有等 X 講完他要講的話, 忿然將電話合上.

“痴鳩線, 講 ‘唔係喎’ 個個應該係我唔係你”, Z 心想. 

Z句粗口都未講完, 電話響, 正是 某某.

Z 乾脆連電話也熄掉.

“搵你老母”, Z 自言自語.

Z 在想 : ”究竟他們當我是朋友, 還是應召女郎?”

**********************************************************************

好些東西, 一些討論價值也沒有. 你問一次, 答案如是; 問十次, 答案如是; 問一億次, 答案也如是. 越問, 只會令越回答的人越煩厭.

歸根究底, 是否大家對朋友的定義不同? Z 不知道. Z 祇知道, 什么死人榻樓, 紅事白事, 他也主動提議搞活動, 就算事忙分身乏術, 他也會出席朋友安排活動. 底線是, 要 Z 自己喜歡去.

於是乎, 從 Z 的角度出發, 是否在家中閒坐著, 並非決定相見朋友的因素. 反正忙也要吃飯, 忙也要呼吸, 忙也要溝女. 不喜歡, 就是玉皇大帝也沒有情講.

問題來了. 若然閒著, 但碰巧當天姨媽到, 不想參加任何社團聚會, 總不成一句 “唔喜歡去” 來回答朋友吧. Z 是自我, 但也不至於毫不理會朋友的感受. 畢竟, 朋友也是想起你才會叫你去嘛. 話分兩頭, 但 Z 又真的不想去….

Z 靈光一閃, 倒不如扮大丈夫中的 九叔 好了. 遇到什么節目, 只要一拿女友盾牌出來, 邊度都唔使去. Z 當然明白, 女友並不是一道橋, 可以讓他抽板. 水, 他倒是從女友身上抽不少的. 每當他要使出女友絕招時, 他事實上該時段也是在陪女友.

祇是遇到這些情況, 面對這些識了多年的朋友, Z 還是有一點點失望的. 大家認識多年, 為何就不能尊重一下大家放假各有節目, 或無聊在家中白坐著渡一天的選擇? 某某難得回來, 就等同我的自由會變得沒有價值嗎?

Z 想著, 認識了十多年的一班同學, 就是一直抱著這種 “來就來, 唔來就唔來” 的心態, 大家才能這樣的老友. Z 還記得其中一人說 : “雖然我很想你來, 但我祇是通知你有這樣的一個聚會, 最後你來不來是你決定.”

遇到這樣的朋友, Z 也沒有什么話可說了.

畢竟, 那 “聚會” 其實是說話那人的喪禮.

“若硬要 以和為貴, 倒不如 和而不同.”

Z 一邊看著黑社會2, 一邊想著.

靈感來源 : kagray – 空檔不等於沒事幹

____________________________________________________________________________

<正>

我好少睇電視, 試過星期一至星期五都冇開過電視, 到星期六女友上黎先開光.

好日唔睇電視, 上個星期有日睇東張西望 – 實際名稱叫乜我忘了, 總之是那個七點半/八點做既娛樂新聞眼 – 看著兩個主持在講爛 gag (該煨, 其中一個更是同級的中學同學), 條氣已經頂住頂住.

點知無線條監製乜野居心, 居然係食飯時段全宇宙首播欣宜既 mtv. 我又唔知食左乜野春藥冇熄機 (據估計係搵唔到遙控而電視開關制並唔係伸手可及既距離), 硬食.

你話我膚淺也好 – 反正我從來未表現得高深莫測 –

欣宜, 你真係好撚難頂.

如果肥姐有乜野事, 一定係有人猴住佢既身家, 播左條片俾佢睇. 係死於開心, 皆因已經有人繼承佢既衣缽, 佢唔使再出黎同黎小田跳芭蕾舞籌款.

如果你對呢句野反感, 認為我太涼薄, 其實我提議你瀏覽其他有益身心既網站 (如家計會). 更重要係, 你唔明白我當時既感受.

而我更加相信, 星期一跌左 200 點, 係因為欣宜個 mtv 令港人對香港既前景由 “正面” 降至 “絕望”.

欣宜比北韓核爆更受歡迎 (起碼無人將核爆條片放上 youtube), 但也更危險. 聯合國安理會已表示關注, 金正日可以暫時先鬆一口氣. 唔怪之得中國反對對北韓使用武力. 萬一打到黎, 香港人只好交出欣宜….

靈感來源 : 教主 – 捷徑無助提升受歡迎程度

<AV : 何去何從>

又黎 (無無謂謂既) 警告 : 以下內容出現大量 AV 女星的討論, 但沒有半個 BT 種子, 若為Google BT 種子而不幸被轉導來此, 可按左上角的 “BACK” 或 “上一頁” 離開. 若你沒有看過 AV, 或認為自瀆是邪惡的話, 請勿看下去.

日本人口急速老化, 最立竿見影的, 是 AV 界女星出現青黃不接的現象.

不是說笑, 最近我 BT 的3 仔, 都是由上一代女星主演 : 川島和津實, 小澤菜穗, 高樹瑪利亞. 前陣子我還找回床下底的小澤圓, 直豎舞子和山吹翔子 的 VCD. 若非親眼目睹, 我不敢相信家中還有 VCD 這種 1800 年代的產物. 為解相思之苦, 我還在電腦裏找回一些解像度只有 800*600 的伊東伶和美竹涼子的咸片. 我差一點還問人借回飯島愛的史前紀錄片…

要學考古學家尋找他鄉的故事, 皆因, 我失去了瀏覽提供最新最快 3 仔 BT 網頁的興趣. 皆因, 而家的日本 AV 女星太醜樣, 身材也令人作嘔 : 南波杏應該要整容先再好拍 AV. 伊澤千夏的身材, 比 TWINS 的阿 SA 更加不濟. 這樣的 AV 女星, 輕則挑不起觀眾的性慾, 重則令觀眾對 AV 的興趣全失, 是失職, 要問責, 是要下台的.

小澤馬利亞太姣, 愛田由更姣. 講到底, 姣不是問題; 問題是她們演技不出眾, 高潮扮得不夠真. 你難道以為我白痴到相信 AV 女星真的會在眾目睽睽之下來高潮嗎? 但當演員也要講演技, 小澤馬利亞及愛田由, 身材和樣貌也有, 但沒有演技, 看一兩次就厭. 而且太姣, 套套都咁姣, 好快悶.
 

早一陣子還有三兩位好一點的, 叫神谷美雪, 青木玲. 神谷美雪拍左兩套就退左休 – 估計係去做 M&A 既收入好過俾人插, 青木玲超似 2R 既 RAXE, 都已經收左皮. 可惜, 可惜.

唯一一個真係似D 樣既, 就係 紅音 螢. 可惜既係, 作為 潮吹 皇后既佢, 潮吹得好勁. (維基發展到連潮吹也有, 我沒有什么話好說了).

潮吹得勁都係錯? 盡忠職守又是問題, 這是什么話來了?

無錯, 每次我看見佢潮吹到好似黃河向東流咁, 膨膨聲, 總覺得似廣西雜技團多過似拍 AV, 忍唔住笑左出黎. 我重申, 看 AV 自瀆, 為自瀆而看 AV, 是十分認真的事, 是不容許俾笑聲, 喊聲, 電話鈴聲及阿媽叫你飲湯聲所影響的. 但每次看 紅音 的潮吹, 我總忍不住笑了出來, 眼巴巴看著性慾流走. 那實在太有趣了, 我沒有想像過女性的陰道可以像瀑布般….但沒人想看周潤發變成看星馳, 你明白嗎? 而且, 紅音 真係淨係識潮吹, 套套片都淨係潮吹, 為潮吹而潮吹, 根本不是在拍男女交歡的場面. 很不屌.

七除八扣, 於是乎, 無乜人係 BT-able. 任何動詞加上 “able” 所結尾, 就可以成為形容詞.

點解日本AV 界會後繼無人? 我肯定同日本經濟復甦有關. 經濟起與跌的好處是, 任何現象你也可以歸因於它. 這點, 董建華也做得到.

但我更相信是 AV 界市場大了, 分工更加仔細. 於是乎數年間出現更變態更不可思異更乎合少數觀眾的影片, 什么 90F 巨乳, 痴漢, 熟女, 母子互倫 (這些東西以前也有, 但比例越來越多), 分薄了客源, 令傳統美女可以平地一聲雷, 爆出黎的機會少了. 唔靚既女星入行, 為吸引觀眾, 便要走變態路線來; 變態路線只能吸引一小部份觀眾, 吸引不了想搵大錢的 AV 女星; 於是乎又只能有平如鏡的女星入行…

不得不提的是各個付款的色情網站. 據小弟縱橫咸網幾十年 (儘管互聯網祇係由八十年代先普及), 而家好多素人既水平, 都達到睇得下既程度. 而 紅音 更加係由成人網站跳去拍 AV 既其中一個例子. 有實力, 紙係包唔住火… 無論如何, 色情網站講新鮮, 用既係一次起三次止既素人. 網站越受歡迎, 所需要的輪轉門就更多, 新既素人可以長久站住腳既機會越細.

再者, 其他娛樂行業發展迅速, 人們不再只沉迷於看 AV – 日本人祇有係遊九寨溝子順道係珠海走…. 這點, AV 女星身材樣貌皆走下坡, 和港產咸書龍虎豹銷量慘不忍賭的原因是差不多的. 龍虎豹被日本 AV 迫死, 日本 AV 被大陸妓女推至絕路. 要打倒日帝國, 不必禁絕 BT 在國流互聯網上下載, 只需要 1% 的同胞投身該行業, 人多好辦事, 祇要是要人力密集, 同胞必定能將該行業推倒.

萬事皆有因, 觀自在菩薩　行深般若波羅蜜多時…

新人唔掂, 但AV 男星都要食飯 – 精我想可以的話他們未必想射 (畢竟要忍住唔射好辛苦), 但為了有飯食而射的精, 是射得有價值的. 於是, 受歡迎的女星就好似科威特油田咁, 不斷被抽乾. 例如極似陳 X 琳的松島楓. 個人認為, 松島楓扮演 OL, 興奮指數是 AV 史上排名第一.

還有極似 胡杏X + 林加欣的童顏巨乳蒼井空 – 若果一天有人在表演台強吻林嘉欣, 或要求林嘉欣強吻該男仕的某部位, 不要懷疑是史弟. 我重申, “不要懷疑” 後面是沒有 逗號的.

幸好有這兩棵 AV 長青樹, 否則好多人會以為日本仔既 AV 業已經玩完. 可惜, 呢兩位阿姐既出品越黎越少, 而且睇得多都會厭. 而且無新人, 得佢地壟斷地位, 剛睇完星期日檔案的我, 完全認為呢兩位阿姐已經利用其市場力量黎防止其他新人入行 – 証據? 而家無正既 AV 女星, 咪係証據. 我已經向公平競爭委員會反映, 要求政府介入事件, 等一眾消費者得益.

[史報訊]  有學者表示, 日本 AV 界已進入 後-潮吹 年代, 業界完全掌握不到未來業務的發展及觀眾的口味. 若有關方面仍未找到方法開拓新的增長點, AV 界十分容易被邊緣化, 成為弱勢社群. 面對這深層次問題, 與及在中國的黃色事業在進一步開放下對日本紅燈區造成影響, 業界已經係上年開左一個業界高峰會, 從務實的角度出發, 探討如何進一步發展日本成為世界 AV 影片樞紐, 繼續發展多元化的紅燈區, 大力開放予外國遊客使用, 以及吸引全國各地既人材加入AV 界.  

另外, 胡錦濤及溫家寶在接見日本新任首相安倍晉三時表示, 為左廣大唔想俾錢但想睇 AV 既十三億人民福祉, 希望日本當局可以正視日本 AV 女星樣貌與身材皆走下坡的趨勢. 安倍回應, 前任首相參拜靖國神社時, 皆以當打 AV 女星的影碟所拜祭品. 佢對於下個月可能參拜神社而未能找到當紅的 AV 女生一事, 亦感到因擾. 日本有關當局已就此事成立三個獨立委員會調查事件, 希望可以係月內給廣大同胞一個交代.

日本, 你係香港人心目中的經濟強國地位, 有八成是好景一手幫你建立的.

靈感來源 : 教主 插曲小姐的作用

<和她拍拖的, 是你>

SH 有這么樣的一個遭遇 : 友人的女友找不到友人, 深宵致電 SH. 睡夢中的 SH 看到來電顯示, 立刻把電話掉到老遠. 這女人如何麻煩, 早已聽聞.

然後一天, SH 餓到七彩, 諗住落樓食飯. 在樓下碰到該友人的女友. 女友哭喪著臉, 問 SH 知否友人和別的女人有染, 如此這般. 搞一大輪, 最後 SH 去到飯店, 飯店已經關門.

許多人擁有成人身分證, 卻表現出兒童般的智商 – 不是嬰兒, 是由於嬰兒聰明得很. 明明穿著中環 OL 的服裝, 拿的是香江大學的畢業證書, 幹的是國際顧問公司的高級顧問, 行經比起沒怎么唸過書的人更欠缺常識.

自己唔識好好管教男朋友, 或者男朋友瞞住你去搵第二個, 應該自我檢討一番. 你來找我, 難道預計我會鉅細無遺地將友人所有開房的時間日期對手參與人數三圍數字年齡性別第一次約會地點告訴你嗎?

拜託, 和他拍拖的, 是你. 你, 是友人的女友. 我和你的關係, 就是那么多. 對, 你是可憐, 但說到最後, 我的好友是你男朋友, 不是你. 對嗎?

食屎屙飯地將友人的電話號碼告訴女友, 和吳三桂當年放清兵入關, 分別不大. 失機無神收到有來電顯示但不知道是誰的女人, 竭斯底里 , 聲嘶力竭地問 : 我男友去左邊? 

我唔係佢老母, 邊撚個知?

拜託, 和她拍拖的, 是你. 你有問題, 我可以幫你解決. 你女友有問題, 你自己解決. 夜晚陳佢既, 係你唔係我. 況且, 我無興趣陳佢.

搞清楚一點, 你是我朋友, 而她不過是你的女友. 好些更離譜, 竟然希望朋友代講分手 (就像韓國電影 “真的愛你” 中車太鉉的角色, 但當然冇錢收). 大家廿幾歲人, 你當初拍拖無問過我好唔好, 但分手既時候要我幫你講? 還聽過一些故事, 男的瞞著女的去滾, 男的像縮頭烏龜, 男的母親最後要替兒子認錯. 這樣的男人, 要來幹嗎? 也有人和我說, 其女性友人的男友最愛在有免費午餐的時候出現, 但每次有機會要科水的場合, 總會消失得無影無蹤. 怎樣? 連小白臉也要友人替你養嗎?

人家反對你倆的關係, 你們就以 “拍拖係我地兩個既事” 來作擋射牌; 吃了虧, 要人幫忙, 就視 “外界介入, 幫我一把” 為理所當然. 活像每逢 G8 表示人民幣要採取更有彈性的匯率機制時, 外交部發言人總以 “人民幣匯率機制乃國家內政, 外國不得干預” 來反駁. 什么程翔, 人權, 法輪功, 政治迫害, 六四事件, SARS, 總之一句 “國家內政”, 不是黃皮膚拿中國身份証講國語在中國出世入籍共產黨的通通給我收聲. 然後當出了錯, 吃了苦頭, 見勢色不對, 或有求於人, 就左一句要求外國 “支持一個中國立場”, 右一句”中國在迅速發展, 許多通報機制尚未形成”, 一聲唔該, 就把自己的責任推得一乾二淨.

史弟也有這裏的一個遭遇. 女同學 JL 背著男友去約會別的男生, 整夜沒有聽電話, 也沒有回家. JL 晨早打來, 叫史弟幫手編織一個大話 – JL 與史弟一起去唱 K (儘管我叫賓周, 但我其實無賓周. 女同學的男友見到史弟, 史弟會立刻除褲以表 “清白”. 所以他們都十分放心讓女友同史弟去劈酒. 當然, 佢地未睇過我既 XANGA…), JL 飲至啤啤夫, 不省人事等云云. 老實說, 這大話只有傻西或者真係自願被騙既人先至會信, 皆因連編織呢個大話既人都唔信…

無論如何, 後來 JL 男友打來 (JL 問過史弟可否俾電話號碼佢男友), 史弟用好似你打去信用咭中心熱線既聲線 (請按 “1″ 字…) 講一次大話.

信, 就預左唔信. 但條友竟然後來打黎屌鳩我, 話我串埋 JL 黎o厄佢. 係, 但你屌鳩我有乜用呢? 難道是我每晨早都打俾朋友問佢地有冇大話要夾計講? 就算我認 – 我當然無認講大話 – 我都淨係得屎眼俾你, 你係咪無左 JL, 要返個男人屎眼? 唔係, 咁係咪屌鳩完我就叫出左啖氣呢?

明白一點吧 : 和她拍拖的, 是你.

史弟的父母早已離異 – 不論是名義上好, 實際上也好 – 對於關係的終結, 早已看化 (當然還有其他原因, 另文再續). 早年十分仇恨老爹, 不是他不愛我們, 而是是他不明白關係是兩個人的事, 要結要離, 是兩個人的決定 (他們當然會考慮父母兒女及其他人的意見). 條友屌鳩我阿媽既朋友, 工作地點附近的街坊, 還有媽的兒弟姐妹. 大家幾十歲人, 是不會這么容易被人誤導的. 買基金, 股票, 可以被電視電台d 粉腸o厄, 但十幾年既忍耐及痛苦, 不是假的.  

拜託, 和她結婚的, 是你.

老爹後來改變策略 – 所有人也是經濟動物, 不論年齡背景宗教收入, 行為皆會因誘不同而改變 - 叫阿姨舅父幫手勸阿媽唔好離婚. 舅父是個大情大聖之人, 許多人說他像許冠文, 他大概會回答 :

勸乜撚? 咁不如我勸你乖乖咁同佢離婚呀笨.

據我估計, 當年老爹沒有找舅父, 否則蘋果創刊無耐已經有十級家族血案報導. 我也肯定每年的倫常慘案中, 有不少遇襲目標並非當事人. 

別將你男/女朋友統稱邪惡軸心. 殺手也有小學同學, 葉繼歡也有朋友, 但不見得他們全部口袋都有支黑星手槍. 和他/她拍拖的, 是你. 如果你的男朋友因為邪惡軸心而變壞 – 他已經拿了成人身分證的話 – 他一是本質已經腐敗. 一是他本質清純, 但受朋友引誘變得腐敗, 又或是他才是邪惡軸心的要員. 這樣的男人, 不要也罷, 又關他身邊的 “邪惡軸心” 何干呢? 又萬一他朝台灣三千萬人 100 百仙支持台獨, 他媽的共產黨又怎可以只派人暗殺陳水扁及其父李登輝呢?

拜託, 和她拍拖的, 是你.

 

<最討厭的地方>

我住蘭桂芳附近.

但我其實好憎蘭桂芳.

所以住年幾都係去過十次以內, 其中八次係為左睇世界盃, 另外兩次係為左去香江大學校友會食飯而經過.

用最簡單既語言講, 蘭桂芳係一個極度虛偽的地方.

三九唔識七, 係酒吧遇見, 個個都好似他鄉遇故之咁, 投契到不得了. 於是乎你可以同一個完全唔識既人談天說地, 風花說月, 講你有幾快樂/不快樂. 大家明明是屙香港尿, 食香港米, 讀香港書的, 但偏偏以一句 “yo, sup man.” 打招呼. 跟住剛相識既大家, 就好似失散左幾十年無見既兄弟咁, 天南地北, 古今中外, 琴棋書畫, 中英法日, 無所不談 (我d 四字詞係識咁多). 然後我請你一杯 jack daniel on the rock, 你轉頭贈我一 set shooters 作回禮. 於是乎大家酩酊大醉, 輕輕鬆鬆鄧梓峰, 傾談了一個晚上. 到了第二天在鏞記對面的星巴克醒來, 發覺曾用手機打出一個不知道對方是誰的電話 – 儘管昨夜你曾與此人盡訴心中情.

轉個鏡頭, 在 dragon-i 內, 沾了七分醉的冰鮮豬排, 其臀部在你肚臍對落六寸對下徘徊, 而一口氣吸了半支醇萬的你以三吋不爛之舌在豬耳探索, 雙手則在比國際機場更平坦的山頂游走. 不知情者以為你們剛拍拖三個月, 打得火熱. 卻不知在分貝 240 的黑人音樂下, 你們連對方叫什么名字也未能聽得清楚, 就開始忘我地跳著辣身舞.

鎖你, 我完全覺得一切都好虛偽.

不錯, 在 dragon-i 內跳舞的男女, 120% 是為了一夜情, 或者幾夜情 – 要解決了人生金字塔最底的一層, 人才能向上爬呀 - 這是殷海光說的. 但對於放左工依然要係酒吧同人 social, 我接受唔到. 三唔識七做乜要講重要野俾你知呢? 咁左咁重要既野俾你知, 我同真正老死又傾d 乜好野? 我連係真正為工作而鳩o翕都唔想去, 放工仲要同你班粉腸扮 friend?

蘭桂芳好些酒吧, 連拳也不准客人猜. 怎樣? 難道要我干哽四支 black label, 五支喜力嗎?

我寧願去灣仔有香江大學學生做拳手, 狂劈四打金威埋單無端端 $960既地道酒吧. 那句 “yo sup” 留番俾假鬼佬拜山用好了. 我也寧可跟邪惡軸心 – 任何男人身邊也有的一班壞分子 – 到 neway 去叫 $36 買八送三的 budwiser 玩失蹤狂吸醇萬一首歌都無唱過淨係睇左周慧敏谷胸既mv 埋單三千二幾跟住係灣仔搭 $12 紅van 三分鐘返屋企. 那是空虛無聊, 但不至於虛偽.

真正的朋友, 只會識於微時, 而人物和地點一定不會是 $60 一支藍妹的中產及酒吧. 你們可能曾相約在西貢一起 wild camp, 拿著百佳買的伏特加及金龜o麥花生, 到望著白沙灣的山頭一飲而醉. 大家還可能在山頭大叫 “我沒有醉”, 二人然後鬥快跑到山頂 – 那當然是飲醉酒的人才會做的事.

又或者一大班人暑假, 每人背著六支大喜力從中環碼頭搭船到大嶼山, 然後到塘福租一間的渡假屋. 那八百呎的小房, 其實不過是情侶的炮房, 床上還有熱熱的避孕套, 卻不知為何能容下十八人. 大家 bbq, 到沙灘玩沙, 煲煙, 到晚上到附近的士多租恐怖片, 讓同行的女同學嚇破膽; 又或是租下素人黃色影片, 男生來上一課向人體奧秘史, 女生則學懂高級減肥學. 大家也再沒有分房分床睡, 反正是睡著了就好.

半夜你屙夜尿個陣, 發現係學校坐你旁邊的肥仔鼻寒聲似七級地震, 孔武有力的籃球隊主將睡相似蝦米, 文科考第一的書生夢遊時會扮起愛因斯坦來. 第二天醒來, 大家再來一個循環, 打牌飲酒講粗口, 直到第七天暑假完結.

若干年後你會回味大嶼山發生的人和事, 儘管你的初戀情人是藉機會與你分手, 儘管你曾和與你看上了同一女孩的高大衰打架, 這些都沒有回頭路了. 但不要緊, 你會回味, 你為曾過過這樣的日子而感到興奮和安慰. 這些時光, 儘管到你會考結果是 12 分時 – 可惜你不是低分天才 – 會覺得是虛渡, 但許多年後你在街看到一班中學生, 正準備去長洲時, 感覺卻是那么充實.

但你不會懷緬在蘭桂芳的日子. 那些日子, 其實是你人生最黑暗的一段時間. 星期一至四 OT 至晚上十二點, 連吃麥當奴的時間也沒有; 辛苦地等到星期五, 沒有男友的妳卻找不到地方去, 於是乎體內的工作癮又起. 妳掙扎, 不想繼續和四十歲還沒有結婚的女主管在這個 happy friday 戰鬥下去 – 其實是妳怕若干年後變成她 – 於是乎一個人走到蘭桂芳, 但工作癮令你不自控地繼續工作上的 social 人生. 不想回家, 不想太清醒回家, 不想太清醒地想著工作回家, 於是你在 71 吧找個三唔識七, 目不識丁, 有眼無珠, 坐著 bar 台的人傾訴. 三杯 JD 已令人失去自控能力, 忘我, 忘掉老女主管, 忘掉自己將會成為她…

這樣的人生, 循環了六個年頭後, 你一天感到, 原來自己浪費了 312 個星期五 – 你可以學完四套 dickson YOGA, 跟八個舞王跳拉丁舞, 學完黃桂南推銷的所有零格風語言. 但你偏偏去了做工餘的 working life, 與那些九唔搭八, 只見一次的假鬼佬盡傾心中情. 這樣虛偽的日子, 你不想回味. 你寧願死, 也不想這些日子再出現.

_________________________________________________________________________________

作者取材, 休息數天

(後面: 又係呢句? 悶唔悶d 呀? )

<男人的墳墓 : 潔淨版>

據聞, 本網頁已經被教統局列及壹級禁地, 嚴禁大中小學生瀏覽. 歸根究底, 是本網頁粗口出現次數太過頻密. 小朋友 – 即使佢地可能已經廿幾歲 - 睇得多, 會對心智造成不良影響. 又或者口語太多, 對於已經唔識中文字既學生黎講, 唔係咁好.

為顧及小朋友的口味, 我特意將早前一篇名為 <男人的墳墓> 的文章推出潔淨版, 好讓唔想睇粗口既人, 或者喜愛教科書式中文既人仕, 都可以享受瀏覽此網頁既樂趣.

為令想做比較及對照 (compare and contrast) 既人, 瀏覽既時候可即時得知潔淨版與未沖涼版既分別, 以下粗體底線字, 就是有作出修改的地方.

**************************************************************

好像很久也沒有認真地寫笑話. 認真地寫笑話, 就像抱著道德原則去搶劫一樣. 唉, 我又開始胡言亂語了. 此等惡習, 一定要戒.

今天和女友去了葵涌廣場行街. 對於很多人來說, 這個係葵芳地鐵站, 新都會廣場旁邊的商場, 好大陸. 講真, 真係好大陸. 我想了大半天也不明白為何女友成日都要去呢度行街買野. 佢行黎行去都係得個一樓個個 潮流廊 及 MRT 消費站 (我無打錯, 唔係 MTR)…  個兩度幾十間時裝店所賣既衫…  唔講尤由可, 一講起, 真係唔知係香港既女性消費者口味太狹窄, 還是設計師 (定係裁縫佬?) 太懶.

基本所有衫, 不外乎係薄薄薄, 米白青綠卡奇啡色, 中袖, 然後在心口既位置有 d 花紋. 今日我有幸係個度來回三次, 睇左百幾件衫, 件件都差唔多. 三個月前我陪女友黎, 又係咁; 一年前, 又係咁. 雖則話口味既野, 一兩年間既變動相對地細, 但唔使件件季季都差唔多野呀嘛.

但你最好不要理會那么多. 個個潮流廊 及 MRT 消費站, 一到假日都旺過五六日俾北區少年去深圳北上尋找性服務工作者既文錦渡管制站. 賣既衫, 一件閒閒地二百幾. 相比係三樓賣玩具, 早已經夾帶私逃既老細, 做女人生意的確潛力大好多.

個度女人多都算, 最慘係俾人係威迫利誘之下等候既男人, 都像禽牲的排泄物那樣多. 男人老狗, 入女性時裝店, 除左睇其他女人, 識欣賞服裝既人, 少之又少. 畢竟男人最想係脫下女仕們的衣服. 所以男人多以複數, 三五成群係門口等. 有時仲會多過時裝店裏面既人.

就今日所見, 係呢兩個地方時裝店門口見到既男人, 個個都好似喪失親人咁既面口. 雖然臨近清明, 但我肯定同拜山無關. 無論係肥既, 瘦既, 後生仔, 抱住個未滿月既仔, 通通站在時裝門口, 一副等被打靶般既面口.

呢樣都未算慘.

好多女人, 我真係唔知佢地乜野心態, 賣衫硬係鍾意做 “假咨詢”. 乜野係 “假咨詢”? 正就是明明自己睇中個件衫, 好想買. 好貴, 但真係好想買. 好靚, 但又好貴. 係好貴好靚好想買好想洗錢好想買d 野返屋企好想行街等一大輪李天命都搞唔掂既邏輯後, 佢地又唔知點解好想問下人意見. 於是係決定拿出匯豐既萬事達咭之前, 她們總會拿著衣服問門口既男仕,

請問一下, 這件衫好不好看?

這 “假咨詢”, 比起任何東西更容易引起兩性既衝突. 皆因 “呢件衫好唔好睇”, 這問題比起政府考政務官的難答千萬倍. 所涉及的政治公關技巧, 也極度高明. 答得不好, 可以死得好慘.

回答 “不好”, 你永遠只會被認為係 “無 taste” (哀哉, 哪你問我幹嗎? 這便是 “假咨詢” 的本質.);

答 “好”, 實在有違自己良心. 男人無幾可覺得自己女友著既衫好睇. 即使佢地答 “好”, 其實後面係有 “如果著係周汶琪/林嘉欣/梁詠琪 身上”. 再者, 儘管唔係自己俾錢, 但答 “好” 即係某程度上支持佢刷咭;

怕麻煩, 只想佢盡快付鈔了事, 敷衍答一句 “是但” 或是 “靚到爆”? 待你真正逛完街, 臀部終於可以係十個鐘頭後再貼住椅子, 而你正想把楊州炒飯作為今天的第一口食物, 此時女友會像葉劉般既眼神, 提高八度的聲線問道 : 乜你覺得同我行街好辛苦好麻煩咩? 或是咽哽. 到時你真係寫廿個報告, 設立九千幾個獨立委員會解釋都是徒然.

尤其是當男人認為件件衫都一樣既時候, 你問佢好唔好睇, 咪即係盡情玩弄佢.

佢地心裏面其實都有一個問題 :

你難道還沒有行夠嗎?

時裝店門口, 每一天也重複地上演 <焚鈔坑男> 這經典的舞台劇.

**************************************************************

請注意 : 以下 <未沖涼版> 含有大量粗口及口語化中文. 如果你未滿十八歲, 會考中文未達 U 級以上, 未曾係立法會或區議會投票, 或認為粗口對人的心智有不良影響, 請注意閱讀以下文章, 會可能對你及你身邊人仕產生不良影響. 本網頁及其網主對任何因閱讀以下文章所造成的傷害及影響, 包括但不限於失眠, 心跳加速, 偶發性便秘等毛病, 全部不會負責.

<男人的墳墓 : 未沖涼版>

<香港 : 奇蹟之都>

<Hong Kong : The City of Miracle>

不計撒哈拉沙模出現既海市蜃流, 與及老細無端端讚你表現出色 – 儘管你日日都係廁所訓覺, 以整體來說香港肯定是世界上奇蹟發生得最頻密既地方.

起碼, 口是心非既人佔左人口既七成 – 有買左上期壹本便利既衛道之士, 加理買翔龍灣加埋 Le Point – 我叫 喇星 – 既乞兒, 然後要添上日日屌鳩無線劇集唔得兼抄人, 但晚晚仲用電視劇撈飯既弱智觀眾. 當然, 要包埋我地既未來, 你個堆補緊英皇現代當代春袋既表弟妹.

對於上期既壹本便利 – 其實佢一早已經同 “便利” 無乜關係, 早年佢仲有分類廣告同青雲路, 同 D 場介紹 – 我可以提供一個真人真事.

話說有條戇鳩返工個陣, 經過書檔, 見到 “阿嬌換衫” 等字眼. 但由於遲到, 要以9秒9 跑返工, 趕唔切望清楚係邊本書同封面人物. 當時, 呢條友諗 :

“下? 成龍個老婆都成五十歲, 仲影佢黎做乜?”

點解呢條友會聯想到成龍老婆, 無人知. 然而時間並唔容許呢條友再諗落去 – 佢已經遲左 15 分鐘 – 況且要睇熟女, 東瀛既正好多.

戇鳩直到睇到第二日太陽既頭條先知真相. 

至於地產商唔知以乜野方法賣一手樓, 令人覺得買一手樓既人的確同乞兒半點分別乜沒有. 得到施捨之前, 永遠唔知會有 d 乜; 施捨既人, 話唔俾就唔俾; 派發施捨既地方, 永遠人山人海; 乞兒得到施捨後, 會一邊鬧施捨既人, 一邊暗自歡喜, 再係另一邊再去乞. 當然, 好多乞兒只係 “聽到個邊有好野” 就蜂擁而上. 負資產, 是死有餘辜.

有種就講一次 “喇星” 既廣東話樓盤名先科水呀笨.

交易既本質應該係你情我願, 而擁有幾十萬的人, 應該擁有一點點樽鹽. 奇蹟地, 除左從佢地排隊同人爭位時所流大汗裏面, 搵到一些些鹽份, 他們身上真的一點樽鹽也沒有. 香港被地產商支配 – 這不論是真是假, 是好是壞 – 是合理的.

對於 “喇星”, 我又感覺到自己既 IQ, 大概只有 18. 開頭唔知喇星係邊, 但d 人日日講佢個中文名點讀, 於是睇下佢既廣告, 大概話 :

(1) 零六年唯一地鐵上蓋物業

(2) 瞬間到達尖沙咀, 金鐘

成版廣告, 搵黎搵去都無講喇星係邊 (??? 我一直以為只有移居太空既廣告先知唔講樓盤係邊). 於是, 史弟開始估 : 係地鐵上蓋物業, 又瞬間到金鐘同尖沙咀…… 唔通維港已經瞬間被填平, 荃灣線加左個 “維港站” 係尖沙咀同金鐘中間, 於是乎上蓋物業可以好快去到尖沙咀同金鐘? 但好似唔係喎…

最後得悉原來 “喇星” 係調景嶺.

下???????????????????????

(圖來自地鐵公司網頁, 兩個紅色圓圈係我加)

… 距離金鐘七個站, 尖沙咀十六個 – 而荃灣都只不過係十四/十三個渣陰公. 住係得千幾平方公里既香港人, 幾時變晒美國德州佬同埋澳洲佬咁覺得三個山頭既距離都叫 “附近”? 

至於無線電視劇. 嗚呼, 我已經無睇電視好耐. 上一次睇超過十集既劇係 妙手仁心 第一集, 即係蘇永康紅到似發紫個輯. 班契弟咁多年都係一路睇一路鬧, 一路鬧一路繼續睇 – 我幾乎肯定呢樣野係由達十級煽情既 “真情” 開始 – 簡直低能. 我成個話大肚婆唔好睇電視, 唔係啤啤會弱智, 聽返九千隻貝多芬都無用. 無人理, 結果生左班弱智出黎, 淨係識斬人殺人虐待弱勢社群黎取得快感.

至於一眾補習天王浮誇無比的廣告, 是故意的, 為的是要製造 noise. 楊千嬅話, 做藝人人氣重要過石油氣. 其實做補習天王都係. 當大人連買樓俾幾百粒都唔知自己買乜, 連樓書都未必有既時候, 又點可以要求佢地既仔女睇清楚補習阿蛇資歷如何, 教學方法是否真正幫助學習? 當阿哥家姐都係一面睇便利, 一面大叫唔好偷拍既時候, 我地有乜野方法糾正細佬明知拍丸唔好, 但個個星期都北上索 K 既惡習?

你當我是污誇吧, 誇張只因我很怕, 似木頭似石頭的話, 得到注意嗎?

其實怕被忘記, 至放大來演吧? 很不安怎去優雅?

世上還讚頌沉默嗎?

不夠爆炸.

怎么有話題, 讓我誇, 做大娛樂家~~~

(圖轉自明報)

<他們也要吃飯>

**********************************************************

上星期高院裁決醫委會的有關守則有4點違反基本法 :

第一，守則規定醫生只能在網站或醫委會的目錄中刊登資訊，不能在其他傳媒

第二，每一次醫生刊登資訊時，只可登出5項服務，亦屬違憲

第三，守則阻止醫生向公眾發表最新的醫療發展

第四，如醫生所屬的醫療組織違反守則，醫生亦要承擔責任，造成不公平，違反基本法.

.
.
.
.
答辯人醫務委員會一方指，守則是想避免醫生之間惡性及不公平競爭，令有錢宣傳的醫生擁有優勢。

(轉載自明報)

**********************************************************

想了很久, 也不知道如何可以解釋這事情來. 總不成叫讀者看 kessel 於 1958 年有關醫學組織的經典文章 (Price Discrimination in Medicine). 由於好多人表示無興趣睇深奧既野 – 儘管我已經寫得淺白 – 唯有寫易d.

問答題

問一 : 限制醫生賣廣告 (或只可在特定渠道才可以賣), 有什么經濟含意?

答一 : 限制醫生賣廣告, 經濟含意很清楚 – 這等同阻礙資訊在市場的流通, 令病人的流動性減低, 減少他們由收貴較貴的醫生轉到較平, 由質素較低的走到較高的. 這限制了醫生之間的競爭, 特別是價格競爭, 從而令醫生的收入維持在一定水平.

問二 : 依你說, 限制醫生賣廣告等同製造壟斷, 然而醫委會從來沒有限制外來醫生來香港執業呀, 只要他們完成醫委會的考試, 就可以係香港掛牌做醫生. 而且壟斷的含意是, 市民在醫療上的支出會不合理地高. 事實是, 相比起 OECD 的會員國家, 醫療佔 GDP 的比例, 香港遠低於那些國家的平均數. 你這不是胡說八道, 解釋的和現實世界不一樣嗎?

答二 : 別誤會, 香港執業醫生的數目, 固然和競爭有直接關係, 但重點不在醫生的數目, 而是選取最適合醫生與及獲得訊息渠道效率的問題.

我不知道大家是怎樣遇上你常光顧的醫生, 在現行的限制下, 我肯定不出以下數個 : 家人去開, 朋友介紹, 咁o岩行過/返工知道. 這些可能是有效率的方法, 但相比起廣告, 這還是對嗎? 正如買股票前, 有人喜歡找來公司的財務報告讚研一番, 有人會聽從六叔, 九叔, 或是鄧聲興, 怎至乎係鄧兆尊既介紹, 讓不同的訊息渠道競爭, 好處比壞處多.

至於什么 OECD 國家的數據, 我勸你還是放下屠刀吧. 香港的醫療市場, 最大的供應者叫醫管局. 眾所周知, 醫管局的服務, 是 heavily subsidized – 形容我用英文 – by taxpayers, 因此數字低絕不出奇. 而單看數字, 香港比其他已發展國家低, 絕不出奇 – 第一, 許多發展國家已經出現老人潮 (即二戰後嬰兒潮的人仕), 老人家用的醫療費用比後生的多; 第二, 醫療支出與國民收入, 並非以一個固定的比例增加, 而是國民收入越高, 醫療支出會增加得越快.

問三 : 你說來說出也提供不到壟斷的証據…

答三 : 限制醫生賣廣告, 就是最佳的証明. 証據不需要多 – 我們可不是在與小林尊鬥吃熱狗 – 只要一擊即中就可以.

問四 : 照你說, 如果醫委會不上訴, 或終審法院若裁定醫委會的做法違憲, 是否社會上人人得益?

答四 : 這點很難說. 制度改變, 有新的遊戲規則, 一定有羸家和輸家. 出版業及廣告業一定得益, 我敢打賭, 有關醫學的雜誌及在雜誌內有關醫學的專欄, 一定會像神八火箭般直線上升.

在消費者層面, 由於病人得到較多資訊, 可以作出更合理的選擇. 他們或可以以減輕醫療費用, 或會得到較佳服務, 怎至乎是兩者兼得.

更重要的是, 由於看醫生的代價下降, 用其他方法治病, 例如自購成藥服用, 等佢自己好, 相信與神棍發生性行為可治好癌症, 等醫生們最反感的方法, 必會減少. 醫生們就經常表示, 病人延誤治療, 引致失救, 死亡及生產力的損失, 每年為帶來數以千萬的經濟捐失. 容許醫生賣廣告, 比起大陸的十一五經濟規劃, 更能為香港帶來新的經濟發展契機.

還有, 最大的得益者並非作為病人身份的市民, 而是作為納稅者的香港人. 眾所就知, 醫管局不過是一個醫療界的金管局 (剛巧他們的名字只差一個字), 已令政府在醫療市場極度膨脹.

因為收費低, 許多服務是 heavily subsidized by taxpayers, 許多人願意繼續以時間換取金錢, 排隊使用公共醫療服務. 基本上, 醫管局容納病人, 看一個, 蝕一個. 容許醫生賣廣告, 最終會令私人及收費水平向下, 許多人因此從公共醫療市場重投私人市場的懷抱. 蘇利民或可在有生之年見到醫管局轉虧為盈, 納稅人也不需要再支付自己沒有使用過的醫療帳單.

醫生不一定是輸家 – 由於現在限制賣廣告, 等同懲罰能力/效率較高的醫生, 而用病人的錢來津貼能力/效率較低的 – 所以放寬賣廣告, 前者可能會得益, 後者一定被淘汏. 前者得益與否, 視乎 (1) 從賣廣告所得的病人數目, (2) 競爭增加所帶來的診金收入, 以及 (3) 廣告及其他支出 (例如要提供較好服務所涉及的支出).

醫委會說有 95% 的受訪醫生反對容許賣廣告, 這說明大概只有 5% 的醫生會從中得益. 而藥房遲一點會示威 – 遲一點是他們還未意識到火燒後欄 – 是由於大家唔會再去買成藥做醫生, 這也是可以理解的.

問五 : 讓醫生賣廣告, 不怕影響醫生的專業形象嗎? 看看那個現代教育的美女班房及各天皇, 早已經令教育工作者受辱; 而謝偉俊律師的法律超人, 更令一眾中環大律師無面見人咧.

答五 : 說實一點吧, 專業形象可不是靠賣廣告就可以隨便建立或者摧毀, 否則擁有此等 “專業形象” 的醫生, 其自信心比起北區青年更加不濟. 從來只有幹實務, 實是求是的人才有專業形象. 專業形象可不是靠喊口號就能建立的 – 這也說明為何我們專貴的議員一點也不專業吧.

儘管我不喜歡什么教育天皇 (不過, 我小時候也是他們的門生), 他們的廣告也很浮誇, 然而任何一個上過他們課的人, 也不得不承認, 是他們把專業引入教育界. 當中學老師還在用 A4 膠片, 他們已經用 48″ 投影機; 當食古不化的還叫人們多做書中的練習, 他們早已叫學生把過去的試題背得滾瓜爛熟. 這是否對社會有利, 做人是否只睇會考, 不是重點. 重點是, 是他們首先引入專業化, 專門化的考試技巧. 你愛, 還是不愛他們, 都必須承認這是事實.

即使謝先生損害了, 也不過是他自己的聲譽 – 實情是, 我很欣賞謝先生那種創業及推廣的勇氣, 我也相信很多律師欣賞謝先生 (儘管我知道某些客人其實俾佢誤導左). 我看到梁家傑, 李柱銘, 李國能, 還是十分專重他們作為 (大) 律師/ 法官的專業.

還有, 專業形象不過像許多所謂闊太的 Chanel 晚裝, 為的不過是掩飾皮草下的貪婪. 說穿了, 專業形象除了為社會上一少部份人帶來名義上好處, 整個概念其實比起澳門概念股更加靠不住, 卻又是這么輕易令人上當的一個天仙局.

淺白一點說, “我個仔係醫生” 不過是屯門友愛村師奶用黎係麻雀腳之間炫耀的一個虛名. 不過, 個仔一早搬離左友愛村, 住係沙宣道, 為的就係保持自己 “專業形象”. 讓病人見到自己作為醫生, 竟然要住係屯門, 破壞了專業形象, 簡直係有愧於李家誠醫學院!

也讓我告訴你一個反証 : 若當年沒有廣告的幫助, 香港人是無法得知原來賣衫也可以講專業 – 那便是佐丹奴的興起. 黎智英賣的並不是單單一件衫, 而是整個服務. 就以上年花最多廣告的行業, 金融業來說, 匯豐銀行在環球數百個國家有廣告, john bond 很不專業嗎? 鄭海泉是混飯吃的嗎?

問六 : 史先生, 你也說了, 很多客人也給謝先生誤導了. 讓醫生賣廣告, 不怕會讓人乘機發放虛假的訊息, 或是掛羊頭賣狗肉, 最後反而有損病人利益嗎? 難道要讓病人因黃綠醫死了, 你這市儈之徒才容許走回頭路嗎?

答六 : 在那一行也有害群之馬 – 牧師也有瀆玩兒童的 - 而廣告也有真有假. 如果因為一少部份的人渣 (大概是 5% 醫生人口的一小部份) 而放棄其他 95% 人口的知情權及利益, 無論怎計, 也是不合理的事情. 總沒有人因為經常收到含有虛假消息的電郵, 而要求立例取締電郵.

若大部份醫生也會賣假廣告, 這樣也不要再說什么專業形象了.

還有, 虛假與不真實的廣告, 不就是有一個千載難逢的機會, 讓公眾有白紙黑字的証據, 去將害群之馬抽出來嗎? 繼續讓不法份子用甜言蜜語欺騙病人, 但又沒有真憑實據去翻開醫生的假面具, 這不是更加應該以此為恥嗎?

問七 : 讓醫生賣廣告, 不怕給大財團有機可乘, 來個以本傷人, 大賣廣告, 令個體戶醫生走投無路, 最終市場讓大財團壟斷, 有損病人利益嗎? 以此等 “黑食黑” 手段去取締壟斷, 換來的是另一種壟斷, 有可作用?

答七 : 此等以壟斷作為恐嚇手段的言論, 我睇得太多. 消費者可不是白痴, 任你魚肉. 醫療集團可取代個體戶醫生, 吸引消費者的並非不正當手段, 而是 (1) 消費者加入可以以九拆或優惠光顧該集團旗下的醫生; (2) 集團網絡層比個體戶醫生更全面; (3) 醫療集團為名為利, 比個體戶醫生更懼怕旗下有害群之馬, 俾人搭沉船, 在質素方面更有保証. 

我不否定個體戶的醫生數目會因為醫療集團的出現而下降, 但這肯定和以本傷人半點關係也沒有. 會計也只有四大會計行, 但表面上沒有所謂壟斷的行為. 美國的 walmart 也夠大了, 但很少人認為 walmart 的壟斷令消費者受損. 佐丹奴和 G2000 的出現, 也沒有影響金伯利和葵涌 MRT 消費站的小商戶. 

鼻祖 阿當. 史密夫說得對 : 只有政府和法例才能製造無堅不摧的壟斷集團.

說實一點吧, 醫生也要吃飯. 依我估計, 他們還要吃很多飯, 所以才要抓那么的多錢. 當你要吃飯時, 什么道德良知人家的福祉, 你是不會理會那么多的.

(我在八月廿一日十時作出第二次修改)

<垃圾>

自從人類發現循環再造呢樣偉大行為後, “垃圾” 呢個詞語變得有點詭異. “垃圾”可以成為有用的東西, 咁仲叫佢垃圾有點名不副實. 以後鬧人 “垃圾” 係褒定貶? 使唔使下下都要 “無用既垃圾”?

儘管人類有循環再造, 佢地最叻就係製造垃圾, 一些不可以循環再造, 是名乎其實的垃圾. 唔係既話使鬼咁多發明家. 最好的例子就係人類以文字寫下許多垃圾, 作為直接 output, 或供其他人用作生產垃圾之用 (intermediate input). 當然包括史弟許多的辛格文字, 還有無數既法律條文.

廢話少說 – 這句話我幾個月前已經講緊, 就好似政府話香港落實一國兩制一樣 - 我幾年前係退休 J 既推薦下 (退休 J 係邊個? 並唔重要. 最重要係佢廿幾歲已經退左休) 我有幸成為 gmail 既用戶.

未用 gmail 之前, sinaman 個個, 簡直嚇死人, 每日平均有成三十封垃圾電郵, 恐怖. 每一日開郵箱, 都係咁 delete d 電郵.

一改用 gmail. 嘩~~ 不得了, gmail 竟然懂得將人家發給用戶的電郵 scan 過 (我肯定佢d 員工有偷睇人地既電郵), 垃圾電郵 – spam – 會直接丟到 “別處”, 無謂大家一開郵箱就係度狂 delete.

不過, 最近我發覺佢個 spam filter 開始頂唔住, 每日都會有各方奇人異士話我知可以以優惠價買偉哥. 但史弟想話俾佢地聽, 我中學同學既女友係係輝端做 (佢做白老鼠, 負責試下偉哥得唔得), 要既話 – 雖然未必使 (王傑 : 即使真相哪有勝過一仗~~ 呀呀) – 史弟可以以特優惠價買.

有時做野做得悶, 又無人發電郵俾我個陣, 我就會去 “別處” - 即係儲住垃圾電郵既地方, 睇一睇d 垃圾電郵. 當然唔會咁笨開黎睇, 只不過睇 heading 同第一行都知係乜野. 不過好多時都睇唔明, 原因係有勁多既垃圾電郵係用韓文寫成 – 即那些全部係圓圈, 三角, 直線, 曲線 既所謂文字.

如果一個國家電子傳媒及發達程度可以用垃圾電郵黎直接量度, 即垃圾電郵越越多國家越發達 – 情形好比固體廢物與國家生產總值呈一個正關係 – 即非洲窮人連人肉都想食邊度會有廢物的話, 依我既電郵顯示, 毫無疑問美國既國力仍然係淋巴溫. 佢既製藥業 (即偉哥) 同金融業 (即按揭業) 尤其旺盛, 然而佢既婚姻/性行為介紹服務更是雨後春筍. 至於韓國, 應該係淋巴吐, 不過由於睇唔明, 唔知佢介紹乜野服務/商品.

祖國正急起直追. 好多團體話可以收錢介紹白領我識. 白領? 白領? 我日日都望住幾打, 不如你俾錢我介紹俾你拉. 有人妻, 人夫 (男女平等), 美女, 醜女, 港女, 賤男. 廿皮任揀.

仲有d 係日本既電郵. ~~~~~~~~~~~~~~~~~~~ 唔好心邪, 係我去日本既導遊電郵…. 導遊~~~~~~~~~ 唔好心邪, 要俾錢, 而且我女友都一齊………. ~~~~~~~~ 3P?

另一種垃圾, 就係隨銀行月結單寄黎既 “優惠券”. 這不是申請信用咭送既 i-pod 或者 psp, 而係佢不請自來既彩色紙張. 每一次我開銀行寄俾我既月結單, 我只會係信封拎張單出黎, 裏面成吋厚既野, 我眼尾都唔望就會掉去垃圾筒.

我都唔明, 銀行咁多人, 咁多數據, 可唔可以寄呢d 優惠之前做下少少分析? 最簡單 : 一個廿六歲, 未婚, 同屋企人住既男仕, 點睇都唔需要 mothercare 既 $100 現金券掛? 妙麗現金券點可能用得著? 可唔可以睇一睇個客過去十二個月係邊度簽過咭, 同買乜野多, 然後先寄d 有用少少既野黎?

寄d 券出黎都係想人用你張咭, 俾少少誠意, 一定有回報. 銀行而家呢種水銀瀉地, 唔理好醜, 一於有殺過無放過既宣傳心手真係落後到爆. 同一個無知既賭客去到澳門神話, 見到大細台, 拿拿臨買晒大細圍骰點數, 好合皮咁坐係一邊, 無乜分別. 好彩既話有一兩局開圍骰你羸到錢, 咁賭就真係倒錢.

匯豐o岩o岩寄左一封野黎, 封面寫住 “誠獻年費豁免及獎賞優惠”. 我張 ican 咭, 大學個陣申請, 終身免年費. 唔知佢誠獻乜春. 打開封野, 唔見有現金, 發現一疊優惠券. 除上述 mothercare 及 妙麗外, 有以下商號既優惠券 :

1. DAN RYAN (上一次食係兩年前, 好貴, 唔好食)

2. 意粉屋 (食極都食唔到 $250)

3. 哈根. 達斯 ($200 當 $30 用, 有少少建設性. 但兩個人食極都係 $180 落樓)

4. 翠亨村 (上一次去飲茶係八歲)

5. GIGASPORTS (唔可以用黎買 NIKE/ ADIDAS)

匯豐係咁, 東亞係咁, 渣打, 星展, 全部都係咁. 東亞寄親都成吋厚, 邊 Q 個得閒得?

史弟係度呼籲 : 各銀號與其浪費紙張同資源, 不如寄幾張惠康/百佳 $5 無限制現金卷黎, 功 . 得 . 無 . 量. 唔寄都算, 就連d 垃圾都黎返你d 員工要咧. 或者人地黎買基金先送俾人拉.

至於如何用數據用增加收入, 打低對手既真實事例 : wal-mart 係英國唔夠 tesco 打, 都係由於後者識用數據分析顧客既消費模式. 相反香港銀號市場部, 充斥住各式各樣既美女…

<Cont’ 明報世界盃報導>

文字版請參照此連結.

圖片版如下 :

(轉載自明報)

好一幅八陣圖. 就算諸葛亮再世, 恐怕也未必完全了解呢幅圖. 當然, 諸葛亮未必知足球, 列文 同埋 no look pass 係乜.

如果你認為明報仲係個份 “適合中學生學中文” 明報, 請闡述何謂 “射門角度刁鑽的皮球” (請參閱羅素下面個個 box). 史弟中文唔好, 皮球可以用上 “射門角度刁轉”, 係咪下次可以用 :

“時速一百二十公里的羅賓奴直飛死角入網”

“推左走右既足球殺入禁區, 並獲得十二碼”

“籃球來一個 alley-oop 三十六十度入樽”

本份做唔好, 成日就搞三搞四.

值得留意既係, 意大利球員著既係由 cookies 四女擔任代言人既 sketchers 暴走鞋.

明報萬歲~~~

科學足球萬歲~~

我在 fifa.com 看片段, the most entertaining team 有阿根廷…. 我實在很喜歡阿根廷.