ialwaysloveyou

  • <終於, 第 365 天>

    早發帖一點吧.

    也許會有人問 “終於” 是什么吧, 我只能說不是 “忠於” 的意思 (汪汪汪 ~ 我不是一條狗~~~ 汪汪~), 而且下面會有答案. (終於系列 tag)

    這也是情人節第三集 (連結 : 第一集, 第二集). 寫了兩年, 什么驚天地泣鬼神的都俾我寫過. 寫寫情書, 炒炒冷飯吧.

    最近接連俾人話我太多廢話, 還是少說其他無聊事好了…

    ************************

    能夠與你曾經走在一起, 到今天仍是件幸福的事.

    即使你對我說過, 許多看似重要的事, 回頭一看, 其實不過很渺小. 在歷史的巨輪下, 三年的確是很短的時間. 我和你分手, 也不過是一年. 

    一年了.

    並不是沒有想過嘗試找你, 再與你一起. 但, 一想到, 有機會再傷害一個自己疼愛, 又完全了解自己的人多一次, 那怕機會率是 0.000001%, 我也不會試. 不會. 我告訴自己, 不要犯同一個錯誤兩次. 那就是為什么所有人也叫我再與你一起的時候, 我仍然無動於衷. 是, 我是戅居. 是, 我怕了. 是, 我愛你不夠.

    就像當天. 當你最後一次問我, 可否再一起的時候, 我只顧打著電腦, 然後冷冷的說 : 不可以, 永遠也不可以. 我怕. 我怕面對你. 我怕會忍不住, 抱著你, 讓一切回復到舊狀. 有人說過, 拒絕承認犯上錯誤, 是錯了兩次; 若承認誤錯的結果是一直錯下去, 我寧可就這么的錯兩次.

    於是, 我把心底許多想與你說的, 與你分享的, 與你一起經歷的, 寫成了故事. 這就是為什么有 <終於系列> 了. 故事由 150 天開始, 那就是分手後五個月的那天 – 到了今天, 終於過了 365 天. 尤其是坐電車時, 想起你與我一起由東大街坐到波斯富街, 回憶也倒帶得特別快, 好些故事, 就是在坐電車時想出來的.

    今天你我就好像電車的軌道, 遙遙對望, 卻永不相連. 好些日子, 好些時候, 會幻想若你在旁, 你會覺得怎樣, 你會說些什么. 從九記牛腩到東京迪士尼到轉新工作到一切一切, 我也會想起你. 可惜我都不能對你說, 反而選擇在這裏對除了你之外的所有人說這些.

    或許終有一天你會看到這些與那些有關你的文字.

    我曾對許多人說過, 也對你說過, 愛一個人並不等於擁有. 她幸福, 並不代表一定是你給她幸福. 我到今天也相信. 我不會戇居地以為自己會愛你一世, 以不會說什么自己為了你會一世孤獨. 你不會想我這樣做, 我也不想你這樣. 我知道自己必須向前走, 從新開始一些關係.

    愛你漸漸變成孤獨的事. 每次提起你, 都幾乎要哭出來. 當連好朋都不約而同地懷疑我的決定 (其實不能怪他們, 畢竟就連我也懷疑自己), 我只能向這個說一些, 那個說一些. 這個地方, 就是最後的花園.

    這一年我不停地想, 若時光可以倒流, 我會否再選揀與你開始. 也想過若有無痛失戀的話, 我會否接受療程.

    我想了很久很久, 來來回回, 一遍又一遍…

    而當找到現在的這個女友時, 我知道, 是時候放下你了. 這需要點時間, 否則我對你的感情, 也未免太兒嬉了.

    到最後, 今天只想說,

    擁有一段能讓自己感到幸福的關係, 令我深信, 能遇上你, 是我的福氣.

    多謝你那三年一直陪伴著我.

    ************************

    <最長的電影 – 周杰倫>

    我們的開始 是很長的電影
    放映了三年 我票都還留著
    冰上的芭蕾 腦海中還在旋轉
    望著妳 慢慢忘記妳

    朦朧的時間 我們溜了多遠
    冰刀劃的圈 圈起了誰改變
    如果再重來 會不會稍嫌狼狽
    愛是不是不開口才珍貴

    再給我兩分鐘 讓我把記憶結成冰
    別融化了眼淚 妳妝都花了要我怎麼記得
    記得妳叫我忘了吧 記得妳叫我忘了吧
    妳說妳會哭 不是因為在乎

    <明年今日 – 陳奕迅>

    若這一束吊燈傾瀉下來 或者我 已不會存在
    即使你不愛 亦不需要分開

    若這一刻我竟嚴重痴呆 跟本不需要被愛
    永遠在床上發夢 餘生都不會再悲哀

    人總需要勇敢生存 我還是重新許願
    例如學會 承受失戀
    明年今日 別要再失眠 床褥都改變 如果有幸會面
    或在同伴新婚的盛宴 惶惑地等待你出現
    明年今日 未見你一年 誰捨得改變 離開你六十年
    但願能認得出你的子女 臨別亦聽得到你講再見

    在有生的瞬間能遇到你 竟花光所有運氣
    到這日才發現 曾呼吸過空氣

    ************************

    以下的內容, 可能已經寫過… 但好波不妨一睇再睇…

    “你愛我什么?” “你鍾意我d 乜?”

    這是很難答的問題. 若然高考試卷兩選一, 另外一題係要 “提出切實而又可行的方法解決全球暖化” (其實即係冇. 有既話邊春度仲有地球暖化? 切實又可行喎. 可行喎.), 我都係會揀 全球暖化 一議題.

    若果只是純粹想讓對方開心, 總可以找些 “理由” 將自己的情感合理化, 然後說些口甜舌滑的話兒來. 男生只要拍過兩三次拖, 俾人飛過 hurt 過的, 又飛過人 hurt 過人的, 甜言蜜語並不是一些太難完成的任務. 若然你阿媽及女性長輩長期對你偏愛有加的話, 你對於如何逗女人開心這一科, 應該可以勁過. 三個字, 無得輸!

    但可以做並不代表要咁做. 正如大家可以學小朋友咁係街邊大便, 並唔代表你就要無端端係街邊大便 (急到瀨另計. 淨飲雙計. 題外話, 翠華同太興而家餐凍飲加 $3! 簡直痴撚線). 我覺得, 鍾意一個人, 愛一個人, 係愛晒佢整個人, 成個 “package” 咁要 (咁講好似好難聽). 屌, 唔通你話鍾意佢長頭髮, 佢剪撚左短髮, 怎至乎係 skin head, M 字額, 你就即刻唔鍾意佢? Oh, this is NOT love. 唔通你鍾意佢面孔, 佢撞車毀左容, 你就好似當年林曉峰咁? Come on. 若你鍾意佢波大學識水平高溫文儒雅入得廚房, 但發覺佢用三個 push-up bra 只係中五未畢業粗口爛舌只識煮杯面, 就即刻反臉不認人?

    我並不是說樣靚波大等東西不重要 – 這些由得道德衛士繼續自欺欺人說下去 – 但一個人並非只係得對波或者一支粗壯的陽具. 也不是心地善良就大撚晒 – 而老實說, 若介紹一個女生的優點僅得心地善良, 簡直和說董建華做特首的好處是刺激了香港民主步伐一樣的搞笑. 我最喜愛的文章, 殷海光 “人生的意義” 就指出人生有金字塔, 人生要不斷向上追求, 以達至真善美 (頂… 乜同法輪功一樣). 對於我來說, 喜歡的人就是一整個金字塔, 裏面什么, 是好是壞, 係香係臭, 係蘋果係西瓜, 我都會接受. 鍾意一個人唔係去 apple.com 買部 Mac 機, 可以要 512 MB ram, 50 GB hardisk, 25 吋芒, 再按一按 check-out 就合晒心水.

    而問人鍾意自己d 乜, 其實比起我覺得人係一個 “package”, 更加當自己係一件貨.

    若對方有心設局, 你答 “心地善良”, 佢會反問 “係咪我心地唔善良, 你就唔鍾意我?” 屌… 點答? 答係不如直接講分手; 答唔係, 咁你究竟係咪鍾意佢心地善良? 幸好, 因為我真係會答 “我鍾意成個人”, 所以無試過有人設到局陷害我 (咁講好仆街…), 其實女生都是想聽一些讚美的說話 – 所以你想答 “因為你夠肥, 扑野個陣坐我上面感覺正斗”, “你夠醜樣, 又唔化粧, 我唔怕你搵過個”, 或者 “你蠢到出汁, 淨係我先救到你”, 唔該你睇在地球暖化份上, 留返啖氣暖暖肚.

    你只要跟住以上論點總結, 然後加多句 : 要求其作d 原因 dum 你開心其實好容易, 不過我寧願用行動令你真真正正開心, 唔係淨係得把口. 嘩~~~ 後面刮起呼呼北風~~~ 好凍呀~ 好骨痺呀…

    遇到呢d 問題, 我會反問對方 “你又鍾意我d 乜”. 綜合我拍過 n 次拖所得的調查, 結果如下 (選擇可多於一項) :

    1. 你靚仔 (100% of sample selected)
    2. 你超級靚仔 (100%)
    3. 你床上功夫了得 (120%. 無辦法, 我都係男人. 而我無見過男人唔鍾意吹噓自己好勁. 除非係人都知佢勁, 例如加藤鷹…)
    4. 你讀書叻 (50%. 個人強烈認為這個原因極無稽. 皆因講呢d 既人通常未同我一齊讀過書, 亦唔知我原來讀過書. 就連我自己都唔知自己讀過書.)
    5. 你勤力 (100%. 這等同老師學期尾夾硬讚一個學生, 就寫佢勤力 – 即係等同話佢可惜無乜好成績出到黎… 等同上面淨係讚一個女生心地善良.)
    6. 你似弱智人士 (100%. 鍾意我個d 人心理有少少唔平衡, 喜歡長期照顧弱勢社群)

    以上既答案亦都說明點解我唔 buy 呢一套野. 有乜理由連我高大威猛都冇? 若果根據呢d 野做分析, 等同政府淨係睇民調做人.

    既然鍾意對方的整體, 我很少要求對方改變一些所謂的 “惡習”. 你食煙便食煙, 愛喪拼便喪併, 懶訓咪懶訓, 粗口咪粗口. 當然, 不像三級片的女星, 我也很少做些什么來取悅對方. 我只是覺得, 既然愛, 便不要整天怨他這些不好, 罵她那些太壞.

    愛習包容多一點 – 其實不是 “包容”, 因為 “包容” 是假定了那些一定是 “壞事” – 學習愛對方的所有, 接受對方的一切, 互相體諒… 再講落去變成乜鬼野傳道劇場… 總之愛是含撚很耐…

    找對了愛人, 情人節每天也過呀.

    ************************

    東主有喜 (仲問?), (暫時) 休息一週

  • <童年>

    警告 : 若你就快結婚, 或者o岩o岩結左婚. 睇落去可能令你對寢邊人反感. 但係你若果o岩o岩失戀或者離左婚, 睇落去可能拾回點點安慰.


    不多, 只有點點.

    我成日想研究小朋友學習的過程. 當然停留係諗既階段, 這同政府解決空氣污染, 同出一徹.

    如何告訴他 1 的意思是 1? 菠蘿不是蘋果? 起身代表起身的動作? 我不知道. 我想, 就算經歷過無知的階段, 也不代表會知道. 曾問過女友, 究竟小朋友是怎樣知道 “1 是 1″, 沒結果. 連教小朋友的人也不知道, 我想沒有太多人可以用三言兩語說個明白.

    但我想, 一個人對世事的認知, 肯定與自身經驗有關. 根據wikipedia, 佛洛伊德說, 隨著人的發展階段, 人會固著於特定慾望客體, 即傳說中的口慾期, 肛門期, 陽具期.

    對不起, 我唔撚明, 所以求撚期好了. 講佛洛伊德只係想自瀆一下, 順應一下潮流. 好, 入正題.

    若有人問我, 家人對我最大的影響是什么, 我會答有二.

    第一, 從屋企人身上, 我明白到世上唯一可以無條件對你好的, 永遠只有屋企人, 我界定為同你有血緣關係既人. 屋企人無我 xanga – 哼 (冷笑一聲), 你認為阿媽有我 xanga 的話, 還可以話佢睇亞視? 仲可以話佢好叫我飲湯? 別說笑了 – 所以我係唔使好似三級既女星咁隆胸黎取悅佢地, 我唔需求係度討好佢地.

    家人可以無條件對你好, 我知道這不是一定對的. 若然將這番說話告訴我一些朋友同學, 倒是件諷刺的事. 好些家人借下巨債, 朋友還得像條狗一樣; 好些只當友人為提款機. 還有很多很多例子可以推翻我所說的. 但倒轉來說, 對於他們的家人來說, 朋友不就是可以無條件對你們好嗎?

    無論如何, 我想說第一條的重點是, 屋企人並不包括伴侶, 不論是女友還是老婆. 這也是我想說的第二條.

    爸戰時出世, 懂事開始已不知爹娘為何人. 所以我一向只有媽那邊的親戚, 阿伯阿叔個d 稱呼, 我到今天都未搞清楚邊個係邊個, 皆因識左都無得叫. 更重要的是, 從很小開始, 我就知道以前香港的男人很幸福 – 起碼佢地可以有多過一個老婆. 知道以前男人好幸福既原因, 是阿公為了某些我也不清楚的理由, 選揀了小老婆而放棄了我阿婆.

    婆生了七個仔女, 大姨媽, 我媽, 大舅父, 細舅父, 三個阿姨. 在那個年代, 不算很多. 但七個也是人 (遺憾不是叉燒).

    哼 (再冷笑), 若然今日先立法取消, 恐怕一班人會叫囂, 表示 “一夫多妻” 已成大部份人的集體回憶 (及集體性愛), 禁不得. 至於阿公真正置阿婆於不理的具體年份, 我不清楚, 但係我頗肯定阿公作出選擇是在政府於七一年立法之前, 即係我連精虫都未係個陣. 皆因直到今日, 細舅父及三個阿姨仍然為阿公無揀阿婆, 無做過做老頭既責任, 一定鳥之而忿忿不平. 七一年, 最細個個阿姨起碼十一二歲, 細舅父都十五六歲, 無理由話阿公無照顧過佢地. 反而大姨媽, 阿媽同大舅父同阿公既關係不錯 (阿公偶爾會出現, 仲一齊飲茶, 有講有笑. 條友超咸濕, 比我更甚).

    實際年份既推斷, 只係想自瀆一下我既推理能力. 這不打緊. 重點是, 記得小時候問阿媽 “阿公去左邊”, 媽就將故事講一次我聽, 並叮囑盡量不要在三個阿姨面前提起阿公.

    我不知道自己是否走在同輩的前面. 但還沒有戒奶戒賴屎, 我就明白原來婚結左都可以離 – 即使技術上阿公阿婆並唔算離婚, 因為佢地無結過;

    原來即使一個人為你生左七個仔女, 你都可以唔理佢, 話走就走 (據聞阿公的小老婆為他生了五個).

    記憶中到八九歲才知道阿媽原來有個家姐, 即係大姨媽. 皆因據聞好多好多年前佢已經不理家人既反對, 跟左當時既男朋友 (後來的老公及個仔既爹d) 去荷蘭, 阿媽阿姨都唔敢係阿婆面前提起佢. 直到我八九歲佢先第一次出現於我眼前. 當時佢句句英文, 我覺得佢好厲害 (屌, 今時今日都大把人覺得黃皮膚句句英文既人係好厲害); 佢仲帶左我去尖沙咀世華餐廳, 食左我人生中的第一隻香蕉船. 同行既仲有佢個仔 (我唔知應該叫佢乜好? 堂表哥? 表哥? 求撚期拉), 同埋 側士丁, 即係佢當時既老公 (係呀, 側田個個 Justin). 還有一些記憶, 但印象很模糊. 阿婆一見到大姨媽, 就原諒左佢. 但大姨媽一干人等回荷蘭後不久, 就聽媽說他們離了婚, 大姨媽更在荷蘭流離失所. 當年阿婆是有提議她回來的, 但大姨媽一直就在荷蘭.

    原來, 一個只讀到小學, 不太懂英言的女孩, 不理家人反對, 跟心上人私奔, 離鄉別井, 連仔都生埋, 這段婚姻最後都只落得如斯田地.

    記憶中爸媽的感情一向很差, 仆街一點說, 根本未好過. 自從我得知有離婚呢樣野之後, 我同老姊一直認為佢地離婚只係時間既問題, 也只是名義上及實際上的分別. 誰對誰錯, 不是重點. 誰可以說一段自己身在其中的關係的破裂, 自己一點責任也沒有, 可以完全置身事外? 但我不得不承認, 曾經好憎好老頭, 年青時 (i.e. 十二三歲時) 曾經搵把成呎長既鐵尺一野劈落佢度 (注意, 並非我身上, 肚臍對落個把. 邊止一呎長?). 幸好佢載眼鏡, 否則佢已經成個石黑龍咁既樣 (唔識自己去 google 下), 仲邊q 度似魯迅?

    還記得小時候很喜愛喝利賓納 (現在不喜歡了). 媽每天早上會開水沖定一樽給我 – 那年代沒有利賓納仔仔這回事 – 讓我小息時喝. 一次爸媽吃飯時嗌咬, 爸將發狂般把電視機上的東西全數推到在地上, 包括那支 1 公升利賓納. 血紅的利賓納流在地上, 我的心也在滴血, 也在哭泣. 爸的狂害我第二天沒有利賓納喝, 好像之後也沒有再喝過利賓納. 在那個我的世界, 那支 1 公升利賓納就等同當時的佳寧, 港交所 (0388.hk), 匯豐銀行 (0005.hk) 了.

    原來你與一個人生活了廿年, 為他生了兩個小孩, 最後即使大家住在同一屋簷下, 不須同床, 已得異夢. 你完全不能預計他會這樣發狂, 這樣失控. 你哭了, 誰也在哭了.

    或許這便叫經驗. 對於我來說, 童年時遇到的婚姻總是得到支離破碎, 五馬分屍的下場. 或許是出於自身的經驗, 我對婚姻, 從沒有投下過信心的一票. 即使是腦海的想像, 也絕無僅有. 我沒有問過老姊, 但我相信她的想法應該和我差不多. 曾幾何時, 我笑說結婚的目的, 只是為了離婚. So sad but true.

    所以我不是在埋怨家人帶給我這樣的一種想法. 無必要. 他們影響我不過是一個事實, 並無對錯.

    唯一有過所謂的未婚妻, 諷刺地, 也是家人安排的. 話說在重慶大廈的歲月, 認識了住在樓上的一個太子女, 算是青梅竹馬的. 媽每一次見到人, 也說要找人當新抱. 害得我好尷尬. 後來不知怎么, 與太子女失了聯落, 我找了她很多年, 也找不到; 甚至乎大學時拜託友人借來她中學的校刊, 也找不到她.

    到後來爸媽真的離異了, 對我的學業溝女社交生活, 好像沒有直接影響 (或許沒有離異的話我可能七歲拎 Ph. D). 最難受的日子 – 若有的話 – 一早已經過去.

    記得中四時班主任問 : 點解你咁反叛?

    我鳩o翕話 : 應該係同單親家庭有關.

    呢個答案嚇到班主任仆街, 佢之後無再煩我. 其實當年還幸慶過這對媽對任何人都是一種解脫. 即使中學拍拖, 我的想法也沒有太大改變. 曾經想像過與初戀情人結婚後的生活, 但關係不到一年就完了. 第二個女友, 父母關係也差, 又是名義夫妻, 實際與離婚無異的一段關係 (其父為貨櫃車司機, 應該是當年掀起包二奶熱的先驅), 關係又是不夠一年就完結.

    不知為何, 不知從何時開始, 我已經相信自己不會結婚. 我不相信占卜, 但若要我相信我未來不可改變的一件事, 就是我不會結婚. 這便是我的命. 我早己接受, 她也一早已經接受. 我也沒有想過她的感受, 不論是今天, 還是未來. 她不是口是心非的那種人, 一就是一, 二就是二.

    但一天, 我突然發現, 我可以浪費我的光陰, 糟蹋我的青春, 消磨我的時間. 但我不能豪賭人家的光陰,燃燒人家的青春, 打發人家的時間, 除非那是我不在乎的人. 這是個人責任的問題. 我可以賭一局, 賭我三十歲時娶不娶人家; 賭的代價是零, 但人家賭的, 是青春. 就當我不敢賭好了. 即使賭羸了, 可憐手上還有一大堆泥碼, 要在往後的四五十年繼續局賭. 我不想賭, 我不想輸.

    我不敢說這樣離開了她, 是否如我所願, 造就她最終得到幸福, 還是落得一個比與我一起更差的下場. 我只想履行我的責任, 諷刺地, 就是不想負責任. 我不想負責開圍骰. 我不夠強. 我的底線, 就是沒有底線.

    或者我太愛她了. 但愛得不夠, 只有愛也並不足夠. 我相信這是命. 為何我相信, 我不知道. 或許這是自身經驗的結果. 除非時光能倒流, 記憶能抹走, 否則我的信念與台灣是中國不可分裂的一部份一樣, 是不可改變的.

    我終於找到離開她的藉口了.

     

  • 將 “其實找對了愛人, 情人節天天都過” 反過來說, 找錯了, 情人節也是一種痛苦.

    剛才我搭地鐵時, 一直在想 :

    對愛人付出了, 應該期望得到回報嗎?

    在日本成田機場過磅時, 電子顯示器表示出 31.5 kg. 當那個 2呎 x 2呎 x 2呎 的箱子獨自佔去 11 kg, 航空公司怎樣也不會讓我上機. 我把所有穿過的衣服放到 handcarry, 皮箱裏只餘下各式各樣的唐老鴨物品, 還有agnes b 袋一個. 最後, 26.5 kg – 空姐也難為情地說 “ok” 了 – 在那之前, 我一直擔心上不了機, 終於可以舒一口氣了.

    皮箱裏只有一件無印的長袖襯衣是我的. 要計的話, 還有一張值 80yen, 但完全不知道是印著什么的名信片, 也是我的. 買那張名信片, 是由於我的 500 yen 入不了長途電話機, 要找點零錢 (100 yen) 打給女友.

    辛苦地將所有東西搬上機鐵, 下了車還像上斜坡推車般把兩件行李從國金推到家, 中途還遇到那個不知所謂的食蕉.

    我一直也擔心買不到唐老鴨, 買到後又怕上不了飛機.

    我其實, 真的不想有什么回報… 真的半點也不想…….

    但我也不想只為買錯了兩件無印女裝衣服的尺碼, 而被埋怨. 不要回報, 也不要給我負回報.

    寫到這裏, 我的眼淚已忍不住流下來了.

    對不起, 各位, 我真的不想在情人節寫這樣的東西.

    然而, 我真的無法再這樣下去了.

  • <情人節 2007年版>

    早發貼了一點…

    真係令人簡動, 去年的 情人節 entry, 竟然有第二集~~

    好, 情人節… 還有什么好說呢…

    (1) 過去廿幾年, 並非每年情人節也有情人在旁. 在沒有情人的那幾年, 有拖拍的人會打來安慰數句, 說什么 “就快咧, 呢d 野可遇不可求” , “下年咪有, 使乜愁” 等屁話. 於是無拖拍既男人 – 邊有女人肯情人節陪非男友既男人去街 – 於是乎麻甩佬聚首一堂, 舉杯消愁, 大家互相慰藉.

    但若干年後的今日, 我發覺, 其實最應該被安慰的, 並非那些孤家, 寡人, 電車男, 尼姑, 而是個班有拖拍既人.

    此話可解?

    (2) 第一, 這純粹是所謂 “我睇你好, 你睇我好” 既道理. 有拖拍既人想獨處, 單身既人想拍拖, 此乃永恒不變之定律.

    第二, 個人認為, 情人節是一個多舊魚的節日. 首先, 佢無假放. 回歸前英女皇生日翌日有假期, 但聖華倫天奴節翌日, 係唔會有 time-off.

    可惜既係, 咁唔代表你可以一句 “無假放” 之後就乜都唔做. 既然有個 “奴” 字, 大家就要做好奴隸的本份 – 所以我唱國歌, 從來不唱那一句. 因為我不是奴隸. 無論如何, 要滿足女人, 呢日所花的精神, 心思, 比滿足你那四十仍然是單身的老闆更花氣力, 還有金錢. 心思可能大家會滿足於過程, 但恐怕沒有人以俾人斬一頸血為樂. 如果以單日計, 情人節個日鮮花既價格升幅, 比起二次世界大戰時的德國 hyperinflation 還要高. 高又怎樣? 一眾狗公, 可以不買嗎? 當然不可以, 這些值價是有基本因素支持的, 否則那種高得像泡沫的價錢又怎能從情人節出現後, 就一直沒有爆破過?

    當一眾 OL 在公司鬥花多既時候, 此等有如軍備競賽, 搞核反應堆的無聊運動, 會令男友們送花的數目, 心思及質素, 變成一場需要經過精密計算的佈局. 而送花的時間, 比起買賣窩輪更講求 timing – 不單花要大紥要美麗要夠排場, 還肯定要女友全公司都知有人送咁靚的一紥花俾女友, 更重要係, 在收花此之前又沒有四十歲, 生完仔個屎忽大過台面既秘書八婆, 向心急如焚既女友作出以下奚落式對白 :

    “依, 我老公都送左花黎, 乜你仲未有既~~ ~ 你睇下…. ~~~~~~…咁大紥…~~ 都叫佢唔好嘥埋d 咁既錢. 儲錢買間大d 既樓咪重好..

    你唔好埋佢晨早流流依乜春. 一紥花頂多三千元, 同買大間d 樓有乜關係? 總之, 女人一聽到呢d 說話, 就係你既錯. 然後無限上綱上線網上行, 無花無樓無車無有錢老頭, 乜都係你既錯. 即使佢係 ifc 返工, 你係太古坊, 只要電話一響, 一聽, 洪洪的烈火將透過聽筒從港島西直射向港鳥東. 男友頓成炮灰 – 你才付了八百元買一紥十二支的玫瑰, 而遲了送上她公司, 不過是 ifc 保安太過嚴密, 送花仔要經過七重保安, 十八銅人先可以去 55 樓…. 實非戰之罪也, 邊個叫佢係金管局做?

    可惜既係, 買賣窩輪, 尚可求教於一眾財經演員. 但哪裏有人傳授 “如何準時將花送到女友手上”? 有種便自己種, 自己送.

    但誰知道, 誰理會? 為何秘書的花又可以早一點送到? 你自己也答不出來. yahoo! 知識+ 無人答, 誰也答不出來. 你更想問, 究竟為何情人節要送花搞呢搞路? 上維基可以找到答案, 卻找不到解決方法. 別天真地以為你明天補送三十紥, 事情就可以超額解決. 這只會招徠更多恐怖對話 :

    “鬼咩, 佢男友尋日唔記得送, 所以咪今日送番…”

    “下? 乜情人節都可以唔記得?”

    “呵呵, 可能人地成日係外地工幹, 有 jet lag 呢…”

    一眾人等 : “嘩哈哈哈哈~~”

    到時, 沒希望了, 早一點放工, 買定狗屎, 回家送飯吧.

    還可以怎樣? 一會兒與所謂 “邪惡軸心” – 不是意大利德國日本, 更不是伊朝北韓 – 你那班在女友心目中是壞份子的老友, 大吐苦水, 只會徒增自己的壓力. 啞子吃黃蓮從來就是這么一件悲壯的事情, 你只好像姬野愛般, 把委屈像精液般吞下.

    再細心想想, 只是送一年花, 已如徒手前往地雷陣送死. 若不幸 (….) 與同一女友拍上超過三年拖, 要每次也突破上年, 再創新高, 再俾驚喜, 是需要何等創意呢? 恒指也要經歷十年浩劫先可以再創新高, 但你每年既驚喜就要越黎越大. 就如史弟, 第一次手劃唐老鴨; 第二年用 小畫家劃; 今年已經技窮, 正苦練用腳畫唐老鴨咧… 難道你認為買一幅唐老鴨掛畫就可以了事嗎? 我連自己那關也過不了… 除非你對該一段感情已沒有要求, 否則你總想做到最好. 不是最好, 也要80分.

    (3) 幸運地, 我遇過幾個情人 (包括現在那位), 她們也不太講究大時大節要搞大龍鳳. 幸運地, 也遇過情人, 竟嫌到山頂慶祝聖誕節不夠浪漫. 果真一樣米養萬樣人.

    有時候, 女孩子並不太喜歡大龍鳳, 尤其是大龍鳳左幾年…… 若然男孩肯花點心思, 寫兩隻字 (但事前請練一下中文字…以免對方有嘔吐既感覺), 劃兩隻公仔, 細心觀察一下女友, 要令女友快樂, 其實不太難. 退休 J 的女友也曾說過, 若男友肯寫信給自己 (唔係電郵), 其實是份不錯的禮物… 以前一個女友喜愛 GUCCI, LV – 她大概也會承認自己是港女 (… 噢, 這是個網上禁語…), 她一年生日, 我特意買了一本壹本便利 – 不是為了阿嬌的偷怕相 – 而是為了裏面的 LV, GUCCI 袋相. 我從相片中把她的頭剪下, 然後拎左去鵝頸橋… 呀, 唔係… 係將個頭貼左係 A4 紙.

    之後畫左個身俾佢. 記住胸不能太大, 否則佢會發你圍, 話你影射佢個胸細 – 即使你不過係將事實反映 – 胸大呢d 野留返俾倉井空, 再者好多野唔輪到你講道理; 腰, 十九吋; 腿長, 四十二吋 – 畫既時候切記忘掉現實世界, 否則你好難過. 根住係壹本便利, 剪個 LV, GUCCI 落黎, 貼係條手度 – 用 BLUE-TAG, 唔好用膠水. 之後係隔離寫 : 真既買唔到, 唯有送多幾個假既. 入埋另外幾個紙 GUCCI, LV 落信封度, 俾佢換袋. 一本壹本便利唔夠, 咪買多兩期, 橫豎你都會睇入面d 咸相.

    感動嗎? 完成時我自己差點哭了出來. 我玩了很久, 才捨得送給女友. 這便是本科生的生活了… 唉… 大學生….

    我想, 要逗女友開心, 若然可以用錢解決, 便用錢解決 – 畢竟大家也同意, 可以用錢解決的問題, 不是問題…

    但當大家出來幹活, 連食飯屙屎也沒有時間, 還說什么心思? 早餐也還沒有食就要安排地方 二月十四 食晚飯, 還有對白, 搞 gag, 搞浪漫. 一切一切, 功用和滿足感, 是零. 心機度, 是一百.

    還有那些負心漢 (即所有男人), 即使那天想和女友分手, 然後趕在十二點先與新歡來個巫山之行, 但聽了馬鹿專家說 千萬不要在重要節日分手, 於是乎仍幻想能當個好男人. 閉起雙眼你最掛念誰, 眼晴張開身邊究是誰? 負心漢恨不得那廿四小時快點過, 讓錢不用再白花 (或花在更值得花的地方上), 情人節最好不要出現!

    畢竟, 就算經過史弟呼籲, 認為 “找對了愛人, 情人節每天都過” 的人, 少之有少. 當然, 若情人節如此, 有誰想每天也是情人節? 誰也不想找情人, 願與五姑娘渡日咧.

    結論係, 即使這個情人節你沒有愛人, 仍值得慶幸. 所以今年情人節, 仍然是單身既你, 不妨 send 個 sms 俾拍緊拖既人, 安慰下佢地. 越拍得耐, 甚至乎係結埋婚既, 越值得有一個長長的 sms.

    來吧, 齊來安慰那些狗公, 包括史弟.

    (4) 被 tag 了

    其實唔係咁鍾意玩呢樣野. 不過竟然有人誤會我成日埋怨愛人, 於是乎借情人節來反擊一下那些不盡不實的意見….

    名字 : 史
    對象 : 唐老鴨

    1.  因為你既產品越黎越難買, 所以美好.
    2.  因為你夠奸, 夠古惑, 所以美好.
    3.  因為你有分部係日本, 所以美好.
    4.  因為你愛我比我愛你多, 所以美好.
    5.  因為星期一至五也不用和你拍拖, 所以美好.
    6.  因為你不拘小節, 所以美好.
    7.  因為你不是港女, 所以美好.
    8.  因為我愛你, 所以美好.
    9.  因為你誠實, 所以美好.
    10.因為你比我矮, 所以美好.
    11.因為我比你高, 所以美好.
    12.因為你愛睡覺, 所以美好.
    13.因為我不相信愛一個人需要理由, 所以美好.
    14.因為任何理由也不是愛的理由, 所以美好.
    15.因為答了有愛的理由, 也就有不愛的理由, 所以美好.
    16.因為你懂說純正廣東話, 所以美好.
    17.因為你愛唐老鴨, 所以美好.
    18.因為情人節, 所以美好.
    19.因為無聊, 所以美好.
    20.因為所以, 所以美好.
    21.因為愛行聯合廣場 (不再是 MRT 咧), 所以美好.
    22.因為愛吃吃吃, 所以美好.
    23.因為我愛看咸片, 所以美好.
    24.因為技窮, 所以美好.
    25.因為大家都不愛結婚, 所以美好.
    26.因為天天都是情人節, 所以美好.

    27.因為美好, 所以美好.

  • 十二月二十六日

    扑醒日.

    昨晚從廣州回家, 倒頭便睡. 今天醒來, 已是一時多 – 這是放假比較早了, 沒有什么緊要事情要趕著要幹的話, 我通常三時才起床.

    在廣州走馬看燈, 無法知道很多細節. 然而, 我有兩個觀察 : 不論是心理上還是實際上, 香港今天在內地仍有一定的優越感. 一眾人下榻的酒店, 是十甫路假日酒店, 一晚 $400. 入房時以為自己看錯, 那房間有差多一千呎, 而浴室還有一塊透明玻璃面向大床… 樂此道者可以在國際級酒店嘗一下當眾出浴的滋味… 但樓下招待處的人員頗為不友善 (是對別的客人), 那一副咀臉. 我想在香港, 只有在 neway 卡拉 ok 才會受到此等禮貌式不友善對待.

    而當一眾人從酒店走到長壽路車站, 後方一對男女, 男的像豬, 女的像肥豬. 男的擁著女, 以起碼 150 分貝高聲但溫柔地說 :

    你有冇跟過香港佬? …. 無初吻, 無第一次唔緊要. 我唔會嫌棄….你唔養我邊個養我?…(下刪一百字)..你唔養我邊個養我?…(下刪一百字)..你唔養我邊個養我?…(下刪一百字)..你唔養我邊個養我?…(下刪一百字)...

    一行八人, 無不嘖嘖稱奇. 雄性畜牲公然在街上當小白臉, 不是重點, 而他問 “有冇跟過香港佬”, 以及他其後的表情言語, 顯示香港男性在內地仍有一定優勢…

    但不僅是心理上的. 我們從長壽路乘車到天河區的正佳廣場 – 一個有太古城 + 又一城大小的商場 – 旁邊有一個類似 MRT 消費站的地下 “潮賣” 商場. 對不起, 我找不到比 MRT 更容易讓大家明白的地方去形容它. 友人在 converse 專賣店買球衣, 是正貨 (應該是), 但付鈔時才發現 price tag 及計數的方法有古惑 – 特價的計算方法是先將優惠價 (即 price tag 價) 計回正價, 再打折. 而當專賣店也是這樣, 香港明碼實價 – 起碼大部份專門店也如此 – 仍可多玩三五年.

    專賣門門口刊登著招聘廣告, 一個店員月薪 1500 多 (人民幣), 店長 2200 多. 女友黑心說, 你看 : 你一個月人工可養活人家一年了. 只是距離三個小時的車程, 相隔一條深圳河 (雖然廣州好遠), 但我看, 在香港當售貨員, 月薪 $8000, 是人家的四五倍; 晚上吃宵夜, 一碗雲吞面, 人民幣5元; 汽水, 1 元. 香港的物價大概是四, 五倍. (記憶中廣州人均 GDP 是六萬多, 是香港的四分一). 按此推算, 廣州地鐵 (最貴 6 元) 算是貴; 一雙三百元的 converse, 是超貴. 即使港幣對人仔跌破一算, 在內地仍然好好使, 大家繼續搵盲炳吧…

    今天看新聞前播放的公民教育委員會廣告, 說中國是個多種族居住的地方, 而香港是最能表現這特點的地方, 再歌頌祖國一番 (大意如此). 放屁! 這根本就是混淆視聽 – 沒有南京條約, 香港會否仍達到今天的地位, 而沒有淪為其中一個中國城市? 據觀察, 除了沙面, 連在上下九路 (大概等同銅鑼灣) 也看不到太多的外國人.

    係廣州臨走, 還去了沙面 (即白天鵝賓館的所在地). 若想看一看澳門那些歐洲式的建築 (但去不了澳門?????), 那是值得一去的地方.

    _____________________________________________________

  • Merry X’Mas

    IMGP4217

    何不把悲哀感覺假設是來自我虛構?

  • 十一月廿五日

    這篇辛格, 是送給你的.

    但若然你看到這文章, 而又因這裏的文章而不快, 我會很不高興. 送給你, 但又不想你看到, 呵呵, 我真幽默.

    但人生根本充滿矛盾. 所以, 若你來到這裏, 不要在我面前表現得不快. 呵呵.

    我想說的, 當然不是以上這些.

    生日快樂.

    單說這一句, 很乏味. 你應該明白, 為何我要先鳩o翕一輪.

  • <籌旗去唱 k>

    攝於某大卡拉 ok 內…

    IMGP3537


    “獨自去偷歡, 我謝絕你監管…”

    主人真係好, 帶埋我去唱 k….

    *****************************************************************

    歡迎提議想阿大做乜野動作, 及去邊個地方.

    個人暫時有以下計劃 :

    1. 零七年一月一日前帶佢去酒吧食煙

    2. 同佢去深水步公廁昅佬

    **************************************************************************

    近日, 我發覺有人好鍾意係辛格留言, 叫人去某個會戶度留個生日快樂. 留言者會表明希望儲夠 xxxx 咁多個留言, 然後送俾朋友作禮物咁.

    好似當年 icq 熱潮個陣 (即係戶口號碼由八位跳到十位只係用左半年時間個段日子), 有人不斷 forward d msg 出黎, 叫人 “快d 將呢個 msg forward 俾廿個你認識既人, 唔係就永遠得唔到幸福!!!”

    (太陽報式社評) 叮你個叮叮~ 原來我既幸福就係當年俾人透支晒. 唔怪之得我而家咁失落咧…

    我又諗起當年係學校嘗試食腦, 睇下有乜野方法可以搵到真銀, 以增加自己既零用錢. 最後, 不知道是誰想出這樣的一條屎橋 – 我肯定佢並唔係屙屎既時候諗出黎, 皆因屙屎時候諗既橋應該正好多 – 每日向你認識的三十個同學借 $1, 於是乎你每日有 $30. 讀到中五, 自己個級識一百人應該不難 – 再者, 借 $1 咁少, 應該無人追你還. 於是乎真係好似可行咁.

    當年有好事者 (唔知退休 J 有冇份…) 真係試過將呢個計劃付諸實行. 但好似借到 $5, 當年大概夠買兩隻雞翼咁上下, 就發覺每問人借 $1 實在不划算, 淨係口水都唔止. 再者, 個個借 $1, 目標太明顯, 同學都知你籠野, 個名一臭, 人地就好快連 $1 都唔借. 即刻令我諗起 :

    出師未捷身先死, 長使英雄淚滿襟

    後來, 讀大學既時候真係有人將呢招改良, 仲搵到食添. 畢竟, 納稅人每年花幾十萬係大學生身上, 又關又loan 又盛, 大學生個個都珠光寶氣.

    咁呢個人板咁搵食? 佢首先問 A 借 $1000, 話要找咭數. 大佬, 咭數喎, 廿幾厘, 一陣又斬又殺又紅油, 呢d 咁既吸血鬼, 點可以俾錢佢賺? 拿拿臨借咧.

    好咧, 過左一個月, 阿 A 叫人板還錢. 人板就問 B 借 $1500, 或者問 B 同 C 借 $750. 原因, 又係咭數. 你唔以為借左 $1500 番黎, 會還 $1000 俾 A. 佢只係還 $500-$750, 淨返既佢會愛黎玩愛黎唱K.

    周而復此. 一個月先還錢俾人, 好有道理 – 不論係打工還是阿爸俾零用, 都一個月一次 – 於是乎, 唔需要好多朋友 (一個月搵兩個), 基本上呢個計劃, 用政府既口吻, 係可持續發展的. 一年半載, 真係過到活.

    呢個計劃要有持續性, 有兩個要點好重要. 第一, 必須從最唔熟既人開始, 亦需要從小錢碼開始. 第二, 笨七 ABCDEF..之間唔可以有太好既溝通渠道, 唔可以同時間俾所有街外人知道你拖住街數. 係中學呢招好難, 畢竟大家日日要返學日日見住. 但大學唔同 – 我試過一年未撞過一個同系而又日日有返學既同學 – 大家走堂唱 K食 TEA勁過衝 PAPER 係可以無性, 係可以無乜溝通. 幾舊水邊個會介意?

    於是乎, 該人板既最後受害者, 係借左差唔多成皮俾佢. 果真唔熟唔食.

    點解史弟會知? well… 套用阿美利堅諺語 :

    You can cheat some of the people all the time, you can cheat all of the people some of the time, but you cannot cheat all of the people all of the time.

    更重要既係, 史弟就係其中一個早期受害者. 後來同系既人講講下, 發現佢呢個類以 ponzi scheme 既計劃, 除左要追佢還錢既, 好多都同佢絕左交 – 皆因大家都忙於自己個個同類計劃.

    人板點? 呀, 你又吹佢唔脹. 佢當年以破紀錄既 GPA 俾法律學院趕左出系, 之後係文學院浮沉. 皆因個度D 人唔知佢籠野, 人板應該又係個度滾左一筆.

    認識人板, 真係獲益良多. 幸好我只係借左 $500 俾佢, 我就認識呢個人既真面目. 你話幾抵?

    如果你想我認識你既真面目, 不妨問我借五舊. 我會電匯冥通俾你, 等你也知道我真面目… 係一個鬼差….

    ******************************************************************

    又到大掀秘時間.

    人板係邊個? 佢係香港一個老牌 DJ 既仔. 不過呢D 人無乜新聞價值, 點會有娛記想追?

  • <畜牲日記>

    為左取悅我既女性讀者, 今日呢篇係講唐老鴨.

    女友係唐老鴨既忠實粉絲之一, 由中學開始已經沉迷呢隻畜牲. 咁耐我只係見佢過一次羡慕人地有既唐老鴨 – 香港的第一號粉絲, 即成日上報紙雜誌個位. 而我同佢行街幾年, 不出十件畜牲既精品係 (1) 佢冇 同理 (2) 佢好鍾意.

    愛屋及烏, 殃及池魚. 我自從搬左去中環, 屋企多左好多畜牲精品. 係度介紹下我最鍾意個幾樣 (後面 : 係你鍾意定你女朋友?)

    (1) 阿大.

    四呎半唐老鴨, 真人咁大, 取名阿大. 唔好問點解廿幾歲人仲要為死物改名.

    佢真係好大. 平時同我一齊訓, 我張雙人床有一半俾隻野訓左. 為左影相, 我特登將佢放係張大班椅, 等大家可以估計佢有幾大 :

    IMGP3377

    唐老鴨 : 嘩~ 主人隻松島楓好正!!!

    [十分鐘後]

    IMGP3379

    唐老鴨 : 嘩~呀~~ 射左出黎, 舒服晒 (留意佢隻左手).

     

     

     

    .. 一時忘形, 唔記得左呢篇野係為左取悅女性讀者… 除左阿大, 仲有阿中, 阿細, 阿細細. 女友無買阿中, 但有兩隻有手臂咁長到既阿細, 同埋一隻似老鼠多過似唐老鴨既阿細細. 基本上全部同阿大一樣樣…

    (2) 阿旭 : 手偶公仔, 太源街買. 鍾意佢係因為只係用左 $68 買, 係 gift land 要 $98. 顯示出我既至抵精明眼. 叫阿旭, 係因為佢識得 “旭”. 相張影得好核突, 成個 “木咀” 咁, 其實佢真人靚仔好多 :

    IMGP3386

    (3) 東京迪士尼畜牲食糧箱

    當日女友無踏出過美國大街, 我偷偷地去左附近, 用成舊水買左呢個盒. 好得意.

    個盒連餐買. 裏面唔知有乜狗屎, 同垃圾, 好難食. 但由於我十分肚餓, 無理咁多, 食晒.

    但買完又怕女友聰明得濟, 自己行過去買一個. 於是乎一個人坐係個 counter 成個鐘, 若女友走過黎都可以截住佢… 最後佢梗係沉迷係美國大街, 根本無諗過離開… 你唔好理… 呢個野真係好得意, 同好貴.

    IMGP3373

    (4) 刨冰杯.

    同 (3) 一齊買. 不過我淨係買左呢個杯, 無買埋d 刨冰. 皆因我食唔落.

    IMGP3381

    (5) …. 一直坐係 LCD 芒上面 (佢係第一張相出現過). 成日用射喱眼望住阿大自瀆….

    IMGP3382

    (6) 無獎問答遊戲 : 請數出下圖的唐老鴨數目.

    IMGP3383

    其實係床頭既唐老鴨閣, 當中有史弟既生日禮物.

    對, 係我既生日禮物.

    我頓時諗起送鬚刨俾阿媽做母親節禮物.

     

  • <無奈那天>

    “F, 已經三年了, 你還沒有放低他嗎? 你還沒有他媽的折磨自己夠嗎?”

    “對不起, S. 朋友, 就是朋友; 兄弟, 就是兄弟. 我對朋友和兄弟的定義, 素來分得清楚. 再者, 即使我忘記了他, 也不代表要接受你.”

    S 的舌頭像打了結, 說不出話來.

    S 明白, 人類最大的弱點, 就是喜歡聽一些明知是錯, 但與自己意見相近的說話. 有時, 人類還會做出許多行為來欺騙自己.

    例如, S 所收的一大班契妹, 說穿了不過是一堆同人地混熟左, 但又溝黎溝去都溝唔到既女生. 當中, S 最喜歡的就是 F. 最令他痛心的, 也是 F.

    S 欺騙自己說, 他只是同情, 而不是愛上 F. 當 F 提議 S 做她的契大佬時, S 是一口答應的. 其實, S 心裏已知道 F 的用意 – 我估你鍾意我, 但係契左你, 你唔好再諗住搞我.

    S 聰明得再多跳一步, 想 : 這起碼能有借口能和 F hanging out, 只要一天我沒有表示, 她一天也沒有機會拒絕. 這起碼還有機會.

    機關算盡. 到最後, 還是 S 自己爆響口.

    S 十分失落. 皆因那一句 “即使忘記了他, 也不代表要接受你.” 太令他傷心. 這等同男友和女友說我寧願要五姑娘也不要和你上床, 太過不近人情.

    啪的一聲, S 把電話掉到地上.

    S 和 F 此生再也沒有和對方說過半句話.

    若干年後, 電視正播著 王靜雯的 <無奈那天>

    “因始終得不到… 邊個話兄弟唔可以成為女友…” S 坐在病床上, 用微弱的聲音說.

    “你細細講咩話? 我聽唔到.” 本應是 S 契妹, 現在是 S 女友在病床邊說.

    無奈我那天一個轉身 不哭泣不乞討
    張望著寂寞長路 或會比當天更好
    無奈這天方知你最好 因始終得不到
    若日後又重遇 定對你更好

    以上故事根據真人真事改篇

    靈感啟發 : kagray – P (情人 n 兄弟) = 0