救命呀!!!!!!!!!!!!!!!!!!!!!!!!
竟然要交 60k 稅!
我以後唔敢鬧政府咧!!!!!!!!!
________________________________________________________________
<分手以後>
大學本科時, 我曾經很喜愛一個女孩. 可惜她是我永遠得不到的那一類型. 我最了很愚蠢的事 – 不只是今天, 我做既時候都覺得很愚蠢的事. 好一陣子, 我甚至乎咀咒她永遠得不到幸福.
到後來, 我認識了另一個女孩. 和她拍了好一陣子拖. 我很愛她. 可惜, 到後來她背著我有了別的男孩, 我也沒有想過追回她 – 愛的人得到幸福, 這是我想看到的.
幸福, 勉強不來. 拖, 一個人拍不了. 曾有個女性朋友說, 有一天她和男朋友睡完醒過來, 發覺自己不再喜歡他, 便分手了. 原因? 有什么原因好講呢, 愛根本不是理性的行為, 沒有邏輯的根據.
最愛還是 she_square 的那幾句 :
你們的過去, 只是成為了歷史;
你不用因為現在的他, 而質疑曾經發生過的事.
<地標>
呢個字係英國人既時代並唔出現係政務官的中華大字典裏. 今日我地講緊舊時起落既地標, 起既時候並唔係以 “地標” 作依歸. 新舊機場, 海旁的高樓大廈, 文化中心, 諸如此類, 都是實際用途大於任何建築上及外觀的價值.
地標, 當然係先皇董廢帝發明. 於是乎, 政府起乜都, 要成為地標 : IFC, 西九龍天幕, 中環灣仔填海區, 添馬艦政府總部等, 全部都係所謂 “世界級” 地標.
- 粵港澳大橋當然係地標, 仲要跨境個隻;
- 中環三百萬一個公廁又係地標;
- 西鐵唔少得佢個份;
- 遲 d 既遊輪碼頭係東九龍地標;
- 香港高增值行業既地標係數碼港.
乜撚都係地標. 哈, 可笑的是, 灣仔地道的風味八年全數內成為四五十層既高樓大廈. 香港要成為另一個六本木嗎? 不是的話, 以文化作背景的地標, 用來幹么?
究竟地標係乜? 董驃係乜史弟就知.
一個只有千多平方公里的豆府潤, 大概只能付得起一個地標 – 這個一看就知道是代表香港的建築物. 這建築物等於香港存在的價值, 最重要的精神. 缺少了這精神, 香港只會成為一個平凡的城市.
它是香港的成功之道.
這個地方, 應該係終審法院 :
(圖轉載自政府康文署)
_________________________________________________________________
<iPod>
呢個小小既東西正強而有力地改變世界. iPod 不單再是一部隨身 mp3, 未來的娛樂都會以佢作基本. 壹仔, AWSJ, Economist 隔三兩天都有 iPod 的報導, 怎到你不服?
<古惑天皇中招>
古惑天皇中招, 對一眾後生仔黎講, 認真大鑊. 對特區政府黎講, 仲大鑊.
_______________________________________________________________
<我們的娛樂事業>
九七之後, 一落千丈. 以前郭富城賣廿萬, 張學友亞太區賣三百萬 (吻別); 雙周一成農曆年成為必看的影片.
好些人說是翻版及 bt 令娛樂事業不滯. 肯定是有, 但影響沒有那么深遠 : 好些沒有翻版的地方, 香港歌手既唱片銷量一樣下跌; 無線既劇集一影有 bt 有水貨, 但邵爵士從來無話 bt 又盛; 這點我不敢肯定 – 外國歌手及電影的票房, 沒有像港產的跌得那厲害.
為什么呢? 我說, 這些都是業界想向政府抓著數的借口. 他們成功了 – 看昨天的 post.
我不想信娛樂事業是夕陽工業 : 每年也有人投放資源在新人身上及拍電影. 娛樂事業的生存模式已經改變, 而明顯地, 藝人已不能單靠賣唱片或拍戲賺錢. 魔介三部曲最抓錢的是邊際產品及遊戲, 還有贊助. 外國卡通片電影長拍長有, 原因無非是相關產品利錢豐厚.
唱片公司有幾多靠賣碟生存? 看看卡拉ok, 商場登台, 廣告代言人. 全是額外收入. 對於英皇集團來說, 以旗下藝人於集團書刊出現賣免費廣告, 也是收入來源的一種. 又有藝人話自己識字, 學人出書 – 好些外國明星也興這回事. 好些名星也會賣內容給手機服務商, 但需求是不大的.
不錯, 唱片收入是少了. 但不代總收入少了 – 就正如銀行利息收入在亞金之後低了, 但非利息收入高了, 補償了前者的損失. so what? 這些額外收入, 不受翻版 bt 影響.
<京味居>
很喜愛那裏的拔絲香蕉. 完全是細路個陣無得食既情意結. 今晚七時多吃完面, 九時工作完畢有點肚餓, 一個人吃了一碟拔絲香蕉.
感覺良好.
呀~~~ 我唔要學聶海勝講野呀~~~
____________________________________________________________________
<施政報告>
儘管無乜寄望, 但意外 “驚” “喜” 還總是有. “喜” 如下 :
- 那個無需有工做都可以黎香港居住既入境計劃, 超正. 雖然遲左人地三五年, 遲好過無;
- 人民幣業務, 聊勝於無;
- 屍爬三, 同上;
- 擴大個人遊, 再同上;
“驚” 方面 :
- 一份報告竟然可以一邊講 “小政府”, 另一邊 “諗下最低工資”;
- 用中環甲級寫字樓地皮作為無乜生產力既政府總部;
- 電影發展會. 搵成龍當主席吧;
- 除左為律師製造就業機會, 我諗唔到公平競爭法有乜所謂好處.
<週末狂熱>
去左九龍站附近既 <西九龍海濱長廊>. well… 除非你有地圖係手或者曾經車經過, 否則, 你大概只能像個白痴般在高樓大廈及地盤林立既地方遊蕩… 最後學史弟咁花左四個字先搵到入口, 然後再行美國德州公路咁長 (即係見到地平線個隻) 既雙程路, 終於搵到呢條走廊. 如果你有九呎高, 可以睇到直升機場個個風車既話, 跟住佢行拉…
入面有乜? well…乜都冇. 有條大約五百咪長, 用木地板鋪出黎既長廊. 無乜娛樂設施, 無小食部, 有廁所. 儘管如此, 還是有不少人好似史弟咁山長水遠走入去影相. 值得留意係那些十多呎高, 白色膠柱, 裏面有風鈴, 海風吹來, 發出陣陣哀號聲… 唔係, 風鈴d 聲幾好聽. 不過千祈唔好夜晚去… 此乃死牛熱點.
見到 “迷之建築物” – 每次搭船過海或者搭東涌線, 都會見到九龍站附近有一坐矮矮的建築物, 主色是灰色, 突出的地方油上了黃色, 建築物的外形像老鼠. 成日有人問史弟個座係乜. 春知咩. 個日近距離觀看及拍照 - 此建築物在長廊入口旁, 史弟仍未掌握這究竟是什么. 是發電廠? 研究室 (即 bio-hazard 那一種, 然後史弟拿住豆鎗入去探險)? 還是街市?
另外在長廊裏面, 又見到 “迷之建築物 (II)”, 兩層高的藍色建築物. 似和上段的建築物是同一系的. 莫非…? 真係好似 bio-hazard.
<狂推>
兩個女孩 xanga 的連結. 有些感覺很難用文字去解釋, 你自己去瀏覽好了. 暫時文章不大多, 可以欣賞一下人家的心意.
http://www.xanga.com/she_square
最愛這兩句 (來自游牧人) :
你們的過去，只是成為了歷史。
你不用因為現在的他，而去質疑曾經發生過的事。
